Lajmet

​Punëtorët e sigurimit fizik dhe teknik kërkojnë pagesën shtesë prej 10% të pagës bazë

Ata protestuan para Administratës Qendrore të Qendrës Klinike Universitare të Kosovës.

Published

3 years ago

on

Punëtorët e sigurimit fizik dhe teknik, të cilët kryejnë shërbime në institucionet shëndetësore publike në nivel vendi, kanë protestuar para drejtorive të spitaleve, QMF, dhe Ambulancave ku ata kryejnë shërbime, në shenjë pakënaqësie për mos përfshirjen e tyre në vendimin qeveritar për pagesë shtesë prej 10% të pagës bazë.

Të njëjtit punëtorë protestuan para Administratës Qendrore të Qendrës Klinike Universitare të Kosovës, ku i pranishëm ishte edhe kryetari i Sindikatës së Punëtorëve të Sektorit Privat të Kosovës, Jusuf Azemi.

Azemi deklaroi se qeveria nuk ka tjetër alternativë përpos të paguajë edhe këta punëtorë me pagesë shtesë. Ai paralajmëroi se do të radikalizojnë masat e protestës në rast se nuk merren parasysh kërkesat e tyre.

Ai shtoi se punëtorët e sigurimit fizik dhe teknik janë pjesë e stafit mbështetës edhe me ligj.

“Kjo qeveri, jo për hir tonin, por për hir të ligjit nuk ka qare pa i paguar këta punëtorë sepse përndryshe për një kohë shumë të shkurtër do të shohim masat dhe do t’i radikalizojmë. Këto janë disa vendime që Gjykata Themelore e Prishtinës ka nisur procedura, dhe sipas fjalëve që ata thonë, kjo është një çështje e kryer, pasi që ne kemi arritur që edhe ne Qeverinë e Kosovës ta marrim një dokument i cili definitivisht thotë punëtorët mbështetës janë punëtorët e sigurimit dhe punëtorët teknik, andaj ne jemi komod faktikisht na kanë nxjerrë të dalim në këto temperature të mëdha por megjithatë ne do ta respektojmë vijën hierarkinë, do të protestojmë do të tërheqim vërejtjen dh enë ditët në vijim do të shohim si po shkojnë çështja”, tha ai.

Azemi tha se në vend se Kurti të dalë në aeroport dhe të presë mërgimtarët, është më mirë të vizitojë punëtorët e sigurimit fizik dhe teknik.

“Andaj ju lutem z. kryeministër ne kemi nevojë që këta punëtorë të vizitohen të shihen se si i kanë çështjet, respekt çdo mërgimtarëve që vijnë por ata vijnë me xhepat plotë dhe ardhshin gjithherë shëndet dhe i pritshin mirë shtëpitë e tyre por megjithatë ne jemi të rrasur në kredi deri në fyt dhe nuk mund të qëndrojmë, më e arsyeshme është që ai të vijë të bisedojë me këta se sa me ata”, shtoi ai.

Ndërkaq nënkryetari i Sindikatës së punëtorëve shëndetësorë të QKUK-së, Enlirat Duraku, tha se puna e këtij stafi është thelbësore për Qendrën Klinike Universitare.

“Para se të hyjë infermieri apo mjeku në dhomë të pacientit fillimisht hyjnë këta pa e anashkaluar punën e sigurimit fizik të cilët janë në kontakt të vazhdueshëm sidomos në hyrje dhe dalje të klinikave ku sidomos edhe tani është frekuentimi më i madh me pacientë të infektuar me COVID-19”, tha ai.

Protesta ka përfunduar e qetë ndërsa u tha se do të mbetet për t’u reagimi qeveritar për të kuptuar se cilat do të jenë hapa e ardhshëm që do të ndjekin. 

Related Topics:
Continue Reading

Lajmet

Gatishmëria për emergjenca, AME hap javën e aktiviteteve

Published

2 minutes ago

on

April 22, 2025

By

Agjencia e Menaxhimit Emergjent ka hapur javën e aktiviteteve, ku janë ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore nga toka.

Drejtori i AME-së, Genc Metaj tha se misioni i tyre është udhëheqja dhe koordinimi i përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.

“Qëllimi ynë është që të ndikojmë në vetëdijesim dhe ndërgjegjësim, që të jemi afër qytetarëve, të promovojmë rolin dhe rëndësinë e agjencisë, të njësive profesioanle të zjarrfikjes dhe shpëtimit, strukturave të mbrojtjes, shpëtimit dhe ndihmës, si dhe masat që duhet të ndërmerren në rast të fatkeqësive, e veçanërisht të fokusohemi në parandalimin e tyre”, deklaroi ai.

Continue Reading

Lajmet

KDI: Kosova ka bërë përparim të moderuar në zbatimin e obligimeve të Procesit të Berlinit

Published

6 minutes ago

on

April 22, 2025

By

Kosova ka bërë përparim të moderuar në zbatimin e Planit të Veprimit për Tregun e Përbashkët Rajonal të Procesit të Berlinit.

Kështu thuhet në raportin e Institutit Demokratik të Kosovës (KDI), i cili u publikua të martën.

Hulumtuesja në KDI, Violeta Haxholli, tha se fokusi i raportit është në fushën e digjitalizimit dhe agjendës së gjelbër.

Sipas saj, në kuadër të agjendës së reformave evropiane, Kosova ka bërë përparim në zhvillimin e rrjetit 5G si pjesë e agjendës digjitale 2030, mirëpo shtoi se duhet angazhim më i madh në kuadër të agjendës së gjelbër.

Si mangësi ajo përmendi mungesën e aftësive digjitale, sidomos në sektorin e arsimit.

Në anën tjetër, ajo tha se Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind.

“Te pjesa e digjitalizimit mund të them se ka pasur progres në përmirësimin e infrastrukturës dhe konektivitetit. Kosova ka arritur një shtrirje të internetit 100 për qind që e tejkalon edhe mesataren e BE-së. Ky është zhvillimi më pozitiv nga pjesa e digjitalizimit, ndërkaq pjesa e siç kemi marrë obligime dhe që kërkohet nga BE-ja që Kosova  të bëjë përpjekje për të zbatuar edhe teknologjinë 5G që është duke zhvilluar por duhet edhe tutje. Hap tjetër pozitiv është miratimi i Strategjisë së Agjendës Digjitale i cili ngërthen shumë aspekte të zhvillimit digjital dhe objektivave që Kosova ia ka vendosur vetës për të arritur tutje në avancim drejt zhvillimit digjital të vendit… Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind. Ka miratuar edhe ligje që duhet të vijnë në Kuvend dhe të miratohen sa më parë, po ashtu janë edhe marrëveshje që duhet të ratifikohen në Kuvend”, tha ajo.

Continue Reading

Lajmet

Rikthehet në operim njësia A-4, e Termocentralit “Kosova A”

Published

2 hours ago

on

April 22, 2025

By

Korporata Energjetike e Kosovës (KEK) ka paralajmëruar se pas një pune intensive dhe të pandërprerë nga ekipet përkatëse të “TC Kosova A”, njësia A-4 është rikthyer sërish në operim të rregullt.

“Kjo njësi kishte dalë nga prodhimi më 14.04.2025, rreth orës 08:11, për shkak të paraqitjes së një rrjedhjeje në kaldajë. Gjatë ndërprerjes, janë eliminuar me sukses të gjitha mangësitë teknike, përfshirë edhe ato në kullën ftohëse dhe në pjesë të tjera të pajisjeve teknologjike të domosdoshme për rritjen e sigurisë së operimit të kësaj njësie’’, thuhet në njoftimin e lëshuar nga KEK.

Sipas KEK-ut njësia A-4 kishte operuar pandërprerë për 68 ditë rresht, duke dëshmuar stabilitet të lartë dhe efikasitet në prodhim.

“Sipas planifikimit,  përgatitjet për startimin e njësisë kanë filluar mbrëmë me dt: 21.04.2025 rreth orës 18:55, ndërsa sinkronizimi me rrjetin është realizuar në orë 23:30. Aktualisht, njësia ndodhet në gjendje stabile dhe funksionon në parametra të rregullt operimi. KEK, përmes angazhimit dhe përkushtimit të vazhdueshëm, po dëshmon se mbetet një faktor kyç i stabilitetit të sektorit energjetik në vend”, përfundon njoftimi.

Continue Reading

Lajmet

Vdes në QKUK personi që ishte aksidentuar një javë më parë

Published

3 hours ago

on

April 22, 2025

By

Një person ka vdekur në Qendrën Klinike Universitare të Kosovës (QKUK), ku po trajtohej pasi ishte aksidentuar më 13 prill.

Në raportin 24 orësh të Policisë, thuhet se trupi i pajetë i viktimës u është liruar familjarëve, raporton “Betimi për Drejtësi“.

“Prishtinë / 13.04.2025 – 13:55. Lidhur me rastin, raportohet se më 21.04.2025 në QKUK, ka ndërruar jetë viktima mashkull kosovar që ishte duke u trajtuar pasi ishte aksidentuar më 13.04.2025. Me vendim të prokurorit, trupi i pajetë u është liruar familjarëve, ndërsa rasti shkon në procedurë të rregullt”, thuhet në njoftim.

Continue Reading

Të kërkuara