Kronikë e zezë

​Prokuroria tregon çka u sekuestrua gjatë aksionit “Brezovica 3” ku u arrestuan dy persona

Prokuroria Themelore në Ferizaj po kërkon masën e paraburgimit ndaj dy të dyshuarve.

Published

4 years ago

on

Dokumente, parcela, para të gatshme, armë, fishekë, telefona janë disa nga ato çka u gjetën gjatë bastisjes në aksionin “Brezovica 3” që ndodhi të mërkurën në shtatë lokacione në Shtërpcë e ku u arrestua një doganier dhe meanxheri i një qendre skijimi në Brezovicë.

Për dy të arrestuarit që po dyshohen për kryerjen e veprës “marrje ryshfeti”, Prokuroria Themelore në Ferizaj po kërkon masën e paraburgimit.

“Prokuroria Themelore në Ferizaj, Departamenti i Krimeve të Rënda, ka kërkuar nga Gjykata Themelore në Ferizaj caktimin e masës së paraburgimit në kohëzgjatje prej 30 ditësh ndaj të pandehurve N.G., dhe S.I., të cilët me vendim të Prokurorit të Shtetit gjendet nën masën e ndalimit 48 orësh. Sipas kërkesës së Prokurorisë, ekziston dyshimi i bazuar se i pandehuri N.G., – zyrtar doganor, prej vitit 2014, në Shtërpcë, ka ndihmuar personin zyrtar në kryerjen e veprës penale ‘Marrja e ryshfetit’, me këtë do të kryente veprën penale ‘Marrja e ryshfetit’ në ndihmë nga neni 428 par. 2 lidhur me nenin 33 të KPRK-së. Edhe për të pandehurin S.I., ish zyrtar i komunës Shtërpcë, tani menaxher në Qendrën e Skijimit në Brezovicë, ekziston dyshimi i bazuar se nga viti 2010, në Shtërpcë, ka ndihmuar personin zyrtar në kryerjen e veprës penale Marrja e ryshfetit, me këtë do të kryente veprën penale ‘Marrja e ryshfetit’ në ndihmë nga neni 428 par. 2 lidhur me nenin 33 të KPRK-së”, thuhet në komunikatën e prokurorisë.

Po ashtu, gjatë zbatimit të urdhëresës së Gjyqtarit të procedurës paraprake, për kontrollin e shtëpisë dhe objekteve përcjellëse, të dyshuarit N.G., i janë sekuestruar përkohësisht gjësendet si në vijim:

– Dokumente të tatimit në pronë,

– Dokumente të MMPH-së,

– Dokumente me plane,

– Kontratë e datës 08.10.17 (dy fletë),

– Lista me numra të parcelave,

– Telefon “Samsung S7”,

– Telefon Poco X3,

– Para të gatshme në vlerë prej 29,600 Euro,

– Para të gatshme 705,00 USD,

– Para të gatshme 170,00 CHF,

– Para të gatshme 60,00 Pound,

– Pushkë gjuetie automatike me nr. 50274,

– Thika të ndryshme (13 copë),

– Dorëz e revoles (1 copë),

– Fishek të gjuetisë 12 mm (8 copë)

– Karikator të zbrazët të armës Glock 19 (3 copë)

– Jakne të Policisë së Kosovës (2 copë),

– Jakne e Policisë polake (1 copë) dhe

– Pranga të Policisë (1 palë).

Ndërsa, tek i dyshuari S.I., gjatë kontrollit të shtëpisë së tij janë gjetur dhe sekuestruar këto dëshmi:

– Një armë-pistoletë “Cervena Zastava 9 mm”,

– Një armë-pistoletë “Mauser 785” me karikator,

– Një (1) jelek anti-plumb,

– Një (1) thikë ushtarake,

– Dy (2) karikator të pistoletës me katërmbëdhjetë (14) fishek,

– Një (1) gaz maskë,

– Pesëmbëdhjetë (15) fishek të pushkës së gjuetisë 16 mm,

– Dy (2) fishek të armës së gjatë,

– Dy (2) fishek të armës AK 47, 7.62 mm,

– Tre (3) fishek të ndryshëm të pistoletës,

– Dy (2) fishek të pistoletës E43,

– Katër mijë e gjashtëqind e shtatëdhjetë (4670) euro,

– Dy (2) radiolidhje Sëiter,

– Tre (3) karikator të pistoletës- 21 fishek 9 mm,

– Një (1) palë dylbi “Tento X50”,

– Njëzet e tre (23) fishek të kalibrit të ndryshme,

– Një (1) pushkë gjuetie me dy tyta,

– Një (1) shufër metalike,

– Radiolidhje Motorolla,

– Një (1) telefon “Iphone 11” dhe

– Një (1) telefon “Huawei”. 

Related Topics:
Continue Reading

Kronikë e zezë

Pesë raste të dhunës në familje në raportin 24 orësh të Policisë

Published

5 days ago

on

January 5, 2026

By

Pesë raste të dhunës në familje janë raportuar në raportin 24 orësh të Policisë së Kosovës.

Në Prishtinë një burrë e ka sulmuar fizikisht vëllain e tij. I dyshuari gjendet në arrati.

“Raportohet se pas një mosmarrëveshje ankuesi m/k është sulmuar fizikisht nga vëllai i tij i dyshuari mashkull kosovar. Viktima nuk ka pranuar tretman mjekësor, ndërsa i dyshuari gjendet në arrati.”

Ndërsa, në Deçan një grua është sulmuar nga bashkëshorti i saj. Ai është arrestuar dhe pas intervistimit është dërguar në mbajtje.

“Raportohet se pas një mosmarrëveshje viktima f/k, është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.”

Një burrë tjetër në Malishevë dyshohet se ka ushtruar dhunë fizike dhe psikike ndaj gruas së tij. Ai është dërguar në mbajtje.

“Raportohet  se pas një mosmarrëveshje verbale, bashkëshorti i saj i dyshuari m/k ka ushtruar dhunë fizike dhe psikike ndaj viktimës femër me nënshtetësi të huaj. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje.”

Në Malishevë, një person me probleme mendore ka thyer dhe demoluar gjësende në shtëpi. Ai është ndaluar për 48 orë.

“Raportohet se i dyshuari mashkull kosovar me probleme mentale ka thyer dhe demoluar gjësende të ndryshme në shtëpi. I dyshuari është arrestuar dhe me vendim të prokurorit është dërguar për tretman mjekësor nën masën e ndalimit prej 48 orësh.”

Një grua në Rahovec ka raportuar se është kanosur nga ish bashkëshorti i saj.

“Raportohet se ish bashkëshorti i ankueses f/k ,i dyshuari mashkull kosovar (m/k) e kishte kanosur përmes rrjeteve sociale. Rasti nën hetime.”

Continue Reading

Lajmet

Njëzet shtete me burgjet më të stërmbushura

Published

6 days ago

on

January 3, 2026

By

Statistikat janë gjithnjë interesante. I pëlqejnë publikut, i cili mëson prej tyre gjëra interesante, të cilat mund të mos i ketë ditur, apo nuk ka pasur interes të shtuar për to.

Një nga statistikat interesante ka të bëjë me numrin e personave të burgosur në shtete të ndryshme. Dhe habitesh nga shifrat milionëshe, qindar e dhjetëra mijëshe.

Le t’i shohim në vazhdim 20 shtetet që kanë më së shumti persona të burgosur:

  1. SHBA – 1.808.100
  2. Kina – 1.690.000
  3. Brazili – 850.577
  4. India – 573.220
  5. Rusia – 433.006
  6. Turqia – 362.422
  7. Tajlanda – 274.277
  8. Indonezia – 273.541
  9. Meksiko – 233.687
  10. Irani – 189.000
  11. Afrika e Jugut – 157.054
  12. Egjipti – 120.000
  13. Argjentina – 117.680
  14. El Salvadori – 109.579
  15. Pakistani – 87.712
  16. Bangladesh – 74.851
  17. Nigeria – 84.767
  18. Franca – 78.509
  19. Polonia – 70.927
  20. Arabia Saudite – 68.056

Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

2 weeks ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

3 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Të kërkuara