Lajmet

​Policia ultimatum Qeverisë: Të dalin shtesat në pagën e majit ose protesta të përditshme

Kërkohet nga ekzekutivi realizimi i shtesave të rrezikshmërisë për të gjithë zyrtarët policorë, pa përjashtim.

Publikuar

Sindikatës së Policisë së Kosovës i ka humbur durimi. Ajo po e paralajmëron Qeverinë e Kosovës për protesta të përditshme deri në realizimin e kërkesave të tyre për ekzekutimin e shtesave të rrezikshmërisë.

Sindikata e Policisë po kërkon vazhdimisht nga ekzekutivi realizimin e shtesave të rrezikshmërisë për të gjithë zyrtarët policorë, pa përjashtim.

Kërkesat e tyre duket të kenë hasur në vesh të shurdhër, pasi që nga muaji shkurt zyrtarët policorë nuk i morën shtesat për rrezikshmëri që u takojnë me Ligjin e pagave që aktualisht është në Kushtetuese.

Përkitazi me këtë, sindikata sërish me ultimatum, paralajmëron protesta nëse edhe në muajin muaj qeveria nuk e realizon premtimin për ekzekutimin e pagesës së rrezikshmërisë për të gjithë zyrtarët policorë.

Kryetari i Sindikatës së Policisë së Kosovës, Imer Zeqiri deklaron se është mundësia e fundit që qeveria të reagojë në lidhje me shtesën e rrezikshmërisë si e drejtë elementare dhe e merituar. Nëse nuk realizohen edhe këtë muaj këto shtesa, Zeqiri thekson se protestat nuk do të jenë njëditore, por të përditshme, deri në realizimin e kërkesave të tyre.

Nga mosplotësimi i kushteve për Policinë e Kosovës, Zeqiri thotë se numër i madh i pjesëtarëve kanë filluar të japin dorëheqje, me ç’rast thotë se ky fenomen duhet të jetë alarm për Qeverinë e Kosovës.

“Në rast se edhe këtë muaj nuk do të ndodhë ekzekutimi i shtesave për rrezikshmëri dhe shtesave të tjera për pjesën e stafit civil, atëherë si sindikatë do të veprojmë sipas kërkesave të pjesëtarëve të Policisë së Kosovës, çfarëdo që kërkojnë ata e që ne do ta vlerësojmë se është rrugë ligjore do të veprojmë, qoftë edhe protestë nëse kërkojnë do të bëjmë… Nëse vërtetë nuk marrim përgjigje prej tyre dhe nëse vërtetë vazhdohet kështu me këto kushte në Policinë e Kosovës, mund të themi se është lutja fundit (për Qeverinë që të veprojë)… Dhe në rast se detyrohemi të organizojmë protestë, nuk do të jetë njëditore, por do të vazhdojë deri në realizimin e të gjitha kërkesave që i kemi adresuar si sindikatë. Andaj, kërkoj nga qeveria që të mos na detyrojë që të veprojmë me veprime sindikale, qoftë edhe me protestë, përndryshe veprimet sindikale nuk do të ndalen… Nëse detyrohemi të organizojmë protestë, protesta do të vazhdojë çdo ditë deri në realizimin e kërkesave”, thotë Zeqiri.

Ai shprehet se nuk është dëshirë e sindikatës dhe e policisë që të ndërmarrë veprime sindikale, porse janë te detyruar nëse edhe këtë herë qeveria nuk vepron. Zeqiri thotë se dukuri shqetësuese është dorëheqja vullnetare e pjesëtarëve të Policisë së Kosovës, nga kushtet jo të mira për të ushtruar detyrën.

“Është shqetësuese dukuria tjetër që nga shprehjet e pakënaqësive rreth këtyre kushteve që po na mungojnë në Policinë e Kosovës. Në mënyrë individuale pjesëtarët e Policisë së Kosovës kanë filluar të japin dorëheqje vullnetare nga policia, e që për neve kjo është shumë e dhimbshme, sepse po humbim pjesëtar profesionist që kanë kryer punë vite të tëra në Policinë e Kosovës dhe gjithë atë profesionalizëm e kanë arritur me shpenzime të buxhetit të shtetit të Kosovës, e sot të detyrohen për shkak të kushteve të japin dorëheqje. Ne si institucion i sigurisë do të dëmtohemi shumë. Andaj, ky duhet të jetë një alarm për Qeverinë e Kosovës që ta ruajnë institucionin e sigurisë së Kosovës. Kjo bëhet që t’i plotësojmë kushtet dhe të përmirësojmë mirëqenien në Policinë e Kosovës, ndryshe neve po shkatërrohemi gradualisht”, thotë Zeqiri.

Zeqiri konsideron se mosekzekutimi i shtesave të rrezikshmërisë për tre muaj, ka krijuar një mosbesim të madh tek pjesëtarët e Policisë së Kosovës.

“Jo vetëm ne si sindikatë, por zhgënjimi është shumë i madh te të gjithë pjesëtarët e Policisë së Kosovës. Kjo ka ndodhur me fillimin e implementimit me Ligjin e ri te pagave, që nga muaji shkurt, shtesa e rrezikshmërisë në Policinë e Kosovës nuk është ekzekutuar. Në secilin muaj, edhe në këtë kanë premtuar me disa komunikata mediatike, ministria se kjo do të bëhet në muajt në vijim, pa e përcaktuar se në cilin muaj do të bëhet ekzekutimi i shtesave të rrezikshmërisë. Dhe kjo zvarritje, apo kalimi i tre muajve pa ekzekutimin e shtesës së rrezikshmërisë ka krijuar një mosbesim të madh tek pjesëtarët e Policisë së Kosovës, se do të bëhet apo jo”, thekson Zeqiri.

Mes tjerash, Zeqiri rendit edhe kërkesat tjera të tyre drejtuar qeverisë, e njëra ndër to është sigurimi shëndetësor. Ai thekson se deri më tani janë 22 zyrtarë policorë që kanë humbur jetën gjatë kryerjes së detyrës zyrtare.

“Që nga themelimi i Policisë së Kosovës deri më tani kemi 22 zyrtarë policorë që kanë humbur jetën në kryerjen e detyrës zyrtare, kemi qindra të tjerë të lënduar e që kanë mbetur me aftësi të përhershme të kufizuar me invaliditet. Po ashtu kemi me qindra të tjerë që kanë fituar sëmundje, këto janë mjaftueshëm statistika për të vlerësuar se duhet paguar ose jo shtesat e rrezikshmërisë. Dhe kjo mospagesa e shtesave të rrezikshmërisë krahasuar me pagat, që paga bazë ka pas një rritje me ligjin e ri, do të thotë kemi jo një rritje të pagës të një numër i madh, kemi të disa zbritje te pagës. Ne vazhdimisht jemi deklaruar dhe kemi bërë kërkesa drejtuar qeverisë edhe për sigurimin shëndetësor të cilin nuk e kemi, nuk kemi ligj të pensionimit, nuk na paguhet shujta, mungesë e infrastrukturës dhe e mjeteve logjistike, duke filluar nga uniforma e të tjerat dhe të gjitha këto janë grumbulluar dhe tanimë policia ka arritur në atë nivelin e demotivimit për punë, sepse po ndihet e diskriminuar dhe e nënçmuar me këtë që po ndodhë”, thotë mes tjerash Zeqiri.

Kreu i kësaj sindikate, Zeqiri thotë po ashtu se ka kohë që nuk kanë marrë përgjigje nga Qeveria për kërkesat e Policisë së Kosovës. I njëjti ka shprehur gatishmëri të takohet me zyrtarë të Qeverisë apo me kryeministrin e vendit, Albin Kurti, që të diskutojnë për plotësimin e kërkesave të tyre.

Në fund të muajit mars, Ministria e Financave dhe Ministria e Punëve të Brendshme kanë dalë me një komunikatë të përbashkët.

Dy ministritë kanë thënë se të gjithë zyrtarët publikë diferencën do ta marrin në mënyrë retroaktive për të gjithë muajt që nga hyrja në fuqi e Ligjit për paga në sektorin publik. 

Kulturë, Lifestyle

Spanja fillon mbylljen e fondacionit të simpatizantëve të Francos

Publikuar

nga

Ministri i Kulturës, Ernest Urtasun njoftoi se Qeveria e Spanjës ka filluar mbylljen e fondacionit Francisco Franco, një organizatë jofitimprurëse e krijuar nga simpatizantët e diktatorit të ndjerë.

Ligji i “kujtesës demokratike” i miratuar në vitin 2022 nga qeveria socialiste e Spanjës ndalon çdo organizatë, e cila regjimin e Frankos 1939-1975.

Ministria e Kulturës njoftoi se gjykata do ta marrë vendimin përfundimtar për mbylljen e Fondacionit Kombëtar të Franciso Francos.

Ligji synon të bëjë dëmshpërblime për viktimat e diktaturës dhe të luftës civile trevjeçare që i parapriu, në të cilën vdiqën më shumë se gjysmë milioni njerëz.

Historianët vlerësojnë se rreth 150 mijë e njerëz u vranë nga qeveria e Francos, ndërsa 450 mijë të tjerë u detyruan të largoheshin nga vendi./UBTNews/

Vazhdo të lexosh

Lajmet

Japonia sanksionon disa kompani kineze

Publikuar

nga

Japonia ka vendosur kufizime tregtare kundër firmave në Kinë, Indi, Kazakistan dhe Uzbekistan për mbështetjen e tyre të supozuar për luftën e Rusisë kundër Ukrainës.

Këto janë saksionet e para të cilat u vendosën nga Ministria e Punëve të Jashtme të Japonisë për kompanitë kineze, të cilat dyshohet se kanë lidhje me luftën.

Sipas këtyre sanksioneve, kompanive japoneze u ndalohet të eksportojnë mallra nga firmat e sanksionuara, sikurse Asia Pacific Links Ltd me bazë në Hong Kong dhe Yilufa Electronics Limited, me bazë në Shenzhen.

Sanksionet erdhën në periudhën kur Japonia dhe Koreja e Jugut sanksionuan muajin e kaluar kompani dhe individë të akuzuar për furnizimin e Rusisë me armë për përdorim në Ukrainë./UBTNews/

Vazhdo të lexosh

Lajmet

Spanja do të eliminojë taksën për vajin e ullirit për të lehtësuar rritjen e çmimeve

Publikuar

nga

Qeveria e kryeministrit socialist, Pedro Sanchez nga muaji korrik do të përfshijë “përgjithmonë” vajin e ullirit në listën e “nevojave bazë” të cilat janë të përjashtuara nga taksa, njoftoi Ministria e Financave përmes një deklarate.

Ky është “lajm i mrekullueshëm për të gjithë spanjollët”, tha zëdhënësja e qeverisë, Pilar Alegria, gjatë një interviste për stacionin televiziv privat Antena 3.

Kjo masë, e cila do të miratohet gjatë një takimi të kabinetit i cili pritet të mbahet javën e ardhshme, do të “lehtësojë barrën mbi portofolin e spanjollëve” si dhe të mbështesë sektorin e ullirit dhe të stimulojë konsumin e një produkti që është kaq i rëndësishëm.

Supermarketet kanë raportuar rritje të vjedhjeve të shisheve të vajit të ullirit pasi çmimi i tyre është rritur, duke shtyer disa shitës me pakicë t’i vendosin ato me etiketa sigurie që zakonisht shihen në artikuj të kushtueshëm si alkooli, ndërsa shitjet e alternativave më të lira si vaji i farave të lulediellit janë rritur./UBTNews/

Vazhdo të lexosh

Lajmet

Zbulohet anija 3300-vjeçare në brigjet izraelite

Publikuar

nga

Një kompani gazi natyror në brigjet veriore të Izraelit zbuloi papritur një anije të vjetër 3,300-vjeçare dhe ngarkesën e saj, një nga shembujt më të hershëm të një anijeje që lundron larg nga toka.

Anija, që daton në Epokën e Vonë të Bronzit, u gjet larg bregut, duke treguar se aftësitë e navigimit të marinarëve të lashtë ishin shumë më të avancuara se sa besohej më parë. Kjo sugjeron se ata mund të udhëtonin pa pasur pamje nga toka.

Anija u zbulua në një thellësi prej 1,800 metrash nga kompania Energean, e cila operon fusha të gazit natyror në ujërat territoriale të Izraelit. Anija 12 deri në 14 metra e gjatë ishte e varrosur nën fundin me baltë, e mbuluar me qindra qypa mijëvjeçarë.

Energean bashkëpunoi me Autoritetin Antik të Izraelit (IAA) për të nxjerrë dy qypa për hulumtim. IAA i identifikoi qypat si Kanaanite, një grup njerëzish që dikur jetonin përgjatë bregut lindor të Mesdheut.

Vazhdo të lexosh

Të kërkuara