Kronikë e zezë

Policia e Kosovës arrestoi një të dyshuar për kontrabandim me medikamente

Prokurori ka urdhëruar që personi i dyshuar të ndalohet për 48 orë.

Published

3 years ago

September 6, 2022

Betim Gashi

Policia e Kosovës ka njoftuar se me qëllim të parandalimit dhe luftimit të veprave të kundërligjshme dhe kontrabandës në pikat kufitare, ka intensifikuar kontrollet taktike dhe operacionale në terren.

Të hënën është pranuar një informacion se nga fshati Debëlldeh i Vitisë, janë duke lëvizur disa automjete të dyshuara. Dyshohej se kishte të ngarkuar mallra të kontrabanduara të sjella nga Maqedonia Veriore përmes rrugëve ilegale, në ndërkohë që dy automjete të tjera kanë bërë përcjelljen e saj.

Si rezultat i veprimeve të marra, njësitë policore kanë arritur që ta ndalojnë automjetin e dyshuar me targa vendore me drejtues të dyshuarin mashkull kosovar, me ç’rast gjatë kontrollimit janë gjetur një sasi e konsiderueshme e medikamenteve të llojeve të ndryshme.

Prokurori ka urdhëruar që personi i dyshuar të ndalohet për 48 orë, ndërsa malli i kontrabanduar të dërgohet në terminalin doganor.

Kronikë e zezë

Arrestim për kanosje në Ferizaj

Published

9 hours ago

February 23, 2026

UBTNews

Një person është arrestuar në Ferizaj, pasi dyshohet se ka kanosur dy persona pas një mosmarrëveshjeje.

Sipas Raportit një ditor të Policisë, i dyshuari, ka tentuar të sulmojë një burrë dhe një grua. Gjatë ndërhyrjes, nga i dyshuari është sekuestruar një thikë.

Me vendim të prokurorit kujdestar, i dyshuari është ndaluar dhe është dërguar në qendrën e mbajtjes.

Rasti po hetohet nga organet kompetente.

Kronikë e zezë

Aksident trafiku me fatalitet në Fushë Kosovë

Published

9 hours ago

February 23, 2026

UBTNews

Një person ka humbur jetën si pasojë e një aksidenti trafiku në Fushë Kosovë, sipas Raportit 24 orësh të Policisë së Kosovës.

Sipas Policisë, një burrë, derisa po drejtonte një automjet me targa vendore, dyshohet se nga pakujdesia ka goditur një këmbësor, po ashtu burrë.

Në vendin e ngjarjes kanë dalë njësitë përkatëse policore dhe ekipi mjekësor, i cili ka konfirmuar vdekjen e viktimës.

Me vendim të prokurorit, i dyshuari është arrestuar dhe është dërguar në mbajtje, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Rasti është duke u hetuar.

Kronikë e zezë

Hetim mbi dy vdekje në Prishtinë dhe Fushë Kosovë

Published

9 hours ago

February 23, 2026

UBTNews

Dy raste të vdekjeve janë raportuar në rajonin e Prishtinës, ndërsa autoritetet kanë nisur hetimet për sqarimin e rrethanave, sipas Raportit 24 orësh të Policisë së Kosovës.

Në Prishtinë, një burrë është gjetur pa shenja jete. Polica ka dalë menjëherë në vendin e ngjarjes, ndërsa me urdhër të prokurorit trupi i pajetë është dërguar në Institutin e Mjekësisë Ligjore për obduksion.

Një rast tjetër është regjistruar edhe në Fushë Kosovë, ku një burrë është gjetur i shtrirë. Në vendin e ngjarjes kanë intervenuar policia dhe ekipi mjekësor, i cili ka konstatuar vdekjen. Edhe në këtë rast, me urdhër të prokurorit, trupi është dërguar për obduksion.

Të dy rastet janë duke u trajtuar në procedurë hetimore.

Kronikë e zezë

Arrestohen dy të dyshuar për fajde në Prizren

Published

3 days ago

February 20, 2026

UBTNews

Dy burra janë arrestuar në Prizren, nën dyshimin se kanë kryer veprën penale të fajdesë, duke e detyruar viktimën të paguajë kamatë mujore prej 100%.

Sipas Policisë së Kosovës, pas arrestimit dhe intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet kompetente.