Kronika e zezë

Një muaj paraburgim ndaj personit që posedonte substanca narkotike

Personi në fjalë ka qenë në kërkim nga ana e policisë që nga data 31 korrik, ndërsa është arrestuar më 20 nëntor.

Published

3 years ago

November 23, 2021

Betim Gashi

Një muaj paraburgim i ka caktuar Gjykata Themelore në Gjakovë personit me inicialet N.M., të arrestuar nga Policia e Kosovës për shkak të dyshimit të bazuar se ka kryer veprën penale të posedimit të narkotikëve.

Në një komunikatë për media të Gjykatës Themelore në Gjakovë bëhet e ditur se personi në fjalë ka qenë në kërkim nga ana e policisë që nga data 31 korrik, ndërsa është arrestuar më 20 nëntor.

“Me datën 31 korrik 2021 në fshatin Zhub, që çon drejt pikës kufitare ‘Qafë Prush’, në skaj të rrugës janë gjetur shtatë (7) qese najloni të mbushura me substancë narkotike të llojit Marihuanë, në peshë të përgjithshme gjashtë (6) kilogramë e tetëqind e shtatëdhjetë e tetë (878) gramë. I pandehuri ka qenë në kërkim nga ana e policisë dhe me datë 20 nëntor 2021, është arrestuar duke kaluar pikën kufitare në Vërmicë”, thuhet në komunikatë.

Gjykata bën të ditur se me këto veprime i pandehuri N. M., dyshohet të ketë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, vepër kjo e sanksionuara me Kodin Penal të Republikës së Kosovës (KPRK).

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.