Sport

​Ngjarja e madhe evropiane në Mitrovicë, 6 skuadra duan biletën e kualifikimit për në Europe Cup

Sot do të zhvillohen dy ndeshje çerekfinale.

Published

on

Nga sot deri më 30 shtator, në Mitrovicë do të zhvillohen kualifikimet e FIBA Europe Cup, gjegjësisht Grupi A, ku gjashtë skuadra do të garojnë për një vend.

Sot do të zhvillohen dy ndeshje çerekfinale, kurse Sporting Lisbona dhe Anëerp i Belgjikës janë kualifikuar direkt në gjysmëfinale.

Sfida e parë do të jetë ndërmjet Petrolina AEK dhe Thor nga ora 17:00, ndërsa ndeshja që po pritet me interesim të madh ndërmjet Gottingen dhe Trepçës, zhvillohet nga ora 20:00. Fituesi i kësaj ndeshje do të përballet me Sportingun. Të mërkurën zhvillohen ndeshjet gjysmëfinale, ndërsa të premten finalja e madhe, ku do të mësohet se kush do të kualifikohet në grupet e FIBA Europe Cup.

Pesë skuadrat e huaja kanë arritur dhe janë akomoduar tashmë, ndërsa kanë zhvilluar stërvitjet e para në “Minatori”.

‘Xehetarët’ janë nënkampionë të Kosovës dhe fitues të Kupës, kurse këtë edicion në Superligë e kanë nisur me tri fitore në tri ndeshje.

Interesimi në qytetin e Mitrovicës është i madh, ndërsa biletat kanë filluar të shiten. Çmimi është 10 euro për të gjitha ndeshjet.

Kjo është hera e parë që do të zhvillohet një ngjarje e tillë në Mitrovicë dhe kjo është pjesëmarrja e parë e mitrovicasve në FIBA Europe Cup.

Lajmet

Klubi i fëmijërisë së Diogo Jota merr vendim fantastik në nderim të tij

Published

on

Klubi i fëmijërisë së futbollistëve portugezë Diogo Jota dhe Andre Silva ua ka dedikuar uniformën e tyre për këtë sezon vëllezërve që vdiqën në një aksident me makinë më 3 korrik në Spanjë.

Skuadra e kategorisë së katërt, Gondomar SC, ka stampuar në fanellat e saj fotografi të sulmuesit të Liverpoolit dhe Portugalisë, Jota, dhe vëllait të tij Silva, i cili luajti për ekipin portugez Panafiel.

Në pjesën e sipërme të pjesës së pasme të fanellave janë shkruar emrat e dy lojtarëve nën një simbol të pafundësisë.

“Më shumë se një fanellë, një homazh i përjetshëm”, tha Gondomar SC, që luan në Kampionatin e Portugalisë, në një postim në rrjetet sociale. “Sepse futbolli është më shumë se fitore dhe gola, është trashëgimi, është familje, është dashuri për tokën tonë. Sa herë që atletët tanë veshin këtë fanellë, është sikur të dalin në fushë me të.”

Liverpool njoftoi muajin e kaluar se lojtarët e tyre do të mbajnë emblemën “Forever 20” në fanellat dhe xhaketat e tyre këtë sezon të Premier League.

Pas konsultimit me familjen e Jotës, fanella e tij me numër 20 do të tërhiqet nga përdorimi në të gjitha nivelet e klubit nga “Anfield”, duke përfshirë ekipet e femrave dhe ato të akademisë.

Jota dhe Silva u rritën në Gondomar, një qytet në periferi të Portos.

Continue Reading

Lajmet

​Dardanët lëshojnë një njoftim të rëndësishëm

Published

on

Tifo-grupi “Dardanët” ka njoftuar se do t’i bashkohet protestës të së enjtes kundër Gjykatës Speciale, në shenjë kundërshtimi ndaj asaj që e cilësojnë padrejtësi ndaj ish-krerëve të Ushtrisë Çlirimtare të Kosovës.

Në një deklaratë publike, “Dardanët” theksojnë se përkrahja e tyre vjen jo vetëm për shkak të lidhjes me ish-pjesëtarët e UÇK-së, por edhe për shkak të madhështisë dhe drejtësisë së luftës për liri.

“Ftojmë secilin anëtar të Dardanëve që të jetë pjesë e kësaj proteste, në atë mënyrë që të përçojmë mesazh të qartë se qëndrojmë përkrah njerëzve që zgjodhën lirinë e vendit si të vetmen alternativë,” thuhet ndër të tjera në njoftim.

Protesta është thirrur pas zhvillimeve të fundit që lidhen me proceset gjyqësore ndaj disa prej figurave kryesore të UÇK-së në Hagë.

Continue Reading

Lajmet

​Ballkani mëson kundërshtarin e mundshëm në play-off të Conference League

Published

on

Klubi i futbollit Ballkani ka mësuar emrat e kundërshtarëve të mundshëm në fazën play-off të UEFA Conference League, në rast se kalon me sukses turin e tretë kundër Shamrock Rovers.

Skuadra nga Suhareka do të përballet me fituesin e përballjes mes Larne FC nga Irlanda e Veriut dhe CD Santa Clara nga Portugalia.

Ndeshja e parë e play-off-it do të luhet më 21 gusht si mysafir, ndërsa ajo kthyese do të zhvillohet një javë më vonë në stadiumin “Fadil Vokrri” në Prishtinë.

Continue Reading

Lajmet

​Zbulohet skuadra e re e Son Heung-min

Published

on

Sulmuesi 33-vjeçar Son Heung‑min, pas 10 vitesh besnikëri, njoftoi se po largohet nga Tottenham Hotspur këtë verë, një vendim që e cilësoi si më të vështirin në karrierën e tij.

Në një konferencë për shtyp në Seul, ai shprehu mirënjohjen e thellë për tifozët dhe klubin, duke theksuar nevojën për një ambient të ri që të sfidojë më tej vetveten.

Në ndeshjen miqësore kundër Newcastle United, pas zëvendësimit në minutën e 64-të, u përshëndet nga një korridor nderi dhe ovacione të gjata, një moment emocional për të dhe fansat. Ai përfundoi aventurën e tij në Tottenham me 454 paraqitje, 173 gola dhe 101 asistime, duke u renditur ndër golashënuesit më të mirë në histori të klubit.

Transferimi drejt Los Angeles FC është afër finalizimit dhe mund të tejkalojë rekordet e MLS (rreth 15–22.5 milionë euro), duke e bërë atë një nga lëvizjet më të shtrenjta në historinë e ligës amerikane.

Menaxheri i ri i Spurs, Thomas Frank, e lavdëroi Son-in si një legjendë të vërtetë dhe theksoi se ndeshja në Seul ishte një përfundim perfekt për dekadën e tij në klub.

Continue Reading

Të kërkuara