Sport

Alpinistja e njohur amerikane zhduket në malin Manaslu të Nepalit

Në të njëjtën ditë, një ortek vrau një alpinist nepalez dhe plagosi disa të tjerë.

Published

4 years ago

September 27, 2022

UBT news

Alpinistja e njohur amerikane, Hilaree Nelson, është zhdukur në malin Manaslu të Nepalit, në të njëjtën ditë kur një ortek vrau një alpinist nepalez në të njëjtën majë, thanë të martën organizatorët dhe zyrtarët e ekspeditës.

Nelson po bënte ski poshtë Manaslu-së pasi kishte arritur me sukses malin e tetë më të lartë në botë me partnerin e saj Jim Morrison të hënën.

“Ajo pati një aksident dje teksa po zbriste. Ne po përpiqemi të kuptojmë se çfarë ndodhi”, tha për AFP Jiban Ghimire nga Shangri-La Nepal Treks, që organizoi ekspeditën.

Në të njëjtën ditë, një ortek goditi mes kampeve 3 dhe 4 në malin 8,163 metra, duke vrarë një alpinist nepalez dhe duke plagosur disa të tjerë, tha departamenti i turizmit i qeverisë.

Vdekja ishte viktima e parë e konfirmuar e sezonit të vjeshtës në Nepal.

Shiu dhe bora e vazhdueshme kanë qenë një sfidë për 404 alpinistët që u përpoqën të arrinin majën e Manaslu këtë vit, dhe moti i keq po pengonte poashtu përpjekjet e shpëtimit, me helikopterët që nuk mund të fluturonin të hënën për shkak të kushteve të këqija.

49-vjeçarja ka pasur një karrierë që përfshin dy dekada.

Në vitin 2012, ajo u bë gruaja e parë që u ngjit në malin më të lartë në botë, Everest, dhe Lhotse ngjitur me të brenda 24 orëve.

Gjashtë vjet më vonë, ajo u kthye në Lhotse dhe bëri zbritjen e parë të malit me ski, gjë që i dha asaj çmimin Aventurierja e Vitit në National Geographic.

Nepali është shtëpia e tetë nga 14 majat më të larta në botë dhe alpinistët e huaj që dynden në malet e tij janë një burim kryesor i të ardhurave për vendin./UBTNews/

Sport

Kosova nis pa medalje garën në Grand Prix të xhudos

Published

2 hours ago

June 26, 2026

UBTNews

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Sport

Holanda fiton bindshëm, Tunizia eliminohet pa pikë

Published

3 hours ago

June 26, 2026

UBTNews

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Sport

Japonia pa humbje, Suedia kalon si e treta

Published

4 hours ago

June 26, 2026

UBTNews

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Sport

Fitorja ndaj SHBA-së nuk i mjaftoi Turqisë për kualifikim

Published

4 hours ago

June 26, 2026

UBTNews

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian