

Sport
Nga fëmijëria, lufta në Kosovë e deri te premtimi për Mallorcën, rrëfehet Vedat Muriqi
‘Il Pirata’, i cili e përjetoi luftën ballkanike si fëmijë ka dhënë një intervistë të gjatë për gazetën spanjolle “Marca”.
Published
2 years agoon
By
Betim GashiNuk ka kaluar as një vit qëkur Vedat Muriqi zbarkoi në ishull për të nënshkruar për Mallorcën. Ishte merkato dimërore e sezonit 2021-22 dhe skuadrës spanjolle i duhej një sulmues për të luftuar për të qëndruar në elitën e futbollit spanjoll.
Ardhja e kosovarit i befasoi tifozët e kësaj skuadre, ai nuk po luante me Lazion dhe numrat e tij nuk ishin tërheqës. 33 ndeshje dhe 14 gola ishte rezultati i tij.
Muriqi tashmë është idhull në Mallorca. ‘Il Pirata’, i cili e përjetoi luftën ballkanike si fëmijë ka dhënë një intervistë të gjatë për gazetën spanjolle “Marca”, në të cilën ka folur edhe për luftën në Kosovë.
Muriqi e nis intervistën duke folur për të ardhmen e tij. Ai ka siguruar klubin aktual se nuk e ka ndërmnend të largohet, e aq më pak në afatin kalimtar të janarit.
“Nuk kam menduar kurrë të largohem. As në janar, 100% jo. Por është diçka që nuk është në dorën time sepse ndonjëherë vjen një skuadër që mund të pajtohet me Mallorcan, më thonë ‘po të shesim’ dhe nuk mund të them asgjë. Kam një kontratë shumëvjeçare me Mallorcan dhe nuk dua të largohem kurrë. Jam i lumtur këtu, edhe familja ime, po luaj dhe po kaloj mirë, mendoj dhe prandaj nuk kam menduar kurrë të largohem”, tha Muriqi.
Tutje sulmuesi kosovar shton se nuk dëshiron të rrezikojë duke kaluar tek ndonjë skuadër tjetër ku mund te ketë një përvojë të hidhur ashtu siç i kishte ndodhur te Lazio.
“Personalisht më pëlqen shumë ky mot. Jemi në janar dhe ka diell. Familja ime është rehat, fëmijët shkojnë shumë mirë në shkollë. Ndonjëherë kur ke familje dhe fëmijë duhet të mendosh më shumë për ta sesa për veten, dhe këtë po bëj tani. Edhe për mua, sepse jam mirë që pas Fenerbahçes, kur shkova në Lacio, kam pasur një përvojë të keqe dhe nuk dua të dështoj më”, shtoi ai.
Ai më pas kujton luftën në Kosovë duke thënë se nuk do të dëshironte që askush të mos e përjetonte një gjë të tillë.
“Unë gjithmonë them që asnjë qenie njerëzore nuk duhet të shohë gjërat që kam parë unë gjatë atyre viteve. Duhet të arratisesh nga shtëpia se erdhën disa ushtarë, të thonë se do të vendosin bomba dhe ti duhej të ikje. Shkuam në Shqipëri dhe ishte një kohë shumë e vështirë. Nëse shikoj pjesën pozitive, ajo më ka bërë që t’i vlerësojë gjërat e vogla”, shton sulmuesi i Kombëtares së Kosovës.
Muriqi flet edhe për fëmijërinë e tij duke thënë se nisi të punonte që kur ishte 9 vjeç.
“Fillova të punoja në një restorant në pronësi të dajave të mi kur isha nëntë vjeç. Aty bëja gjithçka: kamarier, ndihmë në kuzhinë etj. E gjithë kjo derisa mbërrita në Shqipëri në moshën 16-vjeçare. Gjatë asaj kohe, vetëm unë mund të punoja për të mbajtur nënën dhe motrën time, pasi babai im vdiq në luftë. Ai kishte edhe shkollë dhe futboll; dhe kjo është arsyeja pse vendosa të lë shkollën, sepse nuk mund ta lija futbollin, është jeta ime. E di që nuk e kam dalë mirë duke e lënë shkollën dhe tani mund të them se kam qenë shumë me fat”, thotë ai.
Në fund, Muriqi theksoi se u mor me futboll pasi nëna e tij këmbënguli që ta bënte këtë.
Sport
Zbulohen pagat e lojtarëve dhe trajnerëve në Premier Ligë, Haaland dhe Guardiola kryesojnë listën
Published
2 days agoon
March 28, 2025
Janë zbuluar se cilët lojtarë dhe menaxherë marrin më shumë para në shtëpi çdo javë, ka shkruar Gazeta franceze L’Equipe.
Në krye të listës për nga lojtarët është Erling Haaland, i cili luan në Manchester City, dhe zgjatja e kontratës së tij më Cityn në fillim të vitit 2025 e ka bërë atë lojtarin më të paguar në Ligën Premier, i cili fiton 2.57 milionë euro në muaj apo 30 milionë në vit.
Pas tij radhitet, Kevin De Bruyne, që fiton 2.06 milionë euro apo rreth 25 milionë euro në vit, e që edhe ky është në skuadrën e Manchester City. Janë Casemiro (Manchester United), Mohamed Salah (Liverpool), me fitime prej 1.88 milionë euro në muaj a 22.5 milionë euro në vit.
Marcus Rashford (Aston Villa) dhe Raheem Sterling (Arsenal) plotësojnë pesëshen e parë me 1.67 milionë në muaj apo 20 milionë euro në vit secili. Sa i përket menaxherëve, Pep Guardiola kryeson listën me 1.98 milionë euro në muaj a rreth 24 milionë euro në vit.
Pas tij vjen Mikel Arteta (Arsenal), i cili fiton 1.48 milionë euro në muaj apo rreth 18 milionë euro në vit dhe David Moyes (Everton) me 1.23 milionë euro në muaj apo rreth 15 milionë euro në vit.
Sport
Liverpool, lëvizje e papritur për rinovimin e Salah, i rrit ofertën ‘Faraonit’
Published
2 days agoon
March 28, 2025By
UBT NEWS
Liverpool-i po bën një lëvizje të papritur për të rinovuar kontratën e Mohamed Salah, duke rritur ofertën e tij për t’i mundësuar “Faraonit” të qëndrojë në klub edhe përtej skadimit të kontratës aktuale më 30 qershor 2025. Pas muajsh spekulimesh mbi të ardhmen e tij, Salah tani ka marrë një ofertë më të lartë se çdo ofertë tjetër të mëparshme nga drejtuesit e Liverpool-it, një ofertë që ka krijuar besim se ai mund të qëndrojë dhe të nënshkruajë një marrëveshje të re me klubin.
Bisedimet mes agjentit të Salah, Rami Abbas, dhe drejtuesve të klubit kanë bërë përparime të rëndësishme, duke shmangur mundësinë që Salah të largohet si lojtar i lirë pas mbylljes së kontratës. Sipas “Daily Mail”, ofertat e mëparshme nuk kanë qenë të mjaftueshme për t’i bindur lojtarin, por oferta aktuale duket se është një hap i rëndësishëm për të arritur një marrëveshje të re.
Një nga faktorët kyç që mund të ndihmojë për këtë rinovim është largimi i afërt i Trent Alexander-Arnold, mbrojtësit të djathtë të Liverpool-it, i cili është shumë pranë një transferimi te Real Madrid. Kjo lëvizje do të ulë ndjeshëm faturën e pagave te Liverpool-i, duke i mundësuar klubit të përmbushë kërkesat financiare të Salah. Aktualisht, Salah merr rreth 1.88 milionë euro bruto në muaj, dhe rinovimi mund të përfshijë një pagë edhe më të lartë, që do të bëjë të mundur që ai të qëndrojë në “Anfield” për një periudhë më të gjatë.
Tifozët e Liverpool-it mund të jenë të qetë, pasi bisedimet duket se po shkojnë në drejtimin e duhur, dhe rinovimi i kontratës së Salah mund të shënojë një moment të rëndësishëm në mbrojtjen e yllit të ekipit për sezonet e ardhshme.
Sport
10 fanellat më të vlefshme në futbollin botëror, kampionët në fuqi të Europës në pararojë
Published
3 days agoon
March 28, 2025By
UBT NEWS
Në pesë vitet e fundit, të ardhurat nga të drejtat televizive kanë rënë në nivelin e dytë, ndërsa të ardhurat nga komercializimi dhe shitja e fanellave kanë pësuar një rritje të dukshme, duke u bërë një burim i rëndësishëm për klubet e futbollit. Sipas raportit të UEFA-s për vitin 2024, të ardhurat komerciale (përfshirë sponsorizimet dhe shitjen e fanellave) janë rritur me 39%, ndërsa ato nga biletat me 32%. Krahas kësaj, të drejtat televizive kanë pasur vetëm një rritje prej 3%.
Real Madridi udhëheq renditjen financiare
Klubi më i pasur i futbollit për sezonin 2023/24 është Real Madridi, me një xhiro biznesi prej 1.073,2 milionë eurosh, që e mban atë në krye të listës. Pas tij, renditen:
Real Madrid – 1.073,2 milionë euro
Manchester City – 854 milionë euro
PSG – 808 milionë euro
Manchester United – 771 milionë euro
Bayern Munich – 764 milionë euro
Barcelona – 764 milionë euro
Atlético Madrid – 408 milionë euro
Rritja e këtyre të ardhurave ka ardhur kryesisht nga marrëveshjet e sponsorizimit, që janë bërë gjithnjë e më të rëndësishme. Kompanitë si Nike dhe Adidas kanë luajtur një rol të madh, me Liverpool-in që në vitin 2025 kalon nga Nike te Adidas për një marrëveshje prej 71 milionë euro në vit për pesë vitet e ardhshme, duke marrë më shumë se dyfishin e asaj që merrte më parë (35 milionë euro nga Nike).
Fanellat më të vlefshme dhe ndikimi në financat e klubeve
Këto të ardhura komerciale, përfshirë ato nga sponsorizimet e fanellave, po i japin mundësi klubeve të fuqizojnë financat e tyre dhe të investojnë në përforcimin e skuadrave, duke kontribuar në një konkurrencë të fortë në nivele të larta të futbollit evropian./UBTNews/
Sport
Nga Van Dijk te Neymar, ‘yjet’ e futbollit që mbeten pa kontratë në qershor
Published
3 days agoon
March 28, 2025By
UBT NEWS
Edhe pse mbeten vetëm tre muaj deri në përfundimin e sezonit, disa emra të mëdhenj të futbollit ende nuk kanë rinovuar kontratat e tyre me klubet. Këta janë disa nga lojtarët kryesorë që pritet të jenë të lirë në merkaton e ardhshme të transferimeve:
Virgil van Dijk – Mbrojtësi holandez i Liverpool-it është i vlerësuar me 28 milionë euro dhe pritet të jetë një nga protagonistët e merkatos. Deri tani nuk ka rinovuar me “Reds” dhe ka shtuar dyshimet për të ardhmen e tij.
Jonathan Tah – Mbrotësi gjerman i Bayer Leverkusen përflitet për një kalim te Barcelona dhe ka oferta edhe nga disa klube të Premier League.
Mohamed Salah – Egjiptiani ka njoftuar largimin nga Liverpool në fund të sezonit dhe ka shprehur dëshirën për të fituar Premier League përpara se të largohet.
Kevin De Bruyne – Ylli i Manchester City ende nuk ka rinovuar kontratën e tij dhe ka oferta të majme nga Arabia Saudite dhe MLS, ku duket më i interesuar për një transferim në SHBA.
Trent Alexander-Arnold – Real Madrid është afër nënshkrimit me mbrojtësin e Liverpool-it, që do të largohet nga Anfield pas përfundimit të kontratës së tij në qershor.
Leroy Sané – Sulmuesi i Bayern Munich është në bisedime për rinovimin e kontratës me klubin bavarez dhe pritet që marrëveshja të zyrtarizohet së shpejti.
Jonathan David – Sulmuesi kanadez është i lidhur ngushtë me transferimin te Barcelona, Arsenal, Juventus dhe Manchester United, pasi ka refuzuar një ofertë për rinovim me Lille.
Angel Gomes – Ish-lojtari i Manchester United do të mbetet i lirë pasi kontrata e tij me Lille skadon dhe ka tërhequr interesin e West Ham United.
Thomas Partey – Mesfushori i Arsenal-it nuk ka rinovuar kontratën dhe duket se do të largohet nga Londra.
Neymar – Pas përfundimit të kontratës me Santos më 30 qershor, braziliani mund të rikthehet në Evropë, pasi ka shprehur dëshirën për një rikthim në klubet e mëdha europiane.
Këto emra janë disa nga më të diskutuarit dhe priten të jenë në qendër të vëmendjes gjatë merkatos së verës.

Divorci i prindërve, flet vajza e “Mr. Bean”: Ditët më të errëta

Microsoft prezantoi ekranin Xbox-PC

Kundër shëndoshjes së fytyrës! Çfarë duhet të bëni?

Eva Longoria pozon pranë yllit në Hollywood Walk of Fame, para premierës së filmit të ri

Si të ruani funksionet mendore gjatë moshës së shtyrë?

Dani Alves shpallet i pafajshëm

Katër ushtrimet që duhet t’i bëni çdo mëngjes

Fundjavë me shi, ja parashikimi i motit për sot

Presidenca kundërshton propozimin për shtrenjtim të rrymës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë