Lifestyle

​Mos e hidhni lëvoren e mollës, mund ta përdorni në disa mënyra

Lëvoret e mollës që mbeten pas përgatitjes së ëmbëlsirës mund të kthehen lehtësisht në patate të skuqura të shijshme.

Published

on

Lëvorja e mollës është e pasur me fibra, kështu që herën tjetër ruajeni dhe përdorni për herë të dytë.

Lëvoret e mollës që mbeten pas përgatitjes së ëmbëlsirës mund të kthehen lehtësisht në patate të skuqura të shijshme. I përziejmë me pak gjalpë dhe i shtojmë pak kripë, kanellë dhe sheqer. I radhisim në letër yndyre dhe i pjekim në 200 gradë Celsius për 12 minuta derisa të marrin një ngjyrë të verdhë të bukur.

Kur të jenë gati, i lëmë të ftohen dhe të bëhen krokante. Në fund i spërkasim me pak më shumë përzierje kanellë dhe sheqer dhe i shërbejmë.

Janë të shkëlqyera si një pije e nxehtë

I vendosim në ujë të vluar, së bashku me një shkop kanelle, më pas i ziejmë pak dhe i kullojmë. Shtoni pak mjaltë dhe merrni një çaj të mrekullueshëm.

Vendosini ato në një smoothie

Lëkura e mollës është e pasur me fibra dhe është e mrekullueshme si një shtesë për smuthi të shëndetshme. Përveç kësaj, do t’u jep atyre një shije paksa të ëmbël. Nëse keni më shumë lëvozhgë molle sesa mund të përdorni, vendoseni në frigorifer dhe hiqeni sipas nevojës.

Shkojnë shumë mirë edhe në sallata

Prisni lëvoren e mollës në shirita të hollë dhe ia shtoni sallatës së stinës, sepse do t’i jep shije të këndshme. Ata shkojnë shumë me marule, lakër, panxhar…

Bëni uthull molle

Hidhni mollët që kanë mbetur në një kavanoz dhe derdhni sipër ujin në të cilin keni hedhur sheqerin. Përafërsisht një e treta e një filxhani sheqer shtohet në një litër ujë. Mbulojeni kavanozin me një copë leckë të ajrosur, fiksojeni me një brez gome dhe prisni.

Pas rreth një jave lëngu bëhet më i errët. Më pas e kullojmë dhe e kthejmë në kavanoz e më pas e mbulojmë sërish me një leckë të ajrosur. Lëreni përsëri për rreth tri deri në katër javë. Do ta dini se uthulla e mollës është gati kur të shfaqen flluska në lëng. Ruajeni uthullën e mollës në një vend më të freskët.

Pastroni enët prej alumini

Lëkurat e mollës i vendosni në ujë dhe i vini të ziejnë – fillimisht ziejini, më pas uleni temperaturën dhe ziejini në zjarr të ulët edhe për gjysmë ore. Ftohni dhe pastroni enët e gatimit prej alumini me lëng. Përkatësisht, acidi i mollës do të largojë njollat nga alumini.

Mbushni petullat

Pritini imët lëvoren e mollës, i përzieni me kanellën dhe sheqerin, shtoni pak lëng limoni dhe mbushni petullat. Mollët do t’i japin ëmbëlsirës një shije të ngjashme me byrekun me mollë.

Lifestyle

29 prilli – Dita Botërore e Vallëzimit

Published

on

29 prilli shënon Ditën Botërore të Vallëzimit.

Kjo ditë inkurajon njerëzit e të gjithë moshave që të festojnë së bashku.

Duke qenë se vallëzimi konsiderohet si një formë komunikimi, atëherë edhe kjo ditë ka për qëllim që t’i afrojë më shumë njerëzit.

29 prilli është shënuar si Ditë e Vallëzimit për shkak se është ditëlindja e themeluesit të baletit modern Zhan- Zhorzh Nover.

Continue Reading

Lajmet

Rriteni vetëbesimin përmes këtyre teknikave

Published

on

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët

Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj. Mungesa e saj i bën njerëzit ta shohin botën në mënyrë më ndryshe.

Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.

Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra si mund ta rritni vetëbesimin.

Largohuni nga negativiteti

Duhet t’ia rikujtoni vetes pavarësisht çfarë probleme keni, keni shumë dhurata. Jeni unik e nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato.

Kushtoni vëmendje pamjes tuaj

Kur është fjala për vetëbesimin, pamja luan rol të rëndësishëm. Mënyra si qëndroni, buzëqeshja, kontakti me sy e mënyra si flisni janë elemente që ndihmojnë të paraqiteni si person me vetëbesim. Një kontakt i qëndrueshëm me sy, ngrehja e shpatullave, buzëqeshja e veshja e mirë janë bonus për pamjen.

Qëndroni të përgatitur

Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.

Asnjëherë mos u dorëzoni

Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem.

Continue Reading

Lifestyle

6 veprime që duhet të ndalosh së bëri në mëngjes

Published

on

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.

Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.

Mos bëj dushe të gjata dhe të nxehta

Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.

Mos e fik alarmin e zgjimit

Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?

Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.

Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.

Mos kontrollo rrjetet sociale sapo hap sytë

Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.

Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.

Shmang pirjen e kafesë, direkt pas zgjimit

Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.

Mos e shmang asnjëherë vaktin e mëngjesit

Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.

Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.

Rregullo gjithnjë shtratin 

Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Continue Reading

Lifestyle

Shprehitë që janë duke jua dëmtuar trurin

Published

on

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.

Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.

Shmangia e shujtës së mëngjesit

Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.

Flini vonë

Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.

Konsumimi i ushqimeve me shumë sheqer

Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.

Pirja e duhanit

Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Continue Reading

Të kërkuara