Aktualitet

​Minxhozi pret në takim pilotin sportiv Afrim Aziri, flasin për promovimin e turizmit aeronautikë

Minxhozi tha se Aziri është qytetar nderi i Gjirokastrës, për shkak se ka promovuar turizmin në këtë qytet.

Published

on

Ambasadori i Shqipërisë në Kosovë, Qemal Minxhozi, ka pritur të premten në takim, Afrim Azirin, ekspert të aviacionit civil dhe pilot sportiv i delta-planeve në Federatën Aeronautike të Kosovës.

Minxhozi tha se Aziri është qytetar nderi i Gjirokastrës, për shkak se ka promovuar turizmin në këtë qytet.

Në këtë drejtim, ai thotë se Aziri përveç Kosovës, po promovon edhe gjitha viset e tjera shqiptare.

Isha i gëzuar sot të presë Afrimin, i cili po jep një kontribut të rëndësishëm për lidhjet shpirtërore midis Shqipërisë dhe Kosovës. Afrimi sot është qytetar nderi i qytetit të Gjirokastrës për arsyen e thjeshtë se ka promovuar turizmin nga largësitë. Me fluturaket e tij, ai ka marrë simpatinë e të gjithë njerëzve në Gjirokastër, si një person që promovon bukuritë e këtij qyteti. Gjirokastra është diçka e bukur dhe kontributi që po jep Afrimi në këtë drejtim është shumë i madh. Ai nuk është ndalur vetëm në promovimin e Kosovës, por edhe viseve të tjera shqiptare, ashtu siç është Gjirokastra”, tha ai.

Ndërsa, Aziri tha se qëllimi i tij është të hap një perspektivë të ri për turizmin aeronautikë në Gjirokastër dhe tërë viset shqiptare.

Në bashkëpunimin mes Federatën Aeronautike të Shqipërisë dhe Federatës Aeronautike të Kosovës, unë bëj pjesë tek pilotët me delta-plan dhe kemi zhvilluar disa aktivitete në bashkëpunim me ta. Ka ardhur një propozim se a mund të bëjnë diçka për aerodromin e Gjirokastrës, ne kemi organizuar një air show vitin e kaluar, kemi sjellë me dhjetëra fluturake nga vendet e ndryshme të rajonit. Kemi pasur delta plan me motër, aeroplan të vegjël dhe kemi bërë një air show shumë të mirë në përkrahje edhe të kryetarit të Gjirokastrës, Flamur Golemi. Kemi arritur që të hapim një perspektivë të re për turizmin aeronautikë”, shtoi Aziri.

Krahas kësaj, ai përmendi nevojën e ringjalljes së aeroportit të Gjirokastrës me aktivitete aeronautike.

Aziri tha se baza e zhvillimit të këtij aeroporti duhet të jetë tek përgatitja teknike dhe certifikimi i aerodromit sipas standardeve ndërkombëtare të aviacionit civil. Për çka u shpreh optimist se një gjë e tillë do të ndodh dhe do të ndërtohet një hangar, ku do të vendosën fluturaket dhe pajisjet e aeroklubeve të ndryshme.

Bota

Merz zgjidhet kancelar

Published

on

By

Friedrich Merz u zgjodh kancelar i Gjermanisë, në raundin e dytë të votimit nga deputetët e Bundestagut.

Merz mori 325 vota pro në Bundestag, për të arritur shumicën, nga 316 që ishin të nevojshëm për t’u bërë kancelar.

Lideri konservator i Gjermanisë, Friedrich Merz, papritur nuk arriti shumicën në një votim parlamentar për t’u bërë kancelar, sipas BBC.

Dështimi i tij ishte i pashembullt në historinë politike moderne gjermane dhe anëtarët e Bundestagut u mblodhën për një votim të dytë të martën pasdite.

Merzit i duheshin 316 vota në Bundestagun me 630 vende, por siguroi vetëm 310, në një goditje të rëndësishme për liderin demokristian, dy muaj e gjysmë pasi fitoi zgjedhjet federale të Gjermanisë.

Koalicioni i tij me qendrën e majtë ka vende të mjaftueshme në parlament.

Sipas kushtetutës së Gjermanisë, nuk ka kufi se sa votime mund të mbahen, por nëse nuk arrihet shumica absolute prej më shumë se gjysma e anëtarëve të Bundestagut brenda 14 ditëve, atëherë një kandidat mund të zgjidhet me shumicë të thjeshtë.

Në orët pas votimit mbizotëronte një atmosferë konfuzioni në parlament.

Kryetarja e Bundestagut, Julia Klockner, fillimisht tha se po planifikonte një votim të dytë për nesër, por sekretari i përgjithshëm i demokristianëve, Carsten Linnemann, tha se ”ishte e rëndësishme të ecim përpara”.

“Evropës i duhet një Gjermani e fortë”, tha ai për televizionin gjerman.

Disfata e Merz u pa nga komentatorët politikë si një poshtërim, ndoshta i shkaktuar nga një grusht anëtarësh të pakënaqur të SPD-së social-demokrate, e cila nënshkroi dje një marrëveshje koalicioni me konservatorët.

Presidenti i Bundestagut u tha deputetëve se nëntë nga 630 deputetët mungonin, tre abstenuan dhe një fletë votimi u shpall e pavlefshme./ATSH/

Continue Reading

Bota

Britania dhe India arrijnë marrëveshje historike tregtare pas tre vitesh negociatash

Published

on

By

Mbretëria e Bashkuar dhe India kanë nënshkruar një marrëveshje të rëndësishme tregtare, pas tre vitesh negociatash të ndërprera herë pas here, e cila synon të nxisë ndjeshëm shkëmbimet ekonomike mes dy vendeve.

Sipas marrëveshjes, firmave britanike do t’u lehtësohet eksporti në tregun indian, veçanërisht për produkte si uiski, automjete dhe mallra të tjera industriale, ndërsa India do të përfitojë nga ulja e tarifave për veshje dhe këpucë që eksporton në Mbretërinë e Bashkuar.

Sekretari britanik i Biznesit, Jonathan Reynolds, e përshkroi marrëveshjen si “masive” për bizneset dhe konsumatorët britanikë, duke shtuar se ajo pritet të sjellë përfitime të mëdha ekonomike në dekadat e ardhshme. Qeveria britanike vlerëson se kjo marrëveshje do të rrisë tregtinë vjetore dypalëshe me 25.5 miliardë paund deri në vitin 2040, përtej nivelit aktual prej 41 miliardë paund.

Marrëveshja nuk përfshin ndryshime në politikat e imigracionit, përfshirë edhe ato që lidhen me studentët indianë në Britani, sqaroi qeveria britanike.

Marrëveshja vjen teksa India synon të shndërrohet në ekonominë e tretë më të madhe në botë dhe të rrisë eksportet e saj në 1 trilion dollarë deri në vitin 2030. Mbretëria e Bashkuar, nga ana tjetër, po kërkon të forcojë pozitat e saj tregtare pas Brexit-it dhe në sfondin e tensioneve globale mbi tarifat.

Continue Reading

Bota

Merz reagon për herë të parë pasi dështoi të zgjidhet kancelar i Gjermanisë

Published

on

By

Friedrich Merz shprehu besimin se do të zgjidhet kancelar i Gjermanisë në raundin e dytë të votimit në Bundestag, pas humbjes së ngushtë në raundin e parë, ku i munguan vetëm gjashtë vota për të siguruar shumicën.

Në një deklaratë përpara grupit parlamentar të CDU/CSU, Merz tha: “Nuk ka të bëjë me mua, ka të bëjë me demokracinë. Jam i sigurt se se do ia dalim shumë shpejt”.

Ai njoftoi gjithashtu se do t’i përmbahet planit të tij për të vizituar Parisin, duke u shprehur i sigurt për fitoren në raundin e dytë.

Do t’i përmbahem orarit tim, duke filluar nga nesër“, thuhet se i komunikoi Merz, presidentit francez.

Humbja e Merz në votimin e parë ishte një surprizë për CDU-në, e cila së bashku me SPD-në ka 328 mandate në Bundestag, më shumë se kuorumi prej 316 votash të nevojshme. Kjo është hera e parë në historinë e republikës federale që një kancelar i ardhshëm nuk arrin të sigurojë shumicën në votimin fillestar, pavarësisht fitores në zgjedhje dhe krijimit të një koalicioni.

Continue Reading

Bota

BE planifikon tarifa 100 miliardë € për mallrat nga SHBA nëse negociatat dështojnë

Published

on

By

BE-ja planifikon të vendosë tarifa për mallrat nga Shtetet e Bashkuara me vlerë 100 miliardë euro nëse negociatat midis Uashingtonit dhe Brukselit dështojnë në lidhje me uljen përfundimtare të tarifave të shpallura amerikane ndaj anëtarëve të Unionit, raportoi Bloomberg, duke cituar burime të paidentifikuara dhe të informuara mirë.

Burimet thanë se lista e tarifave të reja të propozuara evropiane kundër SHBA-së do t’u shpërndahet shteteve anëtare që nesër dhe se konsultimet do të zgjasin një muaj para finalizimit të listës.

Ata deklaruan se lista mund të ndryshojë gjatë asaj kohe. Komisioni Evropian (KE) do ta ndajë këtë dokument me SHBA-në këtë javë në përpjekje për të filluar negociatat për uljen e tarifave të SHBA-së me BE-në .

Në negociatat midis BE-së dhe SHBA-së, të cilat filluan muajin e kaluar, është arritur pak përparim dhe pritet që shumica e tarifave të SHBA-së të mbeten në fuqi , raportoi Bloomberg.

BE-ja ka vendosur tashmë tarifa për mallra amerikane me vlerë 21 miliardë euro, në përgjigje të tarifave prej 25% të Presidentit të SHBA-së, Donald Trump, mbi eksportet e çelikut dhe aluminit.

Më herët këtë muaj, BE-ja ra dakord të shtyjë zbatimin e këtyre masave për 90 ditë, pasi SHBA-të ulën të ashtuquajturën normë reciproke për shumicën e eksporteve të BE-së në 10 për qind nga 20 për qind, ndërsa negociatat janë duke u zhvilluar.

Trump vendosi gjithashtu një tarifë prej 25 përqind për importet e automjeteve nga BE-ja, si dhe për disa pjesë këmbimi për automjete. Presidenti i SHBA-së po shqyrton vendosjen e tarifave për importet e drurit, produkteve farmaceutike, gjysmëpërçuesve, mineraleve të rralla dhe kamionëve nga BE-ja.

Continue Reading

Të kërkuara