Lajmet

​Ministri Latifi shpalos shtatë shtyllat përmes të cilave synon transformim në shëndetësi

Latifi njoftoi për nisjen e ofrimit të shërbimeve për pacientët në Spitalin Pediatrik.

Published

3 years ago

on

Digjitalizimi i shërbimeve shëndetësore, përfshirë sigurimet shëndetësore, kthimi i “trurit” të humbur dhe ruajtja e trurit shëndetësor përmes programeve konkrete në shëndetësi, Qendrat klinike të ekselencës dhe shërbimet e avancuara klinike, kërkimet shkencore dhe krijimi i kapaciteteve hulumtuese, proceset e akreditimit ndërkombëtar, përmirësimi i cilësisë së shërbimeve mjekësore dhe decentralizimi i sistemit spitalor dhe riorganizimi i ShSKUK/QKUK janë shtatë shtyllat përmes të cilave ministri i Shëndetësisë, Rifat Latifi po planifikon ngritjen e kapaciteteve njerëzore në shëndetësi dhe sigurimin e shërbimeve dhe kujdesit shëndetësor cilësor.

Duke e quajtur si dhuratën më të mirë për fëmijët e Kosovë, Latifi njoftoi për nisjen e ofrimit të shërbimeve për pacientët në Spitalin Pediatrik, projekt ky i cili ishte përuruar në shtator nga krerët shtetërorë. Ai tha se për një transformim në sektorin shëndetësor po punojnë edhe në aspektin legjislativ, ndërsa theksoi nevojën për përkrahjen e BE-së për të rritur mirëqenien e profesionistëve shëndetësor.

“Dje ka qenë një ditë e jashtëzakonshme duke filluar me operimet e para me pacientin e parë në spitalin pediatrik që është ndërtuar dhe financuar nga Emiratet e Bashkuara Arabe kështu që dua t’i falënderoj ato dhe t’i përgëzoj të gjithëve që jeni të përfshirë… Kam një listë të gjatë të akteve legjislative me të cilat po merremi duke përfshirë Ligjin për kujdesin shëndetësor dhe ligjet tjera, dhe në tërësi janë gjithsej 16 përfshirë edhe 21 edhe rregullore me të cilat jemi duke u marrë. Por, në të njëjtën kohë për të pasur një sistem të mirë shëndetësor duhet të kemi nëpunës shëndetësorë që kanë mirëqenie dhe asnjëra nga këto nuk mund të bëhet pa partneritetin me BE dhe veçanërisht me BE-në prandaj bashkëpunimi ndërkombëtar është dhe do të jetë kyç”, u shpreh ai.

Ministri i Shëndetësisë, Rifat Latifi u shpreh se prioritet ka edhe përmirësimin infrastrukturor përmes të cilit do ndikohet në uljen e infektimeve dhe rritjen e cilësisë së shërbimeve shëndetësore.

“Duhet ta përmirësojmë infrastrukturën kam parë shumë studime dhe kam lexuar një numër sosh që i kemi bërë para disa viteve në vitin 2015, 2016, 2017, 2019, 2021 e më tej dhe secili nga këto studime dhe çdo vlerësim ka thënë të njëjtën duhet të përmirësojmë uljen e shkallës së infektimit cilësinë por fatkeqësisht nuk kemi bërë shumë në këtë aspekt. Kemi udhëzime shumë të mira kemi një udhërrëfyes shumë të mirë dhe thjesht duhet vetëm ta realizojmë. Përmirësimi i infrastrukturës nuk ka dyshim që është një çështje kryesore për tu përmendur por kemi hapësirë për tu përmirësuar edhe vetë. Duhet ta përmirësojmë menaxhimin dhe dedikimin tonë personal dhe kolektiv”, theksoi Latifi.

Kreu i shëndetësisë kosovare në këtë mandat të tij synon edhe digjitalizimin por edhe reduktimin e ikjes së mjekëve dhe infermierëve nga Kosova. Derisa u shpreh se po punojnë edhe në decentralizim të sistemit shëndetësor dhe riorganizim të ShSKUK-së – QKUK-së.

“Është vështirë të vendoset se cili është e para programi i emergjencave apo digjitalizimi i shërbimeve shëndetësore apo së bashku digjitalizimi i kujdesit shëndetësor përfshirë sigurimin shëndetësor. Të gjithë e dimë që nëse nuk i kemi të dyja nuk mund të kemi spitale moderne dhe sistem modern shëndetësor. Kosova është ndikuar si shumë vende përreth me një shterje të trurit… Edhe ne po i humbasim ato, pra duhet t’i bëjmë disa hapa shumë të mirë për t’i kthyer ata dhe për ta reduktuar ikjen e tyre, nuk mund ta ndalim ikjen e ekspertëve në shkallë 100%, asnjë shtet nuk është imun ndaj kësaj, madje edhe kanadezët humbasin doktorë që shkojnë në ShBA… Jemi në proces të analizimit të ekspertimeve që janë bërë në vitin 2015 dhe 2014 dhe krijimin e këtij sistemi spitalor në një kulm dhe në një lidership, duhet të shohim nëse kjo është diçka që ia ka vlejtur për ta bërë apo kjo ka qenë një eksperiment i keq që nuk ka funksionuar”, u shpreh Latifi.

Ministri i Shëndetësisë si sfidë ka theksuar edhe listën e pritjeve për intervenime në Klinikën e Kardiologjisë dhe hapësirat e vogla të shërbimeve emergjente për çka u zotua se përmirësimet në këtë aspekt do të ndodhin.

Ndërsa, u zotua se synon edhe ndërtimin e qendrës për trajtimin e traumave si dhe djegieve por edhe avancimin e shërbimeve onkologjike.

“Sfida që e kemi në Kardiologji është lista prej afro 1300 pacientëve a më shumë me listë të pritjes prej 8 muajsh… Sfidat tjera në Kirurgjinë Kardiale kemi mbi 100 pacientë në listë të pritjes prej afër 8 muaj nëse iu duhet operacioni i zemrës nuk duhet të presësh 8 muaj nuk kam dëgjuar askënd që ka pasur një bajpas koronar në një mënyrë nuk kam dëgjuar për diçka të tillë… Programi i emergjencës së traumës kemi qendrën emergjente, shumica nga ju keni shtëpitë apo banesat që janë më të mëdha sesa dhoma emergjente në QKUK, e cila është 560 metra katror ku 7 mijë pacientë kalojnë në vit brenda kësaj hapësire, një sëmundje më vdekjeprurëse që është trauma, nga e cila pacienti mund të vdes brenda 1 ore… Gjithë këtë traumë e vendosin në një hapësirë brenda 560 metra katror dhe kjo është ajo kur them se duhet përmirësuar infrastrukturën dhe pastaj kemi ndërtesa dhe më thonë se kur do të realizohet kjo, do të realizohet”, u shpreh ai.

Massimiliano Paoluci, menaxher i vendit për Kosovë dhe Maqedoni të Veriut në regjionin e Evropës dhe Azisë Qendrore i Bankës Botërore shprehu gatishmërinë për përmirësimin e kapaciteteve dhe treguesve shëndetësorë në Kosovë.

“Është një indikator që spikat sepse për mua jep një ndenje urgjence për të ndikuar në zhvillim jetësor dhe ky është indeksi i kapitalit njerëzor në këtë shtet e që është 57% çfarë nënkupton kjo se indeksi i kapitalit njerëzor, parimisht një fëmijë që lind sot, parimisht duhet të shfrytëzojë maksimalisht mundësitë që i jepen nga sistemi shëndetësor dhe arsimor për të kontribuar në zhvillimin e shtetit dhe në rastin e Kosovës ky indeks është 57% që do të thotë se një fëmijë që lind sot ka 57% shanse që kontribuojë pozitivisht në konkurrueshmërinë e vendit në krahasim me fëmijën e njëjtë që do të kishte në sistemin arsimor dhe shëndetësor të atij vendi që do të ishte funksional në tërësi”, theksoi ai.

Si fushë të rëndësishme ku duhet të intervenohet ministri i Shëndetësisë, Rifat Latifi konsideroi edhe rritjen e hulumtimeve dhe avancimin e trajnimeve për profesionistët shëndetësorë.

Në këtë takim të organizuar nga Ministria e Shëndetësisë kishte përfaqësues të donatorëve të ndryshëm ndërkombëtar si UNICEF, TIKA, etj.

Related Topics:
Continue Reading

Aktualitet

Kirurgu vaskular Krasniqi rekomandon personat pas moshës 55 vjeçare: Bëni një ultrazë për arteriet, mund t’ju shpëtojnë jetën

Published

5 hours ago

on

September 7, 2025

By

Kirurgu vaskular, Halil Krasniqi ka dhënë një këshillë të rëndësishme për të gjithë personat mbi moshën 55-vjeçare gjatë podcastit “Shëndeti në rend të parë”, i cili mbështetet nga United Hospital.

Sipas tij, kontrolli i arterieve përmes ultrazërit është jetik në këtë grupmoshë, pasi mund të zbulojë në kohë ndryshime të rrezikshme që nëse nuk trajtohen mund të çojnë në pasoja fatale.

“Është e rëndësishme që mbi moshën 55-vjeçare të bëhet një ultrazë. Me ultrazë nuk shkaktohet dhimbje, janë vetëm 5 minuta kohë që mund të shohësh nëse është apo jo e zgjeruar (arteria). Pastaj vijnë ekzaminimet tjera”, Krasniqi.

Ai shtoi se përmes këtij ekzaminimi, mjekët mund të identifikojnë herët proceset patologjike dhe të vendosin për trajtimin e duhur.

“Pacienti duhet të shikohet me ultrazë që nga koka, sepse truri, koka dhe zemra janë më të rëndësishmet. Bëhet një ultrazë nga lart deri poshtë dhe bëjmë një ultrazë të qafës. Në qafë shihet arteria e cila furnizon trurin me gjak, këtu shihen edhe gjëndrat tiroide, limfatike, ndryshimet tjera morfologjike”, ka thënë Krasniqi.

Ushqimi i pashëndetshëm dhe ndikimi në shëndetin vaskular, kirurgu Halil Krasniqi tregon se çfarë duhet të dimë?

Sipas studimeve të fundit siç tha Krasniqi kontrolli me ultrazë e ul me mbi 50 për qind vdekshmërinë tek kjo kategori e popullatës.

Në rastet kur zbulohet zgjerim i arterieve mbi 5 cm, trajtimi mund të bëhet me procedurë minimale invazive – pa ndërhyrje kirurgjikale klasike.

“Nëse kalon mbi 5 cm, fillon trajtimi me stentim, pa operacion. Bëhen vetëm dy shpuarje në ije dhe vendoset stenti – dhe njeriu mbijeton”, shpjegoi kirurgu vaskular, Halil Krasniqi.

Për më shumë shikoni të plotë podcastin “Shëndeti në rend të parë”:

Continue Reading

Aktualitet

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Published

1 day ago

on

September 6, 2025

By

UBT vazhdon të shënojë suksese në arenën ndërkombëtare të arsimit dhe inovacionit, duke hyrë edhe këtë vit në finalen e Triple E Awards me dy nominime të reja prestigjioze:

“University Leader of the Year – Global Award”

Rektori i UBT-së, Prof. Dr. Edmond Hajrizi, është nominuar si një nga liderët universitarë më me ndikim në botë, falë vizionit dhe punës së tij për të shndërruar UBT-në në qendër të inovacionit, sipërmarrjes dhe zhvillimit shoqëror.

“Engaged University of the Year”

UBT është vlerësuar si një universitet i angazhuar, që lidh ngushtë akademinë me komunitetin, duke krijuar mundësi për studentët, sipërmarrësit e rinj dhe projekte me ndikim të drejtpërdrejtë shoqëror.

Ky vlerësim është një dëshmi se Kosova po bëhet pjesë e hartës globale të arsimit cilësor dhe inovativ.

Vota juaj është vendimtare! Për të votuar për UBT-në duhet të klikoni në këtë link: LINKU PËR VOTIM, duke e dhënë fillimisht e-mail adresën tuaj.

Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje: 

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

#ACEEUAWARDS2025

#2025Entry1136

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:  

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@ACEEU

#ACEEU_Awards

#2025Entry1136

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:  

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@aceeu_live

#ACEEU_Awards

#2025Entry1136

Për Platformën TikTok mund të bëni një postim me këtë përmbajtje:  

https://2025.triple-e-awards.com/finalist/id/1136

#ACEEU_Awards

#2025Entry1136

Për të votuar për Rektorin e UBT-së, Prof. Dr. Edmond Hajrizi në këto dy kategori, klikoni në linkun përkatës, vendosni e-mail-in tuaj dhe konfirmoni votën: LINKU PËR VOTIM 

Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje: 

I vote for Prof. Edmond Hajrizi’s nomination for the “University Leader of the Year” award by Triple E Awards 2025.

https://2025.triple-e-awards.com/finalist/id/1146

#ACEEUAWARDS2025

#2025Entry1146

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:  

https://2025.triple-e-awards.com/finalist/id/1146

@ACEEU

#ACEEU_Awards

#2025Entry1146

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:  

https://2025.triple-e-awards.com/finalist/id/1146

@aceeu_live

#ACEEU_Awards

#2025Entry1146

Për Platformën TikTok  mund të bëni një postim me këtë përmbajtje:

https://2025.triple-e-awards.com/finalist/id/1146

#ACEEU_Awards

#2025Entry1146

Continue Reading

Lajmet

Irlanda e Veriut triumfon ndaj Maltës në kualifikuese të Botërorit 2026

Published

2 days ago

on

September 5, 2025

By

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Continue Reading

Lajmet

​Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

2 days ago

on

September 5, 2025

By

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Continue Reading

Të kërkuara