Sport

​Messi godet Laportan: Nuk më kërkoi të luaj pa pagesë, fjalët e tij më tronditën

“Ishte dëshira ime dhe e familjes sime për të qëndruar në Barcelonë”, deklaroi Messi.

Published

on

Lionel Messi është ndalur të flas përsëri për periudhën kur e aventura e tij te Barcelona po shkonte drejt fundit duke hedhur akuza edhe ndaj presidentit të Barcelonës, Joao Laporta.

Ai ka thënë se dëshira e madhe e tij dhe e familjes ishte për të qëndruar dhe për ta ndihmuar klubin katalanas. Ishte raportuar se Messit i ishte bërë kërkesë që të luante falas për Barcelonës dhe që ai nuk e kishte pranuar këtë, por ylli argjentinas tani jep versionin e tij shumë të ndryshëm nga ajo që ishte raportuar deri më tani.

Duke folur për largimin e tij, në një intervistë për gazetën “Sport” Messi tha: “E vërteta është se, siç e shpjegova kur u largova, bëra gjithçka që ishte e mundur për të qëndruar. Nuk më është kërkuar kurrë të luaj falas. Më kërkuan që të ulë rrogën dero në pesëdhjetë për qind. E bëra pa asnjë problem. Kështu doja të ndihmoja Barcelonën. Ishte dëshira ime dhe e familjes sime për të qëndruar në Barcelonë. Fjalët e presidentit nuk ishin në rregull. Më lënduan shumë”.

“Më dukej sikur Laporta më mori topin, por më pas nuk dinte çfarë të bënte me të. Ai thjesht nuk duhej t’i thoshte ato gjëra. Tani njerëzit mund të mendojnë se kam shkaktuar dyshime. Unë nuk e meritoj këtë”, potencoi ai.

Messi më tutje zbuloi se ai nuk ka folur me Laportan që kur u largua nga “Camp Nou”, por zbuloi se ai do të kthehej në klub si drejtor teknik në një moment në të ardhmen.

Aventura e yllit argjentinas në PSG nuk ka nisur në mënyrën më të mirë të mundshme duke mos pasur impaktin e pritur nga ai, ndërkohë që ai ka shprehur gatishmërinë e tij që në të ardhmen të marr një rol drejtues në klubin e Barcelonës.

Lajmet

​Superliga e Kosovës sjell sot përballje të forta

Published

on

Superliga e Kosovës në futboll sot rikthehet me pesë duele interesante në kuadër të javës së gjashtë, ku nga ora 15:00 do të zhvillohen katër ndeshje.

Ndeshjet që do të zhvillohen janë: Dukagjini- Llapi, Ballkani-Drita, Gjilani-Drenica dhe Malisheva- Ferizaj.

Spektakli i futbollit sonte do të mbyllet në mbrëmje me derbin e kryeqytetit, ku nga ora 20:15 Prishtina do të përballet me Prishtinën e Re.

Këto përballje pritet të kenë ndikim të madh në renditjen e Superligës, duke shtuar rivalitetin në garën për kreun dhe mbijetesën.

Aktualisht, Prishtina është lidere e tabelës me 10 pikë, aq sa ka edhe Dukagjini në vendin e dytë./S.K/KP/

Continue Reading

Lajmet

Arteta tregon kur rikthehet Havertz

Published

on

By

Trajneri i Arsenalit, Mikel Arteta, ka dhënë një përditësim inkurajues për Kai Havertz, duke e përshkruar mesfushorin si një “shembull të ndryshëm” ndërsa vazhdon të punojë për të rifituar formën e tij të plotë fizike.

26-vjeçari ka qenë jashtë fushave që nga mesi i gushtit për shkak të një dëmtimi në gju që pësoi në stërvitje, vetëm pak ditë pas fitores 1-0 të Arsenalit ndaj Man United në ndeshjen e parë .

Havertz nuk pritet të rikthehet në fushë deri në fund të nëntorit, por Arteta ka thënë se ai mund të kthehet brenda “javëve” dhe jo brenda “muajve”.

“Me Kai-n, e dimë se do të jenë muaj me të. Nuk e di nëse mund të jenë javë, nuk i dihet kurrë sepse ky është Kai dhe ai është një ekzemplar tjetër”, u tha trajneri gazetarëve përpara ndeshjes së tyre në Kupën e Ligës me Port Vale.

“Na mungon vërtet. Shpresojmë që ai të kthehet, dhe do të kthehet edhe për një kohë të gjatë, kështu që është shumë e rëndësishme të kujdesemi për atë gju. Deri më tani, ai po përparon mjaft mirë.”

“Topçinjtë” do të luajnë ndeshjen e radhës kundër Newcastle të dielën, më 28 shtator./D.B/KP

Continue Reading

Lajmet

Bashkimi arrin fitore historike kundër Anwil Wloclawek

Published

on

KB Bashkimi ka shënuar një nga fitoret më të mëdha në historinë e saj, duke mposhtur gjigantin polak Anwil Włocławek me rezultat 80-75 në palestrën “Sezai Surroi” në Prizren.

Ndeshja u zhvillua në kuadër të para-kualifikimeve të FIBA Europe Cup dhe solli një atmosferë të jashtëzakonshme në tribuna, ku tifozët verdhezi krijuan një mbështetje të zjarrtë për skuadrën e tyre.

Basketbollistët e Bashkimit treguan karakter të madh, duke kontrolluar lojën në momentet vendimtare dhe duke mos lejuar që përvoja dhe emri i madh i skuadrës polake të ndikonte në rrjedhën e takimit.

Me këtë triumf, skuadra prizrenase dëshmoi se është e gatshme të përballet denjësisht me kundërshtarë të mëdhenj evropianë dhe të ëndërrojë për një kualifikim historik.

Kjo fitore pritet të mbetet gjatë në kujtesën e tifozëve, jo vetëm si një rezultat i madh sportiv, por edhe si një dëshmi se basketbolli kosovar po bën hapa të rëndësishëm në arenën ndërkombëtare. /S.K/KP

Continue Reading

Lajmet

Shqipëria pa Marash Kumbullën në ndeshjen me Serbinë

Published

on

Marash Kumbulla do të qëndrojë rreth një muaj jashtë fushës sipas raportimeve të fundit nga Spanja, e që tregojnë se mbrojtësi do të jetë sërish i gatshëm për Majorkën pas pushimit të kombëtareve.

25-vjeçari pësoi një dëmtim muskulor në sfidën e fundit të 21 shtatorit, që Majorka luajti përballë Atletiko Madrid.

Kumbulla la fushën e lojës në minutën e 36-të dhe vendin e tij e mori Pablo Torre.

Ndeshjet e radhës që Majorka do të luajë pa Kumbullën do të jenë me Real Sociedad, Alavesh dhe Atletik Bilbaon. Nëse gjithçka shkon sipas planit, rikthimi do të jetë ndaj Seviljes, më 18 tetor.

Kumbulla do të qëndrojë kështu jashtë listës së Silvinjos edhe për sfidat e tetorit.

Kombëtarja do të sfidojë Serbinë në transfertë për kualifikueset e Botërorit 2026 dhe më pas Jordaninë në miqësore./S.K/EO/

Continue Reading

Të kërkuara