Lajmet

​Mësimdhënësit në grevë, Jasharaj: Një ligj që na e punon dikush tjetër ne nuk e pranojmë

Mësimdhënësit po kërkojnë 100 euro shtesë në paga deri në miratimin e Ligjit të pagave.

Publikuar

2 vjet më parë

më

Ka nisur sot greva njëorëshe në të gjitha institucionet arsimore në vend. Sindikata e Bashkuar e Arsimit, Shkencës dhe Kulturës (SBAShK) ka deklaruar se deri tek ky vendim ka ardhur për shkak të mosplotësimit të kërkesave nga Qeveria e Kosovës. Mësimdhënësit po kërkojnë 100 euro shtesë në paga deri në miratimin e Ligjit të pagave.

Rrahaman Jasharaj, kryetar i SBAShK-ut, ndoqi nga afër rrjedhën e grevës në shkollën fillore, “Asim Vokshi”, i cili tha se me muaj të tërë i kanë bërë kërkesa e shkresa Qeverisë për të mos ardhur deri te greva, porse siç tha ai, ekzekutivi nuk i ka marrë parasysh. Ai bëri të ditur se ndër kërkesat e mësimdhënësve është edhe Ligji për sigurime shëndetësore, derisa ka akuzuar Qeverinë për deklaratat që po ju dhimbsen nxënësit janë false.

“Nëse vërtete stresohen që do të humbë mësimin në greva e kanë mundësinë të ulen me sindikatat të ofrojnë zgjedhje, të thonë do të vazhdojmë me 100 euro, ja ligji, hajde ta punojmë bashkë. Një ligj që na punon dikush tjetër ne nuk e pranojmë… Deklaratat që po na dhimben nxënësit të Qeverisë janë false, janë për të krijuar nervozë të prindërit. Nëse i dhimben Qeverisë Kurti nxënësit dhe mësimi, le të ulet me Sindikatat dhe të bëjë zgjedhje”, theksoi Jasharaj.

Kryetari i SBAShK-ut për Prishtinë, Ahmet Pllana, ka thënë që greva nuk vjen nga dëshira por ngase Qeveria qe nuk po i plotëson kërkesat e SBAShK-ut.

“Kjo grevë është organizuar për shkak të obligimeve që nuk i kryen Qeveria e sotme e Republikës së Kosovës, dihet se kjo nuk është me vullnetin dhe dëshirën tonë por na ka imponuar për kërkesat tona të cilat janë legjitime”, tha ai.

Anëtari i kryesisë i grupit të grevës, Adnan Veseli, është shprehur i shqetësuar për orët e humbura në grevë, porse ka shtuar se mospërmbushja e kërkesave nga ana e Qeverisë po i shtyn të hyjnë në grevë.

“Është grevë jo me dëshirën tonë sepse të gjithë mësimdhënësit e dimë që një orë mësimore me humb fëmija është e madhe. Por, detyrimet neve po na shtynë të hymë në këtë lojë dhe të jemi këta që jemi për momentin… Me këto kushte qysh janë ngritur çmimet edhe ne nuk kemi kushte të mira, nuk kemi mundësi me mbajt një familje dy anëtarëshe sepse rrogat tona pas pesë dite nuk janë, e ata po mendojnë që po marrim kushedi sa”, tha ai.

Ata që pësojnë më së shumti nga grevat në arsim janë nxënësit, të cilët janë ankuar para kamerës së KosovaPress-it se për këtë shkak po mbesin prapa me mësime.

Nxënësja e kësaj shkolle, Ensara Govori shprehet e shqetësuar për grevën njëorëshe që është mbajtur sot, teksa ka kërkuar nga institucionet ta ndalin grevën.

“Jam në klasën e shtatë. Sot orën e parë e kemi humbur duke u mbajt greva. Lus institucionin që ta ndalin grevën sepse po mbesim shumë mbrapa me mësime”, tha ajo.

Edhe Suela Sinidolli shprehet e brengosur për shkak të grevës.

“Ne kemi humbur orën e parë për shkak të grevave… dhe ne jemi të dëmtuarit më të mëdhenj. Kërkojmë nga Qeveria që të plotësohen kërkesat dhe të mos mbajnë greva”, tha ajo.

Ndërkaq SBAShK-u ka paralajmëruar se nëse Qeveria e Kosovës vazhdon të mos plotësojë kërkesat e tyre edhe pas datës 20 maj, do të hyjnë në grevë deri në realizimin e kërkesave të tyre. Po ashtu ka kërkuar edhe mirëkuptim nga prindërit, mësimdhënësit dhe studentët për këtë grevë. 

Etiketa
Vazhdo të lexosh

Lajmet

Irlanda konfirmon se zyrtarisht do ta njohë shtetin e Palestinës këtë muaj

Publikuar

21 minuta më parë

më

15 Maj, 2024

nga

Irlanda do ta njohë shtetin e Palestinës deri në fund të muajit, konfirmoi ministri i Jashtëm i Irlandës, duke mos specifikuar ndonjë datë.

“Ne do të njohim shtetin e Palestinës para fundit të muajit”, tha Micheal Martin.

Gjatë muajit mars, liderët e Spanjës, Irlandës, Sllovakisë dhe Maltës përmes një deklarate të përbashkët konfirmuan gatishmërinë për ta njohur shtetin e Palestinës.

Irlanda ka kohë që ka deklaruar se nuk ka asnjë kundërshtim në parim për të njohur zyrtarisht shtetin palestinez nëse mund të ndihmonte procesin e paqes në Lindjen e Mesme./UBTNews/

Vazhdo të lexosh

Lajmet

Presidenti ukrainas shtyen vizitat jashtë vendit për shkak të situatës së vështirë në front

Publikuar

29 minuta më parë

më

15 Maj, 2024

nga

Presidenti ukrainas, Volodymyr Zelensky, ka shtyrë të gjitha takimet e planifikuara jashtë vendit, një shenjë që tregon për vështirësitë me të cilat po përballen forcat ukrainase kundër avancimit të Rusisë në rajonin verilindor të Kharkivit.

Ndërsa Ukraina nuk ka dhënë asnjë arsye specifike për shtyerjen e këtyre takimeve, por zëdhënësi i tij, Serhiy Nykyforov shkroi në platformën Facebook se Zelensky më 15 maj mbajti një takim me komandantët e tij, përfshirë edhe me komandantin e përgjithshëm, gjeneralin Oleksandr Syrskiy, dhe në atë takim është diskutuar situata në rajonin e Kharkivit.

Vovçansku është bërë epiqendër e ofensivës së fundit ruse, përderisa forcat e Kremlinit po tentojnë të marrin nën kontroll vendbanime në lindje të Kharkivit, që para luftës kishte afro 1.4 milion banorë.

Megjithatë një ditë më herët, Rusia prentendoi se ka marrë mbi kontrollin e tij fshatin kufitar, Buruvatka, por ky prentendim nuk është verifikuar ende në mënyër të pavarur.

Kryetari i Kharkivit, Ihor Terekhov, deklaroi se pavarësisht sulmeve të vazhdueshme ruse, nuk ka plane për evakuimin e qytetit./UBTNews/

Vazhdo të lexosh

Lajmet

Rusia bën të ditur se ka zmbrapsur një “sulm masiv” të Ukrainës mbi Krime

Publikuar

1 orë më parë

më

15 Maj, 2024

nga

Guvernatori i instaluar nga Moska në rajonin e pushtuar ukrainas të Krimesë, Mikhail Razvohayev, bëjnë të ditur se është zmbrapsur “një sulm masiv” ukrainas me raketa mbi qytetin e Sevastopolit.

Razvozhayev tha se disa raketa u rrëzuan mbi det dhe në zonën afër bazës ajrore të Belbekut. Megjithatë edhe më herët kjo bazë ajrore kishte qenë cak i sulmeve.

Më tutje, Ministria ruse e Mbrojtjes tha se mbrojtja ajrore ka rrëzuar dhjetë raketa me rreze të gjatë veprimi mbi Krime.

Në javën e fundit, Moska, pa ofruar dëshmi, ka akuzuar Ukrainën se ka nisur të përdorë sistemin raketor ATACMS, të prodhimit amerikan, derisa pushtimi rus i Ukrainës ka hyrë në vitin e tretë./UBTNews/

Vazhdo të lexosh

Lajmet

Erdogan: Turqia do të vazhdojë të qëndrojë në krah të Hamasit

Publikuar

1 orë më parë

më

15 Maj, 2024

nga

Presidenti turk, Recep Tayyip Erdogan tha se Turqia “do të vazhdojë të qëndrojë pranë Hamasit, i cili po lufton për pavarësinë e tokës së vet dhe po mbron Anadollin”. Anadolli është gadishulli që sot përbën pjesën aziatike të Turqisë.

Hamasi ka një zyrë në Turqi që nga viti 2011, kur Turqia ndihmoi në sigurimin e marrëveshjes për grupin për të liruar ushtarin izraelit Gilad Shalit dhe Erdogan ka mbajtur lidhje me Ismail Haniyeh, udhëheqësin politik të grupit, i cili ka qenë një vizitor i shpeshtë.

Duke folur në një takim të grupit parlamentar në Ankara, Erdogan tha: “Izraeli nuk do të ndalet në Gaza dhe nëse nuk ndalet, ky shtet mashtrues përfundimisht do të synojë Anadollin me iluzionet e tij për tokën e premtuar”.

Ai tha se kryeministri izraelit Netanyahu dhe ata që janë bashkëpunëtorë në gjenocid do të mbajnë përgjegjësi, ne do të sigurojmë që ata të përballen me drejtësinë./UBTNews/

Vazhdo të lexosh

Të kërkuara