Aktualitet

​Mblidhen sot pesë komisione parlamentare

Published

on

Në Kuvendin e Kosovës sot do të mblidhen pesë komisione parlamentare. Komisioni për Mbikëqyrjen e Financave Publike, Komisioni për Arsim, Shkencë, Teknologji, Inovacion, Kulturë, Rini dhe Sport, Komisioni për Ekonomi, Industri, Ndërmarrësi dhe Tregti, Komisioni për Bujqësi, Pylltari, zhvillim Rural, Mjedis dhe Infrastrukturë si dhe Komisioni për të Drejtat e Njeriut, Barazi Gjinore, për Persona të Pagjetur dhe Peticione, janë këto pesë komisionet që janë paraparë të mblidhen sot.

Në ora 10:00 do të mblidhet Komisioni për mbikëqyrjen e Financave Publike ku në rend dite veç miratimit të procesverbalit të mbledhjes së mbajtur më 14 prill do të shqyrtohet edhe raporti i auditimit të performancës, zbatimi i rekomandimeve të raportit “administrimi i programit për trajtim mjekësor jashtë institucioneve shëndetësore publike dhe vlerësimi i rezultateve.

Në këtë komision do të jetë edhe ministri i Shëndetësisë, Arben Vitia, drejtori i Shërbimit Spitalor Klinik Universitar i Kosovës (ShSKUK) dhe Drejtori i Fondit të sigurimeve shëndetësore.

Po ashtu do të shqyrtohet raporti i auditimit të performances “organizimi dhe menaxhimi i investimeve të teknologjisë së informacionit në institucionet publike”. I ftuar do të jetë MFPT-së, ministri i MPB-së, ministrja e ME dhe drejtori i Agjencisë së Shoqërisë së Informacionit.

Në ora 12:00 do të mblidhet Komisioni për Arsim, Teknologji, Inovacion, Kulturë, Rini dhe Sport. Në këtë komision do të diskutohet lidhur me shpalljen e konkursit për anëtarë të Këshillit të Kosovës për Trashëgimi Kulturore.

Kurse në ora 13:00 do të mblidhet Komisioni për Ekonomi, Industri, Ndërmarrësi dhe Tregti, ku do të shqyrtohet kërkesa NP KOSTT ku në raportim do të jetë ministrja e ekonomisë, Artane Rizvanolli; bordi dhe kryeshefi ekzekutiv i NP KOSTT. Po ashtu në rend dite do të jetë edhe shqyrtimi i kërkesës së ndërmarrjes “Kosova Thëngjilli SH.A”, të ftuar për raportim: ministrja e ekonomisë, Artane Rizvanolli; bordi dhe menaxhmenti i ndërmarrjes “Kosova Thëngjilli SH.A”

Në këtë komision do të diskutohet edhe situata aktuale e privatizimit në vend, të ftuar për raportim: bordi dhe drejtori menaxhues i Agjencisë Kosovare të Privatizimit – AKP dhe do të diskutohet lidhur me funksionim e agjencive të pavarura, që i raportojnë komisionit.

Edhe Komisioni për Bujqësi, Pylltari, zhvillim Rural, Mjedis dhe Infrastrukturë do të mblidhet në ora 13:00. Në këtë komision do të miratohet fushëveprimtaria e komisionit dhe diskutohet lidhur me detyrat, prioritet dhe organizim të punës së komisionit.

Ndërkohë që do të mblidhet edhe Komisioni për të Drejtat e Njeriut, Barazi Gjinore për Perona të Pagjetur dhe Peticione, ku do të shqyrtohen ankesat lidhur me procedurat e zgjedhjes së pesë zëvendësve të Avokatit të Popullit.

Po ashtu do të shqyrtohet propozimi i nismës legjislative lidhur me Projektligjin për Mbrojtje nga Dhuna nё Familje.

Aktualitet

Kurti: PDK dhe LDK dërguan lëndë të reja në Gjykatë, nuk donin bashkëpunim

Published

on

Kryeministri në detyrë, Albin Kurti, ka thënë se partia e tij ka ofruar kompromise dhe ka qenë e gatshme për bashkëpunim, por partitë e tjera nuk kanë ndërmarrë hapa të njëjtë.

Ai ka deklaruar se edhe pas këshillës së Gjykatës Kushtetuese që partitë të merren vesh mes vete, PDK-ja dhe LDK-ja kanë dorëzuar lëndë të reja në këtë gjykatë.

“Ne kemi ofruar dy kompromise. I pari ka qenë që, nëse me votim të fshehtë nuk zgjidhet Albulena Haxhiu, ne do të sjellim një emër tjetër. Kompromisi i dytë ka qenë që të merremi vesh për një paketë ku përfshihen kryetari dhe nënkryetarët. Ne kemi bërë hapa, nuk ka pasur hapa nga pala tjetër”, tha Kurti.

“Nëse Gjykata thotë “Uluni dhe merruni vesh”, ti nuk shkon të dorëzosh lëndë në Gjykatë. LDK dhe PDK menjëherë kanë shkuar në Gjykatë, sikur të mos kishte pasur fare një vendim paraprak”, vazhdoi tutje Kurti.

 

Continue Reading

Aktualitet

Në Podujevë për herë të parë përurohet Shërbimi i Hemodializës

Published

on

Podujeva për herë të parë bëhet me Shërbim të Hemodializës, ku në solemnitetin e organizuar me këtë rast, u vlerësua se ky shërbim zgjidh problemin e pacientëve të kësaj ane, të cilët deri më tani për shërbim të hemodializës udhëtonin kryesisht në Prishtinë.

Në këtë ngjarje morën pjesë edhe kryeministri në detyrë Albin Kurti dhe ministri në detyrë i Shëndetësisë Arben Vitia.

Shërbimi i Hemodializës është një procedurë mjekësore që përdoret për të trajtuar pacientët me dështim të veshkave (insuficiencë renale), veçanërisht kur veshkat nuk janë më në gjendje të kryejnë funksionin e tyre normal të pastrimit të gjakut.

Hemodializa është një trajtim që përdor një makinë speciale (dializator) për të pastruar gjakun nga toksinat dhe mbetjet që grumbullohen në trup; larguar lëngjet e tepërta; rregulluar nivelet e elektroliteve si natriumi, kaliumi, kalciumi, etj.

Gjatë seancës, gjaku i pacientit nxirret nga trupi, kalon përmes dializatorit ku pastrohet dhe kthehet sërish në trup.

Continue Reading

Absolventiada

Prokuroria propozon dëbimin e Popoviqit për dy vjet nga Kosova

Published

on

Prokuroria Speciale e Republikës së Kosovës ka propozuar që i akuzuari Igor Popoviq të dënohet me gjobë prej 3 mijë eurosh dhe dëbim prej 2 vitesh nga Kosova, pas arritjes së marrëveshjes për pranimin e fajësisë mes të dy palëve.

Sipas aktakuzës, Popoviq ka mbajtur një fjalim publik në Rahovec me përmbajtje që, sipas Prokurorisë, nxitte urrejtje dhe përçarje ndëretnike më 18 korrik 2025 rreth mesditës. Gjatë fjalës së tij, ai ka bërë deklarata që cilësohen si nxitëse ndaj grupeve etnike.

Për këtë masë u pajtua edhe vetë i akuzuari Popoviq dhe mbrojtja e tij.

Prokurorja e rastit, Fikrie Zejnullahu tha se nga marrëveshja, rezulton që gjykatës t’i propozohet shqiptimi i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.

Ajo i propozoi gjykatës që në të njëjtën kohë, të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.

“Aktakuzës i është bashkangjit marrëveshja për pranimin e fajësisë. Kjo marrëveshje është e lidhur në përputhje të plotë me dispozitat penale për këto arsye qenësore. Në radhë të parë i akuzuari Igor Popoviq mjaftueshëm është konsultuar me mbrojtësit e tij që nga fillimi i procedurës penale dhe se ky pranim është në përputhje të plotë me të gjitha provat me të cilat është arsyetuar aktakuza. Kjo marrëveshje i përmbushë të gjitha kriteret qe të pranohet nga gjykata. Nga marrëveshja rezulton që Gjykatës i propozojmë që t’i shqiptojë po të njëjtit dënim sipas marrëveshjes që për veprën penale që akuzohet të gjykohet me gjashtë muaj burgim i cili dënim t’i zëvendësohet me dënim me gjobe në lartësi prej 3 mijë euro. Në të njëjtën kohe t’i shqiptohet dënimi i plotësuar dëbimi nga shteti i Kosovës në afat prej dy vitesh, për cka edhe jemi pajtuar”, tha Zejnullahu.

Gjyqtari Kujtim Krasniqi bëri të ditur se sot të bëhet shpallja e aktgjykimit në orën 14:00.

Prokuroria Speciale e Republikës së Kosovës ka ngritur aktakuzë ndaj Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, i cili u arrestua muajin e kaluar nga Policia e Kosovës.

I akuzuari ka pranuar fajësinë për veprën penale për të cilën akuzohet.

Continue Reading

Bota

Qeveria izraelite miraton planin për marrjen nën kontroll të gjithë qytetit të Gazës

Published

on

Situata e luftës në Gazë pritet të mbetet e përkeqësuar, pasi qeveria izraelite miratoi të premten një plan për ta marrë tërësisht nën kontroll zonën palestineze.

“Ushtria izraelite do të përgatitet të marrë nën kontroll Qytetin e Gazës, duke i ofruar ndihmë humanitare popullatës civile jashtë zonave të luftës,” njoftoi zyra e kryeministrit izraelit Benjamin Netanyahu.

Vendimi erdhi pavarësisht thirrjeve ndërkombëtare se luftës midis Izraelit dhe Hamasit duhet t’i vijë fundi, ndërkohë që shumë qytetarë në Izrael janë ngritur në protesta, pasi kanë frikë se çfarë do të ndodhë me pengjet që Hamasi mban prej 22 muajsh, që kur nisi konflikti më 7 tetor 2023.

Qeveria izraelite ka miratuar këto kushte për t’i dhënë fund luftës:

Hamasi të çarmatoset;Të gjitha pengjet duhet të kthehen, qofshin gjallë apo të vdekur;Rripi i Gazës duhet të çmilitarizohet;Siguria në Rripin e Gazës duhet të kontrollohet nga pala izraelite;Duhet formuar një qeveri civile alternative, e cila nuk është nën drejtimin e Hamasit apo Autoritetit Palestinez.

Francesca Albanese, raportuesja speciale e OKB-së për Territoret e Pushtuara Palestineze, deklaroi më parë se njoftimi i kryeministrit Netanjahu për Gazën “është po aq shokues sa lufta që i paraprin atij.”

“Kjo tregon dëshpërimin e kryeministrit izraelit,” tha ajo në një intervistë për kanalin televiziv BBC News, duke shtuar se kryeministri Netanjahu vazhdon të shkelë ligjet ndërkombëtare, siç ka gjykuar edhe Gjykata Ndërkombëtare e Drejtësisë për sa i përket futjes së ushtrisë izraelite në territoret palestineze.

Ofensiva ushtarake izraelite raportohet se ka lënë të vrarë mbi 61 mijë palestinezë në gati dy vite luftë. 42 qytetarë të Gazës u vranë të enjten, një pjesë e tyre duke pritur ndihmat për t’u lehtësuar nga kriza e urisë që ka pllakosur vendin.

Continue Reading

Të kërkuara