Presidentja e Kosovës, Vjosa Osmani, tha se me administratën e re amerikane të presidentit Donald Trump, shteti synon të thellojë bashkëpunimin në fushën e mbrojtjes e të investimeve strategjike.

Përmes një postimi në Facebook, ajo tha se po ashtu synohet vazhdimi i punës me Uashingtonin lidhur me forcimin e pozitës ndërkombëtare të Kosovës.

“Mbështetja amerikane ka qenë dhe mbetet jetike për shtetin tonë”, tha Osmani.

E para e shtetit të Kosovës po qëndron në Shtetet e Bashkuara, ku ka marrë pjesë edhe në Lutjet e Mëngjesit, por ka zhvilluar edhe takime në Departamentin e Shtetit.

Më 6 shkurt, Osmani tha se është takuar me kryetarin e Komisionit për Punë të Jashtme në Dhomën e Përfaqësuesve, Brian Mast, me të cilin tha se ka biseduar për raportet mes dy vendeve, që sipas saj, është një aleancë ” e ndërtuar mbi vlera të përbashkëta dhe përkushtim për paqe e siguri”.

Deklaratat e presidentes Osmani për synimin që të thellohet bashkëpunimi me Uashingtonin, vijnë në kohën kur Qeveria e Kosovës, e udhëhequr nga Albin Kurti, është përballur me kritika nga zyrtar të administratës amerikane.

Më 3 shkurt, i dërguari amerikan amerikan për misione të veçanta, Richard Grenell, tha se SHBA-së i duhen partnerë të besueshëm në Ballkan, ndërsa Qeveria e kryeministrit të Kosovës, Albin Kurti, sipas tij, nuk është e tillë.

Grenell po ashtu reaguar ndaj Kurtit edhe më 6 shkurt, duke kundërshtuar një deklaratë të kryeministrit të Kosovës se raportet me SHBA-në janë të forta.

“Raportet kurrë nuk kanë qenë në pikë më të ulët”, shkroi Grenell në X.

Këto deklarime të Grenellit janë bërë disa ditë para mbajtjes së zgjedhjeve parlamentare në Kosovë më 9 shkurt.

Kabineti i Kurtit nuk iu përgjigj kërkesës së Radios Evropa e Lirë, në lidhje me këto komente, por duke folur për një medium në Kosovë, ai përsëriti se marrëdhëdhëniet me SHBA-në janë në nivelin më të mirë – në çka reagoi sërish Grenell, duke thënë se ato në fakt nuk kanë qenë kurrë në pikë më të ulët.

Kurti ishte përballur me kritika edhe nga administrata paraprake amerikane e udhëhequr nga Joe Biden, për shkak të disa veprimeve të ndërmarra në veri të Kosovës, të banuar me shumicë serbe, të cilat lidheshin me zëvendësimin e targave serbe me ato të Kosovës, heqjen e dinarit serb nga përdorimi apo mbylljen e institucioneve serbe.

Kurti i ka justifikuar ato veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.

James O’Brien, i cili në administratën e paraardhësit të Trumpit, Joe Biden, kishte shërbyer si ndihmëssekretar i Shtetit, ka thënë se Kurti, me veprime të tilla, ka vënë në pikëpyetje partneritetin me Shtetet e Bashkuara.

Edhe pas kësaj deklarate, Kurti kishte këmbëngulur se SHBA-ja mbetet partnerja më e rëndësishme e Kosovës./REL/

Një kërkim urgjent ka nisur për një avion të vogël Bering Air Caravan që ka hmbur në Alaska gjatë natës.

Avioni kishte 10 pasagjerë në bord, të cilët udhëtonin nga Unalakleet në Nome të Alaskës Perëndimore të enjten në mbrëmje, kur avioni ka humbur nga radarët.

Ekipet janë duke punuar me shpërngulje për të përcaktuar koordinatat e fundit të avionit, por kushtet e motit në zonë janë aq të këqija sa që kanë kufizuar mundësinë e nisjes së kërkimit ajror.

Ku u zhduk avioni Bering?

Koordinatat e sakta të avionit ende po përcaktohen, ndërsa Garda Bregdetare është dërguar në zonë me pajisje speciale që mund të “gjejnë objekte dhe njerëz në kushte me pamje zero”, thanë autoritetet.

Sipas të dhënave nga FlightRadar, avioni – një Cessna 208B – u nis nga Unalakleet në orën 14:40 dhe u pa për herë të fundit mbi Norton Sound në orën 15:16.

Unalakleet dhe Nome janë qytete të vogla bregdetare në pjesën perëndimore të Alaskës, të ndara nga gryka Norton Sound.

Autoritetet thanë se kuptohet se avioni ishte 12 milje larg bregut kur humbi kontakti.

Çfarë lloj avioni është humbur? Avioni që humbi të enjten në mbrëmje mbi Alaska ishte një Cessna 208 Grand Caravan.

Avioni, i operuar nga Bering, mund të transportojë deri në 12 pasagjerë dhe është një avion i njohur në zonë që përdoret për të transportuar njerëz në vende të largëta.

Avioni mund të fluturojë deri në tre orë me një tank plot karburant përpara se të kërkojë rimbushje.

Kërkimi pengohet nga moti i keq dhe pamja e kufizuar Autoritetet kanë paralajmëruar se moti i keq po pengon përpjekjet për kërkimin e avionit Bering.

Pamja në Aeroportin e Nome ishte ulur deri në gjysmë milje të enjten në mbrëmje, dhe autoritetet thanë se prisnin erëra me shpejtësi mbi 35 mph.

Garda Bregdetare dërgoi një avion HC-130 për të ndihmuar në kërkim, i cili po transporton “pajisje speciale për kërkimin dhe shpëtimin që i mundëson atij të gjejë objekte dhe njerëz në kushte me pamje zero”, thanë autoritetet.

Spitali i Alaskës përgatitet për të pritur viktima Korporata Shëndetësore e Norton Sound tha se është “gati të reagojë ndaj një emergjence mjekësore të komunitetit” gjatë kërkimit të vazhdueshëm.

“Një qendër për familjet po pranon anëtarë të familjeve dhe të dashur në sallën e konferencave në katin e tretë të Spitalit të Rajonit Norton Sound,” tha institucioni, një spital i vogël lokal me bazë në Nome, në një postim në rrjetet sociale.

Autoritetet i bëjnë thirrje publikut të mos ndihmojnë në kërkim në mirëkuptim për shkak të kushteve të keqija të motit.

Udhëheqësi suprem i Iranit, Ayatollah Ali Khamenei, ka kundërshtuar kategorikisht mundësinë e zhvillimit të negociatave me administratën e presidentit amerikan Donald Trump, duke e përjashtuar çdo mundësi për një marrëveshje të re bërthamore mes të dyja shteteve.

“Askush nuk duhet të negociojë me një qeveri si kjo”, tha Khamenei të premten, duke theksuar se negociatat me Shtetet e Bashkuara nuk do të sjellin zgjidhje për problemet e Iranit. “Negocimi me Amerikën nuk do të zgjidhë asnjë problem. Provë? Përvojë!”, shtoi udhëheqësi iranian.

Khamenei e akuzoi administratën e SHBA-së për mosrespektimin e detyrimeve të saj në kuadër të marrëveshjes bërthamore të vitit 2015, e cila ishte arritur në Vjenë dhe që parashikonte kufizimin e aktiviteteve bërthamore të Iranit në këmbim të heqjes së sanksioneve ekonomike. Ai e vuri theksin në faktin se kjo marrëveshje ishte thyer nga presidenti i kaluar amerikan, Donald Trump, kur ai u tërhoq nga marrëveshja në vitin 2018, duke krijuar një krizë diplomatike të rëndë.

“Amerikanët nuk e respektuan atë marrëveshje. Po i njëjti person që është tani në detyrë e prishi marrëveshjen”, theksoi Khamenei, duke i bërë një thirrje të drejtpërdrejtë administratës Trump, që të mos presë bisedime të tjera me Iranin.

Në sfondin e një krize ekonomike të thellë, për shkak të sanksioneve të ashpra perëndimore, fitorja e Trump në zgjedhjet presidenciale të nëntorit ka ngjallur një debat të brendshëm në Teheran mbi mundësinë e rifillimit të negociatave dhe heqjen e sanksioneve. Trump ka sugjeruar mundësinë e bisedimeve nëpërmjet një postimi në platformën e tij “Truth Social” të martën, duke theksuar se ai është i gatshëm për një “marrëveshje të verifikuar të paqes bërthamore” me Iranin, ndërkohë që insistonte në faktin se Irani “nuk mund të ketë një armë bërthamore”.

Në këtë kontekst, presidenti iranian Masoud Pezeshkian ka treguar gatishmërinë për t’u angazhuar në bisedime, por theksoi se vendimi përfundimtar do të marrë formë vetëm nën udhëheqjen e Khameneit, i cili ka të drejtën e vendimmarrjes finale në çështje të tilla të rëndësishme për sigurinë kombëtare të Iranit.

Gjykata Ndërkombëtare Penale në Hagë ka hapur një hetim ndaj qeverisë italiane, duke përfshirë Kryeministren Giorgia Meloni dhe dy ministra të kabinetit të saj, në lidhje me veprimet e tyre në lidhje me rastin e riatdhesimit të një oficerit të lartë libian, Gjeneral Almasri. Ky hetim ka të bëjë me akuzat për pengimin e administratës së drejtësisë dhe për favorizimin e kryerjes së krimeve kundër të drejtave të njeriut.

Çështja ka filluar pas vënies nën hetim nga Prokuroria italiane të Francesco Lo Boi, Kryeprokurorit të Antimafias, për nxitje dhe favorizim të një operacioni të dyshuar për riatdhesimin me një avion shtetëror të kreut të Policisë Gjyqësore të Tripolit, Gjeneral Almasri. Ky oficer është shpallur në kërkim nga Gjykata Penale Ndërkombëtare për krime të rëndë, dhe ky akt ka tërhequr vëmendjen ndërkombëtare.

Gjykata Ndërkombëtare Penale në Hagë ka filluar një hetim për të vlerësuar ndikimin e veprimeve të qeverisë italiane mbi administrimin e drejtësisë dhe lidhjen e saj me krimet e dyshuara të Almasri. Në dokumentin e hetimit, të siguruar nga mediat italiane, janë renditur emrat e Kryeministres Giorgia Meloni, Ministrit të Drejtësisë Carlo Nordio dhe Ministrit të Brendshëm Matteo Piantedosi, të cilët akuzohen për favorizimin e veprimeve të padrejta dhe të rrezikshme për të drejtat e njeriut.

Çështja ka origjinën nga denoncimin e një refugjati sudanez, i cili ka akuzuar Gjeneral Almasri për tortura të kryera ndaj tij dhe gruas së tij në vitin 2019, kur ata ishin të burgosur në Libi. Sipas kërkesës, ata dhe shumë të tjerë ishin viktima të abuzimeve dhe krimeve të drejtuara nga Almasri. Refugjati, një shtetas sudanez nga Darfuri, tani i ka bërë thirrje autoriteteve ndërkombëtare për të hetuar veprimet e qeverisë italiane, e cila, sipas tij, ka mbështetur kriminelët që po i shmangen drejtësisë.

Në dokumentin e denoncimit prej 23 faqesh, avokatët e refugjatit përshkruajnë me detaje trajtimin çnjerëzor të grupit të emigrantëve të cilëve u përkisnin viktimat. Këto dëshmi janë bërë pjesë e një kallëzimi penal të mëtejshëm që ka ngritur shqetësime për rolin që mund të ketë luajtur qeveria italiane në mbështetje të këtyre krimeve të rëndësishme.

Sipas hetuesve, Almasri qëndroi në Itali nga 18 deri më 22 janar, periudhë gjatë së cilës ai u lirua nga një gjykatë në Romë, pavarësisht kërkesës së Gjykatës Ndërkombëtare Penale. Pas lirimit, Almasri u kthye në Tripoli me një fluturim të siguruar nga shërbimi sekret italian. Ky akt ka rritur akuzat për favorizim të krimeve të drejtuara kundër të drejtat e njeriut dhe për ndërhyrje të papranueshme në sistemin ndërkombëtar të drejtësisë.

Përveç kësaj, avokatët e refugjatit sudanez kanë njoftuar se janë duke përgatitur shtesa në denoncimin e parë, pas marrjes së konfirmimit për hapjen e çështjes nga Prokuroria. Ky zhvillim ka ngjallur shqetësime të mëdha në lidhje me ndikimin e politikës ndërkombëtare mbi sistemet juridike dhe mbrojtjen e të drejtave të njeriut, veçanërisht në kontekstin e krizave humanitare dhe emigracionit./UBTNews/