Kulturë

​“Manifesta 14 Prishtina” ka bashkuar në kryeqytet 103 pjesëmarrës nga 30 vende

Edhe në “Manifesta14 Prishtina” u ngrit çështja e mosliberalizimit të vizave për qytetarët e Kosovës.

Published

on

Një ditë para hapjes zyrtare të “Manifesta14 Prishtina”, sot është mbajtur konferencë për media ku është shpalosur programi 100 ditor i këtij edicioni të 14-të të “Manifesta, Bienales Nomade Evropiane”, i cili është i pasur me ndërhyrje të shumta artistike, urbane, shfaqje, ngjarje e punëtori.

Edhe në “Manifesta14 Prishtina” u ngrit çështja e mosliberalizimit të vizave për qytetarët e Kosovës.

Drejtoresha e “Manifesta14 Prishtina”, Hedwig Fijen u shpreh se për herë të parë Bienalja Nomade Evropiane po mbahet në Ballkanin Perëndimor. Ajo tha se në këtë edicion të 14-të po marrin pjesë 103 pjesëmarrës nga 30 vende të ndryshme.

“Jemi krenar të prezantojmë 103 pjesëmarrës nga 30 vende përfshirë 25 kolektive, 40 pjesëmarrës nga Kosova dhe 26 të tjerë nga Ballkani Perëndimor që nënkupton dhe kjo është unike 65% e pjesëmarrëse të përgjithshëm janë nga rajoni. Ky edicion i ‘Manifestas’ bazohet në katër shtyllat kryesore si rezultat i hulumtimeve 4-vjeçare dhe gjenerimit të informatave… Është ish-fabrika e tullave, Hoteli ikonik ‘Grand Hotel’ hapësira e komunitetit që quhet qendra për praktikë narrative në ish-bibliotekën ‘Hivzi Sylejmani’ dhe një pjesë të 24 hapësirave gjithandej qytetit. I kemi vendosur këto hapësira dhe lokacione si pjesë e rikthimit të qytetit pjesët origjinale të qytetit të Prishtinës”, tha ajo.

Fijen ngriti si shqetësime dhe mosliberalizimin e vizave për kosovarët, për çka tha se kjo ndikon që komuniteti kulturor e artistik kosovar të përballet me kufizime bazike për të zhvilluar kapacitet e tyre.

“Duhet të rrisim vetëdijësimin e ndërgjegjësimin për kufizimet e padrejta të kësaj pjese të Evropës. Kosova është duke iu dëshiruar mirëseardhje të gjithë juve vizitorëve, artistëve e krijuesve, profesionistëve nga e tërë Evropa, por fatkeqësisht Evropa së pari Qeveria ime nuk i mirëpret kosovarët për shkëmbimet e tyre të ngjashme kulturore, një prej parimeve bazike të ‘Manifestës’, liberalizimi i vizave është pritur në vitin 2018, por tani në vitin 2022 Kosova vazhdon të mbetet me regjim të kufizuar të vizave… Kjo mungesë e liberalizimit të vizave nënkupton se komuniteti kulturor dhe artistik i Kosovës përballet me kufizimet më bazike duke kufizuar kapacitet e tyre për të zhvilluar dhe vazhduar dialogun konstruktiv me pjesën tjetër të Evropës lëre më pjesën tjetër të botës”, tha ajo.

Ministri i Kulturës, Rinisë dhe Sportit, Hajrullah Çeku tha se “Manifesta” është lobimi politik për të ecur pa u diskriminuar në rrugën integruese evropiane të Kosovës.

Çeku tha se Qeveria e Kosovës ka ndihmuar “Manifestën” me rreth 2 milionë euro.

“Banorët e Kosovës e cila organizon ‘Manifestën’ nuk mund të udhëtojnë pa viza nëpër Evropë, ‘Manifesta’ është edhe lobimi ynë politik për të ecur pa diskriminuar në rrugën tonë integruese evropiane. ‘Manifesta’ është edhe kërkesa jonë legjitime për trajtim të barabartë me popujt e tjerë në rajon dhe në Evropë, është dëshmia më e prekshme që Prishtina jonë me numrin 14 nuk është se dallon fortë nga Marsej juaj me numrin 13 e as nga Barcelona me numër 15. Prandaj, vizat e BE-së ndaj qytetarëve të Kosovës ka kohë që kanë humbur nëse ndonjë herë kanë pasur kuptim. ‘Manifesta’ është edhe ekonomi përmes turizmit kulturor është edhe rrjetëzim artistik ndërkombëtar dhe reputacion për shtetin. ‘Manifesta’ është platformë diskutimi për muzeun tonë të ardhshëm të artit bashkëkohor wshtw gjithashtu edhe dëshmi që vendi ynë mund të organizojë ngjarje edhe më të mëdha botërore të artit dhe rrit potencialin e zhvillimit të monumenteve të trashëgimisë kulturore”, theksoi Çeku.

Minsitri Çeku theksoi se përmes “Manifestës 14 Prishtina”, objekti i Hamamit të Madh, ish-Gërmia, ish-Tullorja e hapësira të tjera po marrin kuptim të ri përmes ndërhyrjeve artistike.

“Shumë nga këto ndërtesa do të rikuptimësohen përmes ndërhyrjeve artistike në këtë periudhë, për shumë nga këto ndërtesa do të zbulojmë ide e funksione të reja, një alternativ ndaj privatizimit, një model ripërdorimi adaptues një qasje ndaj hapësirës dhe ndaj publikes”, theksoi ai.

Kurse, kryetari i komunës së Prishtinës, Përparim Rama duke u shprehur i lumtur që Bienalja Nomade Evropiane kësaj radhe po mbahet në kryeqytetin e Kosovës, tha se trashëgimia e Manifestës do të jetoj edhe përtej 100 ditëve sa është kjo platformë në Kosovë.

Rama tha se “Manifesta” me ndryshimet e saj ka sjellë artin te qytetarët.

“Ideja e re ishte që ne së bashku të bashkojmë forcat për transformimet publike që të hap mundësi për qytetin që të shohim dhe shfrytëzojmë mundësitë që paraqet qyteti dhe të shfrytëzojmë ‘Manifestën’ si platformë për diskutim, debat, për të bërë bashkë komunitetet për të hapur mundësi të reja për të theksuar hapësirat publike brenda qytetit si vende që krijojnë këto mundësi që njerëzit të flasin lirshëm për nevojat e tyre, dëshirat dhe idetë e tyre për qytetin… Nuk jemi këtu duke i çuar njerëzit tek arti, jemi duke e sjell artin tek njerëzit përmes këtyre intervenimeve në hapësira të ndryshme publike dhe pastaj mundësi të tjera… Kemi disa intervenime guximtare që janë shumë të dukshme në qytet pra ato ofrojnë këtë optimizmin për njerëzit këtu për qytetarët e Prishtinës”, tha ai.

Në këtë konferencë për shtyp morën pjesë edhe ndërmjetësuesit kreativ, Carlo Ratti dhe Ctherine Nichols.

“Manifesta14 Prishtina” do të jetë e hapur nga 22 korriku deri më 30 tetor. Përgjatë kësaj kohe qytetarët e Kosovës por edhe të huaj do të mund të vizitojnë 25 hapësirat e “Manifestës” duke nisur nga Hamami i Madh e deri tek Pallati i Rinisë.

Ndërhyrjet kryesore urbane përfshijnë korridorin e gjelbër i cili lidh dy anët e kryeqytetit me një shteg të qëndrueshëm të lëvizshmërisë dhe hap qasje në laboratorin e të mësuarit eko-urban në ish-fabrikën e tullave.

Manifesta po ashtu ka krijuar edhe një institucion të përhershëm ndërdisiplinor kulturor Qendër për Praktikë Rrëfyese e cila është e vendosur në mjediset e ish-bibliotekës “Hivzi Sylejmani”.

Ndyrshe, Bienalja Nomade Evropiane “Manifesta” ndryshon vendndodhjen çdo dy vjet, dhe është e themeluar në fillim të viteve 1990.

Magazinë

Filmi “Nobody 2”, i mbushur me skena aksion

Published

on

Studioja filmike “Universal Pictures” i ka publikuar pamjet e para të filmit të ri të mbushur me skena aksion, “Nobody 2”, që është vazhdim i trilerit të vitit 2021 me protagonist yllin e hollywoodit, Bob Odenkirk.

Filmi e rikthen aktorin në rolin e Hutch Mansellit, një burrë punëtor i zakonshëm, që gjithashtu ka aftësi të fshehta të vrasësit.

Pasi Hutch pajtohet ta dërgojë gruan e tij, Becca dhe fëmijët e tyre për pushime verore, ai e gjen veten sërish në një situatë të pazakontë. Hutch bëhet shënjestër e një sherifi të korruptuar dhe një shefeje të pamëshirshme të krimit.

Aktorët Sharon Stone, Colin Hanks dhe John Ortiz, u bashkohen kastës nga filmi i parë të përbërë nga emra të shquar si, Bob Odenkirk, Connie Nielsen, RZA, Michael Ironside, Colin Salmon, Billy MacLellan, Gage Munroe, Paisley Cadorath dhe Christopher Lloyd.

“Nobody 2”, i cili vjen me regji të Timo Tjahjantos, fillon së shfaquri për publikun e gjerë nga 15 gushti.

Continue Reading

Magazinë

Nicole Kidman flet rrallëherë për vajzat: “Jam shumë pranë tyre, ndajmë gjithçka”

Published

on

Nicole Kidman ka ndarë detaje të rralla dhe prekëse për marrëdhënien me vajzat, Sunday Rose, 16 vjeçe, dhe Faith Margaret, 14, që i ka me bashkëshortin e saj, këngëtarin Keith Urban, 57 vjeç.

Në një intervistë për Allure, aktorja tregoi se të qenit nënë e ka ndihmuar të kuptojë më mirë edhe veten.

“Jam shumë pranë të dyjave,” tha ajo. “Ulem në shtratin e tyre dhe flasim për gjërat më intime. Kam privilegjin të jem udhërrëfyesja e tyre.”

Aktorja e Nine Perfect Strangers tha gjithashtu se marrëdhënia mes tyre bazohet në respekt të ndërsjellë dhe hapësirë të lirë. “Nëse duan të më thonë ‘hesht’, mund ta bëjnë. Mund t’u kërkoj ndjesë. Mund t’u dal përballë. Më pëlqen shumë marrëdhënia që kemi,” u shpreh ajo.

E njohur për rolet e guximshme, nga neurokirurge në Days of Thunder te një grua e dhunuar në Big Little Lies, Nicole ka rregull të qartë: nuk do të luajë krah bashkëshortit në film a serial. “Jemi bashkë në jetë, nuk kemi nevojë të bëjmë edhe shfaqje së bashku. Jeta jonë është shfaqje,” tha ajo me humor për People.

E pyetur nëse do pranonte një rol ku të gjitha personazhet që ka luajtur ndër vite bashkohen në një projekt të vetëm, Nicole u përgjigj: “Qesharake, por jam gati! Më pëlqen të them që jam gjithmonë për lojë. Nuk e marr asgjë si të mirëqenë. Vetëm falënderoj universin.”

Aktorja zbuloi pse ishte kaq e entuziazmuar për t’u rikthyer në rolin e Masha-s në sezonin e dytë të Nine Perfect Strangers. “Sepse ajo është argëtuese dhe e fuqishme,” tha Nicole, duke cituar edhe kolegen Maisie Richardson-Sellers: “Masha është si një peshkaqen.”

Continue Reading

Magazinë

Prindërit miliarderë të Nicola Peltz paditen për neglizhencë, ish-punonjësja kërkon 75,000 dollarë dëmshpërblim

Published

on

Mileidis Morejon pretendon se ajo pësoi lëndime serioze pasi u sulmua vazhdimisht nga qeni i familjes.

Sipas Page Six, paditësja ngriti një padi duke kërkuar 75,000 dollarë dëmshpërblim për lëndimet fizike dhe mendore që ajo pretendon se i ka pësuar gjatë punës në rezidencën luksoze të familjes Peltz në Florida.

Sipas dokumenteve të gjykatës, Morejon e përshkruan qenin pit bull të familjes, të quajtur Houdini, si “të egër” dhe “të padisiplinuar” dhe pretendon se ai e sulmoi disa herë në vitin 2023, ndërsa ajo po punonte në pasurinë prej 100 milionë dollarësh të familjes. Në një nga sulmet, qeni dyshohet se i “shqyeu” rrobat, në rast tjetër “ra përtokë duke u përpjekur të shpëtonte”, kur kafsha dyshohet se “u vërsul drejt saj me qëllim që ta sulmonte”.

Ajo thotë se në një nga sulmet u detyrua të përdorte një fshesë me korrent për të mbrojtur veten.

Morejon pretendon në padi se Houdini kishte “natyrë të egër”, një “temperament agresiv”, “prirje për sulm ose tentativë sulmi”, që Nelson dhe Claudia Peltz “e dinin ose duhej ta dinin”. Padia, e ngritur në dhjetor 2024, ia atribuon neglizhencën punëdhënësve e kërkon kompensim për “dhimbje dhe vuajtje fizike dhe mendore, paaftësi, dëmtime trupore, shëmtim”, si dhe “ankth mendor”.

Përveç kësaj, Morejon deklaron se ajo pësoi humbje të të ardhurave dhe një reduktim të aftësisë së saj për të shijuar jetën, ndërsa përmendi edhe shpenzime të konsiderueshme mjekësore.

Familja Peltze i mohon akuzat për neglizhencë. Në përgjigjen e tyre të paraqitur në maj 2025, ata theksojnë se “është e padiskutueshme që Morejon nuk është kafshuar” dhe pretendojnë se nuk ka pasur kontakt fizik midis paditëses dhe qenit, si rezultat i të cilit ajo “nuk ka të drejtë për kompensim”.

Nelson Peltz argumentoi se Morejon, si pjesë e punës së saj si punëtore shtëpiake, “shoqërohej”, “vinte në kontakt” me Houdini-n dhe “pastronte rrëmujën e tij”, kështu që ajo duhet të ishte përshtatur me sjelljen e tij..

Continue Reading

Magazinë

Jennifer Lopez shqetëson fansat pas aksidentit në hundë, pak para AMA 2025

Published

on

Jennifer Lopez ka nxitur shqetësim mes fansave pasi postoi një selfie të rëndë me filtra vetëm pak ditë pasi pësoi një dëmtim në hundë gjatë provave për American Music Awards 2025, ku ajo do të jetë prezantuese dhe performuese kryesore.

Në foto ylli 55-vjeçar u shfaq me grim të ndritshëm, flokë të lëshuara e veshje sportive, por ajo që tërhoqi vëmendjen ishte filtri i dukshëm, që shumë e panë si përpjekje për të fshehur pasojat e lëndimit të fundit.

Lopez ka treguar se u godit gjatë një performance atletike, duke pësuar një plagë që kërkonte qepje, por siguroi ndjekësit se ishte në rrugë të mbarë drejt shërimit. “Një javë më vonë e me shumë akull, jam si e re”, shkroi pranë imazhit me kirurgun plastik të famshëm Dr. Jason Diamond, shkruan DailyMail.

Në postimet tjera, ajo zbuloi mavijosje në krah, dyshohet të ketë ardhur nga provat intensive për shfaqjen që do të mbahet më 26 maj në Las Vegas.

E njohur për stilin natyral dhe fotografitë autentike në rrjetet sociale, përdorimi i filtrave të rëndë në këtë rast ka çuar në spekulime për gjendjen e saj aktuale dhe presionin për të ruajtur pamjen në një moment kyç për karrierën.

J.Lo po përgatitet të rikthehet fuqishëm, një dekadë pasi prezantoi AMA-t, fansat mezi po presin performancën energjike, edhe nëse kjo ka ardhur me disa pasoja fizike gjatë provave.

Continue Reading

Të kërkuara