Lajmet

​Lumi Vjosa shpallet “Park Kombëtar”, Rama: Moment historik

Rama e vlerësoi këtë akt si moment historik në përpjekjen për mbrojtjen e natyrës.

Publikuar

Vjosa, lumi i fundit i egër në Evropë u shpall sot “Park Kombëtar” me mbrojtje të plotë kombëtare dhe ndërkufitare, sipas standardeve më të larta ndërkombëtare.

Në ceremoninë e posaçme që u zhvillua në Tepelenë, kryeministri Edi Rama e vlerësoi këtë akt si moment historik në përpjekjen për mbrojtjen e natyrës dhe për transformimin e mendësisë lidhur me natyrën.

“Ky është një moment realisht historik në përpjekjen për mbrojtjen e natyrës dhe për transformimin e mendësisë lidhur me natyrën si një hapësirë e përbashkët ku zhvillimi ekonomik, zhvillimi social dhe trashëgimia për brezat që vijnë si një stafetë e mirëqenies, mund të shihet dhe duhet të shihet krejt ndryshe nga sa rëndom jemi mësuar, duke e kërkuar tek shfrytëzimi pa kriter dhe pa karar i natyrës. Ky është një moment jashtëzakonisht i rëndësishëm për vendin tonë sepse sanksionojmë atë që kemi dëshiruar shumë qysh në krye të herës, atë për të cilën jemi zotuar kur kemi marrë mandatin për të qeverisur dhe atë që për ta bërë realitet na u desh kohë, pasi nuk është një vendim i lehtë, është një vendim i vështirë për njëmijë e një arsye, shpalljen e Vjosës “Park Kombëtar””, tha ai.

Kryeministri shqiptar, ndër të tjera, u shpreh se Shqipëria ka tani 21% të territorit zonë të mbrojtur dhe synimi është që 30% të teritorit ta bëjnë zonë të mbrojtur.

“Sot, Shqipëria ka 21% të territorit zonë të mbrojtur. E kemi gjetur me shumë më pak kur ne morëm detyrën dhe çdo vit kemi rritur sipërfaqen e zonës së mbrojtur dhe objektivi ynë është që ta çojmë në 30% territorin e vendit tonë që është zonë e mbrojtur. Është një objektiv shumë ambicioz, por nga ana tjetër të krijosh zona të mbrojtura nuk do të thotë që t’i presësh njerëzve që jetojnë në ato zona apo komuniteteve që kanë bekimin e atyre zonave pranë, rrugët e zhvillimit të tyre ekonomik dhe social. Nuk do të thotë që të kthesh dhe njerëzit në gjendje të egër, por përkundrazi, do të thotë që tu japësh atyre një perspektivë të re zhvillimi për të cilën nuk mjafton të kesh Vjosën, por duhet dhe të dish sesi”, shtoi Rama.

Lumi Vjosa do të jetë një “Park Kombëtar” unik për Shqipërinë, por edhe për Evropën, i cili e fut Shqipërinë në një tjetër kategori të hartës turistike europiane dhe hap një tjetër rrugë të re për zhvillimin e qëndrueshëm ekonomik e social.

Lajmet

​Gorçeviq: Mali i Zi ka mbështetur dhe vazhdon ta mbështesë Kosovën në KiE

Gorçeviq theksoi se kjo votë nuk flet për qëndrimin e Malit të Zi ndaj Kosovës.

Publikuar

nga

Zëvendëskryeministri Besnik Bislimi tha se Mali i Zi nuk ka votuar kundër Kosovës në Këshill të Evropës, por kjo votë ka qenë e një deputeteje që përfaqëson një subjekt politik.

“Nuk ka votuar Mali i Zi kundër Kosovës. Por një deputete që përfaqëson një subjekt politik, ka shprehur qëndrimin e subjektit politik. Vota e saj nuk përfaqëson qëndrimin zyrtar të Malit të Zi. Por vota si kjo është i rëndësishëm është intensifikimi. Votimi i Serbisë nuk ka qenë risi për neve, pa qëllim ata i kanë bërë nder Kosovës”, tha ai.

Ministrja për Çështje Evropiane, Maida Gorçeviq theksoi se kjo votë nuk flet për qëndrimin e Malit të Zi ndaj Kosovës. Ajo shtoi se do të përkrahet Kosova drejt KiE-së, në Këshillin Ministror i cili mbahet në muajin maj.

“Në këtë rast dua të përkujtoj se pavarësisht për drejtat e subjektit politik, por shumica e parlamenteve kanë nënshkruar marrëveshje koalicioni. Me këtë marrëveshje parashihet përkrahja e Kosovës. Dua të nënvizoj Mali i Zi në këshillin ministror, në maj, do të përkrahë Kosovën”, tha ajo.

Vazhdo të lexosh

Lajmet

​Haradinaj: Kosova në NATO do të ishte nderimi më i madh për të rënët

Haradinaj tha se regjimi kriminal serb vrau pa mëshirë dhjetëra shqiptarë të paarmatosur, duke mos i kursyer fëmijët dhe pleqtë.

Publikuar

nga

Kryetari i Aleancës për Ardhmërinë e Kosovës (AAK), Ramush Haradinaj, ka thënë se liria do të jetë e plotë atëherë kur atdheu është i sigurt dhe se anëtarësimi i Kosovës në NATO do të ishte dhurata më e mirë.

Në kujtim të viktimave të datës 29 mars 1999 në Beleg e Irzniq të Deçanit dhe Poterq të Klinës, Haradinaj tha se regjimi kriminal serb vrau pa mëshirë dhjetëra shqiptarë të paarmatosur, duke mos i kursyer fëmijët dhe pleqtë.

Haradinaj ka shtuar se shumë breza sakrifikuan për liri e çlirim, për fitoren e Ushtrisë Çlirimtare të Kosovës.

“Po atë ditë, mora lajmin e hidhur për rënien e 14 bashkëluftëtarëve, në një përballje heroike me pushtuesin në Shishman të Bokës. Djem të zotë, luftëtarë të dalluar, një pjesë të të cilëve i njoha në frontet e luftës. Shumë breza sakrifikuan për liri e çlirim, për fitoren e Ushtrisë Çlirimtare të Kosovës. Kjo liri e fituar me shumë dhembje e humbje, do të jetë e plotë atëherë kur Atdheu është i sigurt”, tha ai.

Kreu i AAK-së ka thënë se anëtarësimi i Kosovës në NATO do të ishte dhurata më e mirë për brezin e sotëm.

“Kosova në rresht me ushtritë e tjera të NATO-s, prirë nga Shtetet e Bashkuara të Amerikës është dhurata më e mirë për brezin e sotëm dhe ata qe vijnë. Është nderimi më i madh që mund të bëjmë për të rënët”, ka përfunduar ai.

Vazhdo të lexosh

Lajmet

Tahiri: Ditët në vijim do të iniciojmë kërkesën për shpërbërjen e Kuvendit

Sipas tij, afati i fundit për shpërndarjen e legjislaturës së tetë është fundi i muajit prill.

Publikuar

nga

Shefi i grupit parlamentar të Partisë Demokratike të Kosovës, Abelard Tahiri, ka paralajmëruar se ditët në vijim do të iniciojnë kërkesën për shpërbërjen e Kuvendit.

Sipas tij, afati i fundit për shpërndarjen e legjislaturës së tetë është fundi i muajit prill, kësisoj do të mundësohej që në muajin qershor të mbahen zgjedhjet e parakohshme.

Tahiri shtoi se kryetari i PDK-së shumë shpejtë do të nis diskutimet edhe me partitë opozitare që vendi të shkojë në zgjedhje sa më shpejtë. Këto komente Tahiri i bëri pas mbledhjes së Kryesisë së Kuvendit.

Vazhdo të lexosh

Lajmet

Maqedonci pret në takim homologun e Italisë, i kërkon mbështetje për anëtarësim në BE dhe NATO

Maqedonci ka njoftuar se kanë diskutuar rreth situatës së sigurisë në vend si dhe format se si mund të zgjerojnë bashkëpunimin në fushën e shkollimit.

Publikuar

nga

Ministri i Mbrojtjes, Ejup Maqedonci ka pritur në takim ministrin e Mbrojtjes së Italisë, Guido Crosetto. Maqedonci ka njoftuar se kanë diskutuar rreth situatës së sigurisë në vend si dhe format se si mund të zgjerojnë bashkëpunimin në fushën e shkollimit si dhe trajnimit të ushtarakëve, e po ashtu në fushën e industrisë së mbrojtjes.

“Ministrin e falënderova për mbështetjen që Italia i ka ofruar Kosovës, veçanërisht në fushën e sigurisë dhe mbrojtjes duke qenë shteti me pjesëmarrjen më të madhe të trupave në kuadër të misionit të KFOR-it. Ndërsa po ashtu e njoftova rreth mbështetjes që jemi duke i ofruar Ukrainës përmes ofrimit të trajnimeve dhe dhurimit të automjeteve taktive e municioneve që pritet të dërgohen së shpejti”, ka njoftuar Maqedonci në rrjetin social Facebook.

Maqedonci tha se ka kërkuar mbështetjen e Italisë në proceset për anëtarësimin e Kosovës në BE dhe në NATO, për të cilën tha se ka pranuar konfirmin nga ministri Crosetto për mbështetje të pakursyer të Italisë.

Vazhdo të lexosh

Të kërkuara