Sport

​Laporta dhe Messi në aksion, presion të fuqishëm Neymarit për rikthim në “Camp Nou”

Published

4 years ago

on

E përditshmja franceze “L’Equipe” shpjegon se si ardhja e presidentit të ri, Joan Laporta, në krye të Barcelonës ka shmangur një lamtumirë të mundshme të Messit në fund të sezonit dhe se kthimi i Neymar do ta bënte përfundimtar qëndrimin e numrin 10 në “Camp Nou”.

Pengesat për suksesin e operacionit janë gjendja financiare e Barçës dhe vullneti i fortë i PSG-së për të mbajtur kampionin brazilian në radhët e tyre.

Nëse nga njëra anë Paris Saint-Germain vazhdon të punojë për të rinovuar kontratën e Neymar që skadon në qershor të vitit 2022, nga ana tjetër ekziston Barcelona e cila këmbëngul për ta sjellë kampionin brazilian përsëri në “Camp Nou”.

Për të ringjallur këtë hipotezë është gazeta sportive franceze, “L’Equipe”, e cila shpjegoi se si jo vetëm klubi katalanas, por edhe vetë Leo Messi, po bënë presion pothuajse çdo ditë për të bindur Neymarin të kthehet te Barcelona.

Me ardhjen e Joan Laportas si president i ri, lamtumira e Messit nga Barcelona është në fakt gjithnjë e më e largët dhe rinovimi i kontratës (që skadon në fund të sezonit aktual) duket zgjidhja më e mundshme. Gjithashtu sipas asaj që u raportua nga gazeta franceze, presidenti i ri ka refuzuar kohët e fundit tentativat e Manchester Cityt dhe klubeve të tjerë të mëdha evropiane dhe do të donte t’i bënte një dhuratë të mëtejshme Messit për ta bindur atë të qëndronte, duke e sjellë Neymar përsëri në Barcelonë.

Pengesat më të rëndësishme për suksesin e këtij operacioni janë sigurisht llogaritë e klubit blaugrana (në deficit prej 1.17 miliardë euro) dhe vullneti i fortë i Paris Saint-Germain për të rinovuar kontratën e Neymar nën të njëjtat kushte si ato aktuale, me lojtarin që vazhdon të fitojë 36.8 milionë euro në vit.

Neymar luajti për Barcelonën për katër sezone së bashku me Leo Messin, duke fituar 9 tituj nga 2013 deri në 2017, përfshirë Ligën e Kampionëve 2015, të cilin ai fitoi në finale kundër Juventusit. 

Related Topics:
Continue Reading

Sport

Fabrizio Romano e konfirmon, Arsenali transferon një yll të Chelseat

Published

12 hours ago

on

June 25, 2025

By

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

2 days ago

on

June 24, 2025

By

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

2 days ago

on

June 23, 2025

By

Continue Reading

Sport

Darwin Nunez jep sinjale pozitive për kalimin te Napoli

Published

3 days ago

on

June 23, 2025

By

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara