Aktualitet

​Kuvendi i Maqedonisë në seancë për ndryshime kushtetuese

Për miratimin e nevojës për ndryshimet kushtetuese nevojiten 80 deputetë.

Published

3 years ago

on

Kuvendi i Maqedonisë së Veriut me 70 vota “për” dhe 47 “kundër” dhe pa asnjë të përmbajtur, votoi rendin e ditës për seancën e sotme, në të cilën ka vetëm një pikë në rendin e ditës, respektivisht Propozimi për qasje deri te ndryshimet kushtetuese, me të cilën parashihet futja e bullgarëve, malazezëve, kroatëve dhe hebrenjve në Preambulën e Kushtetutës.

Për miratimin e nevojës për ndryshimet kushtetuese nevojiten 80 deputetë.

Kreu i Kuvendit, Talat Xhaferi në nisje sqaroi procedurat e debatit dhe nxori menjëherë në votim rendin e ditës.

“Rendin e propozuar të ditës e vë në votim. Ju bëj thirrje të votojmë……….Gjithsej votuan 117 deputetë, për votuan 70 deputetë, kundër 47 deputetë. Nuk ka të përmbajtur. Konstatoj se u miratua rendi i propozuar i ditës”.

Votimi i vetëm 70 e jo 80 deputetëve për rendin e ditës entuziazmoi opozitën maqedonase.

Ndërkohë në një fjalim para deputetëve kryeministri Dimitar Kovaçevski tha se që nga pavarësia e shtetit fokusi i Maqedonisë së Veriut ka qenë gjithmonë eurointegrimi.

“Propozimi për plotësimin e Kushtetutës ka një relacion dhe motiv të vetëm, që është anëtarësimi në BE. Kjo kërkohet dhe pritet nga shumica e qytetarëve në vend. As më shumë e as më pak. Propozimi është i joni, maqedonas. Propozimi është i bazuar në propozimin e BE-së dhe marrëveshjen e vitit 2022, me të cilin shteti pas pritjes shumëvjeçare përfundimisht hapi negociatat për anëtarësim. Propozimi është shkruar këtu në Shkup. Propozimi debatohet në Kuvendin tonë dhe për këtë arsye me përgjegjësi të plotë i hedh poshtë tezat e rreme dhe të pavërteta se ekziston diktat nga dikush për çfarëdo qoftë. Ekziston vetëm mundësia e tanishme, e jona dhe historike”.

Kryeministri Kovaçevski tha se kjo është dita kur duket qartë kush ia do të mirën e vendit e kush jo.

Eurodeputeti Ilhan Qyçyk, i cili është edhe raportues për Maqedoninë në Parlamentin Evropian, para fillimit të seancës plenare kushtuar nevojës për hapjen e Kushtetutës, tha se bashkimi në vend është i domosdoshëm për procesin e ndryshimeve kushtetuese. Sipas tij, ndryshimet nuk janë nën diktat bullgar, por tashmë janë detyrime evropiane.

“Së pari, nuk do të ketë asnjë ndryshim në qëndrimin e BE-së – nuk ka dëshirë as Komisioni Evropian dhe as Këshilli të angazhohen për ndryshimin e rregullave disa muaj para zgjedhjeve evropiane. Rregullat janë të tilla, janë të dakorduara dhe të gjithë duhet t’i respektojnë. Së dyti – nuk do të ketë ofertë më të mirë, sepse kjo është më e mira”, deklaroi ai.

Në një intervistë për radion bullgare, Qyçyk shtoi se zgjedhja është unike për politikanët maqedonas.

“Nëse VMRO-DPMNE nuk dëshiron të jetë në anën e evropianizimit të Republikës së Maqedonisë së Veriut, përgjegjësia do të jetë e partisë, por fatkeqësisht kjo do ta ndalë rrugën e Maqedonisë së Veriut drejt BE-së në një kohë jo shumë të shkurtër”, deklaroi ai.

Kyçyk shtoi gjithashtu se ka shumë gjasa që Maqedonia të shkëputet nga pakoja me Shqipërinë në rrugën drejt BE-së. Që kjo të mos ndodhë, Shkupi duhet të përfundojë procesin e ndryshimeve kushtetuese brenda afateve të shprehura.

Ndryshe, sipas procedurave, kjo e sotmja është vetëm faza e parë nga tre të parapara për ndryshimin e Kushtetutës. Seanca për nevojën e hapjes së Kushtetutës mund të zgjasë maksimumi dhjetë ditë pune. Nëse arrihet shumicë prej dy të tretash, atëherë kalon në fazën e dytë. Pastaj Qeveria duhet të përgatisë tekstin e draft-amendamenteve dhe të dorëzojë arsyetim. Pas kësaj, është planifikuar që teksti të prezantohet në seancë publike, e cila nuk duhet të jetë më e gjatë se 30 ditë. Pasi të përcaktohet draft teksti përfundimtar i amendamenteve, ai do të votohet sërish në seancë plenare, por për këtë do të nevojiten 61 vota. Më pas do të pasonte faza e fundit, e tretë e procesit të ndryshimeve kushtetuese dhe vendimi përfundimtar për ndryshimin e aktit më të lartë juridik – Kushtetuta, sërish sillet me shumicë prej dy të tretave të numrit të përgjithshëm të deputetëve, pra me të paktën 80 vota. I gjithë procesi mund të përfundojë në tre muaj e gjysmë dhe të përkojë me përfundimin e fazës së shqyrtimit në fillim të dhjetorit, gjë që shpreson qeveria. Por, autoritetet njoftuan se në rast se nuk do të kenë shumicë prej dy të tretash, do të bindin deputetët e opozitës deri në përfundim të mandatit të përbërjes aktuale parlamentare, pra deri në qershor të vitit të ardhshëm./RTV 21-Alsat.mk/

Related Topics:
Continue Reading

Vendi

UBT hap konkursin për pranimin e studentëve të rinj për vitin akademik 2026/27

Published

21 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

21 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Vendi

Vizitë zyrtare e presidentit të Shqipërisë në Kosovë, priten masa të përkohshme në trafik

Published

23 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Ushtria e Kosovës në Gaza, Maqedonci: Flamuri ynë do të valojë për paqe

Published

23 hours ago

on

June 12, 2026

By

Kosova po bën një hap gjigant që do të mbetet gjatë në historinë tonë ushtarake dhe diplomatike. Në një bisedë në Podcastin e UBT-së, Ministri i Mbrojtjes, Ejup Maqedonci, ka zbuluar detajet e misionit të ardhshëm të FSK-së në Gaza. Ai tregoi se institucionet janë në fazën e fundit të përgatitjeve për të dërguar kontingjentin e parë prej 22 ushtarësh në këtë zonë të krizës globale.

Ky mision ka një peshë të jashtëzakonshme politike për shtetin tonë. Për herë të parë, ushtria e Kosovës do të marrë pjesë në një operacion të mandatuar drejtpërdrejt nga Këshilli i Sigurimit i OKB-së, edhe pse Kosova ende nuk është anëtare e kësaj organizate. Sipas ministrit, kjo dëshmon se aleatët tanë të mëdhenj, me në krye SHBA-në, po na trajtojnë si të barabartë në tavolinat ku vendoset për paqen botërore.

“Misioni në Gaza ka një veçanti, sepse është misioni i parë ku Kosova marrin pjesë në kuadër të një operacioni të mandatuar nga Këshilli i Sigurimit i OKB-së. Ne po bëhemi nga një importues i sigurisë në eksportues të sigurisë. Një vend që dikur kishte nevojë për siguri, sot po i kërkohen ushtarët për të kontribuar për paqe”, u shpreh ministri Maqedonci për UBT News.

Kontingjenti ushtarak i FSK-së është i kombinuar dhe i përbërë nga profesionistë të fushave më të rrezikshme. Në këtë grup do të dominojë fusha e deminimit dhe largimit të mjeteve të pashpërthyera, por pjesë e tij do të jenë edhe oficerë të operacioneve speciale që do të vendosen në shtabin qendror të forcës ndërkombëtare stabilizuese. Po ashtu, pjesë e ekipit do të jenë edhe mjekë ushtarakë dhe oficerë planifikues, të cilët do të ofrojnë ndihmë humanitare për qytetarët atje dhe do të punojnë për vendosjen e një paqeje afatgjatë.

Ky prezantim ndërkombëtar shihet si goditja më e mirë ndaj propagandës së Serbisë, e cila tenton ta paraqesë Kosovën si faktor destabilizues në rajon. Ministri kujtoi se si në vitin 2021, kur FSK-ja shërbeu në Kuvajt, flamuri i Kosovës valoi për një vit rresht para syve të shumë shteteve që ende nuk na kanë njohur zyrtarisht. Ai theksoi se misioni i ri në Gaza do të ketë të njëjtin efekt të fuqishëm diplomatik.

“Ne po përcjellim mesazh te vendet mosnjohëse se njohja e Kosovës nënkupton edhe njohjen e kontributit të saj për paqe dhe siguri. Kjo e forcon pozitën tonë ndërkombëtarisht”, potencoi në fund Ministri i Mbrojtjes. /E.A/

 

Continue Reading

Të kërkuara