Lajmet

​Kuvendi i Kosovës vlerësohet si ndër parlamentet më transparente në rajon

Të dhënat e Open Data Kosova që e radhisin Kuvendin e Kosovës në vendin e dytë sa i përket transparencës.

Publikuar

Kuvendi i Kosovës është radhitur ndër institucionet më transparente në rajon. Kjo u tha në aktivitetin që organizua nën ombrellën e Forumit për Transparencë Parlamentare për nder të Ditës Ndërkombëtare të Demokracisë, ku u hapën edhe dyert e Kuvendit për të gjithë qytetarët.

Kryetari i Kuvendit të Kosovës, Glauk Konjufca, tha se ashtu sikurse edhe viteve të tjera përmes shënimit të Ditës së Demokracisë synojnë që ta promovojnë demokracinë, të hapet e të bëhet sa më transparent Kuvendi i Kosovës, e institucionet e zyrtarët publikë të jenë sa më llogaridhënëse pasi kanë marrë përgjegjësi për t’ju shërbyer qytetarëve të Kosovës.

Ai tha se të dhënat e Open Data Kosova që e radhisin Kuvendin e Kosovës në vendin e dytë sa i përket transparencës së parlamenteve Snë rajon, nuk duhet të sjellin vetëkënaqësi por të kërkohet më shumë.

“Transparenca dhe llogaridhënia janë parakushtet kryesore për funksionimin e demokracisë, prandaj puna e deritashme e këtij forumi i kanë kontribuar në krijimin e një kulture parlamentare duke e bërë Kuvendin tonë të qasshëm dhe të hapur për publikun. Këtë e dëshmojnë edhe faktet sipas Open Data Kosova e cila thotë se Kuvendi i Kosovës qëndron në vendin e dytë në rajon sa i përket transparencës me 78% të plotësimit të të gjitha parametrave të transparencës. Natyrisht nuk duhet të jemi të kënaqur, ne synojmë ta ngrehim transparencën e Kuvendit të Kosovës dhe vitin tjetër Kosova të jetë e para në rajon prej shteteve me Kuvendin më transparent”, u shpreh Konjufca.

Në fjalën e saj, drejtoresha e NDI-së për Kosovë, Nancy Soderberg, u shpreh krenare për mbështetjen e Kuvendit ndër vite duke thënë se rezultatet në transparencë janë të dukshme, duke e radhitur Parlamentin kosovar ndër më transparentët në botë.

Ajo përmendi edhe faktin që një numër i lartë i grave janë zgjedhur deputete dhe kjo, sipas saj, kontribuon që të bëjnë demokracinë funksionale në Kosovë.

“Demokracia këtu është e vështirë, ju keni jo vetëm sfida që vijnë nga pandemia, keni çështje të vështira rajonale dhe tensionet me invazionin e padrejtë të Ukrainës, demokracia këtu nuk është ndalur asnjëherë dhe zotimi apo anagzhimi i njerëzve për këtë shihet në baza të përditshme për të pasur një parlament transparent dhe llogaridhënës. Jo aksidentalisht Kosova është një prej parlamenteve më të balancuara në aspektin gjinor në botë, siç thaëm më parë, demokracia është e vështirë por nuk është e pamundur, është e jashtëzakonshëm të shohim kontributin e grave në të gjitha nivelet e shoqërisë në Kosovë dhe numrin rekord që është zgjedhur në vitin 2021 , është duke ndihmuar të bëjë demokracinë funksionale në Kosovë”, deklaroi Soderberg.

Koordinatorja e Ekipit të Kombeve të Bashkuara në Kosovë (UNKT), Arnhild Spence, që mori detyrën së fundmi, foli për rëndësinë e mediave të pavarura dhe rolin e tyre që kanë në një demokraci të shëndoshë.

“Tema e lirisë së mediave është mesazhi im i parë këtu sot duke ditur kontestin e punës në Kosovë dhe rëndësinë e punës në mënyrë të bashkuar për të luftuar gjuhën e urrejtjes, lajmet e rreme dhe për t’u siguruar që kemi një demokraci të fortë në media. Mesazhi im i dytë ka të bëjë me objektivat e zhvillimit të qëndrueshëm që kanë për qëllim të mos e lënë askënd mbrapa dhe t’i shtyjnë ata të tjerët përpara dhe është me rëndësi të themi se Kosova është duke e kremtuar vitin e personave me aftësi të kufizuara dhe para syve tanë jemi duke parë një garë të shahut dhe jemi shumë të lumtur dhe krenarë që po mbështetim këto aktivitete të tilla si Kombe të Bashkuara”, u shpreh Spence.

Në kuadër të shënimit të Ditës së Demokracisë sot është mbajtur edhe panairi i shoqërisë civile, garë shahu nga persona të verbër, ndërsa gjatë ditës janë paralajmëruar edhe debate dhe aktivitete të tjera që afirmojnë demokracinë.

Lajmet

​Haradinaj: Kurti po kërkon shpëtimin e vet, shpërbërja e Kuvendit vetëm pas dorëheqjes

Publikuar

nga

Kryetari i Aleancës për Ardhmërinë e Kosovës (AAK), Ramush Haradinaj, ka thënë se ai e mbështet shpërndarjen e Kuvendit vetëm pas shkarkimit ose dorëheqjes së kryeministrit. Haradinaj ka thënë se kryeministrit Kurti si duket që po i rrëshqet toka nën këmbë dhe dëshpërimisht po e kërkon shpëtimin e vet.

“Është aktualizuar së fundmi një nismë për shpërbërjen e Parlamentit. S’ka asnjë mëdyshje se prapa kësaj nisme është Kryeministri. Duket që po i rrëshqet toka nën këmbë dhe dëshpërimisht po e kërkon shpëtimin e vet. Në këtë prizmë duhet parë edhe insistimi i tij që pas tre vjet qeverisjeje, më në fund kërkon takim me liderët e opozitës, në mos ata po bëhen shpëtimtarët e tij”, ka thënë Haradinaj.

Haradinaj ka shtuar se AAK e mbështetë shpërndarjen e Kuvendit vetëm pas dorëheqjes ose shkarkimit të kryeministrit.

“Sidoqoftë Aleanca për Ardhmërinë e Kosovës, do të mund ta mbështeste shpërbërjen e Parlamentit, vetëm pas dorëheqjes apo shkarkimit të Kryeministrit. Në situatën në të cilën jemi aktualisht, të gjitha dështimet e Kosovës, brenda dhe jashtë, e kanë vetëm një emër – Qeveria e udhëhequr nga Albin Kurti!”, ka përfunduar Haradinaj.

Vazhdo të lexosh

Lajmet

​Osmani merr pjesë në Samitin e Kopenhagës për Demokraci

Publikuar

nga

Presidentja e Republikës së Kosovës, Vjosa Osmani, ka udhëtuar për në Mbretërinë e Danimarkës ku do të marrë pjesë në Samitin e Kopenhagës për Demokraci.

Sipas një komunikate të lëshuar nga zyra e presidentes, në samit Vjosa Osmani do të ketë fjalim kryesor dhe diskutim mbi përpjekjet e Kosovës për mbrojtjen dhe forcimin e demokracisë, si dhe për rëndësinë e integrimit të Kosovës dhe të vendeve tjera aspiruese në institucionet euroatlantike në dritë të zhvillimeve gjeopolitike.

“Përgjatë vizitës në Mbretërinë e Danimarkës, Presidentja Osmani do të zhvillojë takime me liderë shtetëror. Po ashtu, Presidentja Osmani do ta takojë edhe mërgatën shqiptare në këtë shtet”, thuhet tutje.

Vazhdo të lexosh

Lajmet

​Kurti: Duhet të diskutojmë me të gjitha subjektet politike për datën e zgjedhjeve

Publikuar

nga

Kryeministri i Kosovës, Albin Kurti, është shprehur i gatshëm për zgjedhje të parakohshme, por ka theksuar nevojën e një konsensusi më të gjerë edhe me partitë opozitare për shpërndarjen e Kuvendit.

Kryeministri Kurti pas takimit me kryetarin e PDK-së, Memli Krasniqi, tha se si mundësi për zgjedhje janë pranvera e vonshme dhe vjeshta. Mirëpo shtoi se për caktimin e datës së zgjedhjeve është e domosdoshme të pajtohen të gjitha partitë parlamentare.

“Duhet të diskutojmë me të gjitha subjektet politike dhe të shohim se cila është data për të cilën pajtohemi më së shumti. Unë do të isha dakord për një gjë të tillë…Për shpërndarjen e Kuvendit nevojiten 80 vota dhe LVV-ja nuk i ka. Njëkohësisht unë nuk do të preferoja që të shpërndahet Kuvendit me dy parti, apo tri. Pse mos të bëhemi të gjithë bashkë. Është në natyrën e opozitës që të kërkojë zgjedhje, ndërkaq unë jam në vitin e fundit të mandatit, qeverisja ime në këtë mandat nuk mund të zgjasë më shumë sesa disa muaj. Për mua nuk është thelbësore a do të qeverisi në këtë mandat edhe 10 muaj, tetë, apo tre muaj. Por është e rëndësishme që të kemi një konsensus sa më të gjerë për datën e zgjedhjeve”, tha Kurti.

Më tej Kurti paralajmëroi se do të insistojë të takohet edhe me kryetarin e LDK-së, Lumir Abdixhiku dhe kryetarin e AAK-së, Ramush Haradinaj, pavarëisht refuzimit të tyre për takimin e sotëm.

“Unë do të insistojë të takohem edhe me të tjerët, nuk është synimi jonë të përjashtojë askënd. Besoj se marrëveshjet ndërkombëtare që kanë nevojë për 80 vota e bëjnë të domosdoshëm bashkëpunimin”, shtoi ai.

Ai nënvizoi sërish se Kosova ka plotësuar kriteret për anëtarësim në Këshill të Evropës, derisa nuk dha sinjale se do të dërgojë gjatë kësaj jave draft-stautin e Asociacionit në Gjykatë Kushtetuese.

“S’kam asgjë të re për të thënë për këtë aspekt, pasi kemi plotësuar të gjitha kushtet. Tash unë besoj se fjalën nuk e kemi ne, përkatësisht Këshilli i Ministrave”, tha ai.

Duke folur për marrëdhëniet me ShBA-në, Albin Kurti tha se ato nuk bazohen se kush janë në pushtet, demokratët apo republikanët, pasi amerikanët janë aleati dhe partneri i pazëvendësueshëm për Kosovën.

“Marrëdhëniet me ShBA-në nuk i bazojmë a janë në pushtet republikanët apo demokratët. Këtu tek ne edhe ne i kemi dallimet ideologjike dhe ato janë ideologjiket. Për qeverisjen e mirë në Kosovë dhe të ardhmen duhet të shohim dallimet tona dhe jo dallimet e partive në Amerikë pasi ShBA-ja janë aleati, partneri dhe miku i pazëvendësueshëm”, tha Kurti.

Lideri opozitarë, Memli Krasniqi është i vetmi që ka pranuar ftesën për takim të kryeministrit Albin Kurti, ndërkaq kryetari i LDK-së, Lumir Abdixhiku dhe kryetari i AAK-së, Ramush Haradinaj kanë refuzuar ftesën, me arsyetimin se diskutimi për agjendën legjislative është në domenin e Kuvendit.

Vazhdo të lexosh

Lajmet

MPJD konfirmon se refuzoi kërkesën e patriarkut Porfirije për të vizituar Kosovën

Publikuar

nga

Ministria e Punëve të Jashtme dhe Diasporës e Kosovës e ka konfirmuar se e ka refuzuar kërkesën e patriarkut serb Porfirije që të vizitojë Kosovën.

Lajmi është bërë i ditur më herët gjatë ditës nga shefi i Zyrës për Kosovën në Qeverinë e Serbisë, Petar Petkoviq.

Autoritetet e Kosovës kanë thënë se nuk do të lejohen vizita të tilla derisa “Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes”.

Petkoviq ka thënë se përfaqësuesi më i lartë i Kishës Ortodokse Serbe, Porfirije është nisur të hënën drejt Kosovës për të marrë pjesë në Kuvendin e Shenjtë të Ipeshkvijve të Kishës Ortodokse Serbe në Patriarkanën e Pejës, ditën e martë.

“Në orën 1:30 pasdite, patriarku serb është dashur të kalojë pikën administrative të Merdares, për të shkuar në selinë shekullore të kryepeshpokëve dhe patriarkëve, mirëpo në momentin kur është dashur të kalojë pikën, ka ardhur ndalesa prej Prishtinës, me arsyetimin se kreu i Kishës Ortodokse Serbe nuk mund të hyjë në territorin e Kosovës dhe Metohisë”, ka thënë Petkoviq.

Ai ka thënë Zyra Ndërlidhëse e Beogradit, në përputhje me marrëveshjet dhe procedurat valide, e ka dërguar njoftimin për planet e vizitës në Pejë.

“Patriarku serb Porfirije, gjithmonë, në çdo rast dhe vend, bën thirrje për paqe dhe bashkëjetesë të serbëve dhe shqiptarëve në zonën e Kosovës dhe Metohisë. Fatkeqësisht, këto janë vlera dhe mesazhe që askush në Prishtinë nuk i kupton”, ka thënë mes tjerash Petkoviq.

Serbia nuk e njeh shtetësinë e Kosovës – të shpallur në shkurt të vitit 2008 – prandaj dy vendet negociojnë në Bruksel, me ndërmjetësim të Bashkimit Evropian, për t’i normalizuar marrëdhëniet.

Palët kanë nënshkruar një mori marrëveshjesh, por jo të gjitha janë zbatuar./REL

Vazhdo të lexosh

Të kërkuara