

Sport
KOK-u mbyll kampanjën “Jepi paqes një shans”, nënshkruan marrëveshje me “PLAY International”
Presidenti i KOK-ut, Ismet Krasniqi, tregoi mesazhin që ka përçuar kjo kampanjë me ngritjen e letrave të bardha.
Published
3 years agoon
By
Betim GashiKomiteti Olimpik i Kosovës (KOK) në bashkëpunim me federatat e sportit si ajo e basketbollit, atletikës, tenisit, karatesë, si dhe Komitetin Paraolimpik të Kosovës organizuan sot aktivitete të ndryshme sportive, në shënimin e mbylljes së kampanjës “Jepi paqes një shans”. Ndërkohë që ka nënshkruar marrëveshje bashkëpunimi me “PLAY International”.
Presidenti i KOK-ut, Ismet Krasniqi, tregoi mesazhin që ka përçuar kjo kampanjë me ngritjen e letrave të bardha, veçanërisht në këtë kohë lufte që po zhvillohet mes agresorit rus dhe Ukrainës.
“Ngritja e letrës së bardhë simbolizon dërgimin e mesazhit të paqes në botë. Ky mesazh si kurrë më parë meritonte të përçohej pikërisht tani, kur bota ka kthyer vëmendjen te lufta në Ukrainë, e cila na kujton më së miri ndjenjën që ne kishim 23 vite më parë”, tha Krasniqi.
Kryetari i Prishtinës, Përparim Rama, tha që sportistët janë ata të cilët e dëshmojnë që mund të jesh kundërshtarë i rreptë në arenën sportive dhe të jetojnë në paqe me njëri-tjetrin.
“Sportistët janë ata që dëshmojnë se është e mundshme me qenë kundërshtarë i rreptë në arenën sportive, por njëkohësisht për të jetuar në miqësi, në paqe dhe duke e respektuar njëri-tjetrin. Kjo është zotësia e sportit, për ta ndryshuar botën, për të krijuar zhvillim të qëndrueshëm e paqe, si dhe solidaritet për të gjithë, e madje do të thosha që ky është misioni i shenjtë i sporteve, me i bashku njerëzit në gara paqësore, që ndonëse i fusin në konkurrencë nga njëra anë, e bashkojnë dhe vëllazërojnë krejt njerëzimin në gjithë diversitetin e vet”, tha Rama.
Në anën tjetër, presidenti i Federatës Ndërkombëtare të Gjimnastikës dhe njëkohësisht anëtarë i Bordit Ekzekutiv të Komitetit Olimpik Ndërkombëtar (NOC), Morinari Watanabe, u shpreh tejet i kënaqur me pjesëmarrjen e sotme në këtë ceremoni, ndërsa tha që duhet të inkurajohet respekti për njëri-tjetrin në mënyrë që të shmanget çdo konflikt i mundshëm.
“Kombet e Bashkuara përcaktojnë pesë përfitime që mund të arrihen përmes sportit. Përfitimi i parë është zhvillimi dhe forcimi i aftësive të nevojshme të fëmijëve për jetë. E dyta është zhvillimi jo vetëm fizik por edhe mendor. E treta është promovimi i barazisë gjinore. E katërta është rritja e përfshirjes sociale të gjithë njerëzve, pavarësisht nga aftësitë e tyre të kufizuara. E pesta, që mendoj se është ndër më të rëndësishmet, është respektimi i njëri-tjetrit dhe nxitja e solidaritetit. Unë besoj se nëse do të ishim në gjendje të inkurajonim respektin për njëri-tjetrin në botë, sot, kjo mund të shmangte përshkallëzimin që çon në konflikt”, tha Watanabe.
Ambasadorja e Francës në Kosovës, Marie-Christine Butel u shpreh tejet e lumtur që është pjesëmarrëse në aktivitetin e sotëm, ku tha që sporti është gjuhë e fuqishme, qëllimi i së cilës është thyerja e barrierave dhe ofrimi i një jetese plot diversitet.
“Jam e lumtur që sot në ditën ndërkombëtare të sportit për zhvillim dhe paqe, marrë pjesë në këtë ngjarje të organizuar nga partnerët tanë, ngjarje kjo që ka për qëllim promovimin e vlerave që ka sporti. Sporti është gjuhë e fuqishme, qëllimi i së cilës është thyerja e barrierave dhe ofrimi i një jetese plot diversitet, nga pikëpamja e kulturave të ndryshme, e komuniteteve, mbi vlerat e përbashkëta, dinjitetin njerëzor, respektin, barazinë, e vëllazërinë. Për këtë është e rëndësishme që t’ua mësojmë gjeneratave të reja, vlerat që ka sporti”, tha Butel.
Në fund, presidenti i KOK-ut Ismet Krasniqi së bashku me shefen e organizatës “PLAY International”, Sara Kalachova, nënshkruan një memorandum bashkëpunimi, për të organizuar së bashku aktivitete të ndryshme sportive, ku Kalachova tha që të gjithë së bashku mund të tregojnë se janë pjesë e një komuniteti mbarë botëror që është i vendosur të bëj veprime për të transformuar botën përmes sportit.
Në ceremoninë e sotme, prezent ishin fytyra të shumta publike, ndër ta presidenti i KOK-ut Ismet Krasniqi, presidenti i Federatës Ndërkombëtare të Gjimnastikës dhe njëkohësisht anëtarë i Bordit Ekzekutiv të Komitetit Olimpik Ndërkombëtarë, Morinari Ëatanabe, i pari i Prishtinës, Përparim Rama, ambasadorja e Francës në Kosovë, Marie-Christine Butel dhe shefja e organizatës “PLAY International”, Sara Kalachova.
Dita Ndërkombëtare e Sportit për Zhvillim dhe Paqe me sloganin “Jepi paqes një shans” filloi aktivitetet e saj më datën 6 prill deri më sot, respektivisht më 13 prill, dhe kishte për synim promovimin e paqes dhe të sportit.
Sport
Drita shkruan histori: Në grupet e Ligës së Konferencës
Published
1 minute agoon
August 29, 2025By
UBTNews
Kampioni i Kosovës, Drita, ka siguruar një arritje historike duke u kualifikuar për herë të parë në fazën e grupeve të Ligës së Konferencës së UEFA-s. Klubi nga Gjilani mposhti Differdange edhe në ndeshjen e kthimit të fazës play-off, me rezultat 1-0 në Luksemburg, pas fitores 2-1 në sfidën e parë në Prishtinë.
Goli i vetëm i takimit u realizua nga Besnik Krasniqi nga pika e bardhë, duke vulosur kualifikimin me rezultat të përgjithshëm 3-1.
Kjo është një nga arritjet më të mëdha të një klubi kosovar në arenën ndërkombëtare dhe sjell përfitime të mëdha jo vetëm në aspektin sportiv, por edhe financiar.
Vetëm pjesëmarrja në fazën e grupeve garanton për Dritën një shpërblim prej 3.170.000 eurosh nga UEFA. Për më tepër, çdo fitore në grup sjell 400.000 euro shtesë, ndërsa çdo barazim 133.000 euro.
Me këtë sukses, skuadra e drejtuar nga trajneri Zekirija Ramadani jo vetëm që përfaqëson denjësisht Gjilanin dhe Kosovën, por bëhet edhe një ambasadore e rëndësishme e futbollit kosovar në garat evropiane.
Sport
Manchester City planifikon ofertë prej 150 milionë eurosh për Vinicius Junior
Published
9 minutes agoon
August 29, 2025By
UBTNews
Manchester City po përgatit një ofertë të rëndësishme për të siguruar shërbimet e sulmuesit brazilian Vinicius Junior në afatin kalimtar të verës 2026, raportojnë burime pranë klubit për Fichajes.
Sipas raportimeve, klubi nga Etihad Stadium është i gatshëm të ofrojë 150 milionë euro për kartonin e lojtarit të Real Madridit, duke synuar të përfitojë nga pasiguria që ka lindur rreth rinovimit të kontratës së tij, e cila skadon në vitin 2027.
Trajneri Pep Guardiola e sheh Vinicius Jr si një element ideal për sistemin e tij, për shkak të shpejtësisë, driblimit dhe aftësisë për të krijuar situata një-me-një. Nëse transferimi realizohet, ai do të formonte një dyshe sulmuese me Erling Haaland – një kombinim që City e konsideron si bazë për të dominuar futbollin evropian në vitet e ardhshme.
Në Madrid, ndërkohë, bisedimet për rinovimin e kontratës së Vinicius Jr nuk kanë përparuar me ritmin e pritur. Ndonëse lojtari mbetet një figurë kyçe në sukseset e fundit të klubit, kërkesat për përmirësim të kushteve financiare kanë krijuar një ngërç në negociata.
Presidenti i Real Madridit, Florentino Perez, mban një qëndrim të qëndrueshëm: rinovimi është i mundur, por vetëm brenda kornizës financiare të klubit. Përvoja me largimet e mëparshme të emrave si Sergio Ramos dhe Cristiano Ronaldo ka forcuar politikën e klubit për të mos vepruar nën presion.
Nga ana tjetër, Manchester City thuhet se ka ndërtuar një strategji specifike financiare, duke shmangur investimet e mëdha në sulm deri në verën e 2026-ës, pikërisht për të pasur hapësirë buxhetore për një lëvizje të madhe në drejtim të Viniciusit.
Aktualitet
Nora Gjakova nis rrugëtimin si trajnere e xhudos
Published
18 hours agoon
August 28, 2025By
UBT News
Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.
Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.
Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.
Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.
Sport
Presioni mbi Ruben Amorim rritet, Manchester United përgatit plan emergjent për trajnerin
Published
20 hours agoon
August 28, 2025By
UBTNews
Problemet e Manchester United vazhduan mbrëmjen e së mërkurës me humbjen e papritur ndaj Grimsby Town në Kupën e Ligës, e cila u vendos pas penalltive. Pas kësaj, pronarët e klubit, Grupi Ineos, kanë kërkuar nga departamenti i futbollit të përgatisë një listë të shkurtër me kandidatë për trajner në rast se do të duhet shkarkimi i Ruben Amorim.
Sipas mediave, trajneri portugez, i sjellë në “Old Trafford” nga Sporting Lisbona me një kontratë të majme, po përballet me presion të madh pas pozicionit të dobët të skuadrës në renditje, duke zënë vendin e 16-të në Premier League.
Në listën e kandidatëve për zëvendësimin e tij përfshihen Andoni Iraola, trajneri i Bournemouth, i njohur për performancën e tij të mirë në Ligën Premier dhe eksperiencën në Spanjë me Mirandes dhe Rayo Vallecano, si dhe Oliver Glasner, trajneri aktual i Crystal Palace.
Manchester United duket i gatshëm të ndërmarrë veprime drastike në rast se rezultatet nuk përmirësohen në ditët në vijim.

Drita shkruan histori: Në grupet e Ligës së Konferencës

Manchester City planifikon ofertë prej 150 milionë eurosh për Vinicius Junior

Studiuesit e Oksfordit marrin akses në superkompjuter për zhvillimin e vaksinave kundër kancerit

OEK: Gjykata Supreme shqyrton padinë kundër ZRrE për tregun e lirë të energjisë

Nothing pranon gabimin: Fotot në demo të Phone 3 nuk ishin të realizuara me telefonin

Administrata Trump miraton shitjen e armëve prej 825 milionë dollarësh për Ukrainën

WhatsApp prezanton asistentin e ri të shkrimit me inteligjencë artificiale

Tiranë: Sekuestrohen mbi 26 milionë euro pasuri në pronësi të një të dënuari për vrasje

Kosova e Shqipëria forcojnë partneritetin ushtarak, trajnime të përbashkëta për operacione ujore
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA