Sport

Tuchel i tërbuar pas eleminimit nga Real

“E pashë arbitrin Marciniak të qeshte me tallej me Ancelottin”

Published

5 years ago

April 13, 2022

Betim Gashi

Shanset e Havertz dhe Jorginho në fundin e kohës shtesë janë ndoshta e vetmja arsye e madhe e keqardhjes për një Chelsea që dha gjithçka në Bernabeu dhe preku suksesin e madh, duke shkuar një hap larg gjysmëfinaleve të Champions League. Zhgënjimi është i kuptueshëm, por zemërimi zgjati për pak minuta, ato që pasuan menjëherë fishkëllimën e fundit, menjëherë pas eleminimit. Minuta në të cilat, sipas trajnerit të Chelsea, është luajtur në fushë një skenë e pahijshme – sipas tij – duke pasur parasysh momentin: “Kur po shkoja drejt gjyqtarit Marciniak sepse doja ta përshëndesja dhe ta falënderoja – ka thënë Tuchel i pas ndeshjes – e pashë që po buzëqeshte dhe po qeshte me trajnerin kundërshtar”.

Cfarë po flisnin mes tyre arbitri polak (për më tepër i saktë në fushë) dhe Carlo Ancelotti, natyrisht nuk mund të dihet, por fakti është se qëndrimi i të dyve nuk i pëlqeu Tuchel: “Unë mendoj se ishte një moment vërtet i gabuar për ta bërë këtë, pas fishkëllimës së fundit të një ndeshje të tillë, pas 126 minutave të luajtura nga një skuadër që kishte dhënë gjithçka. Kur shkon dhe gjen një gjyqtar që buzëqesh dhe qesh me trajnerin tjetër… le të themi se është një kohë e keqe. E unë ia thashë “.

Vendi

Akil Gjakova mbyll garën pa medalje në Abu Dhabi

Published

14 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

14 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/