Teknologji

​Kina lansoi 14 satelitë të rinj

Satelitët, përfshirë Kilu-2 dhe Kilu-3, hynë në orbitat e tyre të planifikuara.

Published

on

Kina lansoi me sukses raketën Long March-2D, duke dërguar 14 satelitë të rinj në hapësirë.

Raketa u lëshua nga qendra e lëshimit satelitor Taiyuan në provincën Shanxi të Kinës veriore më 15 janar në orën 11:14 të mëngjesit me kohën e Pekinit.

Satelitët, përfshirë Kilu-2 dhe Kilu-3, hynë në orbitat e tyre të planifikuara.

Kilu-2, një satelit optik me rezolucion të lartë dhe Kilu-3, një satelit optik me brez të gjerë janë të pajisur me një numër të madh pajisjesh të imazhit optik për vëzhgimin e Tokës.

Ata do t’i ofrojnë provincës Shandong të Kinës Lindore shërbime të sensorit në distancë për monitorimin e tokës, bujqësinë, pylltarinë, mbrojtjen e mjedisit dhe parandalimin dhe zbutjen e fatkeqësive.

Ata gjithashtu do të punojnë në koordinim me satelitin Kilu-1 në orbitë.

Ky ishte misioni i 462-të i fluturimit me serinë e raketave Long March.

Raketa Long March-2D u zhvillua nga Akademia e Teknologjisë së Fluturimit Hapësinor të Shangait, një degë e Korporatës së Shkencës dhe Teknologjisë së Hapësirës Ajrore të Kinës.

E njohur për besueshmërinë dhe përshtatshmërinë e saj, kjo raketë mund të plotësojë kërkesat për lëshime të shumta të një sateliti të vetëm dhe seri satelitësh në rregullim serik ose paralel në raketë. Në këtë mision, ajo mbante 14 satelitë nga shtatë zhvillues të ndryshëm.

Teknologji

27 vjet nga themelimi i Google, korporata më e suksesshme në internet

Published

on

27 vjet nga themelimi i Google, korporata më e suksesshme në internet.

Google Inc u themelua më 4 shtator në vitin 1998 nga Larry Page dhe Sergey Brin të cilët zhvilluan pjesën programore të motorit të tanishëm të kërkimit Google.

Pas suksesit të madh të arritur me motorin e kërkimit kjo korporatë bëri globalizimin gjuhësor të programit të vet si dhe filloi ofrimin e shumë shërbimeve të tjera brenda aktivitetit kryesor, do të thotë ofrimin e mundësisë për gjetjen e shpejtë të informacioneve.

Google Inc. (NASDAQ:GOOG) tani është korporata më e suksesshme në internet me $1.919 miliardë të paraqitura në çerekun fundit të vitit më 31 dhjetor 2005, me një rritje prej 86%, krahasuar me çerekun e njejtë të vitit 2004.

Kjo korporatë ka përdorur me shumë sukses elementet e marketing miksit duke u bërë kështu konkurente e Microsoft Inc. i cili për një kohë të gjatë konsiderohej i pathyeshëm.

Në tetor të vitit 2006 Google bleu video portalin YouTube për 1,6 milliardë dollarë amerikan.

Continue Reading

Teknologji

Shërbimet e Google-it jashtë funksionit në një pjesë të Evropës, përfshirë Kosovën

Published

on

Disa shërbime të gjigantit Google, përfshirë platformën YouTube, nuk kanë qenë të qasshme në Kosovë dhe disa pjesë tjera të Evropës në paraditen e së enjtes.

Asociacioni për Liri të Shprehjes, që monitoron censurën lokale në internet në Turqi, ka thënë se shërbimet janë ndërprerë prej orës 10:00.

Autoritete turke kanë thënë se kanë kërkuar raport teknik nga kompania Google për të mësuar më shumë.

Continue Reading

Teknologji

Më në fund! Instagram do të lansojë një aplikacion për iPad

Published

on

Instagram ka lansuar për herë të parë një aplikacion të dedikuar për iPad, pas kërkesave shumëvjeçare nga përdoruesit.

Deri tani, përdoruesit shfrytëzonin aplikacionin e iPhone-it ose versionin web, që nuk ishin të përshtatur për ekranet e mëdha.

Aplikacioni i ri hapet automatikisht te Reels, ndërsa Stories shfaqen në krye dhe opsionet kryesore gjenden në një shirit anësor.

“Feed-i” ofron tre kategori: “All” me postime të rekomanduara, “Friends” për miqtë dhe “Latest” për renditje kronologjike.

Përvoja është ridizenjuar posaçërisht për ekranin e madh, duke mundësuar p.sh. leximin e komenteve anash videove ose hapjen e bisedave duke parë njëkohësisht listën e mesazheve. Aplikacioni është i disponueshëm për të gjitha iPad-ët me iOS 15.1 ose më të ri.

Continue Reading

Teknologji

Këto vende kryesojnë listën për shpejtësinë e internetit

Published

on

Emiratet e Bashkuara Arabe kryesojnë listën për shpejtësinë e internetit, ndërsa për internetin fiks i prin Singapori.

Këto të dhëna dalin nga Indeksi Global i Speedtest, i cili përfshin renditjen e shpejtësisë së internetit për disa nga vendet në botë.

Sipas raportit, Emiratet e Bashkuara udhëheqin listën për internetin mobil me 584.97 Mbps, ndjekur nga Katari me 507.47 Mbps dhe Kuvajti me 413.57 Mbps. Për internetin fiks, Singapori kryeson me 386.96 Mbps, pastaj Kili me 332.41 Mbps, Hong Kongu me 324.97 Mbps.

Indeksi përfshin edhe të dhënat për internetin mobil më të shpejtë në vendet e Ballkanit Perëndimor. Qytetarët e Maqedonisë së Veriut kanë internet mobil me shpejtësi 161.53 Mbps, ndërsa Serbia prin për internetin fiks në rajon me 92.21 Mbps.

Bosnja e Hercegovina ka internetin më të ngadaltë, me 29.65 Mbps në celularë dhe 35.71 Mbps për internetin fiks. Sa i përket Kosovës, thuhet se interneti mobil ka shpejtësi 97.43 Mbps (renditet në vendin e 45-të), ndërsa interneti fiks 82.24 Mbps (renditet në vendin e 82-të).

Shqipëria ka internet mobil me shpejtësi 104.11 Mbps (renditet në vendin e 41-të) dhe internet fiks 84.64 Mbps (renditet në vendin e 76-të).

Continue Reading

Të kërkuara