Lajmet

​Kërkohet mbështetje më e madhe për gratë në agrobiznes

Demelezi ka thënë se ky panair ka për qëllim promovimin e rolit të gruas si dhe forcimin e saj në biznese bujqësore.

Published

on

Rreth 25 agrobiznese të udhëhequra nga gratë, që vijnë nga tetë komuna të Kosovës, po marrin pjesë në panairin me moton “Nga ne, për ju”, me produkte në agrobiznes.

Për dy ditë me radhë në sheshin “Zahir Pajaziti” në Prishtinë do të ekspozohen produktet e grave me qëllim të promovimit dhe sigurimit të mbështetjes më të madhe.

Zëvendësministri i Bujqësisë, Pylltarisë dhe Zhvillimit Rural, Imri Demelezi ka thënë se ky panair ka për qëllim promovimin e rolit të gruas si dhe forcimin e saj në biznese bujqësore. Ai ka thënë se këtë vit rreth 145 gra kanë fituar grante në sektorin e zhvillimit rural, në vlerë financiare mbi 7 milionë euro.

“Si Ministri e Bujqësisë përmes programeve tentojmë t’i japim gruas një rol të caktuar. 145 gra kanë fituar grante në sektorin zhvillimit rural në vlerë financiare mbi 7 milionë euro. I konsiderojmë të rëndësishme takime të tilla për të ndarë ide si të përmirësojmë politikat tona që roli gruas sidomos në sektorin agro-ushqimor të shtohet ende tutje. Finesa, delikatesa, kujdesa e gruas ndaj ushqimit është shumë e madhe se sa pjesa tjetër e shoqërisë, burrave. Ne si Ministri e Bujqësisë do jemi gjithmonë afër organizimeve të tilla, afër promovimeve dhe diskutimeve për të përmirësuar ende politikat tona”, është shprehur Demelezi.

Ndërsa Aferdita Murati, pronare e biznesit “Natyral Berry” ka thënë se këto organizime ndihmojnë shumë në promovimin e produkteve. Ajo ka theksuar se gratë kanë nevojë për më shumë përkrahje.

“Merrem me kultivim dhe të frutave dhe lëngjeve të boronicës jemi në treg, në territorin e Kosovës, produktet e mia janë natyrale pa sheqer dhe pa kozervans… Ka organizime të shumta jam edhe ne tregun në Prishtinë tri herë në javë, ka edhe organizime qe na ndihmojnë në promovimin e produkteve tona, këtë vit organizim e ka Eco-Ëoman, çdo grua ka nevojë për përkrahje së pari nga familja , institucionet dhe organizatat dhe po ashtu ta ndihmojmë njëra tjetrën, gratë shqiptare janë të zonja mundem me arrit, vetëm duhet përkrahje sa më e madhe”, ka thënë ajo.

Edhe Valdete Sahiti nga Vitia ka thënë se kanë nevojë për promovimin e produkteve.

“Veprimtaria e kompanisë tonë është prodhim dhe përpunim i perime kulturës, janë disa lloje të cilat i kultivojmë vet dhe i përpunojmë, kur të vjen mundësia po i ekspozojmë i kemi ekspozuar edhe më herët me këtë veprimtari merremi nga 2016 jemi përfituese të Caritas Zviceran me pajisje dhe na mundësohet më shpesh me i ekspozuar produktet. Secila grua, dhe mashkull i ka sfidat e veta, është mos përkrahja, me kalimin e kohës vërtet e kanë qëllimin e mirë dhe me punu gjithmonë. Nga organizata e ndryshme ka nevojë për promovim të këtyre produkteve”, ka thënë Sahiti.

Panairi për gratë në agrobiznes do të zgjasë dy ditë dhe do të ekspozohen rreth 25 agrobiznese të udhëhequra nga gratë.

Panairi më moton “Nga ne për ju” është i financuar nga organizata Eco-Women.

Lajmet

Donika Emini kritikon interpretimin e këngës nacionaliste serbe në forumin e BE-së në Bruksel

Published

on

Ekspertja e politikës së jashtme, Donika Emini, ka kritikuar interpretimin e këngës nacionaliste serbe “Oj Kosovo, Kosovo” në mbrëmjen hapëse të Forumit të Zgjerimit të Bashkimit Evropian në Bruksel, duke e cilësuar të papranueshme përzgjedhjen e një kënge që përmban pretendime territoriale ndaj Kosovës.

Gjatë fjalimit të mbajtur më 16 nëntor, Emini tha se ngjarja e kishte detyruar ta ndryshonte tërësisht fjalimin e përgatitur. Ajo e nisi paraqitjen duke cituar disa vargje të këngës, të interpretuar një natë më parë.

“Popull serb, thërrit fort. Kosovë, nuk do të të dorëzojmë. Ti gjithmonë ke qenë e jona. Kështu ka qenë që nga kohët e lashta”, citoi Emini, duke theksuar se teksti përmban pretendime të drejtpërdrejta territoriale ndaj Kosovës.

Ajo ngriti pikëpyetje nëse institucionet evropiane i kuptojnë kompleksitetet politike dhe ndjeshmëritë historike të Ballkanit Perëndimor.

“Pas asaj që ndodhi mbrëmë, vërtet pyes veten nëse ata i kuptojnë kompleksitetet e rajonit, edhe pse po flasim për një Komision Evropian që është mjaft afër këtij rajoni”, deklaroi ajo.

Emini tregoi se kishte vendosur të merrte pjesë në forum pasi kishte vërejtur mungesën e përfaqësuesve nga Kosova në listën e folësve. Megjithatë, ajo theksoi se prania e saj si përfaqësuese e shoqërisë civile nuk mund ta zëvendësonte përfaqësimin institucional të vendit.

Ajo tha se nuk do të befasohej nëse një këngë e tillë do të interpretohej në tubime nacionaliste apo në një tubim të ish-presidentit serb Slobodan Millosheviq, por u shpreh e befasuar që ajo u dëgjua në një aktivitet të Komisionit Evropian.

“U befasova shumë kur e dëgjova në Komisionin Evropian, një projekt paqeje, një projekt që po e udhëheq rajonin drejt demokracisë”, u shpreh Emini.

Ekspertja sqaroi se kundërshtimi i saj nuk kishte të bënte me gjuhën apo muzikën serbe, duke theksuar se do ta mirëpriste interpretimin e këngëve shqipe dhe serbe që promovojnë bashkëjetesën dhe tejkalimin e ndarjeve.

Në përfundim të fjalimit, Emini i bëri thirrje Bashkimit Evropian të mos riprodhojë narrativa nacionaliste dhe revizioniste që, sipas saj, kanë penguar procesin e pajtimit në Ballkan.

“A mundeni të paktën të mos i riprodhoni narrativat revizioniste dhe propagandistike të një regjimi që e përçau rajonin dhe që e bëri pajtimin kaq të vështirë deri më sot?”, pyeti ajo.

Fjalimi u mbajt në kuadër të forumit “Përmes pajtimit drejt zgjerimit të Bashkimit Evropian”, më 16 nëntor, një ditë pas interpretimit të këngës në mbrëmjen hapëse të aktivitetit në Bruksel./A.K/

Continue Reading

lajme

Studentët e Masterit në Agrokulturë me Mjedis nisin hulumtimin eksperimental për kultivimin e sallatës së gjelbër pa tokë

Published

on

By

Studentët e programit Master në Agrokulturë me Mjedis, Sihana Bokshi dhe Shpëtim Salihu, nën udhëheqjen e profesorit Ismet Babaj, kanë dizajnuar metodikën e hulumtimit dhe kanë nisur punën eksperimentale për kultivimin e sallatës së gjelbër (Lactuca sativa L.) në sistemin e kultivimit pa tokë.

Qëllimi i këtij eksperimenti është vlerësimi i efekteve të sistemit të prodhimit dhe furnizimit me azot në formë të nitratit mbi statusin ushqyes të bimëve, akumulimin e nitrateve dhe nitriteve, prodhimin e biomasës, si dhe morfologjinë e sistemit rrënjor.

Në kuadër të hulumtimit po testohen tre trajtime me tretësira ushqyese në dy sisteme të hapura të prodhimit pa tokë, përmes vazove me vëllim prej 1 litri: njëri sistem përdor vermikulitin si substrat rritës, ndërsa tjetri përdor cocopeat (torfë kokosi).

Puna kërkimore do të përmbyllet me analiza kimike dhe matje të parametrave të rritjes së bimëve. Të dhënat dhe rezultatet e përfituara do t’u shërbejnë studentëve për përgatitjen e punimeve të tyre të diplomës, si dhe për publikime në revista shkencore, duke dëshmuar gërshetimin e suksesshëm të teorisë me praktikën shkencore.

Continue Reading

lajme

Rama kritikon interpretimin e melodisë së këngës nacionaliste serbe në Bruksel

Published

on

By

Kryeministri i Shqipërisë, Edi Rama, ka kritikuar interpretimin e melodisë së një kënge nacionaliste serbe në koncertin e organizuar nga Komisioni Evropian në Bruksel. Ai e bëri këtë në fillim të një debati në “Forumin e Zgjerimit“, duke thënë se kjo çështje nuk mund të mbetet pa u përmendur.

“Nuk mund të heshtet ajo që ndodhi mbrëmë me muzikën e interpretuar në një mbrëmje në prag të këtij forumi. Nuk e di a ishte e qëllimshme apo injorancë, por ishte një këngë nacionaliste këtu, në mbrëmjen e këtij eventi. Për ta shtuar ironinë, u bë nën logon ‘Meloditë e Unitetit’”, tha Edi Rama.

“Asnjëherë nuk mund të lëmë anash diçka që na kthen nga e kaluara. E kam thënë për vite se sa e rëndësishme është Serbia për rajonin tonë, sa e rëndësishme është ta mbajmë Serbinë në anën tonë. Por dua të sigurohem që ajo që them të mos shkojë kundër kësaj bindjeje. Por, në të njëjtën kohë, mendoj se nuk duhet të tolerojmë hapësirë që betejat e mesjetës të bëhen motivim për ndasitë e sotme”, ka thënë Rama.

“Sa më shpejt Serbia ta njohë Kosovën, aq më mirë do të jetë për Serbinë dhe për të gjithë”, ka thënë kryeministri i Shqipërisë. /KOHA/

Continue Reading

Vendi

Ndalohet një zyrtar i Gjykatës së Prishtinës, dyshohet për keqpërdorim detyre

Published

on

By

Prokuroria Themelore në Prishtinë, në bashkëpunim me Drejtorinë për Hetimin e Krimeve Ekonomike dhe Korrupsionit (DHKEK) në Policinë e Kosovës, ka ndaluar sot për 48 orë personin me inicialet A.B., udhëheqës i Zyrës për Menaxhimin e Lëndëve në Gjykatën Themelore në Prishtinë.

Sipas njoftimit të Prokurorisë, ndalimi është bërë pas hetimeve disamujore, nën dyshimin se A.B. ka kryer veprën penale “Keqpërdorimi i pozitës apo autoritetit zyrtar”. Ai dyshohet se gjatë ushtrimit të detyrës, me qëllim të përfitimit të kundërligjshëm pasuror për vete dhe persona të tjerë, ka krijuar dosje fiktive duke vendosur vulën e vërtetësisë në kopjen e një kontrate të falsifikuar të shitblerjes.

Përmes këtyre veprimeve, shtetasit të Serbisë me inicialet M.B. — i cili aktualisht ndodhet në arrati — i është mundësuar regjistrimi i kundërligjshëm i një banese me sipërfaqe prej 55.89 m² në Zonën Kadastrale në Matiçan, pranë Zyrës Kadastrale në Prishtinë.

Prokurori i Shtetit ka paralajmëruar se brenda afatit ligjor do të paraqesë kërkesë në gjykatën kompetente për caktimin e masës së paraburgimit ndaj të pandehurit. /E.A/

Continue Reading

Të kërkuara