Lajmet

Jasharaj: Sa do të zgjasë greva, varet nga Qeveria

Greva është pasojë e mos arritjes së një marrëveshje në mes të sindikalistëve dhe institucioneve.

Published

3 years ago

August 25, 2022

UBT.News

Anëtarët e Këshillit Grevist të BSPK-së, të shoqëruar nga anëtarët e Këshillave Greviste të Federatave Sindikale anëtare të BSPK-së kanë vizituar çerdhen “Yllkat”, në ditën e parë të Grevës së Përgjithshme.

Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, është shprehur i bindur se Qeveria ka kapacitet ta plotësojë kërkesën e tyre prej 100 euro deri në ligjin e pagave. Ai ka shtuar se greva do të vazhdojë derisa të mos përmbushen kërkesat.

Sipas tij Ministrja e Arsimit, Arbërie Nagavci po mundohet t’i injorojë kërkesat e sindikatës.

Më tej, Jasharaj tha se duke ruajtur shtetin kemi shkuar me këtë shumë modeste.

“Shteti po të kishte vullnet, 100 euro mund t’i ndante çdo muaj, sepse ka kapacitete buxhetore. Po të shkonim në shuma më të larta, ato shuma do të ishin reale bazuar në çmime por shteti do të arsyetohej se nuk e ka shumë atë shumë, pasi 300 euro do të ishin shumë për shtetin. Pra, duke ruajtur shtetin, kemi shkuar në shifrën më modeste 100 euro të cilën shteti do ta realizonte me dashtë”, thotë ai.

Derisa thotë se qytetarët mllefin që kanë duhet të orientojnë nga Qeveria dhe jo nga Sindikata.

“Po ta kishim ligjin e pagave, gjithë këto çështje nuk do të thuheshin. Qeveria nuk ka bërë asgjë dhe ne kemi bërë çmos për ta ruajtur. Dhe Lus qytetarët mllefin që e kanë mos ta orientojnë nga ne që kemi bërë çmos për të mos ardhur deri këtu, por ta orientojnë mllefin dhe gishtin nga qeveria”, thotë ai.

Jasharaj ka thënë se Qeveria duhet të ulet të bisedojë në mënyrë që kjo grevë të mos zgjasë.

“Nëse kryeministri dhe të tjerët po vajtojnë me lot artificial se çerdhet janë mbyll, nxënësit nuk do të kenë mësim, ata këtë çështje mund ta zgjedhin. Të ulën me ne dhe të fillojnë me zgjidhjen e kërkesave”, thotë ai.

Po ashtu anëtarët e Këshillit Grevist të BSPK-së, pasi kanë vizituar çerdhen “Yllkat”, vizituan edhe shkollën fillore, “Gjergj Fishta”.

Kryetari i SBAShK-ut tha se sa do të zgjasë greva, varet nga Qeveria.

Greva është pasojë e mos arritjes së një marrëveshje në mes të sindikalistëve dhe institucioneve.

Up Next

Në grevë të përgjithshme hyjnë edhe punëtorët e administratës së Prishtinës

Don't Miss

Këshilli Grevist viziton grevistët e administratës në komunën e Prishtinës

Lajmet

Ambasada amerikane fton shtetasit e saj në Kosovë për një takim me Prattipatin

Published

16 minutes ago

December 2, 2025

UBTnews

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

1 hour ago

December 2, 2025

UBTnews

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Lajmet

Dy persona goditen nga rryma në Gjilan, po ndërronin njehsorët

Published

2 hours ago

December 2, 2025

UBTnews

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Lajmet

Rrahmani në mesin e më të mirëve të vitit në Serie-A

Published

2 hours ago

December 2, 2025

UBT News

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/