Kronikë e zezë

​Iu gjetën paketime me 4 mijë copë fishekë, dënohet me një vit burgim dhe 1 mijë e 500 euro gjobë

Palët kanë të drejtë ankese kundër këtij aktgjykimi.

Published

3 years ago

on

Gjykata Themelore në Prishtinë ka shpallur aktgjykimin kundër të akuzuarit D.M për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e pa autorizuar e armëve apo materialeve plasëse” dhe veprën penale “Mbajtja në pronësi, kontroll ose posedim i paautorizuar të armëve”.

Sipas njoftimit për media, i akuzuari D.M është shpallur fajtor dhe është dënuar me dënim unik me burgim në kohëzgjatje prej një viti, të cilin dënim do ta mbajë 15 ditë pas plotfuqishmërisë së këtij aktgjykimi dhe dënim me gjobë në lartësi prej 150 euro, të cilin dënim është i obliguar që ta paguaj 15 ditë pas plotfuqishmërisë së këtij aktgjykimi.

Njoftimi i plotë:

Prishtinë, 27 tetor 2022 – Gjykata Themelore në Prishtinë – Departamenti Special ka shpallur aktgjykimin në çështjen penale PS.nr.46/22 kundër të akuzuarit D.M për veprën penale Importi, eksporti, furnizimi, transportimi, prodhimi, këmbimi, ndërmjetësimi ose shitja e pa autorizuar e armëve apo materialeve plasëse nga neni 364 paragrafi 2 lidhur me paragrafi 1 të Kodit Penal të Republikës së Kosovës dhe veprën penale Mbajtja në pronësi, kontroll ose posedim i paautorizuar të armëve nga neni 366 paragrafi 1 të Kodit Penal të Republikës së Kosovës.

I akuzuari D.M është shpallur fajtor dhe është dënuar me dënim unik me burgim në kohëzgjatje prej një (1) viti, të cilin dënim do ta mbajë 15 ditë pas plotfuqishmërisë së këtij aktgjykimi dhe dënim me gjobë në lartësi prej 1500 (njëmijë e pesëqind) euro, të cilin dënim është i obliguar që ta paguaj 15 ditë pas plotfuqishmërisë së këtij aktgjykimi.

Të akuzuarit D.M masa e paraburgimit i vazhdohet deri në plotfuqishmëri të këtij aktgjykimi, por jo më gjatë se dënimi i shqiptuar.

I akuzuari D.M me datë 09.06.2022, gjatë hyrjes në Republikën e Kosovës, në pikë kalimin kufitar të Jarinjës, ndërmjet Kosovës dhe Serbisë, kishte vepruar në kundërshtim të Ligjit të zbatueshëm në lidhje me armët apo materiet plasëse, ashtu që me qëllim të importit dhe eksportit, ka poseduar 4 paketime me municion me 4000 copë fishekë në bagazhin e veturës së tij në zbrazëtirën ku vendoset goma rezervë.

Palët kanë të drejtë ankese kundër këtij aktgjykimi, ankesa bëhet përmes kësaj Gjykate, për Gjykatën e Apelit në Prishtinë.

Related Topics:
Continue Reading

Kronikë e zezë

​Vdes një person gjatë trajtimit në QKUK, trupi dërgohet për obduksion

Published

12 minutes ago

on

January 20, 2026

By

Një mashkull kosovar ka ndërruar jetë gjatë trajtimit mjekësor në QKUK, në orët e hershme të 20 janarit.

Trupi i pajetë është dërguar në IML për obduksion.

“Trupi i pa jetë i viktimës dërgohet për obduksion në IML-Prishtinë. Rasti duke u hetuar”, thuhet në njoftim

Organet e rendit kanë bërë të ditur se rasti është duke u hetuar.

Continue Reading

Kronikë e zezë

Digjet një shtëpi në Vushtrri, vdes një 80-vjeçare

Published

4 days ago

on

January 16, 2026

By

Një shtëpi në fshatin Gracë të Vushtrrisë është djegur, ku si pasojë ka vdekur një 80-vjeçare.

Rastin e ka konfirmuar Policia e Kosovës, duke bërë me dije se po hetohet si “vdekje e dyshimtë”.

Me vendim të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore (IML) për obduksion.

“Me datën 15 janar 2026, rreth orës 22:20, Policia ka pranuar informatën se në fshatin Gracë të Vushtrrisë, një shtëpi banimi është kapluar nga zjarri. Njësitet përkatëse policore dhe zjarrfikëse kanë dalë menjëherë në vendngjarje. Si pasojë e përfshirjes së shtëpisë nga zjarri , në vendngjarje ka humbur jetën viktima femër, e moshës rreth 80-vjeçare. Ekipet emergjente mjekësore kanë konstatuar vdekjen e viktimës në vendin e ngjarjes. Hetuesit policorë në koordinim me Prokurorin kompetent janë duke ndërmarrë të gjitha veprimet hetimore për të sqaruar rrethanat e rastit”, ka njoftua Policia.

Continue Reading

Kronikë e zezë

Shuma rekorde: Shqiptarit në Kroaci i konfiskohen 702,385 euro, Audi A5 dhe dy iPhone

Published

5 days ago

on

January 15, 2026

By

Kur punëtori shqiptar i ndërtimit N. G. (35) mbërriti në pikën kufitare Karasoviqi në mes të natës më 6 tetor të vitit të kaluar në një Audi A5 me regjistrim italian, ai ishte i bindur se sekreti që po transportonte ishte i fshehur mirë. Ai përbëhej nga 28 qese vakumi të fshehura shumë mirë në plastikën anësore të automjetit dhe në sfungjerët izolues pas fletës së dyfishtë metalike të shasisë, shkruan portali kroat Jutarnji List.

Kur oficerët e doganës kontrolluan automjetin rreth orës 2:30 të mëngjesit, shqiptari ishte i djersitur, ndërsa gjetën tufa me para në çanta dhe, pasi numëruan kartëmonedhat, gjetën një shumë marramendëse prej 702,385 eurosh. Për fshehjen e origjinës së paligjshme të parave, të cilat hetuesit e Dubrovnikut dyshojnë se vinin nga trafiku i drogës, shtetasi shqiptar u arrestua dhe u ndalua menjëherë.

Ai ka qenë pas hekurave në burgun e Dubrovnikut që atëherë dhe, pak pasi u akuzua së fundmi për pastrim parash, vendosi të pranonte fajësinë për akuzat.

Pra, bazuar në marrëveshje, në Gjykatën Komunale në Dubrovnik, siç ka mësuar Jutarnji, menjëherë pasi u konfirmua aktakuza, ai u dënua me një vit burgim me kusht me një periudhë prove pesëvjeçare dhe iu shqiptua gjithashtu një gjobë shtesë prej 10,000 eurosh, plus 500 euro shpenzime gjyqësore.

Dhe në të njëjtën kohë, ai u pajtua me pasojat e tjera të marrëveshjes – të gjitha 702,385 eurot iu konfiskuan dhe do të transferohen në buxhetin e shtetit në 30 ditët e ardhshme. Gjykata gjithashtu konfiskoi makinën e tij Audi, e cila bëhet pronë e Republikës së Kroacisë, si dhe dy telefona celularë Apple – një iPhone 16 Pro Max dhe një iPhone 13. Duke pasur parasysh se ai pagoi për gjithçka menjëherë, ai u lirua nga paraburgimi disa ditë më parë.

Continue Reading

Kronikë e zezë

Ndërron jetë pionierja e të drejtave civile në SHBA, Claudette Colvin

Published

6 days ago

on

January 14, 2026

By

Claudette Colvin, e cila ndihmoi në dhënien fund të segregacionit racor në ShBA duke refuzuar t’ia linte vendin e saj në autobus një personi të bardhë, ka ndërruarë jetë në moshën 86 vjeçare. 

Protesta e Colvin, e cila çoi në arrestimin e saj, ndodhi në vitin 1955 në moshën 15 vjeç, ndërsa ajo jetonte në Montgomery, Alabama.

Kjo ndodhi nëntë muaj para arrestimit të Rosa Parks, e cila gjithashtu refuzoi t’ia jepte vendin e saj në autobus një personi të bardhë, në një veprim që çoi në bojkotimin e përhapur të transportit publik në qytet dhe një vendim të Gjykatës së Lartë që e ndaloi me ligj një diskriminim të tillë racor.

Arrestimi i Colvin ishte kryesisht i panjohur deri në vitin 2009, kur u botua libri i parë i detajuar rreth përvojës së saj.

Një vit pas arrestimit të saj, Gjykata e Lartë e ShBA-së vendosi që segregacioni në autobusë duhet të marrë fund. Çështja ligjore u përqendrua në dëshminë e katër paditësve, njëri prej të cilëve ishte Colvin.

Në një intervistë me BBC-në në vitin 2018, znj. Colvin kujtoi se ajo “nuk ishte e frikësuar, por e zhgënjyer dhe e zemëruar” sepse e dinte se “ishte ulur në vendin e duhur”.

Ajo ishte personi i parë që u arrestua për kundërshtimin e politikave të Montgomery-t për ndarjen në autobusë, por historia e saj mbeti relativisht e panjohur për dekada. Ishte Rosa Parks ajo që u bë një nga figurat kryesore të lëvizjes për të drejtat civile pasi rasti i saj shumë i ngjashëm çoi në bojkotin në shkallë të gjerë të sistemit të autobusëve në qytet.

Colvin tha se ishte frymëzuar nga aktivistet e mëdha kundër skllavërisë Harriet Tubman dhe Sojourner Truth.

“Sa herë që njerëzit më pyesin: ‘Pse nuk u ngrite kur të pyeti shoferi i autobusit?’ Unë them se ndjeva sikur duart e Harriet Tubman po më shtynin poshtë në njërën shpatull dhe duart e Sojourner Truth po më shtynin poshtë në shpatullën tjetër”, i tha ajo BBC-së.

Më vonë në jetë, ajo u bë infermiere në Nju Jork. Sipas organizatës së saj, ajo vdiq në Teksas.

Continue Reading

Të kërkuara