Aktualitet

​Instituti i Luftës: Humbja e qytetit Izjum dënoi planin fillestar rus

ISW thotë se humbja e një qyteti goditi veçanërisht rëndë Rusinë.

Published

3 years ago

on

Instituti për Studimin e Luftës (ISW) ka publikuar një analizë të re të luftës në Ukrainë.

Ata thonë se trupat ukrainase i shkaktuan Rusisë një disfatë të madhe operacionale, duke pushtuar pothuajse të gjithë rajonin e Kharkiv.

ISW thotë se humbja e një qyteti goditi veçanërisht rëndë Rusinë.

“Çlirimi i Izjum nga Ukraina i dha fund perspektivës që Rusia të mund të arrinte qëllimet e saj të deklaruara në rajonin e Donetsk. Pas tërheqjes nga Kievi në fillim të prillit, objektivat e deklaruara ruse ishin pushtimi i të gjithë territorit të rajoneve të Luhansk dhe Donetsk”, sipas ISW.

Fushata ruse për të arritur këto qëllime u bazua në sulmet nga Izjum përmes Donetsk-ut të Veriut në zonën afër qytetit të Donetsk.

Objektivi rus përfshinte kapjen e një numri qytetesh, duke përfshirë Severodonetsk, Lisichansk, Slovyansk, Bakhmut dhe Kramatorsk, dhe avancimin në kufirin perëndimor të rajonit të Donetskut.

Forcat ruse arritën të kapnin Severodonetsk më 24 qershor dhe Lisichansk më 3 korrik pas një fushate të gjatë dhe jashtëzakonisht të shtrenjtë që në thelb kulmoi atëherë. Pas kësaj, ata nuk pushtuan asnjë vendbanim më të madh.

Humbja e Izjum dënoi planin fillestar të fushatës ruse për këtë fazë të luftës, shkruan ISW.

Gjithashtu, forcat ruse janë tani në një pozitë të vështirë dhe nuk ka gjasa që ato të jenë në gjendje të nisin një avancim drejt Bakhmut ose Donetsk.

Edhe kapja ruse e Bakhmut, e cila nuk ka gjasa të ndodhë, nuk do të kontribuonte në realizimin e objektivave fillestare. Vazhdimi i operacioneve sulmuese ruse rreth Bakhumt dhe Donetsk kanë humbur çdo rëndësi të vërtetë operacionale për Moskën dhe përdorin vetëm një pjesë të fuqisë luftarake jashtëzakonisht të kufizuar efektive që ruan Rusia.

Megjithatë, kundërofensiva nuk do t’i jep fund luftës, sipas ISW. Fushata në Ukrainën verilindore përfundimisht do të arrijë kulmin, duke i lejuar rusët të rivendosin një linjë të qëndrueshme mbrojtëse dhe ndoshta edhe të kryejnë kundërsulme të lokalizuara.

Ukraina do të duhet të nisë operacione të mëvonshme kundërsulmuese, ndoshta disa prej tyre, për të përfunduar çlirimin e territoreve të pushtuara nga Rusia. Lufta ka të ngjarë të zvarritet deri në vitin 2023.

Related Topics:
Continue Reading

Vendi

Pjesëmarrja në zgjedhjet lokale në Kosovë deri në orën 15:00 arrin në 25.30 për qind

Published

9 hours ago

on

October 12, 2025

By

Zgjedhjet lokale që po mbahen sot në gjithë territorin e Kosovës po zhvillohen me një pjesëmarrje mesatare prej 25.30% deri në orën 15:00, sipas të dhënave të Komisionit Qendror të Zgjedhjeve (KQZ).

Sipas raportimeve zyrtare, nga gjithsej 2,025,105 qytetarë të regjistruar në listën e votuesve, deri në këtë orë kanë votuar 512,331 qytetarë. Deri tani janë përpunuar 94.32% të vendvotimeve, respektivisht 2,425 nga 2,571 gjithsej.

Komunat me pjesëmarrjen më të lartë janë:

  • Mamushë me 54.60%,
  • Zveçan me 49.69%,
  • Zubin Potok me 49.61%,
  • Ranillug me 48.38%,
  • Novobërdë me 44.04%.

Komunat me pjesëmarrjen më të ulët deri në orën 15:00 janë:

  • Rahovec me 18.05%,
  • Skënderaj me 18.95%,
  • Prizren me 19.17%,
  • Dragash me 19.64%,
  • Gjakovë me 20.75%.

Në kryeqytet, Prishtina ka regjistruar një pjesëmarrje prej 29.52%, ndërsa në qytetet e mëdha si Ferizaj (23.18%), Pejë (22.37%), Gjakovë (20.75%) dhe Prizren (19.17%), pjesëmarrja mbetet nën mesataren kombëtare.

KQZ thekson se këto të dhëna përfshijnë vetëm votimet në vendvotimet e rregullta, duke mos përfshirë votimet me kusht, votimin e personave me nevoja të veçanta dhe votimin me postë.

Continue Reading

Vendi

Deri në orën 13:00 votuan 16.53 për qind e qytetarëve

Published

10 hours ago

on

October 12, 2025

By

Deri në këto momente në Kosovë kanë votuar 334 mijë 677 qytetarë, më saktë 16.53 për qind prej 2,025,105 sa është numri total i votuesve në të gjithë Kosovën.

Sipas Komisioni Qendror Zgjedhor, në qytetet ku ka pasur më shumë fluks të qytetarëve që kanë dal për të votuar prin kryeqyteti me 40,190 votues deri në këto orë.

Me Prizrenin, të dytin me 20,799 votues deri më tani.

Poashtu, fluks i madh i votuesve është edhe në Ferizaj, atje ku deri më tani kanë votuar 19,235.

Në Gjilan deri më tash kanë votuar 17,128, në Pejë 17,830 votues, në Podujevë 14,625 votues, Mitrovicë e Jugut 14,379 votues, dhe Fushë Kosovë 9,254 votues.

Në Zveçan nga 6,872 votues, deri në këtë orë kanë votuar 2,623 prej tyre. Në Zubin Potok kanë votuar 2,406 nga gjithsej 6,486.

Continue Reading

Rajoni

UBT fiton çmimin e parë në Ballkanin Perëndimor për projektin më të mirë në kuadër të projekteve të financuara nga Regional Challenge Fund

Published

2 days ago

on

October 10, 2025

By

UBT është shpallur fitues i çmimit të parë në Ballkanin Perëndimor nga Regional Challenge Fund (RCF) në kuadër të iniciativës “Update & Shine – Net4VET Challenge”, për projektin më të mirë inovativ “Developing Software Developer Skills by Integrating Artificial Intelligence”.

Projekti i UBT-së u dallua për qasjen vizionare në zhvillimin e aftësive të programuesve të rinj, përmes integrimit të inteligjencës artificiale në procesin e të mësuarit dhe trajnimit praktik.

Në ceremoninë e ndarjes së çmimit morën pjesë Rektori i UBT-së, Prof. Dr. Edmond Hajrizi, dhe Drejtori i Departamentit për Edukim dhe Zhvillim Profesional, Prof. Dr. Besnik Skenderi.

UBT konfirmon lidershipin në rajon në fushën e teknologjisë, inteligjencës artificiale dhe edukimit profesional, duke dëshmuar se është një model i ekselencës dhe inovacionit ndërkombëtar.

Continue Reading

Lajmet

Rektori Hajrizi i ftuar të flasë në Konferencën Rajonale Vjetore të RCF-së në Budva

Published

3 days ago

on

October 9, 2025

By

Rektori i UBT-së, Prof. Dr. Edmond Hajrizi, me ftesë nga Regional Challenge Fund po merr pjesë në Konferencën Rajonale Vjetore të RCF-së 2025, e cila këtë vit po zhvillohet në Budva dhe ka mbledhur personalitete të njohura nga fusha e arsimit, biznesit dhe politikëbërjes në Ballkanin Perëndimor.

Ky aktivitet rajonal trajton çështje kyçe që lidhen me zhvillimin ekonomik, qeverisjen e mirë, qëndrueshmërinë dhe ndërtimin e kapaciteteve konkurruese në epokën e inteligjencës artificiale dhe automatizimit.

Në këtë ngjarje përveç Rektorit Hajrizi, po merr pjesë edhe Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi.

Në panelin me temë “AI, Automation & Skills: Is the Western Balkans Ready?”, Rektori Hajrizi prezantoi vizionin e tij dhe të UBT-së mbi mënyrat se si rajoni mund të përfitojë nga integrimi i inteligjencës artificiale në sistemin arsimor dhe në sektorin e biznesit.

Ai theksoi se përgatitja e kuadrove profesionale për epokën digjitale kërkon një bashkëpunim më të ngushtë mes universiteteve, institucioneve publike dhe sektorit privat, duke krijuar ura që sigurojnë zhvillim të qëndrueshëm dhe punësim cilësor për të rinjtë.

Sipas tij, inteligjenca artificiale duhet të shihet si një mjet që fuqizon njeriun dhe shoqërinë, duke mundësuar vendimmarrje më të mençur, procese më efikase dhe rritje të përgjegjshme ekonomike.

Konferenca RCF 2025 sjell së bashku akademikë, liderë të biznesit dhe vendimmarrës politik, duke krijuar një platformë gjithëpërfshirëse për shkëmbim idesh, zhvillim strategjish dhe ndërtim partneritetesh.

Continue Reading

Të kërkuara