Aktualitet

Franca do të përfshijë të drejtën e abortit në Kushtetutë

Franca do të bëhet vendi i parë që do të përfshijë të drejtën e abortit në Kushtetutën e saj.

Published

3 years ago

January 17, 2023

Betim Gashi

Franca synon të fusë në Kushtetutë të drejtën e abortit, 48 vjet pasi aborti u dekriminalizua në atë vend, dhe më pas u parashikua me ligj.

Siç raporton Euraktiv, Franca do të bëhet vendi i parë që do të përfshijë të drejtën e abortit në Kushtetutën e saj, gjë që do të dërgojë një sinjal të fortë për gratë në mbarë botën, tha aktivisti Alban Gajo, i cili merret me planifikimin familjar.

Në fund të nëntorit, Parlamenti francez miratoi një projektligj për përfshirjen e të drejtës së abortit në Kushtetutë. Pritet që projektligji të dalë në Senat më 1 shkurt të këtij viti.

Gajo thotë se është thelbësore që qasja ndaj abortit të përfshihet në Kushtetutë.

“Është e rëndësishme sepse do të thotë se e drejta për abort njihet si e drejtë themelore”, tha Gajo.

Përveç simbolikës së fortë, shkrimi i së drejtës së abortit në Kushtetutë do të garantonte qasje në abort pavarësisht nga shumica politike në pushtet.

“Ajo që lejohet me ligj mund të anulohet me ligj tjetër. Duhet të rikonfirmojmë mbrojtjen që duam t’i ofrojmë abortit”, tha deputetja Matilda Pano dhe shtoi se përfshirja në kushtetutë jep garanci shtesë se kjo nuk do të ndodhë.

Pasi Gjykata e Lartë e SHBA shfuqizoi të drejtën kushtetuese për abortin më 24 qershor të vitit 2022, duke ia lënë secilit shtet të vendosë nëse do ta ruajë këtë të drejtë apo jo, eurodeputetët kërkuan në një rezolutë të miratuar korrikun e kaluar që e drejta e abortit të përfshihet në Karta Evropiane për të drejtat themelore.

Kjo kërkesë duhet të shqyrtohet tani nga Këshilli Evropian, por shtetet anëtare janë të ndara për këtë çështje dhe unanimiteti duket i pamundur.

Për shembull, aborti është plotësisht i ndaluar në Maltë dhe gratë që i nënshtrohen procedurës ose blejnë pilula aborti rrezikojnë deri në tre vjet burg.

Vendi

Exit Polli e nxjerrë fitues Përparim Ramën në Prishtinë

Published

2 hours ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Lajmet

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Aktualitet

Fundjavë me shi dhe rënie të temperaturave

Published

2 days ago

November 8, 2025

UBT News

Instituti Hidrometeorologjik bën të ditur se sot do të mbajë mot i vranët dhe me intervale me diell.

IHK njofton se vranësirat vende-vende parashihen të sjellin riga shiu.

Temperaturat minimale do të lëvizin ndërmjet 4 dhe 7 gradë Celsius, kurse temperaturat maksimale ndërmjet 13 deri në 18 gradë Celsius.

/A.Z/UBT News/

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.