Sport

​Formacionet e mundshme Manchester United-Real Sociedad

Published

on

Pas ndeshjeve jo të mira, Manchester United do të shikojë sot të lehtësojë barrën, ku është me një këmbë në 1/16-ën e Ligës së Evropës, dhe do të zhvillojë sot ndeshjen e dytë kundër Real Sociedadit.

“Djajtë e Kuq” janë në avantazh 4:0 nga ndeshja e parë, dhe pritet që të vazhdojnë lehtësisht në raundin tjetër drejt fazës së eliminimit.

Në formën e përgjithshme, brenda gjashtë ndeshjeve, Manchester United ka regjistruar katër fitore dhe dy barazime, ndërsa Real Sociedadi brenda gjashtë xhirove ka tre fitore, një barazim dhe dy humbje.

Trajneri Ole Gunnar Solskjaer në konferencë për media e konfirmoi që nuk do të arrijnë të paraqiten në këtë ndeshje Paul Pogba, Phil Jones, Scott McTominay, Edinson Cavani dhe Donny van de Beek.

Në anën tjetër, skuadra e Sociedad do të jetë pa mbrojtësit, Robin Le Normand dhe Joseba Zaldua, dhe në dyshim për këtë përballje është edhe belgu Adnan Januzaj.

Formacionet e mundshme të dy skuadrave mund t’i gjeni të bashkangjitura më poshtë:

Manchester United (4-2-3-1): Henderson; Williams, Tuanzebe, Bailly, Telles; Fred, Matic; James, Mata, Rashford; Greenwood

Real Sociedad (4-3-3): Remiro; Gorosabel, Zubeldia, Sagnan, Monreal; Zubimendi, Merino, Silva; Portu, Isak, Oyarzabal

21:00 Manchester United – Real Sociedad (Stadiumi “Old Trafford”)

Sport

Lucas Vazquez gjen shtëpi të re te Bayer Leverkusen pas 17 vitesh në Real Madrid

Published

on

By

Veterani i Real Madridit, Lucas Vazquez, ka gjetur një skuadër të re pas dy muajsh pa klub. Pas një karriere 17-vjeçare te “Los Blancos”, e ndërprerë vetëm për një sezon huazimi te Espanyol, Vazquez mbeti pa kontratë këtë verë, pasi Real Madrid vendosi të mos i ofrojë rinovim, veçanërisht pas transferimit të Trent Alexander-Arnold.

Gjatë viteve të fundit, Vazquez ka qenë një mbrojtës i djathtë alternativ, pas rikthimit nga pozicioni i tij origjinal si sulmues i djathtë. Edhe pse ishin përfolur oferta nga Espanyol, Juventus dhe Milan, sipas gazetarit të njohur Fabrizio Romano, Vazquez ka arritur marrëveshje për t’u transferuar te Bayer Leverkusen në Bundesligë — klub ku më parë ka punuar trajneri i fundit i Real Madridit, Xabi Alonso, dhe ku ka luajtur edhe Dani Carvajal.

Sezoni i fundit për Vazquezin ishte sfidues, sidomos pas dëmtimit serioz të Carvajal, dhe pavarësisht disa vështirësive, ai arriti të zhvillojë 53 ndeshje, duke shënuar dy gola dhe dhënë tetë asistime. Ky bilanc tregon kontributin e tij edhe në moshën 34-vjeçare.

Ky transferim përbën lëvizjen e parë të madhe të Vazquez jashtë Spanjës, duke i dhënë një drejtim të ri karrierës së tij.

Continue Reading

Sport

Leon Avdullahu zgjedh Kombëtaren e Kosovës, refuzon Zvicrën

Published

on

By

Mesfushori i talentuar Leon Avdullahu ka marrë një vendim të rëndësishëm në karrierën e tij, duke zgjedhur të përfaqësojë Kombëtaren e Kosovës dhe duke refuzuar mundësinë për të luajtur për Zvicrën.

Lajmin e bëri të ditur presidenti i Federatës së Futbollit të Kosovës, Agim Ademi, i cili në një postim në rrjetet sociale theksoi se Avdullahu ka zgjedhur me zemër të mbrojë ngjyrat e Kosovës.

“Pritjes i erdhi fundi, Leoni është i Kosovës. Ai më njoftoi për vendimin e madh pas takimit tonë të fundit, ku diskutuan të gjitha detajet. Ky është një lajm i gëzuar për futbollin kosovar, pasi dëshmon se identiteti dhe prejardhja janë të pathyeshme”, shkroi Ademi.

Ky vendim forcon mesfushën e Kosovës, duke shtuar thellësi dhe kualitet në skuadër. Avdullahu pritet të sjellë energji, vizion dhe kreativitet në përballjet e ardhshme kualifikuese për Kampionatin Botëror 2026.

Ai ka filluar karrierën e tij te Baseli, ndërsa këtë vit u transferua për 8 milionë euro te Hoffenheim në Bundesligë. Avdullahu ka debutuar me paraqitje të spikatur ndaj Bayer Leverkusen, ndërsa vlera e tij në Transfermarkt ka arritur në 10 milionë euro.

Me këtë përforcim, trajneri Franco Foda do të ketë një alternativë të re dhe të fortë në mesfushën e Kosovës, e cila në grupin eliminator për Botërorin do të ndeshet me Suedinë, Zvicrën dhe Slloveninë.

Continue Reading

Sport

Mërgim Berisha në shënjestër të Kasımpaşas, oferta e parë e klubit turk

Published

on

By

Klubi turk Kasımpaşa ka bërë një ofertë zyrtare për sulmuesin 27-vjeçar, Mërgim Berisha, i cili aktualisht është pjesë e skuadrës gjermane Hoffenheim, por që ka mbetur në hije gjatë kohës së tij aty.

Lajmin e bëri të ditur gazetari Yagız Sabuncuoglu, i cili konfirmoi se Kasımpaşa ka paraqitur një propozim formal për transferimin e Berishës te Hoffenheimi.

Berisha ka kontratë me Hoffenheimin deri në vitin 2027, ndërsa vlera e tij në treg sipas faqes Transfermarkt është rreth 3.5 milionë euro.

Përveç Kasımpaşas, interesim për sulmuesin janë shfaqur edhe nga klubet Kayserispor dhe Hertha BSC, ndërsa Berisha, i cili dikur refuzoi të luante për Kosovën në favor të Gjermanisë, nuk ka arritur të bëjë një hap të madh në karrierë deri më tani.

Nëse kalimi në Turqi do të realizohet, kjo do të përbënte një rikthim për Berishën, pasi më parë ka luajtur edhe te Fenerbahçe.

Gjatë karrierës së tij, Mërgim Berisha ka luajtur për skuadra të ndryshme si FC Liefering, Red Bull Salzburg, LASK Linz, 1. FC Magdeburg, SCR Altach, Fenerbahçe, FC Augsburg dhe aktualisht për TSG Hoffenheim.

Continue Reading

Sport

Lista e Ancelottit për ndeshjet e shtatorit, mungojnë yjet e Brazilit

Published

on

By

Trajneri i Brazilit, Carlo Ancelotti, ka publikuar listën e tij të dytë në krye të “Seleçaos”, për dy ndeshjet e fundit kualifikuese për Kampionatin Botëror 2026 ndaj Kilit dhe Bolivisë që zhvillohen në muajin shtator.

Lista përfshin disa zgjedhje të guximshme, duke lënë jashtë disa prej emrave më të njohur të futbollit brazilian. Neymar, Vinicius Jr., Rodrygo dhe Eder Militao nuk janë përfshirë në këtë grumbullim.

Ancelotti ka sqaruar se mungesa e Neymar-it lidhet me një problem të vogël fizik, por gjithashtu me nevojën për të testuar alternativa të reja në formacion:
“Neymar nuk është thirrur për shkak të një shqetësimi të lehtë fizik, por edhe sepse ne e njohim kontributin e tij. Ky është një moment për të provuar zgjidhje të reja,” u shpreh trajneri italian.

Lucas Paqueta rikthehet në skuadër pas një periudhe mungese, ndërsa risia e vetme është Kaio Jorge, sulmuesi i ri i Cruzeiros, i cili do të ketë mundësinë të debutojë me përfaqësuesen.

Në listë gjenden gjithashtu emra të rëndësishëm si Marquinhos, Bruno Guimaraes, Joelinton, Raphinha dhe Richarlison, që pritet të jenë pjesë e bërthamës së skuadrës për fazat finale të turneut.

“Ky grup duhet të ketë një bërthamë lojtarësh që do të jenë të rëndësishëm për Kupën e Botës. Rreth kësaj bërthame, ne duhet të testojmë futbollistë që mund të jenë pjesë e skuadrës përfundimtare në të ardhmen,” deklaroi Ancelotti.

Brazili është kualifikuar tashmë për Botërorin 2026 dhe këto dy ndeshje do të shërbejnë për të ndërtuar skuadrën me të cilën do të përfaqësohet në turneun që do të mbahet në SHBA, Meksikë dhe Kanada.

Takimi i parë do të zhvillohet më 4 shtator në “Maracanã” ndaj Kilit, ndërsa më 9 shtator, Brazili udhëton në Bolivi për të mbyllur ciklin kualifikues.

Continue Reading

Të kërkuara