Lajmet

Durmishi: Me anulimin e tenderit për mirëmbajtjen e rrugëve i kursyem 22 milionë euro

Published

4 years ago

May 11, 2021

Betim Gashi

Me anulimin e tenderit për mirëmbajtjen e rrugëve Ministria e Infrastrukturës ka arritur të kursejë rreth 22 milionë euro.

Kështu tha zëvendësministri i Mjedisit, Planifikimit Hapësinor dhe Infrastrukturës (MMPHI-së), Hysen Durmishi në një konferencë për media ku bëri të ditur se javën që lamë pas është shpallur tenderi i ri i cili është ndryshuar në tërësi. Durmishi tregoi se ofertat për këtë tender do të hapen më 31 maj, dhe se shpenzimet për 3 vitet e ardhshme nuk do të kalojnë shumën prej 35 milionë euro.

Ai tha se janë duke analizuar të gjitha vendimet që janë marrë më herët në ministri, teksa shtoi se kurdo që të marrin ndonjë vendim do të informojnë qytetarët.

“Mirëmbajtja e këtij projekti ishte 44 milionë euro. Kjo ishte një kontratë kornizë 3 vjeçare e cila lejonte që menaxheri të rritë vlerën për 30 përqind, që i bie se do të bëhej 57 milionë. Nuk ka kontratë kornizë në të kaluarën që nuk është rritur për 30 përqind. Javën që shkoi ne kemi shpallur tenderin e ri, duke e ndryshuar në tërësi edhe si koncept. Hapja e ofertave do të bëhet më 31 të këtij muaji, kontrata do të jetë 1-vjeçare me sasi fikse. Kemi fituar produkte të reja që do të rrisin cilësinë e rrugëve. Vlera e parashikuar është 11 milionë e 669 mijë e 471 euro, do të jetë e ndarë në 14 llote. Nëse e llogarisim për 3 vitet e ardhshme do të shpenzojmë më së shumti 35 milionë euro. Vetëm nga kjo kontratë ia shpëtuam buxhetit të Kosovës rreth 22 milionë euro”, tha ai.

Sa i përket futjes së disa produkteve të reja, Durmishi tha se në mesin e tyre do të jetë edhe rrjeta e cila do të vendoset nën asfalt e që do të shërbeje për rritjen e cilësisë së rrugëve.

Ai foli edhe për shpronësime, për çka tha se ka shumë vendime që kanë kaluar afatin 2 vjeçar dhe tani ka edhe kamatë.

“Tani jemi të detyruar të ndajmë buxhet shtesë për 3 kategori për shpronësime e që janë. Ne kemi marrë vendim që të pezullojmë të gjitha memorandumet e nënshkruara me komuna në vitin 2021. Këto ndryshime po bëhen që të përfundojmë disa projekte të nisura kaherë”, tha mes tjerash Durmishi.

Lajmet

Osmani në Sofje, takoi presidentin bullgar dhe mbretin e Jordanisë

Published

8 hours ago

April 4, 2025

UBTNews

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Lajmet

Rivarrosen mbetjet mortore të 10 viktimave të luftës

Published

8 hours ago

April 4, 2025

UBT NEWS

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Bota

Shpërthejnë përleshjet në Sudanin e Jugut, 30 të vdekur

Published

9 hours ago

April 4, 2025

UBT NEWS

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

9 hours ago

April 4, 2025

UBT NEWS

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.