

Lajmet
Biden për sulmet ndaj Izraelit: Ky është një akt i së keqes së pastër
Biden tha se Izraeli ka mbështetjen e Shteteve të Bashkuara të Amerikës.
Published
2 years agoon
By
Betim GashiPresidenti amerikan Joe Biden tha se të paktën 14 qytetarë amerikanë u vranë në sulmet në Izrael. Ai shtoi se në mesin e pengjeve ishte edhe një person që i mbijetoi Holokaustit.
“Gratë përdhunoheshin dhe parakalonin si të ishin trofe”, shtoi presidenti amerikan.
Në një fjalim drejtuar kombit sonte, Biden tha se Izraeli ka mbështetjen e Shteteve të Bashkuara të Amerikës. Ai shtoi se SHBA-ja do të sigurohet që Izraeli të ketë atë që i nevojitet për të “kujdesur për qytetarët e tij, për t’u mbrojtur ose për t’iu përgjigjur një sulmi të Hamasit”.
“Hamasi nuk mbështet të drejtën e popullit palestinez për dinjitet dhe vetëvendosje”, tha Biden, duke shtuar se grupi nuk ofron asgjë tjetër veçse “terror dhe gjakderdhje, pavarësisht se kush e paguan çmimin”.
Biden tha se SHBA ka forcuar fuqinë e saj ushtarake në rajon. “Unë e drejtova ekipin tim të ndajë inteligjencën dhe të vendosë ekspertë shtesë nga e gjithë qeveria amerikane për t’u konsultuar dhe këshilluar” mbi përpjekjet e Izraelit për të kthyer pengjet.
“Le të mos ketë asnjë dyshim, SHBA-ja ia ruan shpinën Izraelit. Ne do të sigurohemi që shteti hebre dhe demokratik i Izraelit të mund të mbrohet sot, nesër, siç kemi bërë gjithmonë”, tha ai.
Presidenti amerikan e quajti sulmin e Hamasit ndaj Izraelit një akt të së keqes së pastër. Ai e quajti grupin radikal islamik “të etur për gjak, duke thënë se këto ngjarje të kujtojnë krimet më të këqija të kryera nga ISIL (Shteti Islamik) dhe dënoi Hamasin për vrasjen e më shumë se 1000 civilëve.
“Hamasi nuk qëndron në mbrojtje të popullit palestinez. Ata përdorën palestinezët si mburoja njerëzore. Për popullin hebre, për fat të keq, kjo nuk është e re. Këto ngjarje nxjerrin në sipërfaqe kujtime të dhimbshme të antisemitizmit nga shekulli i kaluar”, shtoi ai.
Biden më pas përmendi disa nga historitë e tmerrshme që dolën nga Rripi i Gazës këto ditë.
“Prindërit e masakruar duke përdorur trupat e tyre për të mbrojtur fëmijët e tyre, raportime për foshnja të vrarë, gra të dhunuara të shfaqura si trofe…”
“Ne qëndrojmë me Izraelin, Amerika qëndron me Izraelin”, tha Biden në një fjalim të stuhishëm. “Izraeli do të ketë gjithçka që i nevojitet për t’iu përgjigjur një sulmi të Hamasit”, shtoi ai.
Aktualitet
Trump para OKB-së: U dhashë fund shtatë luftërave, Kosovë-Serbi në mesin e tyre
Published
40 seconds agoon
September 24, 2025By
UBT News
Presidenti i Shteteve të Bashkuara të Amerikës (SHBA), Donald Trump, ka përsëritur në fjalimin e tij para Organizatës së Kombeve të Bashkuara, se u ka dhënë fund shtatë luftërave.
Trump ka përmendur edhe Kosovën dhe Serbinë, duke thënë se ka qenë shumë i zënë këtë mandat duke u përpjekur të shpëtojë miliona jetë.
“Kam përfunduar shtatë luftëra. Në çdo rast, mijëra njerëz do të vriteshin, si në Kamboxhia dhe Tajlandë, Kosovë dhe Serbi, Kongo dhe Ruandë, Indi dhe Pakistan, Izrael dhe Iran, Egjipt dhe Etiopi, Armeni dhe Azerbajxhan. Asnjë president, kryeministër apo shtet nuk ka bërë diçka të ngjashme, dhe unë e arrita këtë brenda shtatë muajsh. Jam shumë i nderuar që e bëra”, tha Trump.
Sipas tij, asnjë president, kryeministër apo shtet nuk ka bërë diçka të ngjashme.
Trump tha se Kombet e Bashkuara madje nuk u përpoqën të ndihmojnë në asnjërën prej tyre.
“Është shumë keq që u detyrova ta bëja vetë këtë, në vend të Kombeve të Bashkuara. Kombet e Bashkuara madje nuk u përpoqën të ndihmojnë. Kam përfunduar shtatë luftëra, jam marrë me liderët e të gjitha atyre vendeve, dhe nuk kam marrë asnjë telefonatë apo ofertë ndihme nga OKB-ja për të finalizuar marrëveshjet”, tha ai.
Presidenti amerikan folur edhe për ekonominë e SHBA-së gjatë mandatit të tij të dytë, duke thënë se ndodhet në një gjendje më të mirë se më përpara. /S.K/KP/
Aktualitet
John Stewart Duncan ka përfunduar dëshminë në Speciale
Published
7 minutes agoon
September 24, 2025By
UBT News
Ish-diplomati britanik, John Stewart Duncan, e ka përfunduar dëshminë e tij në mbrojtje të ish-krerëve të UÇK-së pranë Dhomave të Specializuara të Kosovës në Hagë.
Ish-diplomati Duncan, i cili gjatë viteve ’90 ishte këshilltar politik i Wesley Clark, komandantit të atëhershëm të NATO-s, në fillim të dëshmisë së tij para Dhomave të Specializuara të Kosovës në Hagë, foli për rolin e tij në Kosovë.
Ai tha se detyra e tij ishte ta informonte Clarkun gjeneralin që udhëhoqi fushatën bombarduese kundër caqeve serbe në vitin 1999.
Ai tha se se nuk ka parë komunikata të UÇK-së ku të jenë përmendur ekzekutime, dhe gjithashtu, theksoi se nuk ka pasur dëshmi se ka ekzistuar një Shtab i Përgjithshëm sipas pikëpamjeve ushtarake.
Duke u përgjigjur në pyetjet e mbrojtjes së Thaçit të hënën, ai tha se Thaçi shihej si politikan dhe jo komandant i UÇK-së.
“Asnjëherë nuk e kam parë të jepte direktiva apo urdhra, ishte qartë që kishim të bënim me dy lloj njerëzish, e para, kishim të bënim me ushtarakun apo oficerin e nivelit të lartë, dhe e dyta ishte politikani. Kjo ishte përshtypja që më është krijuar mua”, tha ai.
Duncan shtoi se UÇK-ja nuk kishte strukturë hierarkike.
Ky ishte dëshmitar i tretë, pasi në Dhomat e Specializuara të Kosovës në Hagë u dëgjua ish-ndihmëssekretari amerikan të Shtetit, James Rubin, dhe ish-këshilltari ligjor i delegacionit të Kosovës në negociatat në Rambuje, Paul Williams.
Seanca e radhës, me dëshmitarin tjetër do të mbahet të hënën, 29 shtator./S.K/KP/
Aktualitet
ZKA: Institucionet përgjegjëse nuk kanë menaxhuar mirë hapësirat pyjore në Kosovë
Published
11 minutes agoon
September 24, 2025By
UBT News
Zyra Kombëtare e Auditimit (ZKA) ka realizuar auditimin e performancës “Mbrojtja, zhvillimi dhe ripërtëritja e hapësirave pyjore”, për periudhën 2020–2024 i cili ka vlerësuar efikasitetin e institucioneve përgjegjëse në mbrojtjen, zhvillimin dhe ripërtëritjen e hapësirave pyjore.
Sipas njoftimit, rezultatet e këtij auditimi tregojnë se institucionet përgjegjëse nuk kanë arritur të menaxhojnë në mënyrë të duhur hapësirat pyjore në Kosovë.
“Ministria e Bujqësisë, Pylltarisë dhe Zhvillimit Rural (MBPZhR) nuk ka arritur të përgatisë dhe të miratojë udhëzimet administrative të nevojshme për menaxhimin e pyjeve, për rrjedhojë Agjencia Pyjore e Kosovës operon pa kornizë të plotë rregullative. Po ashtu Agjencia Pyjore e Kosovës nuk ka bërë inventarizim të plotë dhe të përditësuar të pyjeve si dhe nuk ka organizuar në mënyrë efektive mbrojtjen e pyjeve publike, prandaj nuk ka të dhëna të sakta për gjendjen aktuale të resurseve pyjore”, thuhet në njoftim.
Bëhet e ditur se auditimi ka evidentuar se rreth 44 për qind e objektivave të planifikuara nuk janë realizuar, ngecjet janë më të theksuara në kultivimin, trajtimin dhe ngritjen e pyjeve të reja.
“Rreth një milion fidanë në Institutin Pyjor të Kosovës rrezikojnë të dështojnë për shkak të mungesës së kontraktimeve për pyllëzim nga Agjencia”, thuhet në njoftim.
Sipas ZKA-së, në parqet “Bjeshkët e Nemuna” dhe “Sharri” janë regjistruar prerje të shumta ilegale dhe ndërtime pa leje.
Në Parkun Kombëtar “Sharri”, mungesa e rojeve pyjore ka bërë që deri në 70% e territorit të mbetet pa mbrojtje, ndërsa në Parkun Kombëtar “Bjeshkët e Nemuna” problem i madh janë edhe ndërtimet ilegale dhe sipas regjistrimeve të vitit 2024 janë mbi 6,083 ndërtime ilegale.
“Agjencia Pyjore për më shumë se 20 vjet nuk ka trajtuar çështjen e pronave që i ka në menaxhim. Ka rreth 500 prona me emërtime të ndryshme të cilat ende nuk i ka unifikuar dhe verifikuar. Gjithashtu auditimi ka evidentuar se në procesin e qiradhënies së pronave publike ka vonesa deri në 38 muaj si dhe janë bërë shumë shkelje nga qiramarrësit”, thuhet në komunikatë.
Lidhur me këtë auditim, Auditorja e Përgjithshme, Vlora Spanca, deklaroi se mungesa e kornizës së qartë ligjore, kontrollit efektiv, dhe koordinimit institucional, kanë rezultuar me prerje ilegale, uzurpime dhe dëmtime të zonave të mbrojtura, duke shkaktuar humbje të mëdha ekonomike dhe mjedisore.
Për përmirësimin e gjendjes se pyjeve në Republikën e Kosovës, Zyra Kombëtare e Auditimit ka dhënë 11 rekomandime./S.K/KP/
Aktualitet
Rama: Asnjë para ruse në ekonominë shqiptare
Published
15 minutes agoon
September 24, 2025By
UBT News
Kryeministri i Shqipërisë, Edi Rama mori pjesë në konferencën “Shqipëria, Horizonti i Ri” në Vjenë, me pjesëmarrjen e sipërmarrjeve nga mbi 25 vende të botës.
Në fjalën e tij kreu i qeverisë theksoi dallimin mes Rusisë dhe Kinës në politikën ndërkombëtare, duke i vendosur dy vendet në role të ndryshme.
“Nuk do t’i vija në të njëjtin klub. Rusia është agresore, një lojtar agresiv dhe ka një agjendë për krijimin e trazirave, ndërkohë që Kina është një tjetër lojtar dhe dallimi është se nuk ka asnjë objektiv për të universalizuar mënyrën e vet të jetesës. Objekti i Kinës është të bëjë biznes dhe të ketë një dorë që zgjatet në të gjithë botën”, tha Rama.
Rama nënvizoi se për Tiranën zyrtare, Kina nuk shihet si kërcënim. Nga ana tjetër kreu i qeverisë shtoi se në vendin tonë nuk ka asnjë para ruse në ekonomi.
“Nuk e shoh Kinën si kërcënim apo lojtare agresiv. Edhe këtu ka nuanca sepse kur vjen fjala për infrastrukturën kritike kur bëhet fjalë për gjithçka që ka të bëjë me sigurinë tonë qoftë ushtarake apo siguri energjetike apo siguri në telekomunikacion, ne e kemi marrë vendimin tonë qysh prej kohësh dhe nuk do ta ndryshojmë, do të vazhdojmë të rrimë me partnerët tanë perëndimor”, tha Rama.
“Me Kinën jemi të hapur. Me Rusinë nuk na ka marrë malli, nuk kemi asnjë para ruse në ekonominë tonë. Për ne mjafton që jemi në marrëdhënie të mira me Dostojevskin,” tha Rama./S.K/KP/ATSh/

Trump para OKB-së: U dhashë fund shtatë luftërave, Kosovë-Serbi në mesin e tyre

John Stewart Duncan ka përfunduar dëshminë në Speciale

ZKA: Institucionet përgjegjëse nuk kanë menaxhuar mirë hapësirat pyjore në Kosovë

Rama: Asnjë para ruse në ekonominë shqiptare

Dy vjet nga sulmi terrorist serb në Banjskë

Parashikimi i motit

Rreziqet e qëndrimit të gjatë ulur

Suzuki prezanton logon e re për herë të parë që nga 2003

UBT dhe Policia e Kosovës nënshkruajnë marrëveshje bashkëpunimi për forcimin e kapaciteteve në teknologji dhe siguri publike
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës