Lajmet

​Berisha: Siguria është ndër gjërat më të rëndësishme këto ditë

Dugolli, tha se diplomacia parlamentare në fushën e sigurisë nuk mund të trajtohet nga Komisioni për Çështje të Sigurisë.

Publikuar

2 vjet më parë

më

Komisioni për Çështje të Sigurisë dhe Mbrojtjes ka diskutuar rreth diplomacisë parlamentare në fushën e sigurisë. Në mbledhjen e sotme, kryetari Bekë Berisha solli propozimet për takime në këtë çështje, për çka nuk morri mbështetjen e disa prej anëtarëve të Lëvizjes Vetëvendosje.

Ai tha se siguria e vendit është me rëndësi ditëve të fundit, duke theksuar nevojën e diskutimit të diplomacisë parlamentare në fushën e sigurisë.

“Siguria është ndër gjërat më të rëndësishme këto ditë, aktualisht, në Kosovë. E dini në çfarë situate jemi në vijë të përballjes jemi. Jemi duke rritur fëmijë këtu, unë nuk mund të pres askënd. Është si ide një herë, aprovohet me konsensusin e të gjithëve. Kjo nuk bëhet njëanshëm”, është shprehur Berisha.

Me këtë nuk është pajtuar deputeti i LVV-së, Enver Dugolli, i cili tha se diplomacia parlamentare në fushën e sigurisë nuk mund të trajtohet nga Komisioni për Çështje të Sigurisë.

“Këtë që po thua dhe e ke në letër, çfarë po dëshiron të arrish me këtë, aspak nuk bie në domenin e komisionit tonë. Ne po kalojmë përtej mandatit dhe nuk jam që komisioni të kalojë përtej mandatit që e kemi, përkundër interesit që e kemi. Për çështjet e punëve të jashtme nuk janë çështje që komisioni ynë i trajton. Është Ministria e Punëve të Jashtme, Komisioni për Punë të Jashtme, është i thirrur që të trajtojë çështjet e punëve të jashtme, që bie edhe siguria, kultura, sporti, ekonomia. Ne i trajtojmë çështjet e sigurisë dhe nuk kemi të drejtë që të interferojmë dhe të marrim primatin e këtyre çështjeve, sepse është një komision tjetër. Ne nuk mund të thërrasim ambasadorë, sepse nuk na përgjigjen ata neve“, ka thënë Dugolli.

Megjithatë, për këtë propozim të kryetarit Bekë Berisha është pajtuar deputetja e LVV-së, Shqipe Selimi.

Berisha: A e dëgjoni Enverin ju tjerët a?

Selimi: Ne jemi individualisht deputetë, kemi qëndrim.

Berisha: Unë e di që të thonë ata, por mos i dëgjo të gjitha herët, qëllimi është i mirë?

Me propozimin e Berishës është pajtuar deputeti i PDK-së, Rashit Qalaj.

Pas këtij diskutimi, është kërkuar që mbledhja e komisionit të vazhdojë me dyer të mbyllura për të diskutuar në lidhje me çështjen e diplomacisë parlamentare në fushën e sigurisë.

Etiketa
Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

2 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

4 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

6 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Lajmet

15 vende të BE-së bëjnë thirrje për kontraktimin e politikave të migracionit dhe azilit

Publikuar

8 orë më parë

më

18 Maj, 2024

nga

Një grup prej 15 shtetesh anëtare, të udhëhequra nga Danimarka, kanë nisur një thirrje të përbashkët për të zhvilluar kontraktimin e politikave të migracionit dhe azilit, duke argumentuar se rritja “e paqëndrueshme” e ardhjeve të parregullta vitet e fundit, justifikon të menduarit “jashtë kutisë”.

“BE-ja dhe shtetet e saj anëtare duhet të rrisin kontributin e tyre për partneritete të barabarta, konstruktive dhe të gjera me vendet kyçe, veçanërisht përgjatë rrugëve migratore, duke ndryshuar fokusin tonë nga menaxhimi i migracionit të parregullt në Evropë në mbështetjen e refugjatëve si dhe komuniteteve pritëse në rajonet e origjinës”, thuhet në letër.

“Nëse duam të vazhdojmë përpjekjet tona për të thyer strukturat nxitëse që nxisin lëvizjet e parregullta të emigracionit dhe udhëtimet e rrezikshme drejt Evropës, përpjekjet plotësuese janë të nevojshme”, thuhet tutje.

Letra, e datës 15 maj, por që u publikua të enjten, u drejtohet zyrtarëve të lartë në Komisionin Evropian. Përveç Danimarkës, ai miratohet nga Bullgaria, Republika Çeke, Estonia, Greqia, Italia, Qiproja, Letonia, Lituania, Malta, Holanda, Austria, Polonia, Rumania dhe Finlanda, duke reflektuar një konsensus ndërpartiak./UBTNews/

Vazhdo të lexosh

Të kërkuara