Kronika e zezë

​Arrestohet një person në Istog

Nga i njëjti është konfiskuar shuma e parave të cilat i janë kthyer punëtores në filiale.

Publikuar

2 vjet më parë

më

Policia e Kosovës ka arrestuar sot një person në Istog pasi kishte marrë në mënyrë të dhunshme një sasi të hollash nga një objekt për transferim të parave.

Sipas policisë, i dyshuari kishte shkuar në objektin për transferim të parave për të tërhequr shumen e parave që para disa ditësh i ishin dërguar nga familjari në emër të tij.

Pasi nga zyrtarja ishte njoftuar se nuk mund ta tërheqë shumën e parave pasi kishte skaduar koha e paraparë për tërheqje, i njëjti në shenjë revolte kishte thyer derën hyrëse brenda sportelit dhe kishte marrë të holla në vlerë 227 euro.

I dyshuari është sjellë në stacion policor dhe është intervistuar dhe nga i njëjti është konfiskuar shuma e parave të cilat i janë kthyer punëtores në filiale.

Personi i dyshuar pas intervistimit me vendim të Prokurorit shtetit është ndaluar për 48 orë. 

Etiketa
Vazhdo të lexosh

Kronika e zezë

Gjenden dy granata dore në një objekt në Graçanicë

Publikuar

2 ditë më parë

më

11 Qershor, 2024

nga

Policia e Kosovës ka njoftuar se në një objekt të braktisur në Graçanicë të hënën janë gjetur dy granata dore. Siç njofton PK-ja, granatat janë tërhequr nga njësitet e Forcës së Sigurisë së Kosovës (FSK) dhe KFOR-it.

“Gjatë kryerjes së punimeve në një objekt të braktisur, janë gjetur dy mjete të dyshimta (granata dore), të cilat janë tërhequr nga njësitet e FSK-se dhe KFOR-it në mënyrë të sigurt”, thuhet në raportin 24-orësh të Policisë./UBTNews/

Vazhdo të lexosh

Kronika e zezë

Nënë e bijë vdesin si pasojë e një aksidenti trafiku në rrugën Dragash-Zhur

Publikuar

1 javë më parë

më

3 Qershor, 2024

nga

Nënë e bijë kanë mbetur të vdekura si pasojë e një aksident trafiku që ka ndodhur sot rreth orës 10:30 në rrugën Dragash-Zhur (Laku i Keq). 

Policia e Kosovës njofton se në këtë aksident kanë qenë të përfshira një kamion me rimorkio dhe një automjet i udhëtarëve.

“Lidhur me rastin dhe mjetet e përfshira në aksident, janë duke u kryer hetimet nga njësia e Trafikut Rajonal e Prizrenit. Në vendin e ngjarjes kanë ndalur edhe zyrtar të lartë nga Njësia e trafikut rajonal, prokurori i rastit dhe njësitet tjera relevante”, thuhet në njoftimin e PK-së.

Trupat e pajetë janë dërguar në IML Prishtinë, ndërsa i dyshuari pas marrjes së ndihmës mjekësore është dërguar në ndalim policor për 48 orë./UBTNews/

Vazhdo të lexosh

Kronika e zezë

Një burrë gjendet i shtrirë në trotuar në Mitrovicë

Publikuar

1 javë më parë

më

3 Qershor, 2024

nga

Policia e Kosovës ka njoftuar se një person në Mitrovicë më 2 qershor, është gjetur i shtrirë në trotuar me lëndime në kokë.

Sipas policisë, viktima është dërguar në spitalin e Mitrovicës, ku mjeku kujdestar ka konstatuar vdekjen e viktimës.

“Në vend ngjarje kanë dalur njësitet përkatëse. Me vendim të prokurorit trupi i pa jetë dërgohet në IML për obduksion”, thuhet në raport.

Vazhdo të lexosh

Kronika e zezë

Arrestohen tre burra në Gjakovë, dyshohet se dhunuan dy gra

Publikuar

2 javë më parë

më

31 Maj, 2024

nga

Tre burra janë arrestuar në Gjakovë nën dyshimin se kanë dhunuar dy gra, pasi të enjten janë kapur në një automjet bashkë me viktimat të cilat nuk kanë pasur dokument identifikimi.

Në raportin 24-orësh të policisë thuhet se të dyshuarit ishin në një automjet me dy viktimat gra, të cilat nuk kishin dokument identifikimi. Më pas, tre të dyshuarit janë dërguar në mbajtje, derisa dy viktimat janë dërguar për ekzaminim mjekësor, pasi siç thuhet në raportin e policisë, dyshohet se janë keqpërdorur seksualisht.

“Gjakovë, 30.05.2024 – 02:00. Policia ka ndaluar një automjet në të cilën ishin tre meshkuj kosovarë, si dhe dy femra kosovare, të cilat nuk kishin dokument identifikimi. Lidhur me rastin është njoftuar prokurori, i cili ka urdhëruar që të dyshuarit të arrestohen dhe të dërgohen në mbajtje, ndërsa viktimat të cilat dyshohet se janë keqpërdorur seksualisht janë dërguar për ekzaminim mjekësor”, thuhet në njoftimin e PK-së.

Vazhdo të lexosh

Të kërkuara