Lajmet

AAK kërkon rinumërim të plotë të votave

Published

5 years ago

March 10, 2021

Betim Gashi

Aleanca për Ardhmërinë e Kosovës po kërkon rinumërim të plotë të të gjitha vendvotimeve në zgjedhjet e 14 shkurtit. Megjithatë kjo kërkesë ka hasur në kundërshtim të Lëvizjes Vetëvendosje, ndërsa kryetarja e Komisionit Qendror të Zgjedhjeve, Valdete Daka ka treguar se kur mund të ndodhë një skenar i tillë.

Përfaqësuesi i kësaj partie në KQZ, Ibrahim Selmonaj tha se ka pasur parregullsi edhe në mes të partive politike të tjera. Sipas tij, vetëm një rinumërim i plotë do të pastronte të gjithë procesin zgjedhor.

“Në këtë rast bëhet fjalë për AAK-në që është e apostrofuar, por e vërteta është se ka edhe në mes të kandidatëve të tjerë të partive të tjera politike. Prapë unë kërkoj nga KQZ, kërkoj përkrahjen e juaj që të bëhet një rinumërim i plotë në mënyrë që të pastrohet si proces dhe të evidentohen të gjitha rastet”, tha ai.

Kryetarja e KQZ-së, Valdete Daka tha se nuk mundet që të jap një mendim për këtë çështje sepse vendos KQZ-ja.

“Sa i përket rinumërimit total të cilin e propozoi Ibrahimi, nuk mundem me dhënë ndonjë mendim ajo është çështje e vendosjes së KQZ-së. Gjithsesi nëse merr përkrahjen e krejt KQZ-së, atëherë edhe do të ndodh”, tha ajo.

Ndërsa, një rinumërim të plotë e ka kundërshtuar edhe përfaqësuesi i LVV-së në KQZ, Sami Kurteshi.

“Kërkesa për rinumërim të plotë tash i tejkalon edhe kërkesat ligjore. Unë mendoj se dallimet e mospërputhjeve relativisht mirë shihen ku janë dhe janë pa ku janë, unë e kuptoj tash duhet me fol hapur, unë e kuptoj se gjithmonë ata që marrin më pak vota, unë nuk po them që keni humbur as që ka humbur dikush, por që marrin më pak vota, natyrisht që nuk mund të jenë të kënaqur gjithmonë me rezultatin. Por, një rinumërim i plotë mandej merr karakter politik dhe i tejkalon caqet e karakterit juridik dhe unë mendoj se nuk është shenja që është i domosdoshëm rinumërimi i plotë. Një rinumërim i plotë do të ishte një shenjë e qartë se atëherë ky proces zgjedhor ka qenë krejt i kriminalizuar, krejt i keq”, tha ai.

Zgjedhjet parlamentare u mbajtën më 14 shkurt.

Lajmet

Policia shqipton mbi 2000 gjoba trafiku për 24 orët e fundit

Published

7 minutes ago

September 9, 2025

UBTnews

Policia e Kosovës ka shqiptuar 2088 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 38 aksidente trafiku me dëme materiale, 36 aksidente trafiku kanë përfunduar me të lënduar.

Policia e Kosovës ka arrestuar 20 persona, 14 janë dërguar në mbajtje, kurse 2 persona janë në vuajtje të dënimit/D.B/KP

Lajmet

Komuna e Prishtinës njofton se nga nesër rikthehet funksionaliteti i plotë i “Prishtina Parking

Published

36 minutes ago

September 9, 2025

UBTnews

Komuna e Prishtinës ka njoftuar se nga nesër do të rikthehet funksionaliteti i plotë i “Prishtina Parking”.

Sipas njoftimit, në përputhje me vendim të Gjykatës Supreme nesër hyn në fuqi zbatimi i plotë i rregullores për rregullimin e parkingjeve në kryeqytet.

“Njoftojmë qytetarët se shfrytëzimi i parkingjeve publike të menaxhuara nga “Prishtina Parking” bëhet vetëm me pagesë, sipas tarifave zyrtare. Çdo parkim pa pagesë do të sanksionohet me gjoba dhe masa ndëshkuese, në përputhje me legjislacionin në fuqi“, thuhet në njoftim./D.B/KP

Bota

Humbin jetën të paktën 8 persona pasi Treni përplaset me autobusin në Meksikë

Published

1 hour ago

September 9, 2025

UBT News

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Lajmet

Rama takohet me komandantin e Forcave Detare të SHBA-së

Published

1 hour ago

September 9, 2025

UBT News

Kryeministri Edi Rama ka zhvilluar një takim me komandantin e Forcave Detare të Shteteve të Bashkuara të Amerikës në Europë dhe Afrikë, Admirali Stuart B. Munsch.

Në këtë takim është diskutuar për hapat konkretë të Shqipërisë për ringjalljen e industrisë ushtarake, avancimin e projekteve të Korridorit VIII dhe zhvillimin e Portit të Ri të Durrësit, shkruan rtsh.al.

“Në takimin me Komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch, në kuadër të hapave që Shqipëria po ndërmerr për rilindjen e industrisë ushtarake, si edhe për ecurinë e projekteve të Korridorit VIII dhe Portit të Ri të Durrësit”, shkruan Edi Rama në rrjetin e tij social, në Facebook.

I pranishëm në këtë takim ishte edhe ministri i Mbrojtjes Pirro Vengu, i cili thekson se është diskutuar për modernizimin e ushtrisë shqiptare.

Një tjetër pikë e rëndësishme e diskutimit ishte përparimi i projektit të Korridorit VIII, një arterie e rëndësishme infrastrukturore që lidh Detin Adriatik me Detin e Zi, duke kaluar përmes Shqipërisë, Maqedonisë së Veriut dhe Bullgarisë.

Korridori VIII konsiderohet një projekt strategjik për zhvillimin ekonomik dhe sigurinë rajonale, duke lehtësuar tregtinë, transportin dhe bashkëpunimin ushtarak mes vendeve të NATO-s dhe partnerëve të tjerë.

Projekti synon të rrisë ndërveprimin ekonomik dhe ushtarak mes vendeve të rajonit, duke e bërë Shqipërinë një nyje të rëndësishme logjistike në Ballkan./S.K/KP/