

Lajmet
102 kandidatë do të intervistohen për anëtarë të Bordit të RTK-së, eliminohen 30 të tjerë
Për intervistim do të ftohen 102 kandidatë që i kanë plotësuar kriteret, nga gjithsej 132 sa kanë aplikuar.
Published
3 years agoon
By
Betim GashiKomisioni Ad hoc për përzgjedhjen e kandidatëve për anëtarë të Bordit të RTK-së, ka shqyrtuar sot listën e kandidatëve të propozuar, me ç’rast janë eliminuar 30 kandidatë për shkak të mos plotësimit të kritereve për aplikim.
10 prej kandidatëve janë eliminuar për shkak se kanë arritur moshën e pensionimit, derisa pati të tillë që u eliminuan për shkak të mosplotësimit të dokumentacionit të kërkuar edhe përkundër që u është dhënë mundësia për një gjë të tillë. Për intervistim do të ftohen 102 kandidatë që i kanë plotësuar kriteret, nga gjithsej 132 sa kanë aplikuar.
Kryetari i këtij komisioni, Armend Zemaj, tha se në mesin e këtyre 30 personave që nuk ftohen për intervistim janë edhe 10 kandidatë që kanë arritur moshën e pensionimit.
“Sipas listës që e kemi, 10 kandidatë përjashtohen nga lista për shkak të pensionimit, me thënë të drejtën mua personalisht më vjen keq që kjo pikë është kështu, por kështu e kemi opinionin ligjor siç na është thënë edhe nga konkurset e fundit. Dy kandidatë janë të komunitetit tjera jo shumicë, një kandidat nuk ka treguar nënshtetësi apo nuk ka paraqitur nënshtetësi të Kosovës dhe nuk ka paraqitur asnjë aplikacion sipas kushteve të konkursit edhe pse i është dhënë afat dhe tre kandidatë janë evidentuar në kundërshtim me nenin 27 të Ligjit për RTK-në… Nga të gjitha aplikimet 30 persona nuk ftohen për intervistim për arsye të ndryshme të cilat bien në kundërshtim me ligjin dhe procedurat e konkursit”, tha Zemaj.
Anëtarët e këtij komisioni kanë diskutuar nëse duhet të vazhdohet tutje me procedura të përzgjedhjes së anëtarëve të Bordit të RTK-së, përderisa ka një ankesë në Kushtetuese rreth shkarkimit të anëtarëve të Bordit të RTK-së nga Kuvendi i Kosovës.
Deputetja e PDK-së, Blerta Deliu-Kodra, ka pasur dilema nëse duhet të vazhdohet tutje me këtë proces derisa Gjykata Kushtetuese ka nxjerrë vendim për pezullimin e vendimit të shkarkimit të Bordit të Këshillit të Pavarur Mbikëqyrës të Shërbyesve Civil.
“Përderisa kemi një ankimim nga AAK-ja për vendimin e shkarkimit të Bordit të RTK-së, çka nëse gjykata na sjell një vendim, çka nëse ne kemi një vendim të gjykatës, të cilin nuk dua ta paragjykoj, por cili do të jetë roli i këtij komisioni dhe si do të veprojmë ne në rast se kemi precedentë të njëjtë”, tha Deliu.
Deputetja e LVV-së, Doarsa Kica-Xhelili, tha se duhet të vazhdojnë me procedurat e përzgjedhjes së anëtarëve të Bordit të RTK-së dhe nëse do të ketë vendim nga Gjykata Kushtetuese atëherë do ta pezullojnë punën e komisionit.
“Varianti i parë është që ne mos të emërojmë një bord, ndërkohë Gjykata Kushtetuese mos ta lëshojë një masë të përkohshme sepse rastet janë të ndryshme dhe ne të mbesim pa bord edhe në dhjetor, ndërsa unë vlerësoj që tashmë jemi vonë me bord të RTK-së. Ndërsa, varianti tjetër është që ta emërojmë këtë bord dhe të kemi parasysh që Kushtetuesja s’mund të marrë masë të përkohshme pasi të jetë një bord i emëruar. Mendoj që edhe vetë Gjykata Kushtetuese e ka parasysh aspektin e kohës dhe aspektin që ne jemi duke proceduar me këtë komision. Kështu që, unë e kam një bindje që nuk ka gjasa teorike të emërohet ky bord pa një vendim të Gjykatës Kushtetuese për masë të përkohshme. Jemi të gjithë dakord që në momentin që mund të lëshohet një masë e tillë, ne të pezullojmë çfarëdo pune që jemi duke e bërë në komisionin ad hoc”, tha ajo.
Edhe kryetari i Komisionit, Armend Zemaj, tha se komisioni duhet të vazhdojë punën derisa nuk ka një vendim, e që u përkrahë nga të gjithë anëtarët e komisionit.
“Mendoj që ne të vazhdojmë me procedura edhe ashtu nuk mundemi shpejt të ecim, nëse ka pezullim ose përgjigje nga Gjykata Kushtetuese dhe është mirë që ka Gjykatë Kushtetuese në këtë vend, se e ka paraparë ata që e kanë shkruar e kanë ditë që vjen një shumicë ndonjë herë që shkarkon e ngarkon kur t’i teket. Kështu që, për ta mbrojtur kushtetutshmërinë, na japin një përgjigje meritore a është i drejtë shkarkimi apo nuk është, por unë mendoj që të vazhdojmë me procedura nëse vjen diçka e tillë, ne jemi këtu”, tha ai.
Anëtarët e Komisionit janë dakorduar që intervistimi i çdo kandidati të zgjasë 20 minuta dhe që pyetjet të jenë të njëjta. Në komision u vendos që poentomi i kandidatëve të jetë i hapur dhe në fund të procesit anëtarët e shoqërisë civile do të mund të pyesin deputetët për poentimin që kanë bërë ndaj kandidatëve.

Kryeministri në detyrë, Albin Kurti, tha se po presin certifikimin e rezultateve të zgjedhjeve të 9 shkurtit dhe më pas do të shikojnë për rrugën përpara sesi të formohet qeveria e re.
Kurti, i cili është edhe kryetar i Lëvizjes Vetëvendosje tha se janë fitues në zgjedhje, andaj sipas tij do ta formojnë qeverinë.
“Ne presim certifikimin e rezultateve dhe më pastaj do të ulemi dhe të shikojmë për rrugën përpara. Mirëpo nuk ka ndryshuar situata që ne të kemi qëndrime të tjera sa i përket kundërshtarëve tanë. Është bërë luftë hibride kundër qeverisë sonë dhe kundër Lëvizjes Vetëvendosjes, por ne kemi dalë fitimtarë. Fitimtari duhet dhe do ta formojë qeverinë”, tha Kurti.
Këto komente Kurti i bëri pas vendosjes së gurthemelit të një çerdheje në Gjilan.
Në bazë të rezultateve preliminare të zgjedhjeve të 9 shkurtit, përfshirë me përditësimin e fundit të numërimit të 90 për qind të votave nga diaspora, Lëvizja Vetëvendosje aktualisht ka 48 deputetë, PDK 24 deputetë, LDK, 20 deputetë, AAK-Nisma 8 deputetë, ndërkaq komunitetet jo shumicë 20 deputetë.
Lajmet
Kurti: Nëse prokuroria e ka të rëndësishme dëshminë time, duhet të vijë tek unë
Published
1 hour agoon
March 4, 2025By
UBTnews
“Nëse prokuroria e ka pas të rëndësishme dëshminë time, ai duhet të vinte te ne. Kjo prokurori më shumë po e lufton qeverinë sesa krimin e korrupsionin”, tha Kurti të martën në Gjilan.
Ai, me urdhër të Gjykatës Themelore, duhej të paraqitej sot më 4 mars në Prokurorinë speciale të Kosovës për të dhënë dëshmi në një rast të rezervave shtetërore, por zgjodhi të marrë pjesë në një ngjarje të Ministrisë së Arsimit, Shkencës dhe Teknologjisë.
Kurti në Gjilan, insistoi se ai asnjëherë s’ka thënë se refuzon të jep dëshmi, mirëpo tha se e njëjta duhet të ndodh në Zyrën e Kryeministrit.
Lajmet
Kurti nuk paraqitet as sot në Prokurorinë Speciale, shkon në Gjilan
Published
1 hour agoon
March 4, 2025By
UBTnews
Kryeministri i Kosovës, Albin Kurti nuk ka shkuar në Prokurorinë Speciale.
Kjo ishte ftesa e tretë që Kurti mori për të dëshmuar lidhur me rastin e rezervave shtetërore.
Në kohën kur Prokuroria e priste për të dhënë dëshminë, Kurti u ndodh në vënien e gurthemelit të një çerdheje të re në Gjilan.
Lajmet
Zhduken tre fëmijë e një grua gjatë 24 orëve të fundit
Published
2 hours agoon
March 4, 2025By
UBT NEWS
Policia e Kosovës ka raportuar se katër persona janë zhdukur gjatë 24 orëve të fundit. Dy fëmijë, një djalë dhe një vajzë të mitur, janë larguar nga shtëpia në Prishtinë më 24 shkurt, dhe deri tani nuk ka asnjë informacion për vendndodhjen e tyre. Ky rast është iniciuar si “person i zhdukur”.
Po ashtu, në Prizren, një person ka njoftuar policinë se vajza e tij ka ikur nga shtëpia dhe nuk ka asnjë informacion për vendndodhjen e saj. Ky rast është nën hetime.
Në fshatin Ozdrim të Pejës, një burrë ka raportuar se bashkëshortja e tij, e cila ka probleme psikike, ka braktisur shtëpinë dhe nuk dihet ku ndodhet. Ky rast është raportuar më 3 mars 2025 dhe është nën hetime.
Policia ka filluar hetimet për të gjitha rastet dhe po bën përpjekje për gjetjen e personave të zhdukur./UBTNews/

Indonezi, vazhdon evakuimi në rajonet e prekura nga përmbytjet

Trump ndërpreu ndihmën për Ukrainën, reagimi i Kremlinit dhe shqetësimi i Evropës

Kurti: Do ta formojmë qeverinë

FFK shpall më të mirin e javës së 22-të në Superligë

Zëdhënësi rus: Pezullimi i ndihmës ushtarake për Kievin mund të sjellë paqe

Kurti: Nëse prokuroria e ka të rëndësishme dëshminë time, duhet të vijë tek unë

Kurti nuk paraqitet as sot në Prokurorinë Speciale, shkon në Gjilan

BE prezanton planin 800 miliardë euro për armatosjen e Evropës

Raportohet se është hedhur një bombë oborrin e shtëpisë së ish-futbollistit kroat
Të kërkuara
-
Magazinë3 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota1 month ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month ago
Fluturimet e dëbimit kanë filluar, thotë Shtëpia e Bardhë
-
Bota1 month ago
Shtëpia e Bardhë: Armëpushimi në Liban do të zgjatet deri më 18 shkurt