Teknologji

​WhatsApp revolucion në sigurinë e përdoruesit

Asnjë shërbim tjetër global i mesazheve në këtë shkallë nuk ofron këtë nivel sigurie për mesazhet.

Publikuar

2 vjet më parë

më

WhatsApp do të lejojë përdoruesit të largohen nga bisedat në grup pa njoftuar të tjerët dhe të kontrollojnë se kush mund t’i shohë kur janë në linjë, si pjesë e një përditësimi të privatësisë në aplikacionin e mesazheve.

Si pjesë e përditësimit, i cili do të dalë këtë muaj, përdoruesve do t’u jepet gjithashtu aftësia për të bllokuar njerëzit nga marrja e pamjeve nga ekrani i mesazheve View Once, të cilat janë krijuar për t’u zhdukur pasi të hapen, raporton atsh.

“Mjeti i bllokimit të pamjeve të ekranit aktualisht është duke u testuar do të lëshohet për përdoruesit së shpejti”, tha WhatsApp.

Aktualisht, kur një përdorues largohet nga një bisedë në grup, një njoftim shfaqet në fund të bisedës duke u treguar të tjerëve në grup që janë larguar.

Dhe ndërsa përdoruesit tashmë janë në gjendje të çaktivizojnë një veçori që u tregon të tjerëve nëse kanë lexuar një mesazh, nuk ka qenë e mundur deri më tani të fshihet fakti që një përdorues ishte online dhe përdorte WhatsApp.

Platforma e mesazheve në pronësi të Meta-s tha se veçoritë e reja synojnë të vazhdojnë të përmirësojnë privatësinë rreth bisedave në internet.

Ami Vora, shefja e produktit të WhatsApp, tha se ”platforma ishte e fokusuar në ndërtimin e veçorive që fuqizojnë njerëzit të kenë më shumë kontroll dhe privatësi mbi mesazhet e tyre”.

”Me kalimin e viteve, ne kemi shtuar shtresa të ndërlidhura të mbrojtjes për të ndihmuar në mbajtjen e sigurt të bisedave të tyre dhe veçoritë e reja janë një mënyrë për të vazhduar të përmbushim angazhimin tonë për t’i mbajtur mesazhet private”, tha ajo.

Asnjë shërbim tjetër global i mesazheve në këtë shkallë nuk ofron këtë nivel sigurie për mesazhet, mediat, mesazhet zanore, video thirrjet dhe kopjet rezervë të bisedave të përdoruesve të tyre.

”Ne besojmë se WhatsApp është vendi më i sigurt për të pasur një bisedë private. Dhe për të përhapur fjalën për këto veçori të reja, ne po fillojmë gjithashtu një fushatë globale, duke filluar me MB dhe Indi, për të edukuar njerëzit se si ne punojmë për të mbrojtur bisedat e tyre private në WhatsApp”, theksoi Vora.

Etiketa
Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

18 orë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Teknologji

Elon Musk tërheq padinë ndaj OpenAI

Publikuar

4 ditë më parë

më

12 Qershor, 2024

nga

Miliarderi Elon Musk të martën tërhoqi padinë e tij ndaj krijuesit të ChatGPT, OpenAI dhe kryeshefit ekzekutiv të tij, Sam Altman. Sipas Musk, ata hoqën dorë nga qëllimi fillestar i firmës për zhvillimin e inteligjencës artificiale (AI) për të mirën e njerëzimit dhe jo për përfitim.

Avokatët e miliarderit Musk i kërkuan gjykatës shtetërore të Kalifornisë që të rrëzojë padinë, e cila ishte ngritur në muajin shkurt. Kështu thuhet në një dosje të Gjykatës së Lartë të San Franciskos.

Shefi i Tesla-s ngriti padi kundër OpenAI në fund të shkurtit të këtij viti, duke argumentuar se kompania që ai kishte ndihmuar të themelonte në vitin 2015 ka devijuar nga qëllimet e saj altruiste./UBTNews/

Vazhdo të lexosh

Teknologji

​Maroku fillon përdorimin e inteligjencës artificiale në gjykata

Publikuar

4 ditë më parë

më

12 Qershor, 2024

nga

Maroku tha të martën se ka filluar përdorimin e inteligjencës artificiale (AI) në gjykatat në të gjithë vendin e Afrikës Veriore.

“AI ka sjellë ndryshime të rëndësishme në mbarë botën”, tha Ministri i Drejtësisë, Abdellatif Ouahbi, gjatë një takimi të Komitetit të Drejtësisë në Dhomën e Përfaqësuesve (dhoma e parë e parlamentit).

“Ne kemi blerë një program të AI dhe ia kemi dorëzuar Kryetarit të Këshillit të Lartë Gjyqësor për ta shpërndarë mes gjyqtarëve. Ky program transkripton vendimet e gjyqtarëve në vend që ata t’i shkruajnë ato manualisht”, shtoi ai.

Ministri maroken tha se integrimi i AI synon “të lehtësojë punën e avokatëve dhe gjyqtarëve”.

Ai shpjegoi se programi do t’u mundësonte profesionistëve ligjorë të kërkojnë në mënyrë efikase nëpër arkiva të teksteve ligjore dhe precedentë gjyqësorë.

Më 14 maj, Ouahbi tha se ministria e tij po hartonte një ligj për të rregulluar përdorimin e AI në Marok.

Legjislacioni synon të parandalojë çështje të ngjashme me ato që përjetohen me mediat sociale, “ku privatësia personale shpesh nuk respektohet”, shtoi ai.

Maroku planifikon të mbajë një konferencë në shtator për të eksploruar praktikat ndërkombëtare të AI dhe për të krijuar një kornizë ligjore për rregullimin e AI, sipas Ouahbi.

Shkurtin e kaluar, Maroku njoftoi themelimin e dy shkollave të AI dhe digjitalizimit në qytetet Taroudant dhe Berkane, duke shënuar një nismë pioniere në vend./AA/

Vazhdo të lexosh

Teknologji

Punëtorët e Samsung-ut në Korenë e Jugut nisin grevë për herë të parë

Publikuar

1 javë më parë

më

7 Qershor, 2024

nga

Punëtorët e gjigantit teknologjik, Samsung Electronics, në Korenë e Jugut, e kanë nisur të premten grevën e parë ndonjëherë.

Samsung Electronics është njëra prej kompanive më të mëdha në botë për prodhim të telefonëve të mençur, dhe njëra prej pak kompanive në botë që prodhon çipat e nevojshëm për kryerje të shumë funksioneve teknologjike.

Menaxhmeti i kompanisë është duke negociuar me sindikatat për pagat e punëtorëve qysh prej janarit, mirëpo palët nuk kanë arritur te një zgjidhje.

“Greva e parë në Samsung Electronics është duke u zhvilluar sot përmes marrjes së pushimit, dhe po kuptojmë që shumë punëtorë janë duke marrë pjesë”, ka thënë Son Woo-mok, udhëheqës i sindikatës së punëtorëve.

Kompania ka thënë se një veprim i tillë nuk do të ketë ndikim në prodhim dhe në aktivitetet tjera biznesore.

Rreth 10 punëtorë janë parë të premten para zyrave të Samsungut në Seul duke bërtitur: Respektojeni punën. Ne nuk duam rritje 6.5 për qind apo bonus 200 për qind”.

Samsung Electronics është pjesë e konglomeratit Samsung Group, që dominon sferën biznesore në Korenë e Jugut, ekonominë e katërt më të madhe në Azi./REL

Vazhdo të lexosh

Të kërkuara