Aktualitet

​Vlerësohet e nevojshme shtyrja e afatit për aplikim për statusin e viktimave të dhunës seksuale

Kjo theksua në Konferencën Mobilizimi i komunitetit lokal për fuqizimin e të mbijetuarve të dhunës seksuale gjatë luftës në Kosovë.

Publikuar

Numër i madh i viktimave të dhunës seksuale gjatë luftës në Kosovë ende nuk janë drejtuar te komisioni qeveritar për të kërkuar statusin e tyre që u takon me ligj. Andaj po vlerësohet se afati për aplikim në këtë komision, i cili përfundon ligjërisht në shkurt të vitit 2023, të shtyhet në mënyrë që ofrohet mundësi më e të gjatë kohore që viktimat të aplikojnë për statusin e tyre. Nevoja për këtë u theksua në Konferencën Mobilizimi i komunitetit lokal për fuqizimin e të mbijetuarve të dhunës seksuale gjatë luftës në Kosovë.

Kryetarja e Komisionit Qeveritar për Njohjen dhe Verifikimin e statusit të Personave të Dhunuar gjatë luftës në Kosovë, Leonora Selmani tha se deri tani janë mbi 1800 aplikime derisa theksoi se po rritet numri i personave që po lajmërohen e që në kohën e luftës kanë qenë të mitur.

“Këto viktima kanë nevojë për ne, por kanë nevojë për të gjithë, kanë nevojë për qytetarët e vendit të vet, për mbështetje, për kurajo, sepse një numër i madh i tyre ende janë të stigmatizuara, një numër i madh i tyre ende nuk kanë aplikuar në komision dhe nëse e shohim afatin kohor, afati kohor për të aplikuar në komision ka filluar në 2018 dhe përfundon në shkurt të vitit që vjen. Gjithsesi, po punojmë në atë drejtim, bashkë me Qeverinë e Kosovës por edhe shoqërinë civile qe t’u jepet mundësi për me vazhdu afatin e aplikimit, po shpresojmë që do të jepet mundësi për me vazhdu afati i aplikimit por vazhdimi i afatit të aplikimit bëhet me ligj sepse me ligj është përcaktuar pesë vite afat për të aplikuar dhe ne do të duhet të gjithë bashkë të mobilizohemi së paku për këtë periudhë kohore që na ka mbetur që ato viktima që mund t’i njohim ti mbështesim dhe t’i drejtojmë të komisioni për ta pranuar një t ë drejtë e cila njihet me ligj”, ka thënë ajo.

Ndërsa drejtoresha ekzekutive e Qendrës Kosovare për Rehabilitimin e të Mbijetuarve të Torturës, Feride Rushiti tha se në kohën kur është përcaktuar 5 vjet afat kohor për të aplikuar ka qenë periudhë kur stigma ishte në kulm.

Ai shtoi se nuk duhet lejuar vakume ligjore por duhet të ketë mundësi për aplikim deri në viktimën e fundit që identifikohet.

“Roli i institucioneve dhe mekanizmave lokal është qenësor, ne si organizatë jemi 33 vetë punojmë në baza ditore, kemi psikologë, punonjëses social, mjek, që ofrojmë shërbime, megjithatë numri i këtyre personave është shumë i madh prandaj duhet bashkëpunimi institucional për me adresu çështjet në nivel të duhur. Në raport me zgjatjen e afatit të komisionit, ne kemi avokuar edhe për faktin që krimet e luftës nuk parashkruhen, nuk u humbet afati ligjor, as e drejta në krim të luftës nuk ish dashtë me u afatizu në pesë vjet. Mirëpo në kohën kur ne kemi avokuar ka qenë ajo periudha kur stigma ka qenë në kulm kur ka qenë shumë e vështirë kjo shoqëri me hy, në ligjin për vlerat e luftës. Tash duhet të bëjmë çmos se nuk guxojmë me kriju atë shkëputje vakum ligjor që pas 5 shkurtit edhe sikur një grua apo tre apo pesë persona, shteti duhet me ua dhënë mundësinë dhe duhet me ekzistu mekanizmi ku atyre u njohit e drejta ligjore”, ka thënë Rushiti.

Në këtë konferencë u theksua rëndësia e bashkëpunimit me institucionet lokale.

“Fokusi kryesor do të duhej të ishte me rritë debatin por njëkohësisht ai debat nëse prej të gjithëve besoj ka me ardhur rekomandim pastaj do të jetë edhe për qeverinë pak më shtytëse për me vazhdu afatin e aplikacionit për këto kategori, për arsye se mendoj qe vetëm edhe një nëse nuk arrijmë me bindë me u regjistru gjatë kësaj periudhe, ne duhet me luftu që me shty afatin, vetëm edhe një person nëse ka mbetur jashtë kësaj përfshirje ne duhet me luftu me shty sepse në këtë proces edhe një individ është i rëndësishëm. Këtu flitet për individë rëndësia e të cilëve veç e veç është shumë e rëndësishme. Prandaj jam këtu sot që në emër edhe të kryetarit Rama me shpreh gatishmërinë tonë që të zgjatet afati pasi që mendoni se ne duhet të jemi pjesë e këtyre fazave të luajmë rolin tonë që na takon në këtë proces”, tha drejtori i Shëndetësisë në Komunën e Prishtinë, Izet Sadiku.

Aktualitet

Hetimi parlamentar, “zjarri i PD” detyron PS të ndryshojë ligjin për komisionet hetimore

Publikuar

nga

Tymi dhe flakët në parlament sipas deputetëve të “Rithemelimit” të Sali Berishës janë shprehje e revoltës për mohimin e ngritjes të 8 komisioneve hetimore parlamentare.

Grupi parlamentar socialist, kësaj kërkese i është përgjigjur me propozime të cilat ndryshojnë ligjin aktual për komisionet hetimore.

Ermonela Felaj, nënkryetare e Kuvendit, deklaroi se ka kërkuar që për këto ndryshime të jenë edhe anëtarët e opozitës, por askush nuk ka dashur që të ulet në tryezë.

“Nga të dy përfaqësuesit qoftë të mazhorancës qoftë të pakicës në përfundimet e raporteve për komisionin hetimor të inceneratorëve përfaqësuesit kanë kërkuar rishikmim të ligjit. I bëmë thirrje opozitës për rishikimin e ligjit për komisionet hetimore, por thirrja jonë ra në vesh të shurdhet sepse opozita ka mbetur të ai produkti i një anshëm pune. Kemi reflektuar vendimet e gjykatës kushtetuese”, tha Felaj.

Ftesa e grupit parlamentar socialist për këto ndryshime mbetet e hapur, por jo për grupimin e Sali Berishës.

“Me ‘non gratën’ nuk do të takohemi. Kushdo nga opozita që dëshiron të vij në mbledhjet e komisioneve ne do të ulemi dhe do të diskutojmë. Jemi të detyruar që ta trajtojmë së bashku me dy nismat e tjera e Tabakut dhe e Spahos”, tha Felaj. /tch

Vazhdo të lexosh

Aktualitet

Sirenat e sulmit lëshohen në dy komunitete izraelite jugore

Publikuar

nga

Sirenat e sulmit ajror tingëllojnë në vendbanimet Yad Mordechai dhe Netiv Hatara në jug të Izraelit mbyllin Rripin e Gazës, sipas një deklarate në Telegram nga Komanda e Frontit të Brendshëm të Izraelit përgjegjëse për mbrojtjen civile.

Siç u raportua më herët, luftëtarët palestinezë thanë se kishin lëshuar një breshëri raketash drejt Izraelit./UBTNews/

Vazhdo të lexosh

Aktualitet

Kurti viziton Komunën e Gjilanit, pritet nga kryetari Hyseni

Publikuar

nga

Kryeministri i vendit, Albin Kurti, po viziton sot Komunën e Gjilanit, ku është pritur nga kryetari i kësaj komune, Alban Hyseni.

Pas takimit, pritet të ketë një konferencë për media.

Kurti do t’i vizitojë punimet në fillimin e rrugës “Hamdi Kurteshi”, si dhe do të marrë pjesë në inaugurimin e parkut “Banja”.

Vazhdo të lexosh

Aktualitet

Katari thotë se përpjekjet për t’u kthyer në armëpushim janë ndërlikuar nga bombardimet

Publikuar

nga

Katari ka konfirmuar raportet e mëhershme se negociatat ishin duke vazhduar pavarësisht përfundimit të pauzës.

Qëllimi i bisedimeve është kthimi në një armëpushim, tha ministria e jashtme.

Përpjekjet e ndërmjetësimit janë “ndërlikuar” nga bombardimi i Gazës këtë mëngjes pasi kaloi afati i armëpushimit, tha ai.

Ministria i bëri thirrje komunitetit ndërkombëtar “të lëvizë shpejt për të ndaluar dhunën” dhe “katastrofën humanitare”.

“Katari shpreh keqardhjen e tij të thellë për rifillimin e agresionit izraelit kundër Rripit të Gazës pas përfundimit të pauzës humanitare, pa arritur një marrëveshje për ta zgjatur atë”, thuhet në deklaratë.

“Katari është i përkushtuar, së bashku me partnerët e tij ndërmjetësues, për të vazhduar përpjekjet që çuan në pauzë humanitare dhe nuk do të hezitojë të bëjë gjithçka që është e nevojshme për t’u rikthyer në qetësi”.

Ai tha se dënon “të gjitha format e shënjestrimin e civilëve, praktikën e ndëshkimit kolektiv dhe përpjekjet për të zhvendosur me forcë qytetarët e Rripit të Gazës të rrethuar”./UBTNews/

Vazhdo të lexosh

Të kërkuara