Lajmet

Ushtarët dekorohen me medalje pas kthimit nga misioni i parë ushtarak i FSK-së jashtë vendit

FSK me mision ushtarak në Iowa.

Published

4 years ago

October 25, 2021

Betim Gashi

Në Ministrinë e Mbrojtjes është mbajt ceremonia e ndarjes së medaljeve për pjesëtarët e FSK-së të kthyer pas përfundimit të misionit të tyre në operacionin paqeruajtës dhe të stabilitetit përkrahë forcave amerikane të Gardës Kombëtare të IOWA-s në Lindjen e Mesme në Kuvajt, gjatë periudhës kohore maj-tetor 2021.

Me këtë rast, zëvendësministri i Mbrojtjes, Shemsi Syla, ndau medaljet “Pjesëmarrje në operacione ndërkombëtare” të akorduara nga ministri i Mbrojtjes, Armend Mehaj për: major Mentor Ibrahimi, kapiten Kreshnik Haxhiu, toger Dhurim Shemsedini, tetar Hynor Lajqi dhe ushtar Mehmet Mehmeti. Kurse medaljet për “Shërbim të Shquar” ai i ndau pjesëtarëve nga Garda Kombëtare e Ioëa-s, kapiten Ëesley R. Gudenkauf dhe rreshter i klasit të parë Matthew G. Sandersen.

Me këtë rast, zv.ministri Syla, në emër të ministrit Mehaj theksoi se ka nderin e veçantë të përshëndesë ushtarakët tanë që bënë historinë për Republikën e Kosovës me zbarkimin e parë në mision paqeruajtës jashtë vendit përkrah aleatëve të përhershëm, forcave të Shteteve të Bashkuara të Amerikës.

“Sot në këtë ceremoni jemi të gjithë të nderuar të përjetojmë këtë moment shumë të rëndësishëm që do të mbetet një moment kulminant që ka ndodhur ndonjëherë në historikun tonë ushtarak. Kjo është vetëm nisma dhe do të vazhdohet edhe më tutje me operacione tjera kudo që na kërkohet neve dhe kudo që shtetet partnere kanë nevojë për ndihmën tonë”, theksoi Syla.

Me këtë rast, ai falënderoi partnerët amerikanë për kontributin e tyre të dhënë për përfaqësimin e FSK-së jashtë vendit.

Gjithashtu, pjesëtarët e FSK-së u dekoruan edhe nga komandanti i FSK-së, gjenerallejtënant Rrahman Rama me medaljen për “Shërbim Vetëmohues”, me motivacion për kontributin e jashtëzakonshëm në operacionin e parë paqeruajtës.

Në këtë ceremoni, gjeneral Rama i përgëzoi pjesëtarët e dekoruar të FSK-së për mision e kryer me sukses dhe për kontributin e dhënë në emër të paqes, stabilitetit dhe sigurisë globale. Gjithashtu, Gjeneral Rama falënderoi ushtrinë amerikane për përkrahjen dhe bashkëpunimin e deritanishëm.

“Falë partnerëve tanë strategjikë ne tani nuk jemi konsumues të sigurisë por edhe e prodhojmë atë. Ky ka qenë misioni jonë, të kontribuojmë sa më shumë në paqen globale”, theksoi ai.

Gjithashtu, Gjeneral Rama iu ndau medalje për “Shërbim vetëmohues” edhe pjesëtarëve nga Garda Kombëtare e Ioëa-s me motivacion për kontribut të jashtëzakonshëm në bashkëpunimin me kontingjentin e FSK-së në këtë operacion.

Në këtë ceremoni, ndër të tjera, atasheu i Mbrojtjes së SHBA-së, kolonel Stephen Rose falënderoi ekipin e FSK-së për shërbimin e jashtëzakonshëm dhe profesional gjatë operacionit. “Ju keni kontribuar që të bëni botën një vend të sigurt. Siguria vjen me paqe dhe me prosperitet”, theksoi ndër të tjera kolonel Rose.

Sipas një komunikate të Ministrisë së Mbrojtjes, kontingjenti i FSK-së ka realizuar shërbimin në kuadër të misionit paqeruajtës dhe stabilitetit në kuadër të Gardës Kombëtare të Ioëa-s në Lindje të Mesme, gjatë periudhës kohore maj-tetor 2021.

Lajmet

Rrahje në Istog, arrestohen dy të dyshuar

Published

31 minutes ago

November 3, 2025

UBTnews

Një rrahje raportohet të ketë ndodhur në një lokal në Istog, e ku policia ka arrestuar dy persona nën dyshimin se kanë kryer veprën penale “vrasje në tentativë” dhe lëndim i lehtë trupor”.

Policia ka njoftuar se viktima e rastit është dërguar për tretman mjekësor në Qendrën e Mjekësisë Familjare në Istog e më pas në Spitalin Rajonal të Pejës.

“Drejtoria Rajonale e Policisë në Pejë, Stacioni Policor Istog, me datën 02.11.2025, rreth orës 18:50, është informuar për njё rrahje e cila ka ndodhur nё njё lokal nё rrugёn ‘Nёna Tereze’ nё Istog. Njësitë policore kanë reaguar me shpejtësi dhe janë përgjigjur menjëherë në vendin e ngjarjes. Si rezultat i veprimeve të shpejta, janё arrestuar dy persona tё dyshuar, ndёrsa viktima e rastit ёshtё dёrguar fillimisht nё QMF-Istog, e mё pas nё Spitalin Rajonal nё Pejё, pёr tretman mjekёsor. Tё dyshuarit, pas intervistimit me urdhёr tё prokurorit tё Shtetit, janё dёrguar nё mbajtje pёr 48 orё”, thuhet në komunikatën për media të Policisë./EO

Lajmet

Rrahen mes vete, arrestohen katër persona në Lupç të Epërm të Podujevës

Published

40 minutes ago

November 3, 2025

UBTnews

Katër persona janë përfshirë në një rrahje në fshatin Lupç i Epërm në Podujevë, e të njëjtit janë arrestuar nga Policia e Kosovës.

Ata kanë pësuar lëndime, ndërkohë që pas tretmanit mjekësor janë dërguar në mbajte tre prej tyre, ndërsa njëri ka vazhduar mjekimin e mëtejmë nën mbikëqyrjen e njësive policore.

“Janë arrestuar katër të dyshuar meshkuj kosovarë të cilët janë rrahur në mes vete dhe si pasojë kanë pësuar lëndime trupore. Lidhur me rastin të dyshuarit e përfshirë në rrahje kanë pranuar tretman mjekësor dhe pas intervistimit me vendim të prokurorit janë dërguar në mbajtje, ndërsa njëri prej tyre ka vazhduar me trajtim të mëtejm mjekësor nën mbikëqyrjen e njësive policore”, thuhet në raportin 24 orësh të Policisë së Kosovës./EO

Lajmet

Trump përjashton mundësinë e kandidimit për një mandat të tretë

Published

1 hour ago

November 3, 2025

UBT News

Presidenti i SHBA-së, Donald Trump, përjashtoi mundësinë e kandidimit për një mandat të tretë në zgjedhjet presidenciale të vitit 2028, ndërsa foli gjatë një interviste me emisionin 60 Minutes të CBS News.

“As nuk e mendoj. Do t’ju them, shumë njerëz duan që unë të kandidoj”, tha ai kur u pyet nga prezantuesja Norah O’Donnell nëse do të përpiqej të kandidonte për një mandat të tretë.

I pyetur më tej për emrat e mundshëm, përfshirë Zëvendëspresidentin JD Vance dhe Sekretarin e Shtetit të SHBA-së, Marco Rubio, Trump siguroi se i pëlqenin të dy.

“Më pëlqejnë kaq shumë njerëz. Kemi një bankë të pabesueshme. Mund të kandidojmë dy persona së bashku. Kemi një bankë të shkëlqyer. Kështu që nuk dua të filloj të flas për zgjedhjet. Është shumë herët”, shtoi ai.

Amendamenti i 22-të i Kushtetutës së SHBA-së e kufizon presidentin në vetëm dy mandate./S.K/KP/

Lajmet

Dybala lëndohet sërish

Published

1 hour ago

November 3, 2025

UBT News

Paulo Dybala pësoi një dëmtim muskulor gjatë ndeshjes së Romës ndaj Milanit në “Olimpico”, pas ekzekutimit të një penalltie që u prit nga portieri Maignan në minutën e 81-të.

Sulmuesi argjentinas raportoi se ndjeu dhimbje në kofshën e majtë menjëherë pas goditjes dhe kërkoi të zëvendësohej, duke u larguar nga fusha në lot.

Trajneri Gian Piero Gasperini konfirmoi pas ndeshjes se dëmtimi i Dybala-s po e rëndon shumë dhe se rikuperimi i tij do të ndodhë pas pushimit ndërkombëtar.

Sipas raportimeve të para, ai pritet të mungojë në dy sfidat e ardhshme: ndeshjen e Europa League kundër Rangers më 6 nëntor dhe atë të Serie A kundër Udinese më 9 nëntor. Roma shpreson ta ketë gati për përballjen ndaj Cremoneses më 23 nëntor./S.K/KP/