Sport

​Streetball Kosova zhvillohet të premten

Published

on

Më datën 20 gusht në Prishtinë, përkatësisht në Sheshin Skënderbëu do të zhvillohet kampionati i Streetball Kosova i organizuar nga Shoqata e Stretballit të Kosovës.

Në këtë ngjarje do të marrin pjesë 12 ekipe që do të ndahen në katër grupe sipas sistemit të FIBA-së.

Agon Femiu nga Streetball Kosova tha para mediave se ky është edicioni i nëntë i këtij kampionati që është i licencuar nga FIBA 3×3 dhe se për organizimin e tij kanë marrë mbështetje edhe nga Komuna e Prishtinës.

“Është edicioni i 22-të i Kampionatit të Kosovës në Basketboll 3×3. Tani e 22 vite i organizuar nga Shoqata e Streetballit të Kosovës, anëtare e Federatës së Basketbollit të Kosovës dhe FIBA 3X3. Kampionati i Kosovës është i nënti radhazi, i licencuar nga FIBA 3×3… Këtë vit, sipas traditës, tashmë 21 vjeçare përkrahje kemi edhe nga Komuna e Prishtinës e cila i mbetet besnik i Streetball Kosovës”, tha Femiu.

Më tutje, Femiu duke shpalosur detaje rreth zhvillimit të kësaj gare, bëri të ditur se do të marrin pjesë 12 skuadra që do të ndahen në katër grupe ku vetëm fituesit e të katër grupeve do të kualifikohen në gjysmëfinale të kësaj gare.

“Ngjarja do të zhvillohet të premten para Teatrit Kombëtar, në Sheshin Skënderbeu dhe garat do të fillojnë nga ora 16:00. Pjesëmarrëse do të jenë 12 skuadra të ndara në katër grupe nga tri ekipe sipas sistemit të FIBA-së dhe tashmë numri i skuadrave është plotësuar pra ato janë regjistruar në webfaqen zyrtare të FIBA 3×3…Ndarja e grupeve bëhet në mënyrë automatike, do të thotë sipas rangimit të lojtarëve por edhe koeficionetit të skuadrave në listën e FIBA 3×3. Pasi të jenë zhvilluar ndeshjet në secilin grup, pra secila skuadër luan me secilin, vetëm fituesit e grupeve do të kualifikohen në gjysmëfinale. Pritet që të zhvillohen rreth orës 20:00”, theksoi Femiu.

Në fund Femiu shtoi se pas të përfundojnë ndeshjet e Streetballit, do të zhvillohen edhe disa sfida revyale nga adhurues te basketbollit duke përfshirë edhe ekipe nga streetballi i femrave si dhe një ndeshje speciale do të zhvillohet në nderim të basketbollistit të Prishtinës dhe Kosovës Edmond Azemi ku do të luajnë shumë ish-basketbollit të njohur të Kosovës.

Sport

“E ka një ofertë shumë të mirë ekonomikisht”, Ademi e sqaron situatën e selektorit Foda

Published

on

Kryetari i Federatës së Futbollit të Kosovës, Agim Ademi është rikthyer të flasë për situatën me selektorin e Kombëtares së Kosovës, Franco Foda.

Trajneri gjerman e ka marrë ofertë të majme e joshëse nga Emiratet e Bashkuara Arabe, përkatësisht nga ekipi Al Wahda.

Kreu i FFK-së, në televizionin publik – RTK ka treguar se do të flasë sy me sy me selektorin, për ta parë disponimin e tij dhe për të vendosur bashkërisht për të ardhmen e tij.

Ndonëse ka kontratë me FFK-në deri në fund të kualifikimeve, nuk përjashtohet mundësia që Foda ta lë Kosovën ende pa i nisur kualifikimet e Botërorit 2026.

“Franco Foda ka pasur edhe më parë oferta, por kjo që ka tani thjesht është shumë e mirë ekonomikisht.”

“Kam biseduar me Fodën, ai është në pushime. Të mërkurën kthehet dhe do të ulemi të bisedojmë ose këtu ose në Vjenë. Ai e ka një kontratë deri në fund të kualifikimeve dhe është obligues ndaj kontratës tonë, me mundësi të vazhdimit edhe për dy vjet tjera. Nëse kualifikohemi me automatizëm i vazhdohet. Kjo është klauzola që e kemi pasur.”

Continue Reading

Sport

​Laura Fazliu lufton për medalje të bronztë në Botërorin e Xhudos

Published

on

By

Xhudistja kosovare Laura Fazliu ka zhvilluar një paraqitje të denjë në Kampionatin Botëror të xhudos që po mbahet në Budapest, duke arritur deri në çerekfinale të kategorisë deri në 63 kilogramë, raporton KosovaPress.

Në luftën e parë, Fazliu tregoi dominim të plotë ndaj xhudistes nga Uzbekistani, Marjona Nurulloeva, duke fituar me Ippon. Më pas, në luftën e dytë, ajo mposhti italianen Carlotta Avanzato, ku pas një përballjeje të fortë, realizoi një hedhje vendimtare në minutën e fundit për të siguruar kualifikimin në çerekfinale.

Megjithatë, në këtë fazë, Laura u ndal nga kampionia olimpike dhe botërore nga Brazili, Rafaela Silva. Edhe pse u përball me një rivale me përvojë të madhe, Laura tregoi luftë të fortë dhe karakter të madh.

Tani ajo do të ketë një mundësi tjetër për të siguruar medaljen e bronztë, pasi do të garojë në repesazh.

Continue Reading

Sport

Baseli zyrtarizon trajnerin e ri

Published

on

Ludovic Magnin është trajner i ri i kampionit të Zvicrës, Baselit. Magnini e zëvendëson Fabio Celestinin, që e udhëhoqi skuadrën drejt triumfit në kampionat dhe në Kupë të Zvicrës.

46-vjeçari Magnin ka firmosur për dy vjet dhe punën e fillon më 20 qershor.

Magnin deri më tani e ka udhëhequr skuadrën e Lausannes. Më herët punoi tek Altachu në Austri dhe te Zurichu.

Si futbollist, për Zvicrën i ka luajtur 62 ndeshje. Ka luajtur për Yverdonin, Luganon e Zurichun në Zvicër dhe Werder Bremenin e Stuttgartin në Gjermani. Ishte mbrojtës i majtë.

Xherdan Shaqiri e Albian Ajeti janë prej lojtarëve kryesorë të Baselit. Taulant Xhaka i ka dhënë fund karrierës, ndërsa Leon Avdullahu u transferua te Hoffenheimi në Bundesligë.

Continue Reading

Sport

Besnik Hasi mendon ta transferojë Adnan Januzajn te Anderlechi

Published

on

Adnan Januzaj mund të rikthehet në klubin ku nisi karrierën si futbollist profesionist, pasi gazetës Het Laatste Nieuws, Anderlecht ka hyrë në bisedime me menaxherin e tij për një transferim të mundshëm gjatë kësaj vere.

Klubi belg drejtohet nga Besnik Hasi, i cili e njeh mirë futbollistin pasi vijnë të dy nga Kosova.

Sevilla, klubi që zotëron kartonin e 30-vjeçarit, i ka dhënë dritën jeshile për largim, po kërkon mënyra për të ndërprerë kontratën që është e vlefshme deri verë 2026. Januzaj është lojtari më i paguar te klubi andaluzian, gjë që ka ndikuar në gatishmërinë e tyre për të mbyllur bashkëpunimin.

Sezonin e fundit ai e kaloi në formë huazimi te Las Palmas, ku u paraqit në 18 ndeshje në La Liga, duke shënuar dy gola dhe regjistruar një asistim.

As Las Palmasi dhe as Sevilla nuk e kanë në planet e tyre për sezonin 2025/26.

Januzaj e nisi karrierën e tij në akademinë e Anderlechtit para se të transferohej te Manchester United, ku shpërtheu si talent i madh në Ligën Premier.

Continue Reading

Të kërkuara