Lajmet

​Shpëtimi në 30 sekonda: Një lëvizje që do të lehtësojë menjëherë tensionin në qafë

Trajneri doktor Alan Mandell nga Florida ka krijuar një seri ushtrimesh të thjeshta.

Published

on

Qëndrimi kronik i kokës përpara është një nga pasojat e një stili jetese moderne. Ky pozicion i kokës krijon një presion të madh mbi muskujt e qafës dhe ndikon negativisht në sjelljen e përgjithshme.

Për shkak të pozicionit të panatyrshëm të kokës përpara, muskujt e përparmë të qafës janë të dobët dhe muskujt e pasmë shkurtohen dhe kontraktohen.

Trajneri doktor Alan Mandell nga Florida ka krijuar një seri ushtrimesh të thjeshta me të cilat mund të ndihmojmë veten, të lehtësojmë dhimbjen, ngurtësinë dhe të përmirësojmë cilësinë e jetës.

Mbajtja kronike e kokës përpara prek një numër të muskujve në qafë dhe i bën ata të spazmojnë, dobësohen dhe acarohen. Kjo teknikë është krijuar për të liruar muskujt e kontraktuar thellë dhe siguron lehtësim të menjëhershëm, shpjegoi Mandell.

Teknika e lehtësimit të tensionit të qafës në tre hapa:

1. Vendoseni dorën tuaj të djathtë në anën e majtë të klavikulës dhe shtrini anën e majtë të qafës për pesë sekonda, duke e përkulur qafën në anën e djathtë. Relaksohuni. Pastaj vendoseni dorën tuaj të majtë në anën e djathtë të klavikulës dhe shtrini anën e djathtë të qafës për pesë sekonda, duke e përkulur qafën në të majtë. Relaksohuni.

2. Gërshetoni gishtat në pjesën e pasme të qafës dhe shtyjeni kokën mbrapa për 10 sekonda, duke e mbajtur drejt, përkatësisht pa ngritur ose ulur mjekrën. Ndërsa e bëni këtë do të keni një ndjenjë tërheqjeje në fillim të kafkës, si dhe muskujt në pjesën e përparme të qafës duke u shtrënguar. Relaksohuni.

3. Vendosini duart në qafë, pak poshtë kafkës dhe ngrini kafkën me duart tuaja dhe shtyjeni kokën prapa me mjekrën tuaj pak të ngritur. Mbajeni atë pozicion për dhjetë sekonda. Relaksohuni.

Pas kryerjes së parë të këtij ushtrimi do të ndjeni një përmirësim të ndjeshëm, qafa do të jetë më e lëvizshme, dhe muskujt më të relaksuar dhe të lirë.

Ju mund ta kryeni këtë ushtrim sa herë që ndjeni nevojë, por në 30 sekonda duhet të ndjeni rezultatet, thotë Mandell.

Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara