Lajmet

​ShBA-të po shohin mundësitë për ta furnizuar Ukrainën me avionë luftarakë

Biden në bisedë me Zelenskin i ka premtuar atij “mbështetje në aspektin financiar dhe atë të sigurisë”.

Published

on

Shtetet e Bashkuara të Amerikës po punojnë me Poloninë për të furnizuar Ukrainën me avionë luftarakë për të frenuar përparimin rus dhe zemërimin e Putinit teksa pushtimi po vazhdon.

Presidenti Biden në bisedën e tij të fundit telefonike me Zelenskyn i ka premtuar atij “mbështetje në aspektin financiar dhe atë të sigurisë”.

Shtetet e Bashkuara po punojnë me Poloninë për të furnizuar Ukrainën me 28 avionë luftarakë MiG-29 që do të mund të përdoreshin nga Forcat Ajrore të Ukrainës në përballjen e tyre sulmet ruse.

Në anën tjetër, Polonia ka kërkuar avionë luftarakë F-16 t’i jepen vendit si rezervë në këmbim të MiG-ve.

Forcat ajrore ukrainase kërkojnë avionë luftarakë rusë ngase ato janë modelet me të cilat janë trajnuar të operojnë.

Presidenti i Ukrainës ka kritikuar fuqitë e NATO-s për refuzimin e vendosjes së një zone të ndaluar fluturimi mbi vendin e tij.

NATO hodhi poshtë thirrjet, duke thënë se një zonë ndalim-fluturimi mund të provokojë një luftë të gjerë mes Evropës dhe Rusisë.

Presidenti Joe Biden ka biseduar me presidentin ukrainas, Volodymyr Zelensky, për të diskutuar përpjekjet e vazhdueshme për të imponuar sanksionet ekonomike ndaj Rusisë dhe për të shpejtuar ndihmën ushtarake, humanitare, dhe ekonomike të ShBA-së për Ukrainën.

Lajmet

Dështon rezoluta në Komision për krerët e UÇK-së, deputetët maqedonas bojkotuan mbledhjen

Published

on

By

Komisioni për Politikë të Jashtme i Kuvendit të RMV-së nuk e miratoi projektrezolutën për respektimin e standardeve në procedurat penale kundër ish-udhëheqësve të UÇK-së, pasi nuk u sigurua kuorumi i nevojshëm për vendimmarrje, raporton Zhurnal.

Deputetët maqedonas bojkotuan mbledhjen, duke penguar kështu shqyrtimin dhe miratimin përfundimtar të Rezolutës. Në seancë morën pjesë vetëm deputetët e Frontit Evropian, VLEN-it, Aleancës për Shqiptarët dhe deputeti Rexhep Ismail nga “E Majta”, përcjell “Alsat”.

Sipas përfaqësuesve të partive politike shqiptare, mungesa e deputetëve maqedonas ishte e qëllimshme. Debati për këtë çështje është shtyrë për një kohë të pacaktuar.

Kujtojmë se anëtar shqiptar me të drejtë vote në këtë komision janë deputetët Merita Koxhaxhiku dhe Skender Rexhepi. Ilire Dauti është zv. anëtare që sot ishte si një nga propozuesit e rezolutës. /Zhurnal MK/

Continue Reading

Lajmet

Sot protesta e opozitës para Kryeministrisë, rrugët që bllokohen

Published

on

By

Policia e Shtetit ka marrë masat për garantimin e mbarëvajtjes së protestës kombëtare të thirrur nga opozita ditën e sotme në orën 18:00 para Kryeministrisë.

Mbi 1000 efektivë do të jenë në terren dhe në gatishmëri, ku përveç forcave të rendit, Forcave Kombëtare të Sigurisë dhe RENEA-s, do të ketë edhe agjentë civilë, raporton Euronews.

Duke nisur që prej orës 23:45, të së enjtes nuk do të lejohet parkimi i automjeteve deri në përfundim të tubimit në bulevardin “Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”.

Nga ora 15:00 deri në përfundim të protestës do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.

Në rast bllokimi, Policia e Tiranës ka marrë masat për të devijuar qarkullimin e automjeteve përmes rrugëve alternative.

Policia iu bën apel qytetarëve që të shmangin lëvizjen me automjete në akset rrugore që do të bllokohen, për të mos penguar lëvizjen e lirë të pjesëmarrësve në tubim.

Policia e Tiranës i bën thirrje qytetarëve që të distancohen në rast se gjenden përballë veprime të kundërligjshme që cenojnë rendin dhe sigurinë publike. /Euronews/

 

 

Continue Reading

Lajmet

LDK kundër refuzimit të 21 amandamenteve të propozuara në buxhet

Published

on

By

Lidhja Demokratike e Kosovës (LDK) ka shprehur indinjatën e saj për refuzimin e 21 amandamenteve që kishte propozuar për buxhetin, gjatë një konference për media.

Shefja e Grupit Parlamentar, Jehona Lushaku, tha se projekti i buxhetit nuk përkrah arsimin, shëndetësinë dhe projektet kapitale si Unaza e Kryeqytetit, ndërtimi i Spitalit të Kryeqytetit dhe digjitalizimi i sistemeve arsimore e shëndetësore. Ajo shtoi se LDK do të insistojë që këto projekte të futen në buxhet.

Deputeti Besian Mustafa vuri në dukje se asnjë nga amandamentet e komunave, përveç buxhetit të Kryeqytetit, nuk janë miratuar, ndërsa deputeti Fadil Hadergjonaj kritikoi moskalimin e amandamentit të tij për punimet në Kompleksin Memorial të Betejës së Kosharës.

LDK deklaron se nuk do të mbështesë buxhetin përderisa nuk përfshin këto projekte kapitale dhe reformuese.

Continue Reading

Lajmet

Fëmijët me sëmundje të lindura të zemrës trajtohen në QKUK me mbështetje ndërkombëtare

Published

on

By

Në Klinikën e Pediatrisë të Qendra Klinike Universitare e Kosovës, është zhvilluar një mision për diagnostikimin dhe trajtimin e fëmijëve me sëmundje të lindura të zemrës nga 8 shkurt deri me 13 shkurt 2026. Ky misioni u mbështet nga Muntada Aid nga Londra dhe u realizua në bashkëpunim me mjekë nga Turqia dhe stafin e QKUK-së.

Gjatë kësaj kohe u kontrolluan 92 fëmijë, ndërsa 35 prej tyre u trajtuan me ndërhyrje kardiologjike dhe kardiokirurgjikale, disa prej të cilave u realizuan për herë të parë në Kosovë, sipas njoftimit të Shërbimit Spitalor Klinik Universitar të Kosovës (SHSKUK).

Aktualisht, tre fëmijë po marrin trajtim pas ndërhyrjeve kirurgjikale, ndërsa të gjithë pacientët e tjerë janë liruar në gjendje të mirë dhe vazhdojnë kontrollet në shtëpi.

Continue Reading

Të kërkuara