Lajmet

“Sa e ke pagën?”: Mëso si të përgjigjesh nëse nuk dëshiron të tregosh

Ka disa shembuj se si të përgjigjeni më lehtë.

Published

4 years ago

April 30, 2022

UBT news

Shumica e kandidatëve i tremben pyetjes “Sa e ke pagën aktuale”. Kjo ndjenjë vjen nga frika e dyshimit, nëse po e “shesin” veten për pak ose shumë lartë. Por, për sa kohë që dëshironi ta shmangni këtë pyetje, mos u brengosni sepse, ka disa shembuj se si të përgjigjeni më lehtë.

Përgjigjuni në pyetje në atë mënyrë që e tregon vlerën tuaj

Shembull:

“Politikat e burimeve tona njerëzore nuk na lejojnë ta tregojmë këtë informatë. Sidoqoftë, nëse mund të ma tregoni shumën e pagës për këtë pozitë, mund të jem në gjendje ta krahasoj nëse është afër ose nëse përshtatet me pritshmëritë e mia”.

Një përgjigje e tillë, ju tregon në një pikë më të lartë, duke e konfirmuar edhe nivelin e integritetit dhe konfidencialitetit. Por, këtë përgjigje thojeni me vetëbesim, për ta dhënë përshtypjen që nuk është se nuk dëshironi ta tregoni përgjigjen, por do të ishte e pasjellshme ndaj politikave të punëdhënësit aktual.

Zgjidhni një situatë “jep e merr”

Shembull:

“Do ta kisha kënaqësinë t’i ndaja detajet kur paga për këtë pozitë të bëhet e ditur”.

Kjo i tregon rekruterit që, do të jeni në gjendje të tregoni vetëm duke i shndërruar informacionet konfidenciale. Kjo përgjigje po ashtu, e hedh në pah vetëbesimin tuaj. Rekruterët i duan kandidatët që i sfidojnë.

Le të jetë rreth kompanisë

Shembull:

“Në hulumtimet e mia rreth kompanisë, e kam parë që paga nuk është gjëja e parë që do të më pëlqente në këtë kompani. Momentalisht jam më shumë e interesuar rreth disa përfitimeve të tjera jo monetare që vijnë me pozitën.”

Kjo përgjigje brilante mund t’ju bëjë të merrni ofertën më të mirë të pagës. Kur rekruteri e sheh që jeni kureshtarë dhe pozitivë për punë, ata do të jenë në gjendje të japin pikërisht çfarë ju dëshironi.

Kërkoni që fillimisht t’i tregoni pritshmëritë tuaja

Shembull:

“Do të doja që fillimisht t’i tregoja pritshmëritë e mia të pagës, për të parë nëse përputhet me vlerën e pagës që do ta jepni.”

Në mënyrë të sjellshme do ta shmangni përgjigjen për pagën që keni aktualisht.

Vini në pah qëllimet për punën

Shembull:

“Po kërkoj një vend pune që, do të jetë i gatshëm për të ma dhënë mundësinë të rritem si në karrierë ashtu edhe në pozitat financiare. Jam e bindur që kompania juaj është në gjendje ta bëj, në bazë të hulumtimeve të mia.”

Kjo i tregon rekruterit që i besoni asaj kompanie.

Zhvendoseni pyetjen për më vonë

Shembull:

“E ndjej që është pak herët ta ndaj këtë informacion në këtë fazë të procesit të intervistimit. Jam më shumë i interesuar të di më shumë për rolin dhe përfitimet si dhe sa mirë përshtatem me pozitën.”

Kjo i tregon rekruterit që nuk ka të bëjë me paratë, por sa mirë do të përputheni me pritshmëritë e rolit.

Thuani “jo” në mënyrë të sjellshme

A e ke menduar ndonjëherë se a mund të thoni “jo” në intervistë? Atëherë ky është momenti. Jini në gjendje t’i tregoni rekruterit që ndiheni jo rehat për të ndarë informacione të tilla.

Shembull:

“Do të doja të mos përgjigjem në këtë pyetje. Paga ime aktuale mund të mos jetë e rëndësishme për këtë rol dhe tregun e punës. Sidoqoftë, besoj që roli ka ofertë të mirë që vjen nga reputacioni i mirë i kompanisë.” /Akademi Pune

Lajmet

Infantino kërkon falje për gabimet, por ruan mbështetjen e drejtuesve të FIFA-s

Published

10 minutes ago

August 6, 2026

UBTNews

Gianni Infantino ka kërkuar falje për “gabimet” e bëra lidhur me planin kontrovers për shitjen e aksioneve të kompeticioneve te investitorët privatë, mirëpo ai do të vazhdojë të mbetet president i FIFA-s pasi mori mbështetjen e drejtuesve të lartë gjatë një mbledhjeje në Marok.

Infantino thirri anëtarët e bordit drejtues në zyrën e FIFA-s për Afrikën në Rabat, pas kritikave të shumta ndaj propozimeve të tij të dështuara, ndërsa shtëpia e futbollit botëror publikoi një deklaratë mbështetjeje katër orë pas përfundimit të takimit.

Organi qeverisës i futbollit evropian, UEFA, deklaroi gjatë fundjavës se ka humbur besimin te Infantino, duke e cilësuar propozimin “Fifa Forward Enterprise” (FFE) si një “marrëveshje me dyer të mbyllura, të paqartë dhe të dëmshme”.

Kritika të shumta erdhën edhe nga brenda vetë FIFA-s, përfshirë sekretarin e përgjithshëm Mattias Grafstrom, i cili ishte i pranishëm në takimin e së mërkurës. Në një letër të brendshme dërguar stafit të FIFA-s, ai shkroi se kjo situatë është “një seri ngjarjesh e trishtë dhe e ndëshkueshme”.

Megjithatë, në një deklaratë pas takimit, Grafstrom dhe bordi drejtues “rikonfirmuan mbështetjen e tyre të plotë” për Infantinon si president.

Infantino dhe Grafstrom u dërguan gjithashtu një letër të nënshkruar vice-presidentëve, këshillit dhe 211 mebrave të shoqatave të FIFA-s, ku shpreheshin se “kërkojnë me sinqeritet falje” për gabimet e tyre dhe “zotohen se ato nuk do të përsëriten më”. Të dy u parë së bashku duke ndjekur një ndeshje të Kupës së Kombeve të Afrikës për Femra në Rabat pas takimit.

Infantino i kishte offered të gjitha shoqatave nga 40 milionë dollarë (30 milionë funte) nëse mbështetnin propozimin për investime private në turnetë e saj, përfshirë Kupën e Botës për meshkuj dhe femra, përmes një filiale të re, FFE.

FIFA tha se gjatë takimit u “pranuan” gabimet lidhur me FFE-në, duke sqaruar se “nuk kishte qenë qëllimi” që këshilli i FIFA-s dhe shoqatat anëtare “të ndjenin se u përjashtuan nga procesi, dhe se ky proces duhej të ishte menaxhuar ndryshe”. Organi qeverisës shtoi se “pranon gjithashtu gabimet e bëra pas rrjedhjes së propozimit në media”, pasi gazeta The Times e publikoi lajmin për planin e Infantinos më 28 korrik.

Në deklaratë u theksua gjithashtu se organizata “nuk do të tolerojë më asnjë sulm mbi integritetin, qeverisjen e mirë dhe procesin e rregullt, si dhe do të ndërmarrë të gjitha masat e nevojshme për të mbrojtur emrin dhe reputacionin e saj”.

Më herët, FIFA hodhi poshtë një shkrim të The Times ku pretendohej se Infantino i kishte premtuar Marokut pritjen e finales së Kupës së Botës 2030 në shkëmbim të mbështetjes, duke e cilësuar këtë si një pretendim “të rremë dhe mashtrues” dhe duke sqaruar se vendimi për vendin e finales (ku turneu do të bashkëorganizohet edhe nga Spanja e Portugalia) do të merret në kohën e duhur. /BBC/

Lajmet

Vala e të nxehtit në Itali: Lëshohet “alarmi i kuq” në 27 qytete

Published

14 minutes ago

August 6, 2026

UBTNews

Ministria italiane e Shëndetësisë ka ngritur në “alarm të kuq” të nivelit 3 gjithsej 27 qytete në vend, për shkak të valës së katërt të nxehtësisë ekstreme që ka përfshirë me të madhe Italinë.

Sipas agjencisë së lajmeve ANSA, temperaturat pritet të arrijnë deri në 40°C në disa zona, ndërsa vala e të nxehtit parashikohet të zgjasë të paktën edhe për një javë.

Autoritetet shëndetësore paralajmërojnë se niveli 3 i alarmit nënkupton rrezik të drejtpërdrejtë për shëndetin e të gjithë popullsisë, pa u kufizuar vetëm te të moshuarit, fëmijët apo personat me sëmundje kronike.

Kjo valë e fundit pason tri valët e mëparshme të këtij viti, të cilat gjithashtu u shoqëruan me pasoja fatale dhe viktima nga nxehtësia ekstreme. /ANSA/

Lajmet

Vazhdojnë gërmimet në lokacionin e tretë në Zubin Potok

Published

21 minutes ago

August 6, 2026

UBTNews

Hetimet për zbardhjen e fatit të të pagjeturve janë zgjeruar në një lokacion të tretë në Zubin Potok, gjegjësisht mes fshatrave Jabukë dhe Kalludër e Vogël.

Në këtë zonë janë pozicionuar autoritetet kosovare dhe ekspertët e EULEX-it, pasi në dy lokacionet e para u hasën mbetje mortore të shqiptarëve të vrarë gjatë luftës së fundit në Kosovë.

Prokuroria Speciale e Kosovës konfirmoi se hetimet po vazhdojnë nën mbikëqyrjen e prokurores përgjegjëse, Drejtorisë për Hetimin e Krimeve të Luftës dhe ekspertëve forenzikë.

Nga PSRK bënë të ditur se për shkak të fazës së ndjeshme nuk mund të japin detaje të mëtejshme rreth rezultateve deri në një njoftim të dytë. Deri më tani, lidhur me këto raste janë arrestuar tre persona nën dyshimin për veprën penale “Krime lufte kundër popullsisë civile”.

Lajmet

Përvjetori i lindjes së akademikut Eqrem Çabejt

Published

33 minutes ago

August 6, 2026

UBTNews

Sot mbushen 118 vjet nga lindja e akademikut të shquar Eqrem Çabej, i cili u lind në Eskishehir të Turqisë. Pasi kreu studimet fillore në Gjirokastër dhe të mesmet në Klagenfurt, ai braktisi mjekësinë në Romë për t’u përkushtuar në Fakultetin e Filologjisë në Universitetin e Gracit dhe më pas në atë të Vjenës, ku edhe u diplomua.

Me të u kthyer në atdhe, Çabej kontribuoi si arsimtar në gjimnazin e Shkodrës, Shkollën Normale të Elbasanit, Liceun e Tiranës, si dhe shërbeu për një periudhë të shkurtër pranë Ministrisë së Arsimit.

Gjatë karrierës së tij, ai nisi punën madhore për hartimin e Atlasit Gjuhësor të shqipes, ndërsa pas Luftës së Dytë Botërore shërbeu si anëtar i Institutit të Shkencave, pedagog në Universitetin e Tiranës dhe anëtar themelues i Akademisë së Shkencave. Integriteti i tij i lartë intelektual u dëshmua edhe kur dha dorëheqjen nga Instituti Mbretëror i Studimeve Shqiptare.

Si studiues poliedrik në leksikologji, gjuhësi historike, dialektologji e etimologji, Çabej mbetet i njohur për botimin kritik të “Mesharit” të Gjon Buzukut dhe Fjalorin Etimologjik të Gjuhës Shqipe. Sot mbushen po ashtu 46 vjet nga ndarja e tij nga jeta, prapa të cilës la një trashëgimi të paçmueshme për kulturën kombëtare. /E.A/