Sport

​Real Madridi vjen me kamp stërvitor në Kosovë

Published

5 years ago

on

Njëri ndër klubet më të mëdha në botë Real Madridi do të mbaj një kamp stërvitor prej pesë ditësh dhe do të ketë për qëllim zbulimin dhe avancimin e talentëve të futbollit në vendin tonë.

Robin Krasniqi, përfaqësues zyrtar i kampit të Real Madrid në Kosova me këtë rast tha se është shumë i lumtur që ka punuar dhe ka arritur që ta sjellë këtë projekt në Kosovë dhe kjo është bërë për shkak të entuziazmit të madh që ekziston për futbollin në Kosovë.

“Jam shumë i lumtur që pas një pune disa mujore janë…. storie. Mua më kanë pyetur njerëzit nga Anglia, nga shtete të ndryshme se pse e keni zgjedhur Kosovën që ta organizojmë dhe është një arsye e thjeshtë. Edhe pse nuk e flas shumë mirë gjuhën shqipe por kam një lidhje me Kosovën dhe shtëpia imë është këtu. E di që në Kosovë natyrisht ka një entuziazëm shumë të madh rreth futbollit kështu edhe në një far mënyrë është nder ky. Gjithmonë kam menduar se si t’ia kthej diçka shtetit… dhe besoj se ky ka qenë projekti i duhur. Natyrisht që Real Madridi është një prej skuadrave më të mira në botë dhe besoj se ky projekt do të jetë i duhuri për ne”, tha Krasniqi.

Ndërsa Arlind Sadiku, zëdhënës i kampit stërvitor të Real Madridit në Kosovë tha se ky eveniment është shumë i rëndësishëm sepse do të drejtohet nga trajner dhe skaut r të njëri prej klubeve më të mira në botë.

“Besoj që do të jetë një kamp stërvitor që i është nevojitur fëmijëve tanë për të punuar në mënyrat më të përparuara që mund të ketë një klub. E dimë që Real Madridi është një prej klubeve më të mëdha ne Evropë nëse jo më i forti kështu që për fëmijët tanë besoj që fillimisht do të jetë një kënaqësi të punojë me ekspertët e futbollit, do të jenë dy trajner që do të vijnë nga Spanja. Në të njëjtën kohë ata janë skaut dhe do të kenë mundësi që të përcjellin fëmijët nga mosha 6 deri në 16 vjeç, pra do të jenë pjesë e këtij evenimenti, kështu që për të gjithë fëmijët natyrisht që është eksperiencë e cila u ka munguar sepse e dimë se në çfarë kushte punohet në Kosovë”, tha Sadiku.

Me tutje Sadiku sqaroi se në fund ta trajnimit, fëmijët do të paisen me një çertifikatë dhe ata që tregojnë talent mund të vërehen nga skautët dhe mbase edhe të bashkohen me klubin mbretëror një ditë.

“Në fund fëmijët do të marrin nga një certifikatë nga klubi kështu që edhe do te kenë mundësi natyrisht që nëse prej trajnerëve, skautëve të Real Madridit sheh talentin tek ata do të kenë mundësi të ftohen në një të ardhme te klubi mbretëror, por ç’është më ë rëndësishmja po e themi edhe njëherë është që eksperiencë sikur kjo është e veçantë sepse është njëjtë sikur të kryesh një kamp stërvitor në Spanjë, njëjtë edhe në Kosovë sepse me të njëjtat mënyra, metoda që punohet atje, do të punohet edhe në Kosovë”, tha Sadiku.

Related Topics:
Continue Reading

Sport

Kosova U18 e nis me fitore Kampionatin Evropian

Published

2 hours ago

on

July 21, 2026

By

Përfaqësuesja U18 e Kosovës në konkurrencën e meshkujve e ka nisur me fitore aventurën në FIBA U18 EuroBasket 2026, Divizioni C, duke triumfuar ndaj Andorrës me rezultat 87:79, pas vazhdimeve.

Ndeshja ishte shumë e luftuar dhe e baraspeshuar nga fillimi deri në fund, me të dyja skuadrat që zhvilluan një duel të fortë. Pas 40 minutave të rregullta, rezultati ishte i barabartë, duke bërë që fituesi të përcaktohej në pesë minutat shtesë.

Në vazhdime, basketbollistët e Kosovës treguan më shumë qetësi dhe efikasitet, duke siguruar fitoren e parë në turne.

Kampionati FIBA U18 EuroBasket 2026, Divizioni C po zhvillohet në Shkodër të Shqipërisë, ku Dardanët e rinj e kanë nisur garën me sukses.

D.L

Continue Reading

Sport

Javier Tebas kërkon largimin e Gianni Infantinos nga drejtimi i FIFA-s

Published

4 hours ago

on

July 21, 2026

By

Presidenti i La Ligas, Javier Tebas, ka drejtuar kritika të forta ndaj FIFA-s dhe presidentit të saj, Gianni Infantino, duke e akuzuar se mënyra aktuale e drejtimit po i shkakton dëm futbollit.

Tebas u shpreh se zgjerimi i vazhdueshëm i garave dhe ngarkesa gjithnjë e më e madhe mbi futbollistët po vendosin interesat ekonomike përpara zhvillimit të qëndrueshëm të sportit.

Sipas tij, ka ardhur koha që Infantino të largohet nga posti i presidentit të FIFA-s.

“Duhet të largohet, ka ardhur momenti. Por ai ka mbështetjen e sistemit dhe të federatave. Në Shtetet e Bashkuara kam dëgjuar shumë njerëz që janë kundër Infantinos dhe nuk pajtohen me mënyrën se si ai po vepron”, ka deklaruar Tebas.

D.L

Continue Reading

Sport

FIFA nis hetim ndaj katër argjentinasve pas incidenteve në finalen e Kupës së Botës

Published

5 hours ago

on

July 21, 2026

By

Federata Ndërkombëtare e Futbollit  ka hapur një procedurë disiplinore ndaj katër anëtarëve të përfaqësueses së Argjentinës, pas përleshjeve që shpërthyen në fund të finales së Kupës së Botës, ku skuadra u mposht nga Spanja.

Komiteti Disiplinor i FIFA-s ka emëruar një prokuror disiplinor dhe etik për të shqyrtuar ngjarjet që ndodhën menjëherë pas vërshëllimës së fundit të gjyqtarit. Nëse shpallen fajtorë, lojtarët ose anëtarët e stafit teknik të përfshirë mund të përballen me pezullime, ndërsa Federata Argjentinase e Futbollit (AFA) rrezikon të ndëshkohet me gjobë.

Hetimi përfshin futbollistët Nahuel Molina, Leandro Paredes dhe Thiago Almada, si dhe ndihmës trajnerin Roberto Ayala.

Fillimisht, FIFA njoftoi se Leandro Paredes ishte ndëshkuar me karton të kuq nga gjyqtari Slavko Vinçiç, pasi dyshohej se kishte kapur për fyti mbrojtësin spanjoll Eric Garcia dhe e kishte shtyrë atë. Megjithatë, menjëherë pas përfundimit të ndeshjes, kartoni i kuq i Paredes u hoq nga raporti zyrtar i takimit.

Spanja fitoi finalen ndaj Argjentinës me rezultatin 1-0 pas kohës shtesë, falë golit të Ferran Torres, duke u shpallur kampione e botës për herë të dytë në histori.

D.L

Continue Reading

Sport

Enzo Fernandez: Të vesh fanellën e Argjentinës është nderi më i madh i karrierës sime

Published

10 hours ago

on

July 21, 2026

By

Mesfushori i Argjentinës, Enzo Fernandez, ka reaguar me një mesazh emocionues në rrjetin social Instagram pas humbjes 1:0 ndaj Spanjës në finalen e Kupës së Botës 2026. Pavarësisht zhgënjimit për humbjen e titullit, ai theksoi se krenaria për të përfaqësuar Argjentinën mbetet më e madhe se çdo rezultat.

“La Albiceleste” u mposht pas kohës shtesë në finalen e së dielës, ndërsa Fernandez u përjashtua në fund të kohës së rregullt pasi mori kartonin e dytë të verdhë për një ndërhyrje ndaj Pau Cubarsit.

Në mesazhin e tij, mesfushori argjentinas shkroi se me kalimin e kohës kupton se ka gjëra shumë më të rëndësishme se rezultati i një ndeshjeje, duke shtuar se kjo skuadër prej vitesh ka treguar versionin më të mirë të vetes. Sipas tij, të garosh nuk do të thotë vetëm të fitosh, por të japësh gjithçka për fanellën dhe të mos dorëzohesh kurrë.

Fernandez u shpreh krenar që është pjesë e kësaj gjenerate të Argjentinës, duke theksuar se skuadra ka luftuar gjithmonë me krenari, përulësi dhe përkushtim për të mbrojtur ngjyrat e vendit.

Ai pati edhe një mesazh falënderimi për tifozët argjentinas, të cilët i mbështetën gjatë gjithë turneut.

“Faleminderit që jeni gjithmonë pranë nesh, që na mbështesni në çdo ndeshje, për dashurinë e pakushtëzuar dhe që na bëni të ndihemi si në shtëpi kudo në botë”, shkroi ai.

Në fund, Fernandez ritheksoi se përfaqësimi i Argjentinës është arritja më e madhe personale në karrierën e tij, duke premtuar se do të vazhdojë të japë maksimumin sa herë që të ketë mundësinë të veshë fanellën e kombëtares.

“Të vesh fanellën e vendit tim është nderi më i madh i karrierës sime dhe do të vazhdoj të jap gjithçka sa herë që të vijë momenti ta mbroj atë”, përfundoi Fernandez.

D.L

Continue Reading

Të kërkuara