Lajmet

​Qeveria pret ndryshime pozitive për liberalizimin e vizave, optimizëm për pjesën e parë të vitit 2022

Kryeziu thotë për KosovaPress se Kosova ka plotësuar të gjitha kriteret për liberalizim të vizave.

Published

4 years ago

on

Qeveria e Kosovës është duke pritur ndryshime pozitive të vendeve skeptike të Bashkimit Evropian për liberalizimin e vizave. Në ekzekutiv shprehën të bindur se në shtatë muaj qeverisje kanë treguar qëllimet e tyre të qarta për luftimin e krimit, korrupsionit dhe reformën e sistemit të drejtësisë. Megjithëse në Qeveri nuk dhanë ndonjë datë, njohësit e integrimeve evropiane si mundësi reale për liberalizim të vizave e shohin gjashtë mujorin e parë të vitit 2022, pikërisht atëherë kur presidencën e Këshillit të BE-së, e merr Franca, e cila është një ndër vendet skeptike.

Zëdhënësi i Qeverisë Kurti, Përparim Kryeziu, thotë për KosovaPress, se Kosova ka plotësuar të gjitha kriteret për liberalizim të vizave.

Megjithatë, ai tregon se janë në komunikim me vendet hezituese dhe se të njëjtat janë në dijeni për zhvillimet pozitive në Kosovë.

“Ky është një vendim i cili i takon BE-së, përkatësisht vendeve që vazhdojnë të shprehin një dozë skepticizmi ndaj Kosovës, sa i përket çështjes së liberalizimit të vizave. Kjo qasje, ky qëndrim dhe këto vendime përcaktohen nga dinamikat e brendshme politike të këtyre vendeve. Pavarësisht kësaj, vazhdimisht janë në komunikim me këto shtete dhe përfaqësuesit e këtyre shteteve. Ato kanë misione diplomatike në Kosovë ku janë në dijeni për çdo zhvillim pozitiv që shënohet në Kosovë. Ne shpresojmë se BE-ja do të tejkalojë këtë hezitim, përkatësisht këto shtete karshi Kosovës dhe të ndryshojnë qëndrimin e tyre, pasi në Kosovë kanë ndodhur ndryshime. Kemi një qeveri të re që gëzon legjitimet të madh popullor dhe politik që ka qëllime të qarta për luftimin e krimit, korrupsionit dhe reformën e sistemit të drejtësisë… Kjo qeveri brenda 7 muajve tashmë ka miratuar strategjinë për sundimin e ligjit, një dokument tejet i rëndësishëm për reformën e sistemit të drejtësisë. Njëjtën kohë ka miratuar koncept-dokumentin për vetingun që është domosdoshmëri për të krijuar një shtet të mirëfilltë”, thotë ai.

Lajme të mira për liberalizim të vizave pret profesori universitar, Afrim Hoti, i cili thotë për KosovaPress, se në pjesën e parë të vitit 2022 mund të ketë lëvizje pozitive për Kosovën. Derisa shprehet skeptik se një gjë e tillë do të ndodhë gjatë këtij viti.

“Nuk besoj se do të ketë diçka të re brenda këtij viti, sepse definitvisht Sllovenia përkundër dëshirës, nuk mendoj se e ka potencialin ta shtyjë këtë çështje, që eventualisht të marrim liberalizimin e vizave. Ndërkohë, Parlamenti Evropian tash e sa kohë po trumbeton, bile është i vetmi institucion i BE-së qe njeh Kosovën dhe me të njëjtën ka konstituar marrëdhëniet kontraktuale. Sido që të jetë, çështja e liberalizimit të vizave tashmë ka mbet çështje e Këshillit të Ministrave. Disa vende hezitojnë sot e kësaj dite të japin dritën e gjelbër për këtë çështje. Mbase lajme të mira dhe tone optimiste priten në pjesën e parë të vitit të ardhshme, kur udhëheqjen e këshillit do ta merr Franca. Nisur nga fakti se edhe Franca është vendi që deri tani ka shkaktuar më shumë problem”, thekson Hoti.

Më i rezervuar në afate kohore shprehët zëdhënësi Kryeziu. Ai thotë se Qeveria Kurti nuk do të bëjë gabimet e qeverive paraprake kur kanë folur në emër të BE-së.

“Kjo qeveri nuk mund të bëjë gabimet që kanë bërë qeveritë paraprake kur kanë folur në emër të BE-së. Ky vendim nuk i takon Kosovës, ndonëse ne punojmë dhe zotohemi se çfarëdo lloj hezitimi që këto shtete kanë në raport me Kosovën t’i adresoj në kohën dhe mënyrën më të mirë”, shton Kryeziu.

KosovaPress ka kontaktuar edhe eurodeputetën, njëherësh raportuesen për Kosovën në Parlamentin Evropian, Viola von Cramon, por e njëjta kësaj radhe nuk ka qenë e qasshme për të treguar pritshmëritë e saja rreth këtij procesi.

Të paqasshëm kanë qenë edhe në partitë opozitare, PDK dhe LDK.

Kosova ka plotësuar gjitha kriteret për liberalizim të vizave qysh në vitin 2018. Mirëpo disa vende të BE-së, veçmas Franca, Holanda dhe Danimarka kanë shprehur rezervat e tyre për ndërmarrjen e një hapi të tillë.

Related Topics:
Continue Reading

Sport

​Vendimi i papritur i Zinedine Zidane

Published

15 minutes ago

on

December 11, 2025

By

Legjenda franceze bëhet i aksionar i Union Club de Touraine, një ekip i divizionit të pestë, përpara se të pranojë sfidën e menaxhimit të Francës.

Ndërsa pret të marrë frenat e ekipit kombëtar francez, Zinedine Zidane po shijon kohën e tij të lirë duke luajtur në ndeshjet e legjendave, duke marrë pjesë në ngjarje të ndryshme komerciale dhe madje duke u bërë aksionar në klubet e futbollit.

Legjenda e Real Madridit, të cilin disa ende e konsiderojnë një zëvendësim të mundshëm për Xabi Alonson, vendosi të investojë 10,000 euro në Union Club de Touraine, një klub që luan në nivelin e pestë të futbollit francez.

Franck Riboud, ish -drejtori ekzekutiv i Danone, një nga kompanitë më të mëdha të Francës, arriti të bindë ikonat e futbollit, përfshirë Zizou-n , të kontribuojnë në një klub që synon të ngjitet në divizionin e katërt këtë sezon dhe të vendoset në futbollin profesionist në një afat të shkurtër.

Kjo nuk është hera e parë që Zidane investon në një klub futbolli.

Në fakt, nëpërmjet Franck Riboud, me të cilin mban një miqësi të ngushtë, ai u bë gjithashtu aksionar në vitin 2011 i Evian-Thonon-Gaillard, një ekip që u ble nga Danone dhe arriti në finalen e Kupës së Francës në vitin 2013 pasi eliminoi PSG -në e Ancelottit në çerekfinale./S.K/KP/

Continue Reading

Lajmet

Ambasada gjermane: Moscertifikimi i kandidatëve të Listës Serbe dëmton imazhin e Kosovës dhe rrugën e integrimit

Published

41 minutes ago

on

December 11, 2025

By

Ambasada e Gjermanisë në Kosovë, është deklaruar për moscertifikimin e kandidatëve për deputet të Listës Serbe.

Kjo ambasadë  thekson se moscertifikimi e dëmton imazhin ndërkombëtar të Kosovës dhe ka ndikim negativ në rrugën drejt integrimit të vendit në Bashkimin Evropian.

Tutje, në reagim thuhet se zgjedhjet dhe përgatitjet teknike duhet të jenë të lira nga manovrimet politike të akterëve politikë.

“Siç e theksuam javën e kaluar, procesi zgjedhor dhe përgatitjet teknike për zgjedhjet duhet të jenë të lira nga manovrimet politike nga aktorët politikë. Sjellja penguese e disa anëtarëve të Komisionit Qendror të Zgjedhjeve, të cilët refuzojnë të verifikojnë Listën Serbe dhe kandidatët e saj, ndikon negativisht në reputacionin ndërkombëtar të Kosovës dhe në rrugën e saj drejt integrimit evropian”, kanë thënë për Kosovo-Online Ambasada gjermane.

Continue Reading

Lajmet

Terras: Kontingjenti gjerman i KFOR’it më njoftoi për sigurinë në Kosovë

Published

43 minutes ago

on

December 11, 2025

By

Raportuesi për Kosovën në Parlamentin Europian, Riho Terras, po vazhdon vizitat e tij nëpër Kosovë.

Ai njoftoi se ka qëndruar në Prizren për t’u takuar me komunitetin e inovacionit, ndërsa më pas ka shkuar në selinë e KFOR-it për t’u informuar për situatën e sigurisë.

“Ditë produktive në Kosovë si raportues i Parlamentit Europian për Kosovën. Nga komuniteti i inovacionit dhe teknologjisë në Prizren, deri te një informim strategjik për sigurinë në selinë e KFOR-it me kontingjentin gjerman. Këto të dhëna janë thelbësore për stabilitetin dhe përparimin në mbarë Ballkanin Perëndimor”, ka shkruar ai në X.

Continue Reading

Lajmet

​Kjo është përgjigja e Kurtit, kur pyetet për reagimin e ambasadës së SHBA-së për moscertifikimin e Listës Serbe

Published

46 minutes ago

on

December 11, 2025

By

Është çështje e Komisionit Qendror Zgjedhor, ka thënë kryeministri në detyrë, Albin Kurti, derisa është pyetur për moscertifikimin e kandidatëve për deputetë të Listës Serbe. Kurti është shprehur më i rezervuar të komentojë edhe reagimin e ambasadës së SHBA-së për LVV-në pas moscertifikimit të Listës Serbe nga KQZ-ja, vendim i cili më pas u rrëzua nga Paneli Zgjedhor për Ankesa dhe Parashtresa.

Pyetjes për deklaratën e Ambasadës Amerikane, e cila kishte thënë se “Përpjekjet e VV-së për të bllokuar certifikimin e Listës Serbe për të marrë pjesë në zgjedhjet e Kosovës janë dritëshkurtra dhe përçarëse”, Kurti iu përgjigj shkurt se janë çështje të ambasadës dhe se ai është kryeministër në detyrë i Kosovës.

“Ajo është çështje e Ambasadës Amerikane, është çështje e KQZ-së, unë jam kryeministër i Republikës së Kosovës”, tha ai.

KQZ-ja të mërkurën nuk certifikoi kandidatët për deputetë të Listës Serbe për zgjedhjet e parakohshme parlamentare të 28 dhjetorit.

KQZ edhe javë më parë nuk certifikoi Listën Serbe si parti për të marrë pjesë në zgjedhje, mirëpo pas ankesës së tyre, PZAP dhe më pas edhe Gjykata Supreme certifikuan të njëjtën.

Në lidhje me moscertifikimin e kandidatëve për deputetë të Listës Serbe, të enjten reagoi edhe Demokracia në Veprim (DnV), duke shprehur shqetësimin se “ky nuk është rasti i parë që KQZ devijon nga praktikat e mëparshme dhe nga vendimet e PZAP-së dhe Gjykatës Supreme”.

Continue Reading

Të kërkuara