Aktualitet

​Qarkullimi i bizneseve sivjet më i mirë krahasuar me 2020 ku pati 1.2 miliardë euro rënie

Published

on

Bizneset afatin e fundit për deklarimin dhe pagesën e tatimeve, si dhe deklarimin e pasqyrave financiare e kanë edhe dy javë ditë, deri më 30 prill.

Zyrtarë të Administratës Tatimore të Kosovës, thonë se bazuar në vendimin e ministrit të Financave, Punës dhe Transfereve të datës 29.03.2021, është zgjatur afati për deklarimin deri më 30 prill për shkak të ndikimit që ka shkaktuar pandemia COVID-19 tek bizneset.

Zëdhënësja e ATK-së, Valentina Bytyqi-Sefa thotë për KosovaPress se qarkullimi i bizneseve në këtë vit është normal, derisa shtoi se në vitin e kaluar rënia e qarkullimit të bizneseve ishte 1.2 miliardë euro. Ajo nuk përjashton mundësinë që të ketë rënie të qarkullimit sërish, pasi kjo varet edhe nga masat për parandalimin e përhapjes së pandemisë COVID-19.

“Ne jemi institucion ekzekutiv, vendimet janë marrë nga Qeveria e Republikës së Kosovës, do të thotë është marrë vendim që të shtyhen këto afate. Vendimet janë marrë sigurisht që të jetë një mbështetje kjo për bizneset pasi që efekti i vitit të kaluar deri më tani është ndjerë tek bizneset. Mirëpo, tash po e shohim që kemi prapë përsëritje të asaj situate dhe secili vendim që është marrë për shtyrje të pagesës së deklarimit të tatimeve, është marrë në mbështetje të bizneseve të cilat në pamundësi të deklarimit në afatet e kërkuara sipas legjislacionit tatimor të kenë mundësi të deklarojnë sipas afateve të cilat i ka përcaktuar me vendim qeveria. Vitin e kaluar kemi pasur rënie të qarkullimit 1.2 miliardë euro, këtë vit rënia e qarkullimit sigurisht nuk është e njëjtë. Kemi qarkullim të mirë, mirëpo kjo mund të ndryshojë në vazhdimësi”, thotë Bytyqi-Sefa.

Deklarimet dhe pagesat e bëra deri në afatin e zgjatur sipas tabelës, nuk i nënshtrohen ndëshkimeve të përcaktuara në legjislacionin tatimor në fuqi. Për të gjitha llojet e tjera të tatimeve dhe kontributeve, afati për deklarim dhe pagesë mbetet ashtu siç është i përcaktuar me Legjislacionin tatimor në fuqi.

Po ashtu ATK-ja, me qëllim të zbatimit të Vendimit Nr. 04/60 të Qeverisë së Republikës së Kosovës, datë 27.01.2021, për lehtësimin e ushtrimit të aktivitetit ekonomik të të gjithë tatimpaguesve, si pasojë e gjendjes së vështirësuar ekonomike të krijuar nga pandemia COVID-19, njofton të gjithë tatimpaguesit që kanë obligime tatimore të pashlyera se mos-bllokimi i llogarive bankare të tyre do të jetë i mundur vetëm deri me datë 30.04.2021.

Pas datës 30.04.2021, për të gjithë tatimpaguesit që kanë obligime tatimore të pashlyera, Administrata Tatimore e Kosovës do të zbatojë procedurat e përcaktuara me legjislacionin tatimor në fuqi.

Të gjithë tatimpaguesve që kanë obligime tatimore të pashlyera, Administrata Tatimore ju mundëson që të parashtrojnë kërkesë për lidhjen e marrëveshjes për pagesën me këste të obligimeve tatimore nëse dëshmojnë se kanë vështirësi financiare për t’i përmbushur obligimet për shkak të situatës së pandemisë së shkaktuar si pasojë e COVID-19.

Ndërsa për të gjithë tatimpaguesit të cilët nuk kanë vështirësi financiare, Administrata Tatimore inkurajon që sa më shpejt të përmbushin detyrimet tatimore.

Bota

Polonia rrëzon dronë rusë që hynë në hapësirën e saj ajrore

Published

on

Kryeministri polak, Donald Tusk tha se një operacion është duke u zhvilluar në lidhje me shkelje të shumta të hapësirës ajrore nga Rusia dhe ushtria përdori edhe armët kundër objektivave të identifikuara si dronë.

“Operacionet janë duke u zhvilluar për të gjetur objektet e rrëzuara. Inkursionet janë një akt agresioni .Dronët kaluan kufirin gjatë një vale sulmesh ruse në Ukrainë”, thanë Forcat e Armatosura Polake.

”Tusk është i pranishëm në vendin e ngjarjes”, deklaroi zëvendësministri polak i Mbrojtjes Cezary Tomczyk, shkruan ANSA.

Ministri Wladyslaw Kosiniak-Kamysz shtoi se Forcat Territoriale të Mbrojtjes Polake janë aktivizuar për të kërkuar në tokë për dronë të rrëzuar.

Mbrëmë, autoritetet polake mbyllën përkohësisht aeroportin ”Chopin” të Varshavës dhe vunë mbrojtjen ajrore të vendit në gatishmëri të lartë pas raportimeve për dronë rusë që hynë vazhdimisht në hapësirën ajrore polake gjatë një vale sulmesh ajrore gjatë natës kundër Ukrainës.

Komanda Operacionale e Forcave të Armatosura Polake tha se kishte aktivizuar të gjitha procedurat e nevojshme për të mbrojtur hapësirën ajrore kombëtare dhe kishte ngritur në ajër avionë polakë dhe të NATO-s në përgjigje të kërcënimit të mundshëm.

“Gjatë sulmeve të sotme ruse ndaj objektivave në Ukrainë, hapësira ajrore polake u shkel vazhdimisht nga objekte të ngjashme me dronë”, thanë Forcat Ajrore Polake.

Sistemet e mbrojtjes ajrore tokësore dhe të zbulimit me radar kanë arritur gatishmërinë maksimale dhe një operacion për të lokalizuar dhe neutralizuar dronët është duke u zhvilluar./S.K/KP/The New York Times/

 

Continue Reading

Aktualitet

Bie fluksi i mërgimtarëve, deri 10 minuta pritje për dalje nga Kosova

Published

on

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar.

Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra nga 3 deri në 5 minuta në të gjitha pikat kufitare.

Pritjet të shkurtra raportohen edhe në dalje, ku pritjet më të gjata raportohen deri 10 minuta te Dheu i Bardhë dhe Merdare.

Përditësimi i fundit ishte në ora 07:02 të mëngjesit./S.K/KP/

Continue Reading

Bota

Macron emëron aleatin e tij Sebastien Lecornu si kryeministër të ri të Francës

Published

on

Presidenti francez, Emmanuel Macron ka emëruar aleatin e ngushtë Sebastien Lecornu si kryeministrin e ri francez, 24 orë pasi një votëbesim rrëzoi François Bayrou nga posti i kreut të qeverisë.

Lecornu, 39 vjeç, ishte ndër kandidatët e preferuar për të marrë detyrën dhe ai ka kaluar tre vitet e fundit si ministër i forcave të armatosura duke u përqendruar në përgjigjen e Francës ndaj luftës së Rusisë në Ukrainë, shkruan BBC

Pallati Elize përmes një deklarate tha se Lecornu kryeministri i shtatë në presidencën e Macron i ishte dhënë detyra e konsultimit me partitë politike me qëllim miratimin e buxhetit të ardhshëm të Francës.

Nxitja e një buxheti si kreu i një qeverie minoritare ishte ajo që e rrëzoi Bayrou-n, me kundërshtarët e majtë dhe të ekstremit të djathtë që dënuan emërimin e Lecornu-së./S.K/BBC/

Continue Reading

Bota

Trump pas sulmit në Katar: Nuk i çon përpara qëllimet e Izraelit apo të Amerikës

Published

on

Presidenti i SHBA-së, Donald Trump, ka thënë se nuk është i kënaqur për sulmin ajror të Izraelit në Katar, dhe se sulmi i Izraelit ndaj objektivave të Hamasit në Katar nuk i çon përpara qëllimet e Izraelit apo të Amerikës.

Kryeministri izraelit, Benjamin Netanyahu, tha se sulmi ishte plotësisht i justifikuar sepse kishte në shënjestër udhëheqësit e lartë të Hamasit që organizuan sulmin e 7 tetorit 2023 ndaj Izraelit, i cili shkaktoi luftën në Gaza shkruan BBC.

Mediat izraelite raportuan se operacioni përfshinte 15 avionë luftarakë izraelitë, të cilët qëlluan 10 municione kundër një objektivi të vetëm.

Grupi i armatosur palestinez ka thënë se pesë anëtarë të tij u vranë në një sulm ajror izraelit në kryeqytetin e Katarit, por pretendoi se një përpjekje për të vrarë ekipin e tij negociator dështoi.

Katari është një aleat kyç i SHBA-së në rajon, ku ndodhet një bazë e madhe ajrore amerikane.

I pyetur për sulmet e Izraelit kundër Katarit, Trump tha: “Epo, nuk jam i kënaqur… Thjesht nuk jam i kënaqur me të gjithë situatën. Nuk është një situatë e mirë. Por do ta them këtë, ne duam që pengjet të kthehen, por nuk jemi të kënaqur me mënyrën se si ndodhi sot”, tha Trump për mediat./S.K/BBC/

 

Continue Reading

Të kërkuara