Lajmet

Osmani: Në çdo takim mbrojta interesat e shtetit sovran të Kosovës

Ajo ka thënë se në çdo takim është përpjekur ta përmirësojë imazhin dhe subjektivitetit e vendit tonë.

Published

3 years ago

April 4, 2022

Betim Gashi

Presidentja e vendit, Vjosa Osmani në njëvjetorin e marrjes së detyrës, ka paraqitur angazhimin e saj në politikën e jashtme dhe asaj të brendshme, duke thënë se në çdo takim është përpjekur ta përmirësojë imazhin dhe subjektivitetit e vendit tonë.

Osmani në një konferencë për media, ka thënë se përgjatë një viti ka përfaqësuar vendin brenda dhe jashtë, duke përfaqësuar me nder dhe dinjitet detyrat dhe funksionet kushtetuese, si dhe gjithnjë ka pas në fokus interesin shtetëror. Ajo përmendi vizitat në Gjermani, Zvicër, ShBA, Shqipëri, Austria, Slloveni, Portugali, Estoni, Kanada, Belgjikë, Turqi, Japoni, Maltë e vende të tjera, ku ka takuar dhjetëra krerë shtetesh. Sipas saj, në çdo takim është përpjekur për përmirësim të imazhit dhe subjektivitetit të Kosovës.

“Jam përpjekur maksimalisht që krahas me përmirësimin e imazhit ndërkombëtar të vendit, të punojë edhe për subjektivitetin ndërkombëtar. Politika jonë e jashtme mbetet reflektim edhe i asaj se sa jemi shtet i fuqishëm përbrenda, prandaj kam mbrojtur në çdo takim e në çdo rast interesat e shtetit sovran të Kosovës, duke paraqitur njëkohësisht potencialin e jashtëzakonshëm të vendit tonë e që është të rinisë tonë të mrekullishme….siç e tha edhe presidenti Biden së fundmi, Kosova vazhdimisht ka treguar, edhe përgjatë këtij viti lidership në arenën ndërkombëtare. Vendi ynë mbetet i palëkundur në orientimin euroatlantik dhe këtë po e dëshmon çdo ditë me veprime konkrete. Për gjatë kësaj periudhe kam takuar edhe përfaqësues të shteteve jonjohëse, të cilat për arsye strategjike, duke kërkuar mirëkuptimin tuaj, do të bëhen publike sapo të kemi rezultate konkrete”, ka thënë ajo.

Sipas saj, vendi ynë çdo ditë e më shumë po shndërrohet vend nikoqir të vizitave të nivelit të lartë sepse tashmë rajoni dhe bota po e kupton se vendi ynë është një vend serioz, i gatshëm për t’u ballafaquar me sfida dhe i pjekur për të kontribuar në projekte rajonale e ndërkombëtare, derisa paralajmëroi se Kosovën së shpejti do ta vizitojë presidenti i Letonisë dhe ai i Malit të Zi.

Ajo foli edhe për emërimin e shefave të misioneve, duke thënë se diku tre të katërtat do të jenë diplomatë karriere dhe vetme një e katërta të emëruar sipas çelësit politik. E si komandante supreme foli edhe për ushtrinë.

“Me Shtetet e Bashkuara të Amerikës dhe ushtritë tjera partnere po zhvillojmë diskutimet për intensifikim të bashkëpunimit bilateral ushtarak dhe në çdo vizitë timen jashtë vendit, por edhe kur kam prit mysafirë këtu brenda kam iniciuar thellim të bashkëpunimit në fushën e mbrojtjes dhe sigurisë dhe kjo është bërë edhe më e domosdoshme siç e dini me zhvillimet e fundit në kontinentin tonë”, tha ai.

Ajo tha se është angazhuar për sigurimin e vaksinave dhe mbrojtjen e të drejtave të komuniteteve dhe fëmijëve. Megjithatë, nuk e tha asnjë fjalë sa i përket liberalizimit të vizave për Kosovën.

Lajmet

Samiti i Komunitetit Politik Evropian, Spiropali takon Zelenskyn

Published

4 minutes ago

October 2, 2025

UBTnews

Ministrja për Europën dhe Punët e Jashtme, Elisa Spiropali merr pjesë sot në Samitin e radhës të Komunitetit Politik Europian (EPC) me delegacionin shqiptar të kryesuar nga Kryeministri Edi Rama.

Përmes rrjeteve të saj sociale, Ministrja Spiropali ka shpërndarë momente në prag të nisjes me momente takimesh të zhvilluara me krerë shtetesh që marrin pjesë në këtë samit, mes të cilëve edhe Presidenti Zelensky.

Spiropali deklaron se: “Pas mikpritjes shembullore të Shqipërisë të Komunitetit Politik Europian #EPC në Maj, sot në Kopenhagë në Samitin e radhës mbi sfidat më të mëdha që prekin Europën dhe rajonin tonë. Në fokus kryesor: siguria, migracioni, bashkëpunimi ekonomik, integrimi dhe përkrahja për Ukrainën.”

Në samitin paraardhës, më 16 Maj të këtij viti, Shqipëria u shndërrua në kryeqendër të diplomacisë ndërkombëtare duke organizuar Samitin e VI të Komunitetit Politik Evropian./D.B/EO

Lajmet

Kurti nuk e komenton vendimin e Kushtetueses: Ta presim aktgjykimin e plotë

Published

5 minutes ago

October 2, 2025

UBTnews

Kryeministri në detyrë, Albin Kurti ka refuzuar të përgjigjet lidhur me aktgjykimin e fundit të Gjykatës Kushtetuese lidhur me konstituimin e Kuvendit të Kosovës.

Derisa Gjykata Kushtetuese ka vendosur dy ditë më parë se seanca konstituive e Kuvendit të Kosovës nuk ka përfunduar, Kurti tha shkurt se duhet pritur aktgjykimi i plotë.

I pyetur nga gazetarët lidhur me publikimin e aktgjykimit, Kurti tha shkurt se “ta presim aktgjykimin i plotë”.

Këto komente Kurti i bëri pas pjesëëmarrjes së tij në hapjen zyrtarë të fushatës sensibilizuese kundër kancerit të gjirit.

Gjykata Kushtetuese e Kosovës ka njoftuar sot se seanca konstituive e Kuvendit të Kosovës nuk ka përfunduar.

Gjykata Kushtetuese ka vendos që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës.

Sipas këtij vendimi të Gjykatës, seanca konstituive e Kuvendit duhet të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi.

Gjykata Kushtetuese e Kosovës, më 30 shtator 2025 vendosi përkitazi me kërkesën KO265/25, në lidhje me vlerësimin e kushtetutshmërisë së “Procesverbaleve të seancave të Kuvendit të Kosovës”, si dhe vendimeve të nxjerra në kuadër të Seancës Konstituive më 26 dhe 28 gusht 2025, të parashtruar nga Igor Simic dhe 9 (nëntë) deputetë të tjerë të Kuvendit të Republikës së Kosovës, bazuar në paragrafin 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës./D.B/KP

Lajmet

Plagosje me thikë në gjimnazin e Kamzës, dy nxënës përfundojnë në Spitalin e Traumës

Published

6 minutes ago

October 2, 2025

UBTnews

Një ngjarje e rëndë është regjistruar në gjimnazin “Ibrahim Rugova”, në Kamëz.

Dy nxënës janë plagosur me thikë jashtë ambienteve të shkollës, pas një konflikti, shkruan A2 CNN.

Po ashtu bëhet me dije se nxënësit që kanë mbetur të plagosur nga goditjet me thika janë dërguar me urgjencë në spitalin e Traumës, në kryeqytet.

Dy 16-vjeçarët me inicialet A.L. dhe B.T. aktualisht ndodhen në sallën e urgjencës dhe po ekzaminohen nga mjekët. Vetëm pas daljes se mjekëve do të bëhet e ditur gjendja e tyre shëndetësore./D.B/KP

Lajmet

Drita debuton sot në fazën e grupeve të Ligës së Konferencës

Published

2 hours ago

October 2, 2025

UBT News

Në historinë e futbollit kosovar po hapet një faqe e re ku FC Drita për herë të parë merr pjesë në fazën e grupeve të Ligës së Konferencës.

Skuadra gjilanase e nis aventurën e saj evropiane në Finlandë, ku do të përballet me KuPS-in vendas në Tampere.

Takimi zhvillohet nga ora 18:45 dhe pritet me interes të madh.

Trajneri i Dritës, Zekirija Ramadani para duelit ndaj KuPs thotë se do të jetë vështirë, por duan fitore.

“Do të jetë ndeshje e vështirë, pasi të dy ekipet jemi debutues dhe të dy ekipet e duam fitoren. Duhet të jemi të kujdesshëm, të mbrohemi mirë dhe të sulmojmë me më pak lojtarë, pasi e rëndësishme është të mos pranojmë gol, ” tha Ramadani.

KuPS shihet si favorit në letër, por Drita synon ta sfidojë këtë epërsi dhe të befasojë me rezultat pozitiv në ndeshjen e parë të grupit./S.K/UBTNews/