Sport

​Nga fëmijëria, lufta në Kosovë e deri te premtimi për Mallorcën, rrëfehet Vedat Muriqi

‘Il Pirata’, i cili e përjetoi luftën ballkanike si fëmijë ka dhënë një intervistë të gjatë për gazetën spanjolle “Marca”.

Publikuar

1 vit më parë

më

Nuk ka kaluar as një vit qëkur Vedat Muriqi zbarkoi në ishull për të nënshkruar për Mallorcën. Ishte merkato dimërore e sezonit 2021-22 dhe skuadrës spanjolle i duhej një sulmues për të luftuar për të qëndruar në elitën e futbollit spanjoll.

Ardhja e kosovarit i befasoi tifozët e kësaj skuadre, ai nuk po luante me Lazion dhe numrat e tij nuk ishin tërheqës. 33 ndeshje dhe 14 gola ishte rezultati i tij.

Muriqi tashmë është idhull në Mallorca. ‘Il Pirata’, i cili e përjetoi luftën ballkanike si fëmijë ka dhënë një intervistë të gjatë për gazetën spanjolle “Marca”, në të cilën ka folur edhe për luftën në Kosovë.

Muriqi e nis intervistën duke folur për të ardhmen e tij. Ai ka siguruar klubin aktual se nuk e ka ndërmnend të largohet, e aq më pak në afatin kalimtar të janarit.

“Nuk kam menduar kurrë të largohem. As në janar, 100% jo. Por është diçka që nuk është në dorën time sepse ndonjëherë vjen një skuadër që mund të pajtohet me Mallorcan, më thonë ‘po të shesim’ dhe nuk mund të them asgjë. Kam një kontratë shumëvjeçare me Mallorcan dhe nuk dua të largohem kurrë. Jam i lumtur këtu, edhe familja ime, po luaj dhe po kaloj mirë, mendoj dhe prandaj nuk kam menduar kurrë të largohem”, tha Muriqi.

Tutje sulmuesi kosovar shton se nuk dëshiron të rrezikojë duke kaluar tek ndonjë skuadër tjetër ku mund te ketë një përvojë të hidhur ashtu siç i kishte ndodhur te Lazio.

“Personalisht më pëlqen shumë ky mot. Jemi në janar dhe ka diell. Familja ime është rehat, fëmijët shkojnë shumë mirë në shkollë. Ndonjëherë kur ke familje dhe fëmijë duhet të mendosh më shumë për ta sesa për veten, dhe këtë po bëj tani. Edhe për mua, sepse jam mirë që pas Fenerbahçes, kur shkova në Lacio, kam pasur një përvojë të keqe dhe nuk dua të dështoj më”, shtoi ai.

Ai më pas kujton luftën në Kosovë duke thënë se nuk do të dëshironte që askush të mos e përjetonte një gjë të tillë.

“Unë gjithmonë them që asnjë qenie njerëzore nuk duhet të shohë gjërat që kam parë unë gjatë atyre viteve. Duhet të arratisesh nga shtëpia se erdhën disa ushtarë, të thonë se do të vendosin bomba dhe ti duhej të ikje. Shkuam në Shqipëri dhe ishte një kohë shumë e vështirë. Nëse shikoj pjesën pozitive, ajo më ka bërë që t’i vlerësojë gjërat e vogla”, shton sulmuesi i Kombëtares së Kosovës.

Muriqi flet edhe për fëmijërinë e tij duke thënë se nisi të punonte që kur ishte 9 vjeç.

“Fillova të punoja në një restorant në pronësi të dajave të mi kur isha nëntë vjeç. Aty bëja gjithçka: kamarier, ndihmë në kuzhinë etj. E gjithë kjo derisa mbërrita në Shqipëri në moshën 16-vjeçare. Gjatë asaj kohe, vetëm unë mund të punoja për të mbajtur nënën dhe motrën time, pasi babai im vdiq në luftë. Ai kishte edhe shkollë dhe futboll; dhe kjo është arsyeja pse vendosa të lë shkollën, sepse nuk mund ta lija futbollin, është jeta ime. E di që nuk e kam dalë mirë duke e lënë shkollën dhe tani mund të them se kam qenë shumë me fat”, thotë ai.

Në fund, Muriqi theksoi se u mor me futboll pasi nëna e tij këmbënguli që ta bënte këtë.

Etiketa
Vazhdo të lexosh

Sport

Tifozat Kuq e Zi protestojnë ndaj kandidaturës së Shqipërisë me Serbinë për EURO 2027

Publikuar

3 minuta më parë

më

20 Maj, 2024

nga

Tifogrupi i kombëtares së Shqipërisë të njohur me emrin si ‘Tifozat Kuq e Zi’ kanë reaguar ndaj vendimit të Federatës së Futbolit të Shqipërisë për të shpallur kandidaturën e përbashkët me Serbinë për organizimin e Euro 2027 për grupmoshat U21.

Presidenti i FSHF-së, Armando Duka, javë më parë kishte konfirmuar kandidaturën e përbashkët të Shqipërisë me Serbinë për organizimin e Kampionatit Evropian 2027 për grupmoshat U21.

Arsyetimi i të parit të Federatës Shqipëtare të Futbollit ishte se Shqipëria nuk i plotëson kushtet elementare për organizimin e kësaj ngjarje.

Ndër të tjerash, ai kishte thënë se duhet angazhim i madh i dy qeverive të dy vendeve respektive, madje e kishte cilësuar si “lajm të mirë” për të dy popujt fqinj.

Ky njoftim nuk ishte pritur aspak mirë nga tifozët shqiptarë anembanë botës dhe tani “Tifozat Kuq e Zi” kanë ndërmarrë një nismë për të shprehur mllefin e tyre ndaj këtij.

Përmes një videoje të publikuar në rrjetet sociale, shihet se si ‘Tifozat Kuq e Zi’ kanë ngjyrosur me të kuqe rrugët pranë zyrave të FSHF-së, si dhe kanë ngjitur disa fotografi të luftës dhe gjenocidit që ushtria serbe ka ushtruar në popullin e Kosovës.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, thuhet në postimin e tyre në Instagram./UBTNews/

 

View this post on Instagram

 

A post shared by Tifozat Kuq e Zi (@tifozatkuqezi)

Vazhdo të lexosh

Sport

Moment historik, skuadra franceze siguron pjesëmarrjen në Champions për here të parë në histori

Publikuar

30 minuta më parë

më

20 Maj, 2024

nga

Këtë të diel kampionati francez ka mbyllur sezonin 2023/24 duke dhënë edhe verdiktet e fundit të këtij sezoni. Me Monaco-n dhe Brest që i bashkohen PSG-së për një vend në Champions League, ndërsa Lille përmes eliminatoreve do të provojë të futet në garën më të madhe për klube.

Padyshim që surpriza e këtij sezoni ishte Brest, të cilët u pozicionuan në vendin e tretë dhe me këtë ata do të jenë pjesëmarrës në Champions sezonin e ardhshëm.

Një ngjarje historike kjo për skuadrën franceze që feston gjithashtu edhe fitoren e 200-të të të gjitha kohërave në elitën e futbollit francez. Kjo shifër u sigurua pas triumfit të fundit, 0-3 ndaj Toulouse në transfertë./UBTNews/

Vazhdo të lexosh

Sport

Mësohet vendi se ku do të zhvillohet finalja e Kupës së Kosovës në futboll

Publikuar

3 ditë më parë

më

17 Maj, 2024

nga

Finalja e madhe e Kupës së Kosovës në futboll po afron, ku kanë mbetur më pak se një javë deri te zhvillimi i saj.

Të mërkurën e 22 majit Ballkani do të përballet me Prishtinën për trofeun e Kupës së Kosovës, teksa tanimë është mësuar edhe vendi se ku do të luhet ndeshja.

Stadiumi “Rexhep Rexhepi” do të jetë nikoqir i kësaj finaleje mes dy finalistëve, Ballkanit dhe Prishtinës.

Ndeshja pritet të zhvillohet me fillim nga ora 15:00.

Fituesi i Kupës së Kosovës kualifikohet për kompeticionin UEFA Europa League në sezonin e ardhshëm, 2024/2025./UBTNews/

Vazhdo të lexosh

Sport

Për 90 vite në Cyrih, FIFA mund ta ndryshojë vendin e selisë qendrore

Publikuar

3 ditë më parë

më

17 Maj, 2024

nga

Shoqata botërore e futbollit FIFA ka krijuar kushte formale për një lamtumirë teorike në selinë e saj në Cyrih. Kongresi i shoqatës botërore miratoi një ndryshim në statut të premten në Bangkok. Aty thuhet se selia është në Cyrih derisa Kongresi të marrë një vendim tjetër. Nuk ka pasur një kufizim të tillë deri më tani. FIFA ka selinë në Cyrih që nga viti 1932.

“Ka shumë organizata sportive dhe ndërkombëtare me bazë në Gjenevë dhe Lozanë, por derisa anëtarët tanë të vendosin ndryshe, Zyrihu mbetet selia jonë,” tha një zëdhënës i agjencisë gjermane të shtypit. “Në fakt, ne aktualisht po shqyrtojmë hapjen e degëve diku tjetër në Zvicër dhe kështu të zgjerojmë praninë tonë në vend”, ka shtuar ai.

FIFA kohët e fundit ka hapur gjithnjë e më shumë zyra në vende të tjera, përfshirë Parisin. Departamenti juridik është i vendosur në Florida. “Meqenëse ne jemi një organ global qeverisës, është e vetëkuptueshme që ne kemi zyra në mbarë botën, duke përfshirë në Miami, Paris dhe Xhakarta”, tha një zëdhënës i FIFA-së.

Vazhdo të lexosh

Të kërkuara