

Aktualitet
Ministrisë së Arsimit i kërkohet të bëjë vlerësimin e punës së mësimdhënësve, licensat të kontrollohen
Ky projekt është i mbështetur nga shtatë komuna të Kosovës
Published
3 years agoon
By
UBT.NewsOrganizata Teach Of Kosova ka lansuar projektin një vjeçar i cili ka të bëjë me matjen e performancës së mësimdhënësve dhe rritjen e performancës së mësimdhënësve në institucionet shkollore të vendit. Projekti “Future Of Education”, ka krijuar kornizën dhe grupin punues në të cilin janë përfshirë MASHT, SBASHK, drejtorë të shkollave, psikologë dhe prindër.
Në këtë konferencë u kërkua që të bëhet vlerësimi i performancës i 22 mijë mësimdhënëse që ka Kosova, deri u tha sa janë inspektuar vetëm shtatëqind mësimdhënës.
Zëvëndësministri i Arsimit, Dukagjin Popovci ka thënë se janë duke punuar me grupin e krijuar për ndryshimin e mënyrës së licencimit për mësimdhënësit. Sipas tij, gjatë kësaj periudhë nuk është lëshuar as një licencë e avancuar.
“Këtu po flitet për një temë që për momentin është jashtëzakonisht aktuale për vlerësimin e performancës, është një sistem që në Kosovë e kemi tani e dhjetë vite e që mund të themi është një sistem i cili nuk po funksionon, prandaj edhe duket se iniciativa për adresimin e kësaj çështje është iniciativë e duhur dhe në kohën e duhur kur vërtetë jemi duke e rimenduar këtë sistem në atë formë që ta bëjmë që të jetë funksional. Lidhur me këtë janë zhvilluar disa diskutime në këshillin shtetërorë për licencimin e mësimdhënësve, janë zhvilluar disa konsultime të tjera të brendshme, konsultime me ekspert, dhe mund t’iu them se ideja për ndryshimin e vlerësimit të përformancës është në ndërtim e sipër ose më mirë të them në zhvillim e sipër. Ajo lidhët natyrisht me procesin e licencimit i cili po ashtu ka nevojë për ndryshime sepse ne këtë proces e kemi për më shumë se një dekadë, deri tani krejt çfarë kemi janë këto licensat e karrierës, asnjë licencë e avancuar nuk është lëshuar gjatë kësaj periudhe dhe nëse për dhjetë vite diçka nuk bëhet, atëherë mund të themi ai sistem duhet njëherë të rimendohet, të rishikohet në mënyrë që të bëhet funksional”, tha Popovci.
Popovci shtoi se vlerësimi i 22 mijë mësimdhënësve në nivel vendi është vështirë i realizuar, pasi që kapacitetet e inspektoratit të arsimit janë të mangëta. Ai bëri thirrje që drejtorët e shkollave ta bëjnë vlerësimin e mësimdhënësve duke bashkëpunuar me ministrinë dhe institucionet tjera arsimore.
“Dhe këtu hynë vlerësimi i performancës si ide d.m.th, ne mendojmë se ky lloj i vlerësimit të performancës i bërë nga inspektorati i arsimit është shumë vështirë i zbatueshëm kur bëhet fjalë për 22 mijë punonjës të arsimit sa për momentin i ka Kosova, prandaj edhe duhet të të mendojmë të përgatitemi që një formë e vlerësimit të performancës të bëhet brenda vetë shkollës, jo vetëm nga drejtorit por edhe me pjesëmarrjen e drejtorisë komunale të arsimit por edhe me një rol tjetër të aktiveve profesionale në drejtim që jemi duke punuar, është pra një grup tjetër i punës i cili është duke e rishikuar rolin e menaxhmentit të mesëm ku aktivet profesionale do të kenë rol edhe në monitorimin e mësimdhënësve por do të kenë rol edhe në vlerësimin e performancës së mësimdhënësve”, tha Popovci.
Egzon Gashi, drejtor ekzekutiv i “Teach of Kosovo”, ka shpalosur idenë e cila është në tre faza kryesore, atë të performancës së mësimdhënësve dhe dhënies së licencave të karrierës dhe performancën e lartë të mësimdhënësve.
“Sot vlerësimi i performancës i mësimdhënësve është një temë e ndjeshme për shumë arsyeje por është gjithashtu një bazë për një sistem arsimor cilësorë. Përmes këtij projekti “Teach Of Kosova”, synon të krijon një sistem për vlerësimin e performancës, i cili është objektiv si dhe informues. Përfshirja e akterëve të ndryshme është kyçe, edhe është pjesa më e rëndësishme e këtij projekti dhe është jetike për me kriju një instrument e cila edhe përdoret dhe po është funksionale. Gjatë këtij viti instrumenti do të na informon për tri gjëra kryesore, së pari ne do të kuptojmë cilët janë mësimdhënësit tanë me performancë më të lartë siç e përmendi zv ministri me pas avancim në karrierë apo në licensë. Së dyti ky projekt ose instrumenti i vlerësimit do të na informon për performancës e mësimdhënësve që duhen të përmirësohen edhe mundemi me informuar zhvillimin profesional që bëhet përmes këtij instrumenti, p.sh. nëse e kemi një komunës të caktuar disa mësimdhënës që kanë në përdorimin e teknologjisë, instrumenti e tregon këtë pjesë ne mundemi me informu komunën apo drejtorinë e arsimit, çfarë trajnime mundemi të ofrojmë për me përmirësu këtë gjendje në komunën përkatëse, e treta është për vlerësim të përformancës ku do të na tregon cilat janë mësimdhënësit që kanë performancë të ulët që kanë nevojë për ndërhyrje më të veçantë për me përmirësu performancën e tyre”, tha Gashi.
Osman Buleshkaj, udhëheqës i grupit të “Teach Of Kosova”, ka thënë se nëse një mësimdhënës nuk ka performancë të mirë të punës, nuk duhet të licencohet, deri sa shtoi se deri tash janë inspektuar vetëm shtatëqind mësimdhënës në nivel vendi.
“Vlerësimi i performancës si mekanizmi kryesorë që na tregon për punën e dikujt në klasë, tani sistemi është ndërtuar në atë formë që kërkon inspektorati i arsimit ligjërisht si institucioni kryesorë që bën vlerësimin e performancës dhe jep një raport përfundimtarë në bazë që dikush mund të avancohet ose dikujt i pezullohet licenca për një kohë deri sa nuk përmirësohet, deri më tani rreth shtatëqind mësimdhënës kanë arritur të vlerësohen kapacitetet e inspektoratit vazhdojnë të jenë të mangëta, të ulëta nuk ka kapacitet të vlerësojë sipas dispozitave aktuale ligjore dmth në këtë periudhën pesë vjeçare të vlerëson të gjithë mësimdhënësit e sistemit”, u shpreh Buleshkaj.
Ky projekt është i mbështetur nga shtatë komunat e Kosovës: Prishtina, Prizreni, Ferizaj, Peja, Podujeva, Mitrovica dhe Fushë Kosova.

Kreu i agjencisë globale mbikëqyrëse bërthamore ka konfirmuar se vendi kryesor i pasurimit bërthamor të Iranit në Natanz u godit nga sulmet izraelite në orët e para të së premtes.
Në një postim në X, Agjencia Ndërkombëtare e Energjisë Atomike tha se po “monitoronte nga afër situatën thellësisht shqetësuese në Iran”, shkruan BBC.
Agjencia tha se ishte në kontakt me autoritetet iraniane në lidhje me nivelet e rrezatimit në vend, si dhe me inspektorët e saj në Iran.

Një zëdhënës i ushtrisë izraelite tha se Irani ka lëshuar më shumë se 100 dronë drejt Izraelit gjatë orëve të fundit, pasi vendi premtoi hakmarrje për sulmet izraelite.
Zëdhënësi tha se 200 aeroplanë luftarakë izraelitë morën pjesë në sulmet kundër më shumë se 100 objektivave në Iran gjatë natës.
Sipas reuters, ai tha se Izraelin e presin “disa orë të vështira”. Sirena ajrore ranë paraprakisht në Izrael, ndërsa vendi u përgatit për hakmarrjen.
Në reagim të menjëhershëm pas sulmit, udhëheqësi suprem i Iranit tha se Izraeli “duhet të presë një ndëshkim të ashpër”.
“Regjimi sionist i ka sjellë vetes një fat të hidhur dhe të dhimbshëm, dhe me siguri do të përballet me të”, u shpreh ai.
Ndryshe, Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.
Bota
Rriten çmimet e naftës pas sulmit të Izraelit ndaj Iranit
Published
2 days agoon
June 13, 2025By
UBTNews
Çmimet globale të naftës janë rritur ndjeshëm pas lajmit se Izraeli ka goditur Iranin, në një përshkallëzim të ri të tensioneve në Lindjen e Mesme. Çmimi i naftës së papërpunuar Brent u rrit menjëherë me mbi 10%, duke arritur nivelin më të lartë që nga janari.
Sipas BBC, tregtarët janë të shqetësuar se konflikti mund të rrezikojë furnizimin me energji nga një ndër rajonet më të rëndësishme për tregun global të naftës.
Ndërsa tregjet evropiane nisën ditën e premte, çmimet u stabilizuan pjesërisht, por mbetën rreth 5% më të larta se mbyllja e një dite më parë. Brent u tregtua me 72.80 dollarë për fuçi në Londër, ndërsa në bursën Nymex të SHBA-së arriti 73.20 dollarë.
Sulmi ka ndikuar edhe në tregjet financiare – indekset kryesore në Azi dhe Evropë kanë shënuar rënie. Indeksi FTSE 100 në Mbretërinë e Bashkuar pësoi një ulje prej 0.6%.
Asetet e njohura si “strehë të sigurta” në kohë pasigurie, përfshirë arin dhe frangën zvicerane, shënuan rritje.
Pas sulmit, Forcat Mbrojtëse të Izraelit njoftuan se Irani kishte lëshuar rreth 100 dronë drejt territorit izraelit.
Analistët paralajmërojnë se situata është e pasigurt dhe se e ardhmja e çmimeve të naftës do të varet nga zhvillimet e ditëve në vijim. “Kjo mund të zgjidhet shpejt, si në prill dhe tetor të vitit të kaluar, por gjithashtu mund të përshkallëzohet në një konflikt më të madh që rrezikon furnizimin me naftë nga Lindja e Mesme,” tha Vandana Hari nga Vanda Insights për BBC-në.
Në rast të një përshkallëzimi ekstrem, ekziston frika se Irani mund të ndërhyjë në Ngushticën e Hormuzit – një nga rrugët më të rëndësishme detare për eksportin global të naftës, ku kalon rreth një e pesta e furnizimit botëror.
Ngushtica ndodhet midis Iranit në veri dhe Omanit e Emirateve të Bashkuara Arabe në jug, duke lidhur Gjirin me Detin Arabik. Çdo ndërprerje në këtë rrugë do të kishte ndikim të drejtpërdrejtë në tregjet globale të energjisë.
“Çmimet aktualisht reflektojnë rrezikun fillestar, por ditët në vijim do të jenë vendimtare për të kuptuar drejtimin që mund të marrë ky konflikt,” tha Saul Kavonic nga MST Financial.
Bota
Trump: SHBA nuk mori pjesë në sulmin ndaj Iranit, por ishte në dijeni
Published
2 days agoon
June 13, 2025By
UBTNews
Presienti i Shteteve të Bashkuara, Donald Trump, ka reaguar lidhur me sulmin ajror të Izraelit ndaj Iranit, i ndodhur në orët e para të së premtes.
Trump deklaroi se ishte në dijeni paraprakisht për planet izraelite, por theksoi se ushtria amerikane nuk ka pasur asnjë rol në operacionin ushtarak.
“Irani nuk mund të ketë një bombë bërthamore dhe shpresojmë të kthehemi në tryezën e negociatave. Do ta shohim. Ka disa njerëz në udhëheqje që nuk do të kthehen,” tha Trump për Fox News, duke përmendur se shumë udhëheqës iranianë janë konfirmuar të vrarë në sulm.
Ai shtoi se administrata e tij kishte kontaktuar një aleat kyç të Lindjes së Mesme për ta informuar para ndërhyrjes, por nuk bëri të ditur se për cilin vend konkret bëhej fjalë.

Dua Lipa: “Do të doja shumë të kisha një fëmijë një ditë”, këngëtarja flet për dëshirën për amësi

Shkencëtarët bëjnë paralajmërimin: Mos merrni Ozempic nëse planifikoni shtatzëni!

Studimi: Të kesh një motër përmirëson shëndetin mendor dhe rrit forcën emocionale

Pse Sarah Jessica Parker refuzon të bëjë “selfie” me adhuruesit?

Ky është Volkswageni i ri, do të kushtojë 25,000 euro në Evropë

Çiklizmi ul rrezikun nga demenca

UBT, Akademia e Shkencave të Shqipërisë dhe Fondacioni Musei Civici di Venezia, prezantojnë në Tiranë trashëgiminë e Karl Gegës në një ekspozitë unike

UBT sjell në Tiranë trashëgiminë evropiane të Karl Gegës në bashkëpunim me partnerë prestigjiozë

UBT merr pjesë në konferencën e organizuar nga Binance
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore