Aktualitet

​Maqedonia e Veriut mirëpret kontingjentin e parë të afganëve

Published

4 years ago

on

Grupi parë prej 149 qytetarësh afganë kanë mbërritur në Maqedoninë e Veriut, qytetarë këta të cilët Republika e Maqedonisë Veriore shprehu gatishmërinë për t’i strehuar përkohësisht. Ministri i Punëve të Jashtme të këtij vendi, Bujar Osmani doli për t’i mirëpritur të njëjtit në Aeroportin Ndërkombëtar të Shkupit.

Osmani deklaroi se afganët që tashmë janë në Maqedoninë e Veriut janë punonjës ose bashkëpunëtorë të organizatës ndërkombëtare “Partneriteti i Qeverisë së Hapur” ku Maqedonia e Veriut është anëtare zyrtare, punonjës ose bashkëpunëtorë të Transparency International, Forumit Ekonomik Botëror dhe organizatave të tjera ndërkombëtare, së bashku me familjarët e tyre.

“Sot ka arritur grupi i parë nga 149 qytetarë nga Afganistani për të cilët shteti shprehi gatishmëri që t’ju sigurojë strehim të përkohshëm, këta janë njerëz që kanë punuar në organizata ndërkombëtare të ndryshme, organizata që edhe shteti ynë është anëtar siç është Open Gavement Partnership e tjera me të cilat kemi punuar për 20 vite në Afganistan. Pra këta njerëz janë aleatë tanë me të cilët kemi punuar së bashku, më cilët kemi shpërndarë vlerat tona, njerëz të cilëve sot jo me dëshirën e tyre, kanë të rrezikuar jetën dhe jetët e fëmijëve të tyre, prandaj ne vendosëm t’u dalim në ndihmë kur ata kanë më së shumti nevojë dhe t’ju ofrojmë strehim të përkohshëm”, deklaroi Osmani.

Ministri i Punëve të Jashtme të Maqedonisë së Veriut u shpreh se tashmë është ngritur një trup ndërministror i cili po merret me çështjen e afganëve.

Osmani tha se të gjitha shpenzimet do të hiqen nga Shtetet e Bashkuara dhe organizata të ndryshme dnërkombëtare, por u shpreh se as Maqedonia e Veriut nuk do të kursejë asgjë.

Ndërsa, shefja e Shërbimit Emergjent Mjekësor në Qendrën Shëndetësore të Shkupit, Milica Bubalo, deklaroi se të gjithë të ardhurit nga Afganistani do t’io nënshtrohen testimit për COVID si dhe ata që nuk janë të vaksinuar, nëse duan, mund të vaksinohen në Maqedoninë e Veriut.

“Ministria e Shëndetësisë së bashku me të gjitha me të gjitha institucionet shëndetësore, do t’u ofrojnë të gjitha shërbimet shëndetësore qytetarëve afganë te cilët kanë arritur në vendin tonë. Kështu që në fillim të gjithëve do t’u bëhet testi PCR për COVID-19 dhe do të vërtetohet statusi i tyre në lidhje me vaksinimin dhe nëse shprehin dëshirën për t’u vaksinuar do te vaksinohen, nëse nga testimi del se ndonjëri është i infektuar ata do të karantinohen për 14 ditë”, deklaroi Bubalo.

Ndryshe Maqedonia e Veriut ka pranuar të strehojë 780 qytetarë afganë të cilët kanë bashkëpunuar me Shtetet e Bashkuara të Amerikës si dhe me NATO-n, por që jeta e tyre është rrezikuar pas ardhjes në pushtet të talibanëve. 

Related Topics:
Continue Reading

Bota

Habeck: Politika e tarifave të SHBA-së, e pakuptimtë

Published

37 minutes ago

on

April 7, 2025

By

Ministri gjerman i Ekonomisë në largim, Robert Habeck tha sot se mendimi që qëndron pas politikës së tarifave të presidentit amerikan, Donald Trump është “i pakuptimtë”.

“Supozimi se një suficit ose deficit tregtar ishte një problem është “i gabuar”, tha Habeck, ndërsa mbërriti në një takim urgjent të ministrave të Tregtisë të Bashkimit Evropian, në Luksemburg.

Importet nga vendet e BE-së në SHBA përballen me tarifa të reja prej 20% duke filluar nga e mërkura.

“Në fund të fundit, globalizimi u shërben të gjitha ekonomive”, tha ai, duke shtuar se ekonomia amerikane ishte rritur më shpejt se ekonomitë evropiane në 20 vitet e fundit.

Habeck u bëri thirrje homologëve të tij të BE-së – të veprojnë së bashku dhe të mos përpiqen të sigurojnë kushte të favorshme, individualisht.

Ministri gjerman paralajmëroi gjithashtu për rrezikun ndaj reagimeve të nxituara, duke thënë se BE-ja nuk kishte presion nga koha për të reaguar ndaj raundit të fundit të njoftimeve të tarifave./ATSH/

Continue Reading

Bota

Kreshimir Pahoki nuk ndihet fajtor për masakrën në Daruvar

Published

1 hour ago

on

April 7, 2025

By

Kreshimir Pahoki (51), ish-punonjës i policisë ushtarake, ka deklaruar të hënën në Gjykatën e Qarkut në Bjelovar se nuk është fajtor për vrasjen e gjashtëfishtë dhe plagosjen e disa personave, që dyshohet se ka kryer më 22 korrik 2024 në Shtëpinë e të Moshuarve “Vianey” në Daruvar.

Pahoki, i cili u akuzua për 13 krime të rënda, përfshirë vrasjen e nënës së tij dhe katër krime të tjera të vrasjes së rëndë, ka refuzuar të pranojë akuzat. Ai po përballet me një dënim të mundshëm të gjatë me burg, që mund të shkojë deri në 40 vjet për krimet e tij.

Krimi ndodhi në orët e para të mëngjesit të 22 korrikut 2024, kur Pahoki shkoi në shtëpinë e nënës së tij për të paguar faturën e banesës. Pas një bisede të shkurtër me pronarin e shtëpisë, ai nxori një armë dhe filloi të qëllonte mbi të pranishmit, duke vrarë kujdestarin e shtëpisë, Damir Fijala, nënën e tij dhe tre banorë të tjerë të shtëpisë. Viktima e gjashtë humbi jetën më vonë në spitalin e Viroviticës si pasojë e plagëve të marra.

Në seancën e sotme të gjykatës, Pahoki e ka deklaruar veten të pafajshëm, dhe seanca do të vazhdojë me dëshmitarët dhe ekspertët që do të japin dëshmitë e tyre në ditët e ardhshme. Pahoki është akuzuar për krime të shumta, përfshirë vrasje, tentativë për vrasje, rrezikim të jetës dhe pasurisë, si dhe lëndime të rënda trupore. Sipas aktakuzës, ai mund të përballet me një dënim maksimal deri në 50 vjet burg për krimet e kryera.

Seanca e gjykatës pritet të vazhdojë dhe vendimi përfundimtar do të merret në ditët e ardhshme./UBTNews/

 

Continue Reading

Bota

Gazetari palestinez u dogj i gjallë, Izraeli vazhdon sulmet

Published

2 hours ago

on

April 7, 2025

By

Një gazetar palestinez ka humbur jetën në një sulm ajror izraelit, pasi u përfshi nga zjarri pas shpërthimit të një rakete. Pamjet dramatike tregojnë se gazetari luftoi për të shpëtuar, por nuk arriti të shpëtonte pasi zjarri ishte shumë i fortë. Ai u dogj i gjallë në terrenin që ishte shënjestruar nga forcat izraelite.

Hani Mahmoud i Al Jazeera, i cili po raporton nga qyteti i Gazës, tha se sulmet izraelite vazhduan gjatë natës, duke përfshirë shënjestrimin e ndërtesave të banimit dhe tendave, veçanërisht në Khan Younis dhe Gaza Qendrore. Ai theksoi se një numër raketash ishin hedhur në drejtim të Izraelit nga Gaza, pas të cilave forcat izraelite intensifikuan sulmet e tyre.

Një ndër sulmet më të rënda ka përfshirë një tendë pranë kompleksit spitalor Nasser në Khan Younis, ku strehoheshin gazetarët. Pamjet e tmerrshme treguan një gazetar të përfshirë nga flakët, pasi raketa izraelite kishte shpërthyer pranë tij, duke e bërë të pamundur shpëtimin.

Pavarësisht këtyre tmerreve dhe humbjeve tragjike, Mahmoud raportoi se ushtria izraelite vazhdoi pa ndalur sulmet ajrore, duke përshkallëzuar gjithnjë e më shumë dhunën dhe shkatërrimin në Gaza.

Continue Reading

Bota

Irani vendos ushtrinë në gatishmëri luftarake

Published

2 hours ago

on

April 7, 2025

By

Udhëheqësi suprem i Iranit, Ayatollah Ali Khamenei e ka vënë ushtrinë iraniane në gatishmëri të plotë mes kërkesave të SHBA-se për negociata me Republiken Islame për marrëveshjen bërthamore, njoftoi “Al Arabiya”.

“Ndërsa Republika Islamike ka refuzuar kërkesën e presidentit amerikan, Donald Trump për negociata të drejtpërdrejta, ajo ka kërkuar të vazhdojë bisedimet indirekte përmes Oman”, tha një zyrtar për “Reuters” në kushte anonimiteti.

“Irani po zmbrapset ndaj kërkesave të SHBA-së për të negociuar drejtpërdrejt mbi programin e tij bërthamor ose në të kundërt do të ketë bombardime – duke paralajmëruar fqinjët që strehojnë bazat amerikane se ata mund të jenë në vijën e zjarrit nëse përfshihen”, tha një zyrtar i lartë iranian.

“Bisedimet indirekte ofrojnë një shans për të vlerësuar seriozitetin e Uashingtonit për një zgjidhje politike me Iranin”, tha zyrtari./ATSH/

Continue Reading

Të kërkuara