Aktualitet

​Maqedonia e Veriut mirëpret kontingjentin e parë të afganëve

Published

on

Grupi parë prej 149 qytetarësh afganë kanë mbërritur në Maqedoninë e Veriut, qytetarë këta të cilët Republika e Maqedonisë Veriore shprehu gatishmërinë për t’i strehuar përkohësisht. Ministri i Punëve të Jashtme të këtij vendi, Bujar Osmani doli për t’i mirëpritur të njëjtit në Aeroportin Ndërkombëtar të Shkupit.

Osmani deklaroi se afganët që tashmë janë në Maqedoninë e Veriut janë punonjës ose bashkëpunëtorë të organizatës ndërkombëtare “Partneriteti i Qeverisë së Hapur” ku Maqedonia e Veriut është anëtare zyrtare, punonjës ose bashkëpunëtorë të Transparency International, Forumit Ekonomik Botëror dhe organizatave të tjera ndërkombëtare, së bashku me familjarët e tyre.

“Sot ka arritur grupi i parë nga 149 qytetarë nga Afganistani për të cilët shteti shprehi gatishmëri që t’ju sigurojë strehim të përkohshëm, këta janë njerëz që kanë punuar në organizata ndërkombëtare të ndryshme, organizata që edhe shteti ynë është anëtar siç është Open Gavement Partnership e tjera me të cilat kemi punuar për 20 vite në Afganistan. Pra këta njerëz janë aleatë tanë me të cilët kemi punuar së bashku, më cilët kemi shpërndarë vlerat tona, njerëz të cilëve sot jo me dëshirën e tyre, kanë të rrezikuar jetën dhe jetët e fëmijëve të tyre, prandaj ne vendosëm t’u dalim në ndihmë kur ata kanë më së shumti nevojë dhe t’ju ofrojmë strehim të përkohshëm”, deklaroi Osmani.

Ministri i Punëve të Jashtme të Maqedonisë së Veriut u shpreh se tashmë është ngritur një trup ndërministror i cili po merret me çështjen e afganëve.

Osmani tha se të gjitha shpenzimet do të hiqen nga Shtetet e Bashkuara dhe organizata të ndryshme dnërkombëtare, por u shpreh se as Maqedonia e Veriut nuk do të kursejë asgjë.

Ndërsa, shefja e Shërbimit Emergjent Mjekësor në Qendrën Shëndetësore të Shkupit, Milica Bubalo, deklaroi se të gjithë të ardhurit nga Afganistani do t’io nënshtrohen testimit për COVID si dhe ata që nuk janë të vaksinuar, nëse duan, mund të vaksinohen në Maqedoninë e Veriut.

“Ministria e Shëndetësisë së bashku me të gjitha me të gjitha institucionet shëndetësore, do t’u ofrojnë të gjitha shërbimet shëndetësore qytetarëve afganë te cilët kanë arritur në vendin tonë. Kështu që në fillim të gjithëve do t’u bëhet testi PCR për COVID-19 dhe do të vërtetohet statusi i tyre në lidhje me vaksinimin dhe nëse shprehin dëshirën për t’u vaksinuar do te vaksinohen, nëse nga testimi del se ndonjëri është i infektuar ata do të karantinohen për 14 ditë”, deklaroi Bubalo.

Ndryshe Maqedonia e Veriut ka pranuar të strehojë 780 qytetarë afganë të cilët kanë bashkëpunuar me Shtetet e Bashkuara të Amerikës si dhe me NATO-n, por që jeta e tyre është rrezikuar pas ardhjes në pushtet të talibanëve. 

Aktualitet

Studentja e UBT-së, Dorentina Zogu prezanton hulumtimin shkencor në Kongresin e Parë Klinik të Kirurgëve Shqiptarë

Published

on

Studentja e programit Master në UBT, Dorentina Zogu, njëkohësisht profesioniste shëndetësore në Qendrën Klinike Universitare të Kosovës – Pediatri, mori pjesë në Kongresin e Parë Klinik të Kirurgëve Shqiptarë, i cili u mbajt për herë të parë në Kosovë më 25–27 shtator 2025.

Në këtë ngjarje shkencore, Dorentina pati rastin të prezantojë hulumtimin e saj me temë: “Standardizing Medical Procedures to Enhance the Quality of Student Clinical Practice in Kosovo”.

Qëllimi i hulumtimit ishte të theksonte rëndësinë e standardizimit të procedurave mjekësore si bazë për zhvillimin e një praktike klinike më cilësore për studentët e mjekësisë në Kosovë, duke u harmonizuar me standardet ndërkombëtare.

Pikat kryesore të gjetjeve ishin:

  • Standardizimi rrit cilësinë e edukimit klinik;
  • Përmirëson sigurinë e pacientëve;
  • Forcon përgatitjen profesionale të mjekëve të ardhshëm.

Kongresi mblodhi mbi 300 prezantime shkencore dhe 235 ligjërues, prej të cilëve 70 ndërkombëtarë, duke e shndërruar Kosovën për tri ditë rresht në qendër të dijes dhe inovacionit kirurgjik.

Ky hulumtim përfaqëson një hap të rëndësishëm drejt avancimit të edukimit mjekësor dhe sistemit shëndetësor në vend, duke dëshmuar njëkohësisht rolin e UBT-së në fuqizimin e shkencës dhe të profesionistëve të rinj shëndetësorë.

Continue Reading

Aktualitet

​Kurti për pezullimin e Dialogut të planifikuar Strategjik me SHBA-në: S’mund të bëj kompromise me sundimin e ligjit në veri

Published

on

Kryeministri në detyrë i Kosovës, Albin Kurti, gjatë qëndrimit në Shtetet e Bashkuara tha se arsyeja pse Uashingtoni ka pezulluar Dialogun e planifikuar Strategjik me Kosovës ka të bëjë me mbylljen e strukturave serbe në veriun e Kosovës, të banuar me shumicë serbe.

I pyetur i të sqaronte arsyen e vendimit të kumtuar nga SHBA-ja, Kurti tha se ai nuk mund të bëjë kompromise me sundimin e ligjit.

“Arsyeja e pezullimit të Dialogut të planifikuar Strategjik është për shkak të sundimit të ligjit në veri të Kosovës, i cili rezultoi të ishte kundër strukturave ilegale serbe dhe këtu nuk mund të bëj kompromise. Nuk mund t’ia lë këtë problem brezit tuaj. Mendoj që brezi im është ai që duhet ta përfundojë këtë”, tha Kurti.

Kurti tha se raporti Kosovë-SHBA është tridimensional: mbrojtje, zhvillim dhe diplomaci.

Përderisa në dy shtyllat e para tha se nuk ka probleme, sa i përket diplomacisë, sipas tij ka pengesa.

“Aty ku kemi disa pengesa është në diplomaci, sepse sipas meje, SHBA-ja e konsideron shumë të rëndësishme që ta tërheqë Serbinë nga hemisfera lindore sepse Serbia është e lidhur ngushtë me Moskën dhe ne, duke qenë të palëkundur në sundimin e ligjit, demokracinë, sovranitetin shtetëror dhe integritetin territorial, disa politikanë dhe diplomatë në SHBA vlerësojnë se ne nuk po e ndihmojmë SHBA-në që ta shkëpusë Serbinë nga Federata Ruse. Por, sinqerisht, ky nuk duhet të jetë problemi im”, tha Kurti, duke shtuar se ai përfaqëson interesat e Kosovës.

Më 12 shtator, Ambasada amerikane e arsyetoi vendimin për pezullimin e Dialogut me veprimet e Qeverisë në detyrë dhe me rritjen e tensioneve dhe paqëndrueshmërisë në vend.

Përmes një njoftimi, Ambasada amerikane në Kosovës tha se veprimet e Qeverisë së udhëhequr nga kryeministri në detyrë, Albin Kurti, kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Kurti në SHBA tha se ai nuk është kryeministër që i thotë Policisë së Kosovës të mos e arrestojë një kriminel serb të kapur në flagrancë, sepse ky veprim mund të dënohet nga Brukseli dhe Uashingtoni./S.K/KP/

 

Continue Reading

Aktualitet

​Plani “Mbrojtja e Pyjeve”, policia sekuestron gashtë kamionë me dru në Ferizaj

Published

on

Në kuadër të zbatimit të planit operativ “Mbrojtja e Pyjeve 2025”, njësitë policore të stacionit policor në Ferizaj, në fshatin Dardani, kanë realizuar një aksion kontrollues, gjatë të cilit janë ndaluar 6 automjete (kamionë) me targa vendore që transportonin dru.

Sipas njoftimit të policisë, gjatë kontrollit është konstatuar se shoferët e këtyre automjeteve transportonin lëndë drusore pa dokumentacionin e nevojshëm.

Automjetet dhe lënda drunore janë sekuestruar, ndërsa për procedurat e mëtejme ligjore janë njoftuar zyrtarët e pylltarisë.

Më tej thuhet se Policia Rajonale e Ferizajt, në bashkëpunim me zyrtarët e pylltarisë, do të vazhdojë angazhimin në parandalimin dhe luftimin e prerjes dhe transportit të paligjshëm të drunjve.

Njëkohësisht, ata thanë se ftojnë qytetarët të bashkëpunojnë me policinë duke raportuar rastet përmes aplikacionit “Lajmëro Policinë”./S.K/KP/

Continue Reading

Aktualitet

Java nis me mot të paqëndrueshëm

Published

on

Sipas parashikimeve meteorologjike, moti këtë javë do të karakterizohet nga intervale me diell dhe vranësira të shpërndara.

Duke filluar nga dita e enjte, priten edhe riga të herëpashershme shiu.

Temperaturat minimale sot do të sillen nga 5 deri në 9°C, ndërsa ato maksimale do të arrijnë nga 15 deri në 18°C.

Era do të fryjë kryesisht nga drejtimi i jugperëndimit, me intensitet të lehtë deri mesatar.

Continue Reading

Të kërkuara